Ka Leo o ka Lahui, Volume II, Number 617, 6 Ianuali 1893 — Page 3
This text was transcribed by: | Cathy Peloso |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
e pili ana i ka oihana kinai ahi o Hilo, hooholo loa ia.
Heluhelu ekolu ana o ka bila 230 e pili ana i na home liilii ma Kahikinui me Kula, ma Maui; Puna, Kona me Kau ma Hawaii. Hooholo loa ia.
Kapae ia na rula, heluhelu mai ke Komite Hookolokolo he hoike no ka bila 240, e pili ana i na ululaa @ aponoia ka hoike a ke Komite.
Heluhelu mai o Kamika he olwlo hooholo noi ana o ka bila 219, e lilo oia i hana no ka oaha, aponoia.
Heluhelu elua ana o ka bila 223, e pili ana i ka poe hoahu dala ma ka Banako Hunahuna Hale Leta, noonoo pakahi ia na pauku.
Pauku 1-3, haawi ia no ke kakaupoepoe.
Heluhelu elua ana o ka bila 224, e pili ana i ka poe banakarupa.
Haawiia i ke Komite Hookolokolo.
Heluhelu elua ana o ka bila 235, e hoomana ana i ke Kuhina Waiwai e aie aku i kekahi aie lahui.
Hoopanee ka hale.
LA HANA 162.
Ianuari 4, 1893.
Halawai ka hale elike me ka mau.
Na hana o ka La.
Heluhelu elua o ka bila 235.
Hoike mai ke Kuhina Kalaiaina, ua oluolu i ka moiwhaine ke kakauinoa ana i ke Kanawai Koho Balota, a me ka Bila Haawina.
Heluhelu mai o S. K. Pua he olelo hooholo e ninau ana i ke Kuhina Kalaiaina, he kuleana anei ko ke Aupuni i ke kai lawaia o Keehi, ma Moanalua, Oahu.
Hora 12: hoomaha ka Hale
AUINA LA.
Hoike mai ke Komite Hookolokolo i ka bila 224, waihoia a noonoo pu me ka bila.
Na ia Komite no, he hoike e pili ana i ka bila 204 waihoia a noonoo pu me ka bila.
Komite Wae hoike ka bila 209, noi ke Komite e hooholoia ka bila.
Heluhelu mai o Buki he olelo hooholo, e hoike ana, aole he hiki i keia Aha Kuhina, ke hoike mai i na hana e hana ai a e hooholomua ai i na hana oka aina imua. Nolaila, e hooholoia, ke hoike aku nei keia Hale Ahaolelo i ko lakou hilinai ole i keia Aha Kuhina e ku nei i keia wa.
Lilo ka Hale i ka hoopaapaa no keia olelo hooholo, a hiki i ka wa i noi ia ai e Waipuilani e ninau ano.
Ma ke koho ana ua ike ia he 19 ma ka hooholo loa i ka olelo hooholo, a he 22 ma ke kue.
A eia malalo iho nei ka papa inoa o ka poe i aloha i ka lahui a me ka poe pukalua, muhee a holo pahua i ka wa i hoomaka ia ai ke koho ana:
Poe kokua i ka Olelo Hooholo-- C. O. Berger, C. L. Hopkins, A. P. Petersonl, J. A. Cummins, C. B. Maile, J. M. Horner, W. H. Cornwell, P. P. Kanoa, Bipikahe, Aki, S. K. Pua, R. W. Wilcox, Bush, Nawahi, Koanou, Kaunamano, Nahinu a me White.
Poe kue--John Ena, E. W. Pua, J. Kauhane, Mar@den, Young, Baldwin, Walbridge, Anderson, Thurston, McBryde, Dreier, Wilder, Kauhi, Waipuilani, Kapahu, Kanealii, Edmonds, Kaluna, Iosepa, Akina, Smith a me A. S. Wilcox.
Hoopanee ka hale.
HOOHENO O KA AHA OLELO
I ka hora 11, A. M. o ka Poakolu nei, ua hoomaha ka Hale, Ahaolelo, no ka holo aku o kekahi mau hoa o ka hale no kona Ama e, oia ke alii J. N. S. Wiliama, Oahu nei, a me R. R. Hind o Hawaii.
Ua hoihoi ia ae ka Bila Haawina iloko o ka hale Ahaolelo, ua pau i ke kakainoa ia, a pela me ka kanawai, e hooponopono hou ana i ke koho Balota ana.
Ua manao kekahi kpoe hoa o ka hale, i keia pule ae, e pau ai ka Ahaolelo, aka, na ke au o ka manawa e hoike mai.
Nui no ka ikaika o ka luna hanohano o ka apana ekolu, i ke kue i ke kanawai helu kanaka, ia i ke kanawai koho Elele hana kumukanawai hoi. ka mea a ka lahui i noi niu mai e hanaia, aole he wahi mea a lohea he wahi leo ona. a oki loa aku hoi i ka wa i koho ai, na palamimo iho oia, a nalo a kula, e a hewa kaia la e Umiamaka, ua olohaka o loko.
Ua hoololi o J. Nawahi, e hooko iho penei, aole emi malalo o hookahi Haneri dala, aole e oi aku mamua o elima Miliona, e hookomo ia ma ka pauku ekahi o keia bila.
Ma ke koho ia ana o ka bila 67, e helu ana ina kane apau, ma ka Poalua nei, ua hoole oia e koho ma@a ninau ana, wahi ana aole o'u makemake, he kanawai hoopilikia keia i kuu lahui ua haki no.
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1892
NA KAA
Haalele ia Honolulu 6:15* 8:45 1:45 4:35t
Hoea i Honouliuli 7:20* 9:57 2:37 5:35t
Haalele ia " 7:30* 10:13 3:45 5:42t
Hoea i Honolulu 8:35* 11:55 4:55 5:30t
NO KULANAKAUHALE MOMI IHO.
Haalele ia Honolulu 5:10^ P.M.
Hiki i Kulanakauhale Momi 5:48^
Haalele ia " " 6:55* A.M.
t Poaono wale no
* Koe ka Lapule
^ Koe ka Poaono.
Sept. 28 tf-dly.
Aole keia he Mau Hana Hoohoka!
-: AKA HE MAU:-
WAIWAI HOU WALE NO, AOLE I POPOPO
-:E LOAA NO:-
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
O na Waiwai Hou Wale no ko ko Makou Halekuai
Aole o na Apa Lole Popopo a Kahiko!
Aole a makou mau hana hoopuunipuni; aole a makou mannu ekaeka, oia hoi, aole o makou paali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke
Kumukuai Emi Haalele Loa, e loaa ole ai Kona Lua ke Ukali ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hoola aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na
Apa Keokeo, na Lako Kalakoa a me na Kinihama,
A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ao makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makoku halekuai mai Nu Ioka mai. He loaa kuna mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a me na hoaloha, o ka pono, pololei, kaulike, ko makou moto, a aole ona hana poholalo, a hiamua o ko oukou hele ana aku i kekahi halekuai e aku, e kina mua mai ma ko makou halekuai. E kilohi mua. E nana. Elolelole. E hooia no oukou iho.
--:N. S. SACHS:--
575-TFD. 104 Alanui Papu, Honolulu
He Kuai Hoopau Nui
MA KA
HEIAU O NA PAIKINI!
No Keia wahi Pule Hookahi Wale iho no!
A HE OIAIO
E Kuai pau aku ana ka Makou mau LOLE KEOKEO a pau, oia hoi
Na Lilina, na Kalakoa a me na Lole Kilikia me na Huluhulu
Na Kinamu a me an Lole Nani onaano a Pau.
E pau ana i keia Pule no ke Kumukuai hiki ole ke manaoia no ke emi loa. E hoomanao o na Lede i keia kuai kamahao e panee ia aku nei imua o oukou.
575-tfd. S. EHRLICH, Ka Heiau na Paikini.