Ka Leo o ka Lahui, Volume II, Number 609, 22 Kekemapa 1892 — Page 2
| This text was transcribed by: | Diamond Tachera |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
Ua hookohuia o Mr. Z. P. Kalokuokamaile, i keia la i Noter no ka Lehulehu no ka Apana Hookolokolo Kaapuni Ekolu o ke Aupuni.
G. N. WILCOX,
Kuhina Kalaiaina.
Keena Kalaiaina, Dec. 19, 1892.
dec22, 3tsd.
Ua hookohuia o Mr. Wm. H. Rowell a me Mr. Awa, i keia la, i mau Komisina o na Pa no ka Apana o Koolaupoko, Mokupuni o Oahu.
Eia me keia iho ka Papa:
G. Barenaba,
Wm. H. Lowell,
Awa.
G. N. WILCOX,
Kuhina Kalaiaina.
Keena Kalaiaina, Dec. 19, 1892.
dec22 3tsd.
KUAI O KA AINA AUPUNI I KAPAIA O LAULA, KONA AKAU, HAWAII.
Ma ka Poalua, Iulai 10, 1893, ma Ha hora 12 awakea, ma ke alo o ka Hale Aliiolani, e kuai kudala ia ai ka aina aupuni o "Laula" ma Holuakoa Elua. Kona Akau, Hawaii, nona ka ili o 38 2-10 eka oi iki aku a emi iki mai paha.
Uku Hookumu. $100
G. N. WILCOX,
Kuhina Kalaiaina.
Keena Kalaiaina Dec. 12, 1892.
dec13 3ts.
I kulike ai me ka Pauku 2 o ka Mokuna XXXV o na Kanawai o 1888, ua hookohu au i keia la ia Mr. Aarong, i Luna Pa Aupuni no ka Pa Aupuni ma Makanalua, Kamua Mai Lepera, Molokai.
G. N. WILCOX,
Kuhina Kalaiaina.
Keena Kalaiaina, Dec. 5, 1892.
dec12 3ts.
I kulike ai me ka Pauku 1 o ka Mokuna XXXV o na Kanawai o 1888 na hookaawale au i kekahi me no ka hoopaa ana i na holoholopa helehewa ma ke Kahua Mai Lepera, Molokai, maluna o kekahi apaua o waiho kokoke la i ka Ilina Kupapau o Makanalua, Molokai.
G. N. WILCOX,
Kuhina Kalaiaina.
Keena Kalaiaina, Dec. 5, 1892.
dec12 3ts.
Ua hookohuia o Chas. T. Gulick ia Komisina o na Palapala Hoopaa no ka Paaaina Hawaii ma kahi o Jonathan @ i make.
G. N. WILCOX,
Kuhina Kalaiaina.
Keena Kalaiaina, Dec. 8, 1892.
dec12 3ts.
I keia la, ua hookonuia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kanai, i panihakahaka ma kahi o G. W. Malama i waiho mai.
G. N. WILCOX,
Kuhina Kalaiaina.
dec5 3tsd.
O ka poe apau he mau hao kuni ko lakou, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhina kalaiaina, mai keia manawa aku, a hiki i ka la 1 o Iulai 1893, a ma na mokupuni eae, ma ke Keena o ka Makai Nui, no ke kope hou ana i na inoa.
G. N. WILCOX,
Kuhina Kalaiaina.
Keena Kalaiaina. Dec. 2, 1892.
dec5 3tsd-dly.
I keia la ua hookonu ia aku o Mr. Iyon K Kakani, i Luna Pa Aupuni, no ka Pa Aupuni o Hana, Mokupuni o Maui i hope no C. Pololu, i waiho mai.
G. N. Wilcox,
Kuhina Kalaiaina
Keena Kalaiaina. Nov. 30, 1892.
dec5 3ts-dly.
I keia la, ua hookohu ia aku o S. W. Kekuewa Esq i Notari no ka lehulehu, no ka Mahele Ekolu o ke Aupuni Hawaii.
G. N. Wilcox,
Kuhina Kalaiaina
Keena Kalaiaina, Nov. 30, 1892.
dec5 3ts-dly.
I keia la, ua hookhu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.
G. N. Wilcox,
Kuhina Kalaiana.
Keena Kalaiana, Nov. 30, 1892.
dec5 3ts-dly
I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. McIntosh i make.
G. N. WILCOX,
Kuhina Kalaiaina.
Keena Kalaiaina, Dec. 1, 1892.
dec2 3tsd.
Oiai ua haalele mai ka hapanui o ka Papa Luna Nana Koho Malota, no ka Mahele Ekolu, Apana o Hilo Hema, a oiai ua haiki ka makawa e hoopiha ai i ua hakahaka la, a e hooko ai i ka manao o ke kanawai mamua ae o ka la 29 o Novemaba, ka la i kuahaua ia e malama ia ana ke koho balota kuikawa ana no ka Lunamakaainana iloko o ia Apana, ke hoolaha ia aku nei ma keia ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novemaba, 1892.
G. N. WILCOX,
Kuhina Kalaiaina.
Keena Kalaiaina. Nov. 21, 1892
nov21 3ts.
Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.
G. N. WILCOX
Kuhina Kalaiaina
Keena Kalaiaina.
Honolulu, Dec. 9, 1892. 3ts dly.
I keia la ua hookohuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokahiki i waiho mai.
G. N. WILCOX,
Kuhina Kalaiaina.
Keena Kalaiaina, Nov. 30, 1892.
dec5 3tsd.
KA LEO O KA LAHUI.
JNO. E. BUSH
Lunahooponopono a me Puuku.
POAHA, DEKEMABA 22, 1892
NO KAKOU KA NOHO.
Hon. John E. Bush,
Aloha kaua:
No kakou ka Noho o Hilo Hema i keia la.
O ka manaolana hope ke ae mai ke Akua i ka makou pule, o alo aku ana makou ma ka waapa no keia kai loa. Na ko ke Akua aloha e hoomaliehe i na ale ahiu o ka moana, a e haawi mai i makani aheahe, e hiki ai e pae aku i Honolulu me na ulia poino ole. E kokua mai no ke Akua ia kakou, ke kokua kakou ia kakou iho.
Ke hooki nei me ka awiwi loa. Kou hoa kauwa haahaa.
JOSEPH NAWAHI.
Nui ko makou aloha i ka heluhelu ana i ka leta a ko kakou makamaka oiaio, Hon. J. Nawahi, a nui no hoi ko makou mahelo i ko Hilo Hema mau makaainana i ko lakou kupaa a hilinai i ko lakou moho, ka makamua nana e paa pulelo mau ana i ka hae lanakila o ke aloha aina oiaio a loli ole, mai mua mai o koaa noho Lunamakaainana ana a hala wale he iwakalua makahiki. He kanaka Hawaii oiaio o Hon. J. Nawahi, he aloha lahui a he makee alii, a he kanaka kupono no hoi e hilinai ia e ka Moiwahine no na oi hana he lehulehu. He oiaio, aole i like loa na alanui hele o kona a me ko makou kulana, aka, ua like no ma ka manao, - he hookahi no pahu hopu-he aloha lahui, he alona aina, he aloha alii, he aloha i ku ia iluna o ke kanawai o ka hoopono. Kia makou ke kalokalo nei i ko ku Akua lokomaikai, e ae mai i kana noi, e hoomaliolio ia na ale e ka moana, a e ani malie mai hoi na makanai maalahi a hiki i kona pae ana mai ma ke awa nei o Kou, mamuli o ke ake e hiki awiwi mai e hooko i ka hana a kona kini i hooili iho ai maluna opa.
OILI PULELO KE AHI O KASAILE.
Ma ka huli hoi ana mai a ka mokuahi Kinau i ke kakahiaka Poakolu nei, i ahai pu mai ai oia i ka nuhou o ke kahua holo balota o Hilo Hema, ua oili pulelo ke ahi o Nualolo, welo ka auhau i na pali, i ka puka lanakila ana mai la o ka moho kupaa nane ole a ka Aoao Liberala, ka Hon. Joseph Nawahi, oia kai lawe hou ae la i ka noho hanohano o Hilo Hema i keia Kau Kuikawa: a eia oia ma ka waapa huelo-boti o lawe haaheo ia mai nei o na keiki lae ula o Kauakanilehua no ke Kapitala Alii nei, a e lohea hou ia ana kona leo ma na paia o Aliiolani Hale. A no kona hoa holo balota, ua hoonoho hou ia aku la no oia i mea paahana na Hikikoki ma, a o keia ka haule poho ana o ka manaolana o ka poe kue iaia, me kela leta apuka a ka Poai Hoomaemae i kalohe ai. A ke hoomaopopo nei makou eia ko naka haalulu nei na kuli o ka poe kue kanawai. Ea pehea la ko lakou nei manao, oi ae ka Hon. J. Nawahi la, ke huli hoi mai ne. Ke haawi aku nei KA LEO i kona aloha pumehana i ka Moho Lanakila a e hoopao lanakila ia mai oia i ka aina maloe, e kapae aku i na makani puahiohio a me na ale huhu o ka moana ka makou pule.
KA BILA OPIUMA.
Ke manao kuhihewa nei kekahi poe i hiki ole ke hoomaopopo i na pono e ulu mai ana mamuli o ka laha ana o ka opuma iwaena o keia lahui, he mea maikai ka opiuma, he mea waiwai ka opiuma, aka, e na hoa kanaka, he manao haakei keia, a he ike kalaiaina pokole. O ka ae ia ana o na hana hewa e hana ia malalo o ke kanawai, ma ka laikini ana he mea ia o maluhia a e kaohi mai ai i keia kupu ino he opiuma, he hana HUPO, a @ koomaewaewa maopopo i @ ola o ka lahui. O ke dala he mea loaa wale no ia aka o ka make e pahola ana maluna o ka lahui kanaka mamuli o ka laha ana o ka opiuma, he mea loaa hou ole ia ke ape ae a ke imi aku e like me ke dala. Na ke ake dala i hoala mai i na kuko i na kane e kuu wale i na wahine e hele i ka hookamakama i ke au okohola me ke kaohi @ o @ leo ao o na @ misionar, a eia ka hua awahia oia mau hana ke omo nei i ka lahui e make i ka make ma noino a mai lepera ma Molokai i keia la. Owai kai manao e hiki mai ana he mai ai @ no ka hana hookamakama a na Wahine Hawaii ola @ la. O ka poo kakahiaka e hope hewa nei, o ka laikini ana i ka @ hewa oia ka mea o pomaikai. @ he mea e malu ai ka hana hewa, ma ka laikini ana, pahea hoi o laikini ole ia ai ka p pohi kanaka, kaaihue, ka moekolohe, a me na hana kue kanawai e ae? He mau hana keia i like me ka Lutera i ahewa ai i ka Pope o Roma, no ka laikini ia no ke dala na hana lewa a kanaka e ku@ ai. Aloha ka pouli i ke alakai hewa ia e na makapo a me na kalai kuhihewa a kanaka me ka haalele ia o ka olelo oiaio a ke Akua.
KAU AHAOLELO O 1892.
LA HANA 150.
Auina La.
Pauku 2 o ka bila haawina.
Oihana Kalaiaina.
Hoohoihoi i ka Hoopae Limahana $10,000 holo.
Makeke Hou no Honolulu 25,000 Kahua Kiko@ Oihana Kinaiahi 50,000.
Pakui i ka Hale Leta 4,000
Lua hoahu hou Keona Aina 3,500
Na hale holoi lole hou Hon. 7,500
Hale hoahu pauda hou 6,000
Palekai no Koolauloa 3,000
Awapae hou ma Maalaea 1,200
" " Kaunakakai 1,500
Awapae hou me Palekai no Honolulu 63,000
Alanui mai @ a Puna 10,000
Alahele i Kaluaopele 60,000
Na alanui o N. Kona 15,000
" " S. Kona 15,000
Alanui ma Kula, Maui 10,000
Alanui mai Kuia a Makena 10,000
Uapo me na awapae o Hilo 10,000
Uapo o Honolii 17,574
Hilo Akau 10,000
Na Awapae o Kau 10,000
Alanui o Kahuku a Manuka 500
Alanui o Hamakua 3,000
Alanui o N. Kohala 5,000
Alanui o Hamakua no ka hoiliwai ana 2,000
N. Kohala a S. Kohala 1,022.29
Laupahoehoe 200
N. Kona 3,000
S. Kona 3,000
Uapo no Makapala a hiki i Niulii 3,000 hooleia.
Alanui mai Kailua a Mokuaweoweo 10,000 hooleia.
Kuai ana i ke alanui o Peter Lee he 6,000 holo.
Alanui a alahaka o Makawao 5,000
Alanui o na home liilii ma Kula, Maui 500
Hoomaemae ana i na alanui o Wailuku 5,000
Na alanui o Hana, Maui 5,000
Hoomaemae i na alanui o ka Apana Ekolu o Honolulu nei a hiki i puoina 10,000 hooleia.
Alanui mai Wailuku a Kahului he 3,000 hoopaneeia.
Na alanui o Honolulu 12,064.76
Alanui Pali o Nuuanu 37,000
Alanui Pali o Kaula, Hawaii 1,000
Uku ana ia J. M. Koaloha 200