Ka Leo o ka Lahui, Volume II, Number 618, 9 Ianuali 1893 — Page 2
| This text was transcribed by: | Ruth Iwata |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
Ua hookohu ia o A. S. Kaehu i keia la, i Komisina no na Pa no ka Apana o Kohala, Akau Mokupuni o Hawaii.
Eia me keia iho ka Papa:
Roft. Hind Jr.
H. L Holstien.
A. S. Kaehu.
G. N. WILCOX
Kuhina Kalaiaina.
Keena Kalaiaina Jan. 4 1893.
jan5 3tsd.
Ua hookohuia o Mr. Z. P. Kalokuokamaile, i keia la i Noteri no ka hehulehu no ka Apana Hookokoholo Kaapuni Ekolu o ke Aupuni.
G. N. WILCOX,
Kuhina Kalaiaina.
Kaena Kalaiaina, Dec. 19, 1892.
dec22 3tsd.
KUAI O KA AINA AUPUNI I KAPAIA O LAULA, KONA AKAU, HAWAII.
Ma ka Poalua, Iulai 10, 1893, ma oka hora 12 awakea, ma ke alo o ka Hale Aliiolani, e kuai kudala ia ai ka aina aupuni o "Laula" ma Holualoa Elua, Kona Akau, Hawaii, nona ka ilio 38 2-10 eka oi aki aku a emi iki mai paha.
UKU HOOKUMU @100
G. N. WILCOX.
Kuhina Kalaiaina.
Keena Kalaiaina Dec. 12, 1892. dec133ts.
I kulike ai me ka Pauku 2. ka Mekuna XXXV o ma Kanawai o 1888, ua hookohu au i keia la ki Mr. Aaarona @Puna Pa Aupuni no ka Pa Aupuni ma Makanalua, Kaona Mai Lepera Molokai.
G. N. WILCOX.
Kuhina Kalaiaina.
Keena Kalaiaina, Dec. 8, 1892.
dec12 3ts.
I kulike ai me ka Pauku i o ka Mekuna XXXV o na Kanawai i o ka Mokuna XXXV o na Kanawai o 1888, ua hookaawale au i kekahi pa no ka hoopaa ana i na holoholona helehewa ma ke Kahua Mai Lepera, Molokai, maluna o kekahi apana o waiho kokoke la i ka Ilina Kupapau o Makanalua, Molokai.
G. N. WILCOX.
Kuhina Kalaiaina.
Keena Kalaiaina, Dec. 5, 1892.
dec12 3ts.
Ua hookohuia o Chas. T. Gulick Komiaina o na Palapala Hoopaa mae ka Paeaina Hawaii ma kahi o Jonathan Austin i make.
G. N. WILCOX,
Kuhina Kalaiaina.
Kaena Kaliaina, Dec 8, 1892.
dec12 3ts.
I keia la, ua hookoauia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.
G. N. WILCOX,
Kuhina Kaliaina.
dec5 3tsd.
O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e heie a e ma ke Keena o ke Kuhiua kalaiaina, mai keia mahawa aku, a hiki i ka la i o Iulai 1893, a ma na mokupani eae. ma ke Keena o ka Makai Nui. no ke kope hou ana i na inoa.
G. N. WILCOX.
Kuhina Kalaiaina.
Keena Kaliaina. Dec. 2, 1892.
dec5 3tsd-dly.
I keia la, ua hookonu ia aku o Mr. Ivon K. Kakani, i Luna Pa Aupuni, no ka Pa Aupuni o Hana, Mokupuni o Maui i hope no C. Pololu, i waiho mai.
G. N. WILCOX.
Kuhina Kalaiaina
Keena Kalaiaina, Nov 30, 1892.
dec 3ts-dly.
I keia la, ua hookohu ia aku o S. W. Kekuewa Esa i Notari no ka lehulehu, no ka Mahele Ekolu o ke Aupuni Hawaii.
G. N. Wilcox.
Kuhina Kalaiaina
Keena Kalaiaina, Nov 30, 1892.
dec5 3ts-dly.
I keia la, ua hookhu ia aku o Mr. Moses Papiakea, i Luna Pa Aupuni, no ka Pa Aupuni o Huelo, Mo. kupuni o Maui, i hope no K. Honokaupu i waiho mai.
G. N. Wilcox.
Kuhina Kalaiana.
Keena Kalaiana, Nov 30, 1892.
dec5 3ts-dly
I keia la, ua hookohu ia aku o William E. Rowell, i Luna Noi ao na Hana Hou, he hope ma kahi Henry W. McIntosh i make.
G. N. WILCOX,
Kuhina Kalaiaina.
Keena Kalaiaina, Dec 8, 1892.
dec2 3tsd.
U hookohu ia o J. H. Barenabe i keia la i Comisina no na Pa no Apana o Koolaupoko Mokuauni e Oahu.
A peinei iho ka Papa.
Wm. Holowell, Awa, J. H. Barenaba.
G. N. WICOX.
Kuhina Kalaiaina
Keelia Kalaiaina. Dec 30 1892
3tsd-dly.
I lakou la, ua hookohuae aku o Keoki Kineokeo i hoa no ka Papa Alanui, no ka Apana Koho o Kau, Mokupuhi o Haweia i penibakahaka ma kahi o G. W. Kaholokahiki i waiho mai.
G. N. WILCOX
Kuhina Kalaiaina
Keena Kalaiaina, Nov 30 1893
dec5 3tsd
Ua hookohuia o Mr. Wm H. Lowell a me Mr. Awa, i keia la i mau Komiaina o na Pa no ka Apana o Koolaupoko, Mokupuni o Oahu.
Eia me keia iho ka Papa
G. Barenaba,
Wm. H. Lowell,
Awa.
G. N. WILCOX.
Kuhina Kalaiaina.
Keena Kalaiaina, Dec. 19, 1892.
dec22 3tsd.
Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26, 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.
G. N. WILCOX
Kuhina Kalaiaina
Keona Kalaiaina.
Honolulu, Dec 9, 1892. 3ts-dly.
KA LEO O KA LAHUI.
JNO. E. BUSH.
Lunahooponopono a me Puuku.
POAKAHI, IANUARI 9, 1893.
E HOOKUU ANA.
Ma ka Poaha e hiki mai ana Ianuari 12, hora 12 M. o ke Awakea, e hookuu ai ka Ahaoleio, o keia ka mea i hooholo ia ma ka olelo Hooholo i ka Poaono nei. O ka olele hooholo, na ke alii Madena no ia o Hamakua, ua olelo ia nae ma ia olelo Hooholo, i ka la apopo no e hookuu ai ka. Ahaolelo, aka, mamuli o ke kue ikaika ana o Hon. J. E. Bush ma ka Poalima, nolaila i lohi ae ai ka olelo hooholo.
A na hooholo ia elima lala o ke Komite o ka hale, e hele aku ai i mua o ka Moi, a hoike aku i keia mea a ka hale i hooholu ai, a o na komite oia no na mea hanohano J. Nawabi, W. A. White, H. P. Baldwin, A. McBriyde, A. Kauhi, oia ke hoopena a na hoa Lunamakuainana o kea a kau.
UA LONO IAKA MOIWAHINE.
Ua lilo ka haniwa ano o ke koho ana ina Komisina e hele ai i ke alo alii o Wasinetona i lea Moiwahine, me ka apono pu ana'o ka Aha Kuhina, a ua haule pahu ka olelo hooholo kue Kumukanawai a ka mea hanohano o Lihue a meka loa i ake ai nana ponoi e waiho auina inoa, a apono wale aku no ka hue. Ua nui ke kue ana o na hou Hawaii iloko o ka hale, no i kuia ma@@ hana, a na nui ha paio ana a hiki i ka wa i lanakila ai. Nolaila, e ke alii ai moku eia keia mana malalo o'u, i kulike ai hoi me ka pauku 56, o ke Kumukanawai, nolaila, e koho oe i ka poe aloha aina oiaio.
Oiai hoi, he hana nui keia ka imi ana i ka mea e holo mua ai ka aina, nolaila, e koho me kou manao alii oiaio.
KEKOMITE.
Ua lawe ia mai he olelo hooholo e hoouna ia aku kekahi Komite no Wasinetona. Na ka Hon. W. O. Smith keia olelo hooholo i lawe mai. Ua olelo ia hoi keia olelo e ka poe i hoomaopopo. he ano kipe keia, na ka aoao hoomaemae, oia hoi he uku no kekahi mau hoa elua no ka mea i hala, a he wahi kanaenae hoi na kekahi mau hoa elua. He kohu io no e like me ia, aole ma ka aoao o na hoa i olelo ia iloko o ka olelo hooholo, aka ma ka aoao o ka poe hoomaemae mai. Me he la no hoi he kohu kamalii keia mau hana. Ua hoohalike ia ka lahui Hawaii, ke hoolena ia keia poe Hawail. malalo o Kakina, me kekahi poe Ilikini hana keaka, i mea hooikeike me ka hana hoike a ka Hui Hoikeike Hawaii ma Kikako; a i ole, he like me ka poe pegana i noho a akahi a haalele i ke kihei paupau a me ka malo e nalo ai kahi hilahila e lawe ia ana e kekahi missionari a hoikeike ia i ka Peresidena o Amerika. Hu ka aka, o na hana o keia iho la ka hana. He koi ana keia e hookuewa maewaewa ia ka Hawaii, i loaa mai ona pono no na missionari, na malii-ko -- na kalepa a pela aku, a loaa mai, alaila, hoonaaikola ia e like me ka inoa o Kalakaua i kapae ia ae ai. ma ka hoole ia ana o kekahi wahi ola no kana wahine. - Pela iho la ka hana.
HOOHENO O KA AHAOLELO
Ua kue ae ka Loio Kuhina i keia hoololi, ana ninau ae ka Loio Kuhina, heaha ka hana e hana ai no keia $10,000,000, ua pane ae o J. Nawahi, aole he waiwai o keia olelo, i na pela, aole pono keia poe e noho iloko o ka Aha Kuhina. oiai, aole ilawa ko lakou ike.
Ua hooholoia ke kanawai e helu ana i na kane apau. a hookahi a makou mea aloha, o na Elemakule. i ai aku na makahiki mamua o ka Baibala i hoike ai, e hoopai ia ana ina dala elima, o ka lua, aole paha e hiki ke loaa ia lakou na hapaha.e uku ai no ka apana pepa; i make no'o Pamano i ka i o ponoi, pela no hoi kakou.
Ua holo kanawai e haawi aua i kaa kinai ahi no Hila ma keia mua aku, he wahi kanawai makai keia.
Heneiki ka aka a ka Opua, mawaena o kekahi mau alii, oia hoi ke alii Hoapili inuha a hoolalau, a koho ole ai i ka olelo Hooholo a ke ahi Kakina o Maui, ma ka Poaliuia nei, no kekahi mau mea a KA LEO i hoike ai, e pili ana i ka ini pokeke.
Ua maalo hou ae iloko o ka hale Ahaolelo ke Komisina Pelekane Woodhouse. no ka hoolohe ana i ke kulana o ka hana, a na hoa hanohauo o ka hale Ahaolelo, no ka mea e pili ana i ka oleio hoohole a W. O. Smith.
AHAOLELO O 1892
AUNA LA.
Hoike mai ke Komite Hookolokolo i ka bila 224, waihoia a noonoo pu me ka bila.
Na ia Komite no, he hoike e pili ana i ka bila 204 waihoia a noonoe pu me ka bila.
Komite Wae hoike no ka bila 209, noi ke Komite e hooholoia ka bila.
Heluhelu mai o Buki he olelo hooholo, e hoike ana, aole he hiki i keia Aha Kuhina, ke hoike mai i na hana e hana ai a e hooholomua ai i na hana o ka aina imua. Nolaila, e hooholoia, ke hoike aku nei keia Hale Anaolelo i ko lakou hilinai ole i keia Aha Kuhina e ku nei i keia wa.
Lilo ka Hale i ka hoopaanaa no keia olelo hooholo, a hiki i ka wa i noi ia ai e Waipuilani e ninau ano:
Make koho ana ua ike ia he 19 ma ka hooholo loa i ka olelo hooholo, a he 22 ma ke kue.
A eia malalo iho nei ka papa inoa o ka poe i aloha i ka lahui a me ka poe pukalua, muhee a holo pahua i ka wa i hoomaka ia ai ke koho ana:
Poe kokua i ka Olelo Hooholo - C. O. Berger, C. L. Hopkins, A. P. Peterson, J. A. Cummins, C. B. Maile, J. M. Horner, W. H. Cornwell, P. P. Kanoa, Bipikane, Aki, S. K. Pua, R. W. Wilcox, Bush. Nawahi, Koahou, Kaunamano, Nahinu a me White.
Poe kue - John Ena, D. W. Pua, J. Kauhane, Marsden, Young, Baldwin, Walbridge, Anderson. Tharston, McBryde, Dreier, Wilder, Kauhi, Waipuilani, Kapahu, Kanealii. Edmonds, Kaluna, Iosepa, Akina, Smith a me A. S. Wilcox.
Hoopahee ka hale.
LA HANA 163
Ianuari 5, 1892
Halawai ka hale e like me ka mau Heluhelu ia ka moolelo o ka la i hala a aponoia.
Komite mau.
Komite Pai, ua pau i ke pai ia ka hila helu 239.
Kuhina Kalaiaina. uia kakau inoa ia ka bila e pili ana i ka oihana mahiai a me ululaau.
Nana no pane i ka ninau a S. K. Pua, e pili ana i ke kai lawaia e Keehi, ma Moanalua, no ke aupuni ia.