Ka Leo o ka Lahui, Volume II, Number 616, 5 Ianuali 1893 — Page 2
| This text was transcribed by: | Tammy |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
Ua hookohu ia o A. S. Kaehu i keia la, i Komisina no na Pa no ka Apana o Kohala, Akau, Mokupuni o Hawaii.
Eia me keia iho ka Papa:
Roft. Hind Jr.
H. L. Holstien.
A. S. Kaehu.
G. N. WILCOX.
Kuhina Kalaiaina.
Keena Kalaiaina Jan. 4 1893. jan5 3tsd.
Ua hookohuia o Mr. Z. P. Kalokuokamaile, i keia la i Noteri no ka Lehulehu no ka Apana Hookolokolo Kaapuni Ekolu o ke Aupuni.
G. N. WILCOX.
Kuhina Kalaiaina.
Keena Kalaiaina, Dec. 19, 1892 dec22 3std.
KUAI O KA AINA AUPUNI I KAPAIA O LAULA, KONA AKAU, HAWAII.
Ma ka Poalua, Iulai 10, 1893, ma ka hora 12 awakea, ma ke alo o ka Hale Aliiolani, e kuai Kudala ia ai ka aina aupuni o "Laula" ma Holualoa Elua, Kona Akau, Hawaii, nona ka ili o 38 2-10 eka oi iki aku a emi iki mai paha.
UKU HOOKUMU. $100.
G. N. WILCOX.
Kuhina Kalaiaina.
Keena Kalaiaina De. 12, 1892, dec13 3ts.
I kulike ai me ka Pauku 2 o ka Mokuna XXXV o na Kanawai o 1888, ua hookohu au i keia la ia Mr. Aarona, i Luna Pa Aupuni no ka Pa Aupuni ma Makanalua, Kahua Mai Lepera, Molokai.
G. N. WILCOX.
Kuhina Kalaiaina.
Keena Kalaiaina, Dec. 5, 1892. dec12 3ts.
I kulike ai me ka Pauka 1 o ka Mokuna XXXV o na Kanawai o 1888, ua hookaawale au i kekahi pa no ka hoopaa ana i na holoholopa helehewa ma ke Kahua Mai Lepera, Molokai, maluna o kekahi apana e waiho kokoke la i ka Ilina Kupapau o Makanalua, Molokai,
G. N. WILCOX.
Kuhina Kalaiaina.
Keena Kalaiaina, Dec 5, 1892, dec12 3ts.
Ua hookohuia o Chas. T. Gulick i Komisina o na Palapala Hoopaa no ka Paeaina Hawaii ma kahi o Jonathan Austin i make.
G. N. WILCOX.
Kuhina Kalaiaina.
Keena Kalaiaina, Dec. 8, 1892: dec12 3ts.
I keia la, ua hookoauia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.
G. N. WILCOX,
Kuhina Kalaiaina.
dec5 3tsd.
O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhiua kalaiaina, mai keia manawa aku, a hiki i ka la 1 o Iulai 1893. a ma na mokupuni eae. ma ke Keena o ka Makai Nui. no ke kope hou ana i na inoa.
G. N. WILCOX.
Kuhina Kalaiaina.
Keena Kalaiaina. Dec. 2, 1892. dec5 3tsd-dly.
I keia la, ua hookohu ia aku o Mr. Iyon K Kakani, i Luna Pa Aupuni. no ka Pa Aupuni o Hana, Mokupuni o Maui i hope no C. Pololu, i waiho mai.
G. N. Wilcox.
Kuhina Kalaiaina
Keena Kalaiana, Nov. 30, 1892. dec5 3ts-dly.
I keia la, ua hookohu ia aku o S. W. Kekuewa Esa. i Notari no ka lehulehu, no ka Mahele Ekolu o ke Aupuni Hawaii.
G. N. Wilcox,
Kuhina Kalaiaina
Keena Kalaiaina, Nov. 30, 1892. dec5 3ts-dly.
I keia la, ua hookhu ia aku o Mr. MosesP apaiakea, i Luna Pa Aupuni, no ka Pa Aupuni o Huelo, Mo. kupuni o Maui, i hope no K. Honokaupu i waiho mai.
G. N. Wilcox.
Kuhina Kalaiana.
Keena Kalaiana, Nov. 30, 1892. dec5 3ts-dly.
I keia la, ua hookohu ia aku o William E. Rowell, i Luna Nui no na Hana Hou. he hope ma kahi o Henry W. Mcintosh i make.
G. N. WILCOX,
Kuhina Kalaiaina.
Keena Kalaiaina, Dec. 1, 1892. dec2 3tsd.
U hookohu ia o J. H. Barenaba i keia la i Comisina no na Pa no Apana o Koolaupoko Mokupuni o Oahu.
A penei iho ka Papa.
Wm. H. Lowell, Awa, J. H. Barenaba.
G. N. Wilcox.
Kuhina Kalaiaina
Keena Kalaiaina, Dec. 30, 1892 3ts-dly.
I keia la ua hookohuia aku o Keoki Kimokeo i hoa no l a Papa Alanui, no ka Apana Koho o Kau. Mokupuni o Hawaii, i panihakahaka ma kahi o G. W. Kaholokahiki i waiho mai.
G. N. WILCOX,
Kuhina Kalaiaina.
Keena Kalaiaina, Nov. 30, 1892. dec5 3tsd,
Ua hookohuia o Mr. Wm. H. Lowell a me Mr. Awa. i keia la, i mau Komisina e na Pa no ka Apana o Koolaupoko, Mokupuni o Oahu.
Eia me keia iho ka Papa;
G. Barenaba,
Wm. H. Lowell,
Awa,
G. N. WILCOX,
Kuhina Kalaiaina.
Keena Kalaiaina, Dec. 19, 1892. dec22 3tsd.
Mamuli o ke kaa ana o ka la 25 o Dekemaba. 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.
G. N. WILCOX
Kuhina Kalaiaina
Keena Kalaiaina.
Honolulu . Dec. 9. 1892, 3ts-dly.
KA LEO O KA LAHUI.
JNO. E. BUSH.
Lunahooponopono a me Puuku.
POAHA, IANUARI 5, 1893
AIA LA IA WAI KA HANA?
He ninau ano nui no keia. Me he la eia ke manao nei kekahi aoao aia ka mana ma ka poho o ka lima o ka Moiwahine, mamuli o ka manao ia ana ua lanakila ke 'Lii maluna o ka makemake o ka aoao hui nana i hoopau ka Aha Kuhina. Ua paio ia keia kumuhana ma ka hilinai ole ia ana o ka Aha Kuhina a ka Moiwahine e hoonoho mai ai, oiai o ka makemake. mailoko aku o ka aoao o ka hapanui e hoonohonoho ia ai ka Aha Kuhina. I ka wa nae o ka Aoao Hoomaemae i ike ai ua aneane e ko ke kumuhana, ia wa ua puni aku nei lakou i ka ka Moiwahine mau hoonohonoho ana mai i kekahi o ko lakou aoao, me kekahi mau inoa e ae ana i koho iho ai. ua hana ka Moiwahine i haule ai ke koi e ike ia ke kumuhana, a ua ae aku hoi ka aoao hoomaemae, i haule ai ka Aoao Lahui Liberala ka aoao manaoio maoli ma ka aoao o ke kumuhana. Ua hoopunipuni ae ka aoao hoomaemae ua ko ke kai a ka aoao hui hapanui o ka Hale, ua olelo hoi ka aoao Moiwahine, ua ko kona hoole ana, oiai nana maoli i wai a i hookohu ka Aha Kuhina. Ma keia ua hookamani keia mau aoao. Ua kuhi mae laua o keia ke alanui e loaa mai ai ka lokahi, a e hooko pono ia ai ka hana, o kalehulehu me ka pono, Aka, e like me ka makou olelo mau, aole e loaa ka holopono o na hana mamuli o na hana hookamani, pela no e ike ia nei i keia wa. Me he la, o ka aoao alii i kuhi iho nei oia kai lanakila, ke hopo nei i keia wa, Ke hoomaka liilii mai la ka poe i manao kuhihewa ia ai, aia la hoi me ka Moiwahine, oiai ua hookoaku oia i ko lakou makemake e noho ma kahi mana Kuhina. Aole nae. I hakalia wale no ka pii ana mai o keia mana, no ka hopohopo i ka Ahaolelo, aka, ke mama maila ia aoao mai na hopo ana no ka Ahaolelo, oiai ua lou ia aku nei na Hawaii ai maunu a paa i ka hoomaikai manawalea aloha poepoe hulali a ka poe i kamaaina i ka haawi ana i n manawalea. Aka, ke ike ia aku nei, ua like ole, keia mau aoao -- ka hoomaemae me ka mana Hooko, a ke ike pu la no paha o loko. Aka, ua ane lohe ka. Aia aku la ka mana i waho ma ka aoao ana i hilinai, a e lawelawe ana ia aoao e hooko, i na mana i loaa ia lakou malalo o ke Kumukanawai. He nana wale aku no ka kakou i ka hopena, oiai, ua hala aku la ka puulena. aia ma ka lima o ka malihini puuwai pohaku.
AHAOLELE O 1892.
LA HANA 159.
Auina La.
Bila 67, hooholoia ke hoi e noonoo pakahiia na pauku.
Pauku 1-17 holo me na hoololi.
Pauku 18-22 hooholoia.
Hookomo mai o Akepoka he pauku hou a e kapaia pauku 20, ua nui ka hoopaapaa ana, a ma ka ninau ia ana, ua aponoia.
Kapaeia na rula, heluhelu mai o Akepoka. he hoike a ke Komite Hookolokolo e pili ana i ka bila kanawai. Kukui Uila. Waihoia a noonoo pu me ka bila.
Hoomalia ka hale.
Ahiahi.
Halawai ka Hale e like me ka mau.
Noonoo ana o ka bila haawina ma kona heluhelu ekolu ana.
Pauku 1 huina o na itamu a pau $2,811,430.20.
Pauku 2 $3,778,558.40.
Hooholo loa ia ka bila huawina.
Hora 10:45 hoopaueo ka Hale.
LA HANA 160.
Dec. 31, 1892.
Halawai ka hale elike me kamau.
Na Hana o ka La.
Heluhelu ekolu ana o ka bila 147 e pili ana i ka opiuma. hoopaneeia.
Heluhelu ekolu ana o ka bila 91 e pili ana i ka oihana wai o Wailuku.
Pauku 1-3, nui ka hoopaapaa ana o na hoa no keia bila, a ua noi ia e kakau na ae me na hoole, a ua ike ia he 24 kue 15, a 'ua hooholo lea ia ka bila.
Kapaeia na rula, heluhelu ??? ke Kuhina o na Aina E, he ??? i na ninau a Akepoka e pili ana la F. S. Pratt.
1 - Aole i loaa mai i keia Kaena kekahi lohe, aka, ua hoike mai o F. S. Pratt, ua telegarapa ia mai oia o Jno, Mott Smith, i ka la 22 o Nov. a e hoouna ia aku ana.
2 - Aole no e pilikia o F. S. Pratt ua hiki no ke lawelawe i ka hana.
3 - Ua loaa aku kona palapala hookohu. Mamuli o ke kapae ia ana o na rula, ua hoolaha mai o Akepoka he bila kanawai.
Kapae hou ia na rula, heluheluia bila ma ke poo.
Hoike mai ke Komite Pai, ua pau i ke pai kekahi mau bila.
Bila 147 heluhelu ekolu ia a hooholo loa ia ka bila.
Hoopanee ka hale
LA HANA 161.
Ianuari 3, 1893.
Halawai ka Hale elike me ka mau
Na Palapala Hoopii.
T. S. Nahinu. palapala Hoopii ma Waialua Molokai mai, o mai ana i kula olelo Beritania, no ia apana, haawiia i ke komite hoonaauao.
J. K. Iosepa, palapala hoopii mai kekahi kanaka mai, o Keoni Likikini kona inoa, e noi ana e ae ia aku oia e komo aku iloko o ka Panalaau o Kalaupapa ma Molokai, ma kona ano he kahu kula Sabati oia Haawiia i ke komite malama ola.
Heluhelu ke kakauolelo, he palapala hoopii, i hoouna ia mai e ka papa hoonaauao i ka Peresidena e kue ana i ka bila 222. e pili ana i ke koho ana i ka kumukula kumukanawai mua, waiho ia a noonoo pu me ka bila.
Komite Wae.
Hona. Heluhelu mai oia he hoike a pili ana no na bila 132, a me 118, epili ana i na kaa halihali ukana, waiho ia a noonoo pu me ka bila.
Na Olelo Hooholo.
W. O. Smith. Heluhelu mai oia he bila kanawai, e hoololi ana i ka pauku 1231 kanawai kivila.
Na hana o ka La.
Bila 67, e pili ana i ka helu ana ina kane noho paa apau, hoopanee ia.
Bila 222, heluhelu ekolu ana. Nui ka hoopaapaa a hooholo loa ia kehoia elima Komisina, no ka mana pono ana i keia hana, Eia ma Komisina: Kakina, Kamauoha, Kauhane, Kamika a me ??? a hoike mai i ke kau o 1894, i ka lakou mea i hana ai.
Bila 67, hoopaapaa ia
Hoomaha ka Hale
Auina La.
Kamauoha, hoololi mai eia i ka pauku ma ka pakui ana mai, e kolu ia na kane a pau ina he Aala ma ka hanau ana, nui na hoopaapaa ana. Kakauia na ae a me na hoo