Ka Leo o ka Lahui, Volume II, Number 606, 19 December 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

Na Olelo Hooholo

            Kuhina Kalaiaina, ua kakau inoa ka Moi i kekahi mau bila kanawai, oia na bila 203 me 217.

            White, e noi ana e kapaeia aku ka olelo hooholo e pili ana i ka make ana o J. W. Kalua, mailoko aku o ka moolelo o keia hale, oiai aole oi i make; waihoia ma ka papa.

            Heluhelu ekolu ana o ka bila 201, e pili ana i na dute; haawiia i ke Komite Wae o ehiku lala.

            Bila Opiuma, hoopaneeia no ka Poalua, Dec. 20.

            Bila 219, noonoo pakahi ia na pauku 1 me ka 2 a hooholoia.

            Hoopanee ka hale.

 

MAKE NO I KA HAWAII

            Ua hopu ia iho la o Mrs. Kailimai, i hele pu aku nei no Kalaupapa, malalo o ka Palapala a ka Pereridena o ka Papa Ola, a ua hookoloko ia iho la no i kahaone a hoopaiia iho la he $14.50 no ke huli hoi ana mai.

            Na Mr. Maea keia hoopii.  Pela iho la no ka Hawaii e hana ia ai, mamuli o ka palupalu o na Lunamakaainana a puni wale i ka pelo ia.

 

KE KANAWAI KOHO ELELE

            O keia ke kanawai a ka lahui i akenui ai e hooholoia, i na la mua o ka pule i hala aku la, ua hiki ae imua o ka Hale ka hoike a ka hapa uuku oia Komite, oia hoi o Kamauoha, Buki a me White, a koe ka hoike a ka hapanui.

            No ia kumu ua kali ia a hiki mai ka lakou hoike, alaila noonooia ia manawa, ua loaa ia makou ka manaolana e ko ana ka makemake o ka lahui i noi mai ai mana palapala hoopii lehulehu i ka Ahaolelo, e hanaia i kanawai Koho Elele Hana Kumukanawai Hou.

            Ma ia manawa, ua hoike aku makou i ke akea, e loaa ana ka maha i ka lahui, a e ko ana hoi ka mea i makemakeia, oia hoi ke Kumukanawai Hou.

            Aka, i keia manawa, ke hoike aku nei makou i ko makou manao paumako a ehaeha hoi no ka mea a ka lahui i lia nui ai, oia ke loaa ana he kumukanawai hou, ma o na elele hana kumukanawai ala, i ke koho ia ana o ka lahui.

            Ua kanalua makou i ka hiki ke hooko ia oiai o ka hapa nui o ka Hale i ka nana aku, aia no ia ma ka aoao kue i ka bila kanawai.

            Aka, e ka lahui Hawaii aloha e pelu ina kuli i ka honua, a e haawi aku ina leo pule imua o ka Makua Kiekie Loa, no ke kua aka mai o kona uhane hoopomaikai maluna ou e Hawaii.  E like me kana ia mai ai, he kokua kokoke au no oukou, i ka wa o ka popilikia e hiki mai ana.

            Nolaila, e na waha olelo o ka lehulehu, e noho ana iloko o ka Hale kaukauawai hanohano o ko Hawaii Pae Aina.  E hoiko i ko oukou manao aloha no ko kakou aina aloha, ka aina hoi nona ka olelo kaulana, ka Palesaiko o ka maluhia.  A i mea e mau ai ke keha ana o kela mau hua olelo pa haohao maluna o Hawaii, e paio oukou i ka paio mai kai o ke aloha aina oiaio, i mea hoi, e hoo ia aku ai ka mana, ka hanohano, ka noho ana lanakila, a me ke kuokou o ko kakou aina makua hine.

            Oia hoi, o ka lokahi oia ka ikaika a me ka lanakila.  Imua no ke aloha i ka aina kulaiwi, na ka Haku no e kokua mai.

NU HOU KULOKO

            I na Luna lawe pepa o KA LEO, ke hai ia aku nei ka lohe ia oukou a pau, e hoihoi mai i keia mau helu 570, 580, 585, 586, 590, 594, me 595, ina he koena ma ko oukou lima.

MA KE KAUOHA

 

            Ahaolelo ko keia kakahiaka hora 9.

 

            Apopo e noonoo ai ka Ahaolelo i ka vito a ka Moi no ka bila 175.

 

            I ke kakahiaka Poakolu ae nei e hoea mai ai ke Kinau mai Hilo Hanakahi mai.

 

            I ka hora 10 o ka la apopo e huli hoi aku ai ka Malulani no kona mau awa mua mau o Maui a me Hawaii.

 

            O ka la koho balota keia o Hilo Hema, a me he mea la, na ke Kinau e hoike mai na mea hou o ua aina lu lehua la.

 

            I ka hora 5 o ke ahiahi o ka la apopo, e holo aku ai ke Kalaudina no Maui, ka Mikahala no Kauai, a o ka Iwalani no Hamakua.

 

            Ua moe aku la ka bila banako a Hona a ke kau o 1894 alaila hoea hou mai, no ka mea, e hoea hou mai ana no kona hookapuhi ia kau.

 

            He mau la wale ko la Liona o Enelani e lualai iho ai i na kaiaulu o Hawaii nei, a hiu aku no ka hina pua.

 

            Eia mai ka LEO ke oili aku nei me na ono he nui o na papa aina like ole; a na ka anoi no ia e wae aku.

 

            Ma ke kilo ana o KA LEO no ka wa e hookuu ai ka Hale Ahaolelo aia no ia i ka pule ekolu o keia mahina ae nei o Nana.

 

            Haukawewe lua hoi kamalii kolohe a Makalii ma ke ahiahi o ka hiku o ka la, nana aku ia la kaiapuni, kaialawa, koekoena he hakukele.

 

AKA HE MAU

WAIWAI HOU WALE NO, AOLEIPOPOPO!

E LOAA NO

MA KE KUMUKUAI EMI LOA!!

MA KAHI O

N. S. SACHS,

Helu 104   Alanui Papu, Honolulu   Helu 104.

 

O na Waiwai Hou Wale no ko ko Makou Halekuai  

            Aole o na Apa Lole Popopo a Kahiko!

            Aole a makou mau hana hoopunipuni; aole a makou mannu ekaeka oia hoi, aole e makou paali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou lea no ko makou mau makamaka a me na hoaloha no ke

Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai.  E ropa mai, ma o ko makou mau kanoha ponoi ana aku, a ke hooia aku nei makou e kuai ia aku ana no me ka emi loa i ae ka emi mamua o kekahi au halekuai e ae.  Ua loaa pu mai, no hoi ma ko makou halekuai nei he mau lako hou o na

Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu.  Ua whe pu ae nei makou he luhuehu o na APA HULUHULU Farani, na Silika PANI’O a me na APA SILIKA LAU.  He mea pono e ike ko makou makamaka a me na hoaloha i kela mau waiwai hou @.  Emi ke Kumukuai.  O na APA SILIKA ELEELE, PAPAMU, a pela aku e loaa no ma ko kumukuai haahaa loa.

            Na Papale o na Wahine i humu a kinohinohiia, na Papale o na Keiki o ke ano hou loa e kuai ia aku no @ kumukuai haahaa loa.  Na Pua Papale na Hulu Papale hou, e pela aku, e loaa no ma ko makeu halekuai me ke @ emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loaa 2 na mau hana hookinohinohi ana i na papale.  Ua hiki ia makou ke kaena ae ua oi ae kona loea mamua o na mea hana a @nohino papale o kekahi mau halekuai papale e ae.

            E hoomanao hou iho e na makamaka a me na hoaloha, o ka pono, pololei, kaulike ko maku @ a @ o na hana poholalo, a mamua o ko oukou hele aku i kekahi halekuai e aku, e kipa mua mai ma ko makou halekuai.  E kilohi mua.  E nana.  E lolelole.  E hooia no oukou iho.

N. S. SACHS

575-tfd                                    104 Alanui Papu, Honolulu

 

He Kuai Hoopau Nui

MA KA

HEIAU O NA PAIKINI!

 

No Keia wahi Pule Hookahi Wale iho no!

 

A HE OIAIO

 

E Kuai pau aku ana ka Makou mau LOLE KEOKEO a pau, oia hoi

 

Na Liliua, na Kalakoa a me na Lole Kilikia me na Huluhulu

 

Na Kinamu a me na Lole Nani onaano a Pau

 

            E pau ana i kela Pule no ke Kumukuai hiki ole ke manaoia no ke emi loa.  E hoomanao o na La i keia kuai kamahao e panee ia aku nei imua o oukou

575 tfd                                    S. EHRLICH, Ka Helu @