Ka Leo o ka Lahui, Volume II, Number 614, 30 December 1892 — Page 3
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
========================
Poe i mahuka a makau i kolakou mau haku nana i koo mai, a i hoowahawaha hoi i ko lakou mau hoa makaainana: - Na 'Lii Kale Hapakina no ka Aoao Hoomaemae Lahui a Liberala. W. Y. Hona, Walbrighe, Kakina ua ahai ka pupuhi i Kaleponi, no ka Aoao Hoomaemae; na Lunamakaainana Akepoka no ka Aoao Liberala, poho ka manaolana; Koahou, kuokoa nona ino; A. Hona, Edmonds, Kaluna a me Akina no ka Aoao Hoomaemae.
Kuhina Kalaiaina, ua kakauinoa ka Moi i kekahi bila kanawai.
Hoopanee ke Hale
---o-o-o---
HOKAHI WAI O KA LIKE.
-
Ma ka po o ka la 29 o keia mahina, maloko o ka luakini o Kawaiahao, ua awaiaulu ia ae la e Rev. H. H. Paleka, o J. U. Josepa o ka ua lani kea haahaa o Hana, me Esther Kaimo Iona o ka ua kukalahale nei, a lilo i hookahi io, ahokahi pana ana o ka puuwai. O ka makou e kalokalo ae nei e hahai ia ko olua mau la iloko o ka noho'na maemae o ka mare me na ulia pomaikai, a me ka hauoli. He mea maikai ka mare no na mea a pau.
---o-o-o---
NU HOU KULOKO.
Ahaolelo ko keia kakahiaka, hora 9.
-o-
I keia kakahiaka e ninau aku ai ka mahimahi o na Kona no kana mau awa maa mau o Hawaii.
-o-
Me he la, aole e ko ana kamanao o ka Luna o Waialua, no ka pau e o ka Ahaolelo mamua o ka makahiki hou.
-o-
I ke awakea onehinei, i hookomo mai ai ka mokuahi Ausetaraiia i ke nuku o Mamala, mai ka hau oki mai o Kaleponi.
-o-
Ua lohe wale ai he nui loa ka poe e kuai liilii mai nei i ka Root beer, ma ke ano malu. E akahele e na makamakia o nanahu auanei ke kanawai.
-o-
Ma ke kui ana mai a ka Malulani i ka Poalua nei, i hoea mai ai o Kana keawe ka wahine i naloai mai kona wahi noho aku, a makou i hoolaha mua aku ai. I Hawaii aku nei paha i ka makai i ha Luaopele a hoi hou m@i nei.
-o-
Ke pii mau ae nei ke ano oluolu, o Mr. Dowdell, e waiho nei ma ka Halemai Moiwahine. O kekahi alii moku keia o ka mokuahi Alamed, i haki ai kona mau wawae ma kela huakai hope mai nei o ka Alamed mai ka hema mai.
-o-
Ua lohe mai makou i keia la e holo aku ai ka mokukaua Daphne no ka Hema a maluna ona e kau aku ai o Mr. Harden i hoopai ia iho nei no ka makemake ana e hakaka lua me ka Lunahooponopono o ka Hawaii Holomua.
-o-
He ekolu ko makou nui e oil@ aku nei i keia kakahiaka puanuanu
-o-
Ohuohu pono hoi kekahi poe lede i ka lei ilima, lei o ka lanakila ma ka la i hoomoe ia ai ka pohaku kihi o ka Hale Hui Malu i ka Poaula iho nei.
-o-
Ua ninau ae kakahi mea i hoike ole i kona inoa maloko o ka Buletina, i ka hele ole o Hon. J. E. Buki i ka Ahaolelo. Pehea la i ninau ole ai ia Balauwina, Kakina, a me kekahi poe haole loio e ino i ko lakou nalowale mai ka Hale Ahaolelo aku a he mau pule a manhina i kekahi wa. No ke aiai ana paha o ko lakou la ili a ulaula hoi ko ka mea a lakou e ninau nei.
==============================
HUI ALAHAO A ME AINA O OAHU.
Papa Manawa
Mai a Mahope o Okatoba 1, 1892.
NA KAA
*
AM AM PM PM
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Heaiele ia " 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHAE MOMI IHO.
Haalele ia Honolulu 5:10|| P.M.
Hiki i Kulanakauhale Momi 5:48||
Haalele ia " " 6:55* A.M.
+ Poaono wale no
* Koe ka Lapule
|| Koe ka Poaono
Sept. 28 tf-dly.
-------------------------------------------------------------
HOOLAHA PA AUPUNI
E ike auanei na kanaka a pau, eia ma ka Pa Aupuni o Makiiki nei kekahi mau lio helehewa, lio w puakea melemele keokeo lokii ma ka lae, 2 wawae keokeo ak a hema, 2 wawae eleele ak a hema hao JOS kuni hope akau ke ;kuni malalo o keia mau kuni ekolu, aole ike pono ia powehiwehi.
Lio keiki k puakea kekahi o keia lio, aole kui. Lio w ahinahina keokeo eleele ka hulu o keia lio hao JOS kuni hope ak. Lio k keokeo 2 wawae mua paa i kapuai hao, hao N kuni hope ak. Lio w ulaula kiko keokeo ma ka lae 2 wawae eleele mua 2 wawae keokeo hope hao H kuni hope hema keia mau hui JH. ua hui i kahi hookahi ua hookaawaleia i kulike me ke kuni.
Lio k eleele 2 wawae keokeo mua kikokiko keokeo ma ke kua he mau pohaka keokeo ma ka pou aoao ak a hema hao>3P kuni hope ak 3P >P malana P malalo o ia mau kuni, lio k ulaula keokeo lokihni ma ka lae 1 wawae keokeo hope ak hao III kuni hope hema.
O ka mea a mau mea nona keia mau lio, e pono e kii koke mai, o hala na la he 15 e kuni kudala akea ia aku ke hiki aku i ka la 7 o Ianuari, 1893.
D. KAOAO.
Luna Pa Aupuni
Honolulu. Dec. 27, 1892.
dec27 tf.
================================================
[three columns wide!]
Aole keia he Mau Hana Hoohoka!
-:AKA HE MAU:-
WAIWAI HOU WALE NO, AOLE I POPOPO
-:E LOAA NO:-
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
-
O na Waiwai Hou Wale no ko ko Makou Halekuai
Aole o na Apa Lole Popopo a Kahiko!
Aole a makou mau hana hoopuunipuni; aole a makou manuu ekaeka, oia hoi, aole omakou paali aku i na apa lole kahiko i kumu e loaa ai he puka ma ko makou aoao, aka, haawi aku makou ina waiwai hou loa no ko makou mau makamaka a me na hoaloha, no ke
Kumukuai Emi Haalele Loa, e loaa ole ai Kona Lua ke Ukali ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou haleukai nei he mau lako hou o
Apa Keokeo, na Lako Kalakoa a me na Kinihama,
A ke kuai aku nei makou ma ke kumu lilo,no ka mea na makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU. He mea pono e ike ko makou makamaika a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinihiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou helakuai me ka kumukuai na mau hana hookinohinohi ana i na papale. Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a mne na hoaloha, o ka po@o, pololei, kaulike, ko mkkou moto, a aole o na hana poholalo a mamua o ko oukou hele ana aku i kekahi halekuai e aku, e kipa mua mai ma ko makou halekuai. E kiloi mua. E nana. E lolelole. E hooia no oukou iho.
--:N. S. SACHS:--
575-tfd 104 Alanui Papu, Honolulu.
=========================================
He Kuai Hoopau Nui
MA KA
HEIAU O NA PAIKINI!
--
No Keia wahi Pule Hookahi Wale iho no!
-
A HE OIAIO
E Kuai pau aku ana ka Makou mau LOLE KEOKEO a pau, oia hoi
Na Lilina, na Kalakoa a me na Lole Kilikia me na Huluhulu
Na Kinamu a me na Lole Nani onaano a Pau.
-
[pointing finger] E pau ana i keia P@le no ke Kumukuai hiki ole ke manaoia no ke emi loa. E hoomanao o na Lede i keia kuai kamahao e panee ia aku nei imua o oukou.
575-tfd. S. EHRLICH, Ka Heiau na Paikini.
======