Ka Leo o ka Lahui, Volume II, Number 614, 3 Ianuali 1893 — HE MOOLELO KAILI PUUWAI NO SENIA LUTERA. Ka Ui Puuwai Mabala O ENELANI KAHIKO. A I OLE He Nanea Hooheno no kekahi Kauna Wahine Opio me kana mau Aloha Ekolu. [ARTICLE]

HE MOOLELO KAILI PUUWAI NO SENIA LUTERA.

Ka Ui Puuwai Mabala O ENELANI KAHIKO.

A I OLE He Nanea Hooheno no kekahi Kauna Wahine Opio me kana mau Aloha Ekolu.

{Kakauia no Ka Leo.) Mokuna XXXVI. E kuu Lcde Senia nani, ua kokoke mai ka wa ou e hoopaiia aku ai, no ka lawe ana i ke ola o kau kane !—E hailuku ia oe i ka pohaku a hiki i kou wa e make ai ! Ina e oluolu ke Akua e hoopoina ae i keia mea a'u e lohe nei, o kekahi wahine ino haahaa a hoopailua loa e like me oe o ko'u makuahine ia ! Ha, ha. ha, wahi a Heneri i akaaka ae ai me ka leo ano hoopahe nehene, aole loa he hookahi wahi moali aloha iloko o kona naau no kona mau hoaloha oiaio. A oi loa aku hoi no kona hoahanau kaikaina nei, o Enora, aole loa he wahi minoaka ana i haawi aku iaia ! Heaha ke kumu o keia, e kuu Enora maikai ? Ua hiki loa ia'u ke kakali, wahi a Enora i pane mai ai, aka nae aia iloko oia hopunaolelo uuku a ua Enora la ke ano nui a he manao kuhohonu i ike ole ia aku e kekahi mea ? O kona manawa mua loa ia i hoopuka ai i kekahi huaolelo mamua o ke alo o mai kona manawa, i lilo mai ai i pio no ka hale pohaku kahiko ma kap ao ka muliwai. He mea oiaio aoie i pau ko Enora enemi ia Senia, ka lilo ana o ko

Heneri puuwai ia Senia, a lilo ole hoi ia, ua kamaliiwahine Enora puuwai lokoino nei. Kai no paha ua make kuu enemi i kuu mau moo alelo awa i hanai ai, eia no ka oia ke ola nei, wahi a Enora e kamailio nei iloko ona, Ua. lilo mai nae oia i pio na makou i keia wa. E kuu mea i lia ai, e aho no hoi oe, e hooholo iho i kou manao, e hoao e aloha ia'u wahi ana, iaia i naue aku ai ma kahi a ka wahine opio e moe malie ana maluna o kekahi wahi haka, no ka mea, aole ana oe e ae mai e aloha ia'u mamuli oo kou manao oluolu ponoi iho alaila, e koho a ai ana oe ia'u e hana oolea aku ia oe, oia wale no. Aole ana e niki ia oe ke hookikina ia'u, o -Heneri." i pane i pane aku ai o Senia. a ku maloeloe ae la oe mai kona punee moe, me ka wiwo. "E like me kau i olelo mua ai ia oe. ua hiki ia oe ke lawe i kuu oia, aka aole au e pio ana ia oe. "Ae nana aku hoi kakou," wahi ana me ka leo hoohenehene. "Mai hoouluulu wale oe ia'u. o lilo anei i mea e hoehaeha ia ai oe no ia mea. Mai manao oe o kaua wale no keia e noho nei iloko o keia hale aole eia koke ae no ka ohana kuewa a pau. e akoakoa mai nei ma kahi kokoke i ka leo hea aku, iloko o keia hale kahiko. Ina au e make ia oe. e like me kau i olelo ai, mai manao oe e lanakila ana oe, no ka mea, he hiki ia lakou ke hooko i ka hoopai make maluna ou iloko o ka manawa pokole loa. Aia maopopo oe iloko o ka poho o kuu lima e kuu Senia," Aole o Senia i pane mai i keia mau olelo a Heneri, aka. huli aku la ia a hele aku la no ka ipuka aniani, a noho iho la maluna o kekahi wahi noho haahaa. me ka haka ana aku o kona mau maka i ka waiho mai a ka muliwai, kahi hoi i hoopakele ia mai ai oia i keia kana ka i mea e hoomaewaewa ia ai, a e hoolilo ia ai ke ola i mea uluhua. He oiaio, ia ia i hoomanao iho ai. ua like kona kulana i keia wa. me ka nohina pouli. me he la, ua oi aku ka pono e hele oia a ma kekahi wahi kuanea, a malaila, e make ai, mamua o ke ola ana malalo o kona ano ana e ike nei, O ke Akua wale no ka mea hookahi i ike i ke kaumaha o kona noonoo, i kona ake aku e loaa kekahi maha ia ia, e make hoi a e waiho iho i keia luuluu mahope i keia ao. Ia ia e loku hana ana oloko, hu wale mai la no ke aloha o kona ohana, ka makuakane, a o ka oi aku hoi, kana ipo. Aole i pau