Ka Leo o ka Lahui, Volume II, Number 615, 4 January 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

  Kadae hou ia na rula, heluheluia bila ma ke poo.

  Hoike mai ke Komite Pai. ua pau i ke pai kekahi mau bila.

  Bila 147 heluhelu ekolu ia a hooholo loa la ka bila.

  Hoopanoe ka hale

LA HANA 161.

                   Ianuari.  3. 2893

  Halawai ka Hale elike me ka mau

Na Palapala Hoopii

  T. S. Nahinu.  palapala Hoopii ma Waialua Molokai mai, e noi ana i kula olelo Beritania, no ia apana, haawiia i ke komite hoonaauao.

  J. K. Iosepa, palapala hoopii mai kekahi kanaka mai, o Keoni Likikini kona inoa, e noi ana e ae ia aku oia e komo aku iloko o ka Panalaau o Kalaupapa ma Molokai, ma kona ano he kahu kula Sabati oia Haawiia i ke komite malama ola.

  Heluhelu ke kakauolelo, he palapala hoopii i hoouna ia mai e ka papa hoonaauao i ka Peresidena e kue ana i ka bila 222, e pili ana i ke koho ana i ka  kumukula kumukanawai mua, waiho ia a noonoo pu me ka bila.

Komite Wae.

Hona. Heluhelu mai oia he hoike e pili ana no na bila 132, a me 118, epili ana na kaa halihali ukana, waiho ia a noonoo pu me ka bila.

Na Olelo Hooholo.

  W. O. Smith. Heluhelu mai oia he bila kanawai, e hoololi ana i ka pauku 1231 kanawai kivila.

Na hana o ka La.

  Bila 67, e pili ana i ka helu ana ina kane noho paa apau. hoopanee ia.

  Bila 222, heluhelu ekolu ana Nui ka hoopaapaa a hooholo loa ia kohoia elima Komisina, no ka nana pono ana i keia hana. Eia na Komisina: Kakina, Kamauoha, Kauhane, Kamika a me Balauwina a hoike mai i ke kau o 1894, i ka lakou mea i hana ai.

  Bila 67, hoopaapaa ia.

  Hoomaha ka Hale.

 

NU HOU  KULOKO.

 

  Ahaolelo ko keia kakahiaka, hora 9.

 

  Ha hala o Kapou kuai alani aia i Kanehuna oku. Aloha no!

 

  Ma ka Poakahi nei, ma Kapuukolo, ua malama ae o Antone Keumi he papaaina nui makhiki hou. i hoolawaia me na ono a ka Hawaii a me ka haole, a ua konoia mai ka noe kiekie a i ka haahaa loa. Ua kipa ae kekahi mau hoa o ka Aha olelo ma ia papaaina, ua ai a lawa i na kohi kelekele, a ka Puukolu a o ka makou wa e ro i ike he maluhia aohe haunaele. Mahope iho, ua haawiia he hulahula Hawaii, nana i hoonanoa i k@anaina a hiki i na hora liilii o ke kuluaumoe. Mahalo i ka mea nana ka paina.

  Aole he kopaa a ke Kinau i keia hoi ana mai nei ana, no ka nui o ka imo o na awa awa hooili ko.

 

  O ka makahiki 1893 o ka malama o Nana, ka e 9 hoi o na malama, o ka noho o ka Ahaolelo.

 

  He keu ke kalohe o kamalii a Makalii, o ka wawahi ana mai nei, ia kulanihakoi, hoohanini lua i ke kaha o mana, ke hele ala na alanui a pohopoho.

 

  Ua lohe mai makou, ua hoole ka Moiwahine i ka hana kue kanawai a ka Aha Kiekie mao na hoololi kumukanawai ala, e kamailio aku ana makou i keia mea.

 

  Ua waiho ia aku imua o ka Moiwahine ka bila Haawiina. no kona kakau inoa ana mai i ka Poano nei. ka 160 o na la hana o ka Ahaolelo.

 

I ka Poalua nei i hiu aku ai keia mau moku malalo iho, Kinau no Maui a me Hawaii, Mikahala, Makee, Iwalani, no Kauai, Mokolii no Molokai, Hawaii no Hamakua.

 

  Eia kakou e na makamaka i ka makahiki hou, ke kono ia aku nei oukou, e lawe nui i ka OIAIO a'me ka LEO. iike ina ano ai o ka la, na kalaiaina ona ano apau.

 

  Ua komo aihue ia ae kekahi hale inu rama ma ke kihi o Alanui Nuuanu me Moi. Ua makemake paha keia piko pau iole e loaa ona wahi omole wai hoomalule kino no ka la makahiki hou.

 

  Nui ka ona, a me ka hakaka, o kekahi poe ma ka la makahiki hou nei, he naku hele ia iloko o ke ukelekele o ke Alanui la, ano like me ka holoholona, Mai inu rama hou e kamalii.

 

  Ua holo loa ka Bila opiuma, e laikini ana i ka mea make. He hana make keia, a ua lana ko makou manao he pilikia ke laha ana i waena o ka lahui, oiai, ua loaa ae la ka ipuka e mihi aku ai ke opiuma i ka Hawaii.

 

   => I na Luna lawe pepa o KA LEO, ke hai ia aku nei ka lohe ia oukou a nau, e hoihoi mai i keia mau helu 570, 580, 585, 5@6, 590, 594 me 595, ma he koena koe ma ko oukou lima.

                   MA KE KAUOHA..

 

HUI ALA HAO A ME AINA

O OAHU.

Papa Manawa

Mai a Mahope o Okatoba 1, 1892.

NA KAA

                                    A  M.  A. M.  P. M. P  M.

Haalele ia Honolulu    6:15*  8:45  1:45  4:35+

Hoea i Honouliuli        7:20*  9:57  2:57  5:35+

Healeia      "                 7:30* 10:13  3:45  5:42+

Hoea i Honolulu          8:35* 11:55  4:55  6:50+

NO KULANAKAUHALE MOMI IHO.

Haalele ia Honolulu                            5:10|| P. M.

Hiki i Kulanakauhale Momi                5:48|| 

Haalele ia       "              "                    6:55* A. M.

   + Poaono waiono

   * Koe ka Lapule

   ||  Koe ka Poaono.

Sept.  28  tf-dly.

 

Aole keia he Mau Hana Hoohoka !

--: AKA HE MAU :--

WAIWAI HOU WALE NO, AOLEI POPOPO!

----:E LOAA NO:----

MA  KE  KUMUKUAI  EMI  LOA!!

MA KAHI O

                 N. S. SACHS,

Helu 104       Alanui Papu,  Honolulu       Helu 104

 

O na Waiwai Hou Wale no ko ko Makou Halekua,

                                    Aole o na Apa Lole Popopo a Kahiko!

          Aole a makou mau hana hoopuunipuuni; aole a makou mannu ekaeia, oia hoi, aole o makou paali aku i na apa lole kahiko i kumu e loaa ai he puki ma ko makou aoao. aka, haawi aku makou i na waiwai hou loa no ko makou mau makamaka a me na hoaloha, no ke

Kumukuai Emi Haalele Loa, e loaa ole ai Kona Lua ke Ukali ae!

           Ua wehe ae nei makoa i keia wa he laina hou o na Lihilihi a me na Lihilihi Kuuwelu i hoouma noiolei ia mai Europa mai, ma o ko makou man kauoha ponoi ana  aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na

Apa Keokeo, na Lako Kalakoa a me na Kinihama,

          A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lakou huluhulu. Ua wehe pu ae nei makou he luhiehu o na APA HULUHULU Farani,, na Silika PANI'O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

          Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku ao ma ke kumukuai haahaa loa. Na Pua Papale, na Hulu Papele hou, e pela aku, e loaa no ma ko makou halekuai me ke kumukuai na mau hana hookinohinohi ana i na papale. Ua hiki ia makou ke kaena ae ua oi ae kona loaa mamua o na mea hana a kinohino papale o kekahi mau halekuai papale e ae.

          E hoomanao hou iho e na makamaka a me na hoaloha, a ka pono, pololei, kaulike iko mkkou moto, a aole o na hana poholalo, a mamua o ko oukou hele ana aku i kekahi halekuai o aku, e kipa mua mai ma ko makou halekuai. E kikohi mua. E nana. E lolelole. E hooia no oukou iho.

----: N. S. SACHS :----

575-tfd.                                            104 Alanui Papu, Honolulu

 

He Kuai Hoopau Nui

MA KA

HEIAU O NA PAIKINI!

 

No Keia wahi Pule Hookahi Wale iho no!

 

A HE OIAIO

E Kuai pau aku ana ka Makou mau LOLE KEOKEO a pau oia hoi

Na Liliua, na Kalakoa a me na Lole Kilikia me na Huluhulu

Na Kinamu a me  na  Lole Nani onaano a Pau.

 

   => E pau aua i keia Pule no ke Kumukuai hiki ole ke manaoia no ke emi loa. E hoomanao a na Lede i keia kuai kamahao e panee ia aku nei imua o oukou.

575-tfd.                            S. EHRLICH,   Ka Heiau  naPaikiai