Ka Leo o ka Lahui, Volume II, Number 618, 9 January 1893 — Page 3
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
=======================
Na hana o ka La.
Heluhelu ekolu o ka bila 223, a ua hooholo loa ia.
Heluhelu ekolu ana o ka bilu 240, hooholo loa ia me ka hoololi.
Bila 235, lilo ka hale i ka hoopaapaa a holo ka pauku i elike me ka bila.
Pauku 2 holo me ka hoololi.
Pauku 3 - 8 hooholoia, a haawiia no ke kakaaupoepoe.
Heluhelu elua o ka bila 233, a holo, haawii no ke kakaupoepoe.
Bila 218, holo, kakaupoepoe.
Bila 231, holo no ke kakaupoepoe.
Hoike a ke Komite Ola no ka palapala hoopii 177.
Hoolaha mai ke Kuhina o ko na Aina E he bila kanawai hou no na eemoku Pake.
Heluhelu ekahi a elua ia, a hooholo ia no ka kakaupoepoe.
Heluhelu mai o Kamika he olelo hooholo e kohoia i 5 lala e hoike aku i ka Moiwahine e pau ana ka Ahaolelo i ka Poalua ae nei.
Awakea hoomaha ka hale.
Auina La.
Marsden, noi e hoomoe ma ka papa, aponoia.
Bila 232, holo no ke kakaupoepoe.
Bila 144, hoololi pauku 59 o ke Kumukanawai, moe ma ka papa.
Bila 220, waihoia ma ka papa.
Bila 219 hooholo loa ia.
Bila 207, kapaeia na pauku 1, 2, 3, 4, 5, 7, 9, mailoko aku o ka bila.
Pauku 6 kapaia pauku 1A holo.
" 8 2A "
" 10 3A "
" 4 "
Holo no ke kakau poepoe.
Bila 239, e hookaawale hou ana i puu dala no na lilo o ke kau o
Heluhelu mai ke Komite Wae no ka olelo hooolo a Wilikoki no ke alawai oki o Panama, Nigaragua ka uwea olelo a me ke awa o Puuloa.
Heluhelu mai o Kamika he olelo hooholo, e kakoo ana i ka hoike a ke Komite Wae, me ka hoike pu ana i ka inoa o na Komisina.
Noi ka Loio Kuhina, e aponoia ka olelo hooholo, a e hoololiia i 3 lala o keia Komite.
Bile 237, e pili ana no kekahi makuahi lawe leta, ukana a me pa ohua mawaena o Honolulu, a me ke awa o Oregona,m Wasinetona, a me Beritania Kolumebia. Hoopanee loa ia.
Hoopanee ka Hale.
--o--
Ua eha oe! Pela paha!
--o--
I keia la e auana aku ai kekahi mau mokuahl holo piliaina, no ka imiimi wahi o ana no ko lakou mau haku.
==========================
NU HOU KULOKO.
-
Ahaolelo ko keia kakahiaka, hora 9.
--o-
[pointing finger] I na Luna lawe pepa o KA LEO, ke hai ia aku nei ka lohe ia oukou a pau, e hoihoi mai i keia mau helu 570, 580, 585, 586, 590, 594 me 595, ina he koena koe ma ko oukou lima.
MA KE KAUOHA.
--o--
He Malulani ko ka la apopo no Maui a me Hawaii, e hoomanao i leta na ke aloha.
--o--
O ka la hope o keia mahina, e li ia ai kela Iapana pepehi kanaka maloko o ka halepaahao o Kawa.
--o--
Ua hoi hou mai nei na la hoopumehana oke kulanakauhale nei, a ke hoowikani nei i na ohuku lepo o na alanui me he papaakea la.
--o--
He mau po huihui iniki ili keia o ke kuluaumoe, me he iniki welawela la na ka ipo, ka oe'oe i ke kumu o ka hana.
--o--
He Kinau ko ka la apopo a ia la iho, a ma ona la e loe ia mai ai ka lono e pili ana no ka hookolokolo o kela hihia pepehi kanaka o Kona.
--o--
I ka Poaha ae nei e hookuuia ai keia Ahaolelo loihi, nona na la hana i heluia ka nui he 169; a nona hoi na hua pelehu i hanau iho nei ma kahi o ka ekolu miliona a oi. O na hoemi lilo i upu ia, he hoomahuahua ma ia wahi. Pono ka manaolana.
--o--
He wahi haunaele kuloko ka Kawaipao ma i ulele iho ai i ke anoano molehulehu o ka Poalima nie, o ke kumu i iniki alualu ia ka nuku o ka huewai nuku pueo, a e ole e uwao ia, e I-o ka lunakanawai, ina ua pa ka lae ika pohaku a ke kanaka, a nona keia lei e mele ia nei:
E Iolana, e Alana, E Alama.
Ua hewa au i ka pao ana i ka huewai a ke aloha!
===========================
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1892.
NA KAA
*
AM AM PM PM
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Heaiele ia " 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHAE MOMI IHO.
Haalele ia Honolulu 5:10|| P.M.
Hiki i Kulanakauhale Momi 5:48||
Haalele ia " " 6:55* A.M.
+ Poaono wale no
* Koe ka Lapule
|| Koe ka Poaono
Sept. 28 tf-dly.
================================================================================
[three columns wide]
Aole keia he Mau Hana Hoohoka!
-:AKA HE MAU:-
WAIWAI HOU WALE NO, AOLE I POPOPO
-:E LOAA NO:-
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
-
O na Waiwai Hou Wale no ko ko Makou Halekuai
Aole o na Apa Lole Popopo a Kahiko!
Aole a makou mau hana hoopuunipuni; aole a makou manuu ekaeka, oia hoi, aole omakou paali aku i na apa lole kahiko i kumu e loaa ai he puka ma ko makou aoao, aka, haawi aku makou ina waiwai hou loa no ko makou mau makamaka a me na hoaloha, no ke
Kumukuai Emi Haalele Loa, e loaa ole ai Kona Lua ke Ukali ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou haleukai nei he mau lako hou o
Apa Keokeo, na Lako Kalakoa a me na Kinihama,
A ke kuai aku nei makou ma ke kumu lilo,no ka mea na makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU. He mea pono e ike ko makou makamaika a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinihiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou helakuai me ka kumukuai na mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a mne na hoaloha, o ka po@o, pololei, kaulike, ko mkkou moto, a aole o na hana poholalo a mamua o ko oukou hele ana aku i kekahi halekuai e aku, e kipa mua mai ma ko makou halekuai. E kiloi mua. E nana. E lolelole. E hooia no oukou iho.
--:N. S. SACHS:--
575-tfd 104 Alanui Papu, Honolulu.
============================================
He Kuai Hoopau Nui
MA KA
HEIAU O NA PAIKINI!
--
No Keia wahi Pule Hookahi Wale iho no!
-
A HE OIAIO
E Kuai pau aku ana ka Makou mau LOLE KEOKEO a pau, oia hoi
Na Lilina, na Kalakoa a me na Lole Kilikia me na Huluhulu
Na Kinamu a me na Lole Nani onaano a Pau.
-
[pointing finger] E pau ana i keia P@le no ke Kumukuai hiki ole ke manaoia no ke emi loa. E hoomanao o na Lede i keia kuai kamahao e panee ia aku nei imua o oukou.
575-tfd. S. EHRLICH, Ka Heiau na Paikini.