Ka Leo o ka Lahui, Volume II, Number 620, 11 January 1893 — Page 2
| This text was transcribed by: | Melissa Eskaran |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA
Ua hokohu ia A. S. Kaehu i keia la, i Komisina no na Pa no ka Apana o Kohala, Akau Mokupuni o Hawaii.
Eia me keia iho ka Papa:
Roft. Hind Jr.
H. L. Holstien
A. S. Kaehu
G. N. WILCOX
Kuhina Kalaiaina
Keena Kalaiaina Jan. 4, 1893
jan5 3tsd
Ua hookohuia o Mr.Z. P. Kalokuokamaile, i keia la i Noteri no ka Lehulehu no ka Apana Hookolokolo Kaapuni Ekolu o ke Aupuni.
G. N. WILCOX
Kuhina Kalaiaina
Keena Kalaiaina, Dec. 19, 1892
dec22 3tsd
KUAI O KA AINA AUPUNI I
KAPAIA O LAULA, KONA
AKAU, HAWAII
Ma ka Poalua, Iulai 10, 1893, ma ka hora 12 awakea, ma ke alo o ka Hale Aliionalani, e kuai kudala ia ai ka aina aupuni o “Laula” ma Holualoa Elua, Kona Akau, Hawaii nona ka ili o 38 2-10 eka oi iki aku a emi iki mai paha.
UKU HOOKUMU $100
G. N. WILCOX
Kuhina Kalaiaina
Keena Kalaiaina Dec. 12,1892
dec13 3ts
I kulike ai me ka Pauku 2 o ka Mokuna XXXV o na Kanawai o 1888, ua hookohu au i keia la ia Mr. Aarona, i Luna Pa Aupuni no ka Pa Aupuni ma Makanalua, Kahua Mai Lepera, Molokai.
G. N. WILCOX
Kuhina Kalaiaina
Keena Kalaiaina, Dec. 5, 1892
dec12 3ts
I kulike ai me ka Pauku 1 o ka Mokuna XXXV o na Kanawai o 1888, ua hookaawale au i kekahi pa no ka hoopaa ana i na holoholona helehewa ma ke Kahua Mai Lepera, Molokai, maluna o kekahi apana e waiho kokoke la i ka Ilia Kupapau o Makanalua, Molokai.
G. N. WILCOX
Kuhina Kalaiaina
Keena Kalaiaina, Dec. 5, 1892
dec12 3ts
Ua hookohuia o Chas. T. Gulick i Komisina o na Palapala Hoopaa no ka Paeaina Hawaii ma kahi o Jonathan Austin i make.
G. N. WILCOX
Kuhina Kalaiaina
Keena Kalaiaina, Dec. 8, 1892
dec12 3ts
I keia la, ua hookoauia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.
G. N. WILCOX
Kuhina Kalaiaina
dec5 3tsd
O ka poe apau he mau hao kuni ko lakau, e paa nei ma ka buke Aupuni, i kui ke ka wai, ke kauoha io aku nei lakou, e hele a e ma ke Keena o ke Kuhiua kalaiaina, mai keia manawa aku, a hiki i ka la1o Iulai, 1893, a ma na mokupuni eae, ma ke Keena o ka Makai Nui, no ke kope hou ana i na inoa.
G. N. WILCOX
Kuhina Kalaiaina
Keena Kalaiaina, Dec. 2, 1892
dec5 3tsd-dly
I keia la ua hookonu ia aku o Mr. Lyon K. Kakani, i Luna Pa Aupuni, no ka Pa Aupuni o Hana, Mokupuni o Maui i hope no C. Pololu i waiho mai.
G. N. WILCOX
Kuhina Kalaiaina
Keena Kalaiaina, Nov. 30, 1892
dec5 3ts-dly
I keia la, ua hookohu ia aku o S. W. Kekuewa Esq. i Notari no ka lehulehu, no ka Mahele Ekolu o ke Aupuni Hawaii.
G. N. WILCOX
Kuhina Kalaiaina
Keena Kalaiaina, Nov. 30, 1892
dec5 3ts-dly
I keia la, ua hookohu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.
G. N. WILCOX
Kuhina Kalaiaina
Keena Kalaiaina, Nov. 30, 1892
dec5 3ts-dly
I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. McIntosh i make.
G. N. WILCOX
Kuhina Kalaiaina
Keena Kalaiaina, Dec. 1, 1892
dec2 3tsd
U hookohu ia o J. H. Barenaba i keia la i Comisina no na Pa no Apana o Koolaupoko Mokupuni o Oahu.
A penei iho ka Papa.
Wnm. H. Lowell, Awa, J. H. Barenaba.
G. N. WILCOX
Kuhina Kalaiaina
Keena Kalaiaina, Dec. 30, 1892
3ts-dly
I keia la, ua hookohuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokahiki i waiho mai.
G. N. WILCOX
Kuhina Kalaiaina
Keena Kalaiaina, Nov. 30, 1892
dec5 3tsd
Ua hookohuia o Mr. Wm. H. Lowell a me Mr. Awa, i keia la, i mau Komisina o na Pa no ka Apana o Koolaupoko, Mokupuni o Oahu.
Eia me keia iho ka Papa:
G. Barenaba
Wm H. Lowell
Awa
G. N. WILCOX
Kuhina Kalaiaina
Keena Kalaiaina, Dec. 19, 1892
dec22 3tsd
Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.
G. N. WILCOX
Kuhina Kalaiaina
Keena Kalaiaina
Honolulu, Dec. 9, 1892 3ts-dly
KA LEO O KA LAHUI
JNO. E. BUSH
Lunahooponopono a me Puuku
POAKOLU, IANUARI 11, 1893
HE MEA HAOHAO
He mea haohao i na hoa hanohano o ka Hale Ahaolelo a me ka lehulehu e nana mai ana ka lohe ana i ka leo o ke alii Kakina, e noi ana me ka pupuahulu e hoopanee ka Hale a hiki i ke kakahiaka Poalima. Aka, malalo o na hoopaapaa ana, ua noi mai ke Kuhina o ko na Aina E, e hoopanee a noho hou ma ke kakahiaka onehinei.
O keia mau hana a ke alii Kaki na i noi ai, ua manao makou aole he maikai, oiai hoi, he nui no na hana i koe, aka makemake oia e umiapuaa ia mau hana.
Oiai hoi, ua kau ka weli i ka lono ia ana ae, ua makemake ka Mana Hooko e kaiehu aku i keia Aha Kuhina. Oiai hoi, ua haki kekahi wawae o ka noho i ka Loio Kuhina. Ea o ka hopena ia o na hana eepa, he hoopakaawili wale ia no.
I nui ke aho no kou lahui o ke alii Aimoku.
HEPONO E KAKAU LA
E ka Moiwahine Liliuokalani, ka mea hoi nana e hoomalu ana i ka lahui kanaka, a me kana hooponopono ana, aia imua ou ka bila kanawai Opiuma, a kou Ahaolelo Hanohano i hooholo ai, a o ka mea wale no i koa o kou pulima e ke alii, a kau iho, a lilo i kanawai, a i ole e aua malie no oe a hala na la he umi, alaila hoihoi ae, oia nani okoa no hoi ia.
Ke kamailio nei makou i keia no ko makou lohe ana he nui na wahine mikanele i komo aku iloko o kou Halealii e olelo ai aole oe e ke alii e kakau inoa i ua bila la. Nolaila e ka makua o keia lahui, e hoike i kou manao kuokoa, oiai hoi o na pai ana o kela a me keia ano ia oe e ke alii, he pai make ia.
Nolaila, e hana oe e like me kou mana malalo o ke kumukanawai alunu a keia pohai i haku ai.
Na ke Akua no e kokua mai.
Heaha ka mea i kukule ai?
Ma ka makou nakilo ana i ka Aha Kuhina e ku nei i keia wa, mai ko lakou komo ana mai i ka Aha Kuhina a hiki i ka Poakahi nei, he eleu mau na hoa o ka Aha Kuhina, a o ka oi aku nae o ke Kuhina Waiwai. Aka, i ka Poalua nei, ua ike ia aku ko lakou hakanu a nanaina haikea hoi.
Ma ia mea ua komo iloko o makou ka haoaho me ka ninau iho heaha la hoi ka mea i kukule ai kaAha Kuhina, no ka loaa ana mai i ka Ihe kumaki a ke Alii Aimoku, oia paha ke kumu i kuhau ai, i na pela io, e hooko aku ka laau lapaau e pau ai ka nalulu o ka opu, a me ke nahu o ka lolo. Ua ho ike mai ka Baibala i keia mau huaolelo moakaka penei:
O ka mea hoole i ke Alii, ua hoole ia i ka ke Akua, ina pela io, alaila, he pono ke hooko ia ka leo o ke alii, i kauoha mai ai ia oukou e hoihoi aku i na hookohu Oihana Kuhina, mai hoopanee, o make auanei, wahi a Solomona.
AHAOLELO O 1892
Auina La
Marsden, noi e hoomoe ma ka papa aponoia.
Bila 232, holo no ke kakaupoepoe.
Bila 144, hoololi pauku 59 o ke Ku@ukanawai , moe ma ka papa.
Bila 220, waihoia ma ka papa.
Bila 219 hooholo loa ia.
Bila 207, kapaeia na pauku 1,2,3,4,5,7,9, mailoko aku o ka bila.
Pauku 6 kapaia pauku 1A holo.
Pauku 8 kapaia pauku 2A holo.
Pauku 10 kapaia pauku 3A holo.
Holo no ke kakaupoepoe.
Bila 239, e hookaawale hou ana i puu dala no na lilo o ke kau o.
Helluhelu mai ke Komite Wae no ka olelo hooholo a Wilikoki no ke alawai oki o Fanama, Nigaragua ka uwea olelo a me ke awa o Puuloa.
Heluhelu mai o Kamika he olelo hooholo,, e kakoo ana i ka hoike a ke Komite Wae, me ka hoike pu ana i ka inoa o na Komisina.
Noi ka Loio Kuhina, e aponoia ka olelo hooholo, a e hoololiia i 8 lala o kuia Komite.
Bila 237, e pili ana no kekahi mokuahi lawe leta, ukana, a me na ohua mawaena o Honolulu, a me ke awa o Oregona, Wasinetona, a me Beritania Kolumebia Hoouanee loa ia.
Hoopanee ka Hale
LA HANA 164
Poalima 6, 1892
Halawai ka hale elike me ka mau.
Komite Hookolokolo
Heluhelu mai o Peterson he hoike e pili ana i na palapala haihewa e aponoia, aponoia ke hoike.
Kapae ia na rula, heluhelu elua ia ka bila, haawiia ia ka bila no ke kakau poe poe.
Na Olelo Hooholo
Noonoo ana o ka Olelo Hooholo a Hon. W. O. Smith, ua nui ka hoopapa o na hoa no keia bila a hiki i ka hoomaha ana i ke awakea.
Auina La
Hoomaka hou ka Hale i ka olelo hooholo, noi mai o D. W. Pua e kapae ia ka rula 77, ua aponoia.
Noi mai o Marsden, e hoololi ia ka Olelo Hooholo, no ka Moiwahine e koho, me ka apono ana o ka Aha Kuhina. Nui hou ka hoopaapaa o na hoa, ua aponoia ka hoololi.
Heluhelu mai ke Komite Hookolokolo i ka bila 208, aponoia ka hoololi.
Heluhelu ekolu ana o ka bila 241 hooholoia.
Heluhelu ekolu ana o ka bila 67, hooholo loa ia.
Hoopanee ka hale.
LA HANA 165
Ianuari 7, 1892
Halawai ka hale elike me ka mea maa mau.
Komite Mau
Komite Hoonaauao, no ka palapala hoopii helu 475, e waiho ma ka papa.
Noi o White e haawi i ka Papa Hoonaauao.
Heluhelu mai o Marsden he olelo hooholo e koho ka Peresidena i 5 lala o ke Komite, e hele aku a hoike i ka Moi e hookuu ana ka Ahaolelo i ka Poalua, Ianuari ia 10.
Lilo ka hale i ka hoopaapaa ana, a i ka ninau ana, ua holo elike me ka hoololi a ka Luna o Waialua.
Kohoia na Komite, Nawahi, Wm. White, Baldwin, McBryde a me Kauhi.
Na Hana o ka La
Heluhelu 3 o ka bila 235, holo.
Heluhelu 3 o ka bila 233, holo.
Heluhelu 3 ana o ka bila 218, 211, 231, 242 a me 232, holo loa.
Heluhelu 2 o ka bila 236, holo a haawi ia no ke kakau poepoe.
Heluhelu 2 o ka bila 234, haawi ia i ke Komite o na Hana Hou.
Heluhelu 2 o ka bila 239, holo.
Hoike a ke Komite no ka bila 76 me 125, haawiia a pai.