Ka Leo o ka Lahui, Volume II, Number 605, 16 December 1892 — Page 2
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
KA LEO O KA LAHUI.
"E Mau ke Ea o ka Aina i ka Pono."
MA ME KAUOHA.
KUAI O KA AINA AUPUNI I KAPAIA O LAULA, KONA AKAU, HAWAII.
Ma ka Poalua, Iulai 10, 1893, ma ka hora 12 awakea, ma ke alo o ka Hale Aliiolani, e kuai kudala ia ai ka aina aupuni o "Laula" ma Holualoa Elua, Kona Akau, Hawaii, nona ka ili o 38 2-10 eka oi iki aku a emi iki mai paha.
UKU HOOKUMU. $ 100.
G. N. WILCOX.
Kuhina Kalaiaina
Keena Kalaiaina Dec. 12, 1892.
dec13 3ts
I kulike ai me ka Pauku 2 o ka Mokuna XXXV o na Kanawai o 1888, ua hookohu au i keia la ia Mr. Aarona, i Luna Pa Aupuni no ka Pa Aupuni ma Makanalua, Kahua Mai Lepera, Molokai.
G. N. WILCOX,
Kuhina Kalaiaina.
Keena Kalaiaina, Dec. 5, 1892.
dec12 3ts.
I kulike ai me ka Pauku 1 o ka Mokuna XXXV o na Kanawai o 1888, ua hookaawale au i kekahi pa no ka hoopaa ana i na holoholona helehewa ma ke Kahua Mai Lepera, Molokai, maluna o kekahi apana e waiho kokoke la i ka Ilina Kupapau o Makanalua, Molokai.
G. N. WILCOX,
Kuhina Kalaiaina.
Keena Kalaiaina, Dec. 5, 1892.
dec12 3ts.
Ua hookohuia o Chas. T. Gulick i Komisina o na Palapala Hoopaa no ka Paeaina Hawaii ma kahi o Jonathan Austin i make.
G. N. WILCOX,
Kuhina Kalaiaina.
Keena Kalaiaina, Dec. 8, 1892.
dec12 3ts.
Mamuli o ke kaa ana o ka la 25 o Dekemaba, 1892, a me Ianuari 1 1893 i ka Lakapule, nolaila, o ka Poakahi Dekemaba la 26 1892, a me Ianuari 2, 1893, e malama ia ana ia mau la i mau la kulai aupuni. A o na Keena Oihana Aupuni o ke Aupuni, e pani ia no.
G. N. WILCOX
Kuhina Kalaiaina
Keena Kalaiaina.
Honolulu, Dec. 9, 1892. 3ts-dly.
I keia la, ua hookohuia aku o Keoki Kimokeo i hoa no ka Papa Alanui, no ka Apana Koho o Kau, Mokupuni o Hawaii, i panihakahaka ma kahi o G. W. Kaholokahiki i waiho mai.
G. N. WILCOX,
Kuhina Kalaiaina.
Keena Kalaiaina, Nov. 30, 1892.
dec5 3tsd.
I keia la, ua hookohuia aku o J. Kamalenui, i hoa no ka Papa Alanui no ka Apana Koho o Waimea, Mokupuni o Kauai, i panihakahaka ma kahi o G. W. Malama i waiho mai.
G. N. WILCOX,
Kuhina Kalaiaina.
dec5 3tsd.
O ka poe apau he mau hao kuni ko lakau, e paa nei ma ka buke Aupuni, i ku i ke kanawai, ke kauoha io aku nei lakou, e hele a e ma ke Keena o ke Kuhiua kalaiaina, mai keia manawa aku, a hiki i ka la 1 o Iulai 1893, a ma na mokupuni eae, ma ke Keena o ka Makai Nui, no ke kope hou ana i na inoa.
G. N. WILCOX,
Kuhina Kalaiaina.
Keena Kalaiaina, Dec. 2, 1892.
dec5 3tsd-dly.
I keia la, ua hookohu ia aku o Mr. Iyon K Kakani, i Luna Pa Aupuni, no ka Pa Aupuni o Hana, Mokupuni o Maui i hope no C. Pololu, i waiho mai.
G. N. WILCOX,
Kuhina Kalaiaina
Keena Kalaiaina, Nov. 30, 1892.
dec5 3ts-dly.
I keia la, ua hookohu ia aku o S. W. Kekuewa Esq, i Notari no ka lehulehu, no ka Mahele Ekolu o ke Aupuni Hawaii.
G. N. Wilcox,
Kuhina Kalaiaina
Keena Kalaiaina, Nov. 30, 1892.
dec5 3ts-dly.
I keia la, ua hookhu ia aku o Mr. Moses Papaiakea, i Luna Pa Aupuni, no ka Pa Aupuni o Huelo, Mokupuni o Maui, i hope no K. Honokaupu i waiho mai.
G. N. Wilcox.
Kuhina Kalaiaina.
Keena Kalaiaina, Nov. 30, 1892.
dec5 3ts-dly.
I keia la, ua hookohu ia aku o William E. Rowell, i Luna Nui no na Hana Hou, he hope ma kahi o Henry W. McIntosh i make.
G. N. WILCOX,
Kuhina Kalaiaina.
Keena Kalaiaina, Dec. 1, 1892.
dec2 3tsd.
Oiai ua haalele mai ka hapanui o ka Papa Luna Nana Koho Balota, no ka Mahele Ekolu, Apana o Hilo Hema, a oiai ua haiki ka manawa e hoopiha ai i ua hakahaka la, a e hooko ai i ka manao o ke kanawai mamua ae o ka la 29 o Novemaba, ka la i kuahaua ia e malama ia ana ke koho balota kuikawa ana no ka Lunamakaainana iloko o ia Apana, ke hoolaha ia aku nei ma keia ua hoopau ia ka olelo kuahaua i hoolaha ia aku mai keia Oihana aku malalo o ka la 4 Novemaba, 1892.
G. N. WILCOX.
Kuhina Kalaiaina.
Keena Kalaiaina. Nov, 21. 1892
nov21 3ts.
KA LEO O KA LAHUI.
JNO. E. BUSH.
Lunahooponopono a me Puuku.
POALIMA, DEKEMABA 16, 1892.
VITO KA MOIWAHINE I KA BILA KANAWAI 175.
No ka pomaikai o ko makou mau makamaka heluhelu, ke hoike aku nei makou me ka hookaulua ole, i ke kanawai mua loa a ka Moiwahine i vito ai, a i ke au mua loa hoi o kona Nohoalii Aimoku ana, a oia iho keia:
I ka la 15 o Dekemaba nei, ua hoihoi hou mai ka Moiwahine i ka bila 175 i ka Ahaolelo, malalo o ka Pauku 48 o ke Kumukanawai. O keia bila kanawai, oia no ka bila e pili ana i ke kaupalena ana i na hora hana o na Luna Aupuni.
Ma keia hoihoi hou ana mai, ua waiho pu mai oia i na kumu o kona vito ana. O ka Elele nana i hoihoi hou mai, oia no ka Puuku o ke Aloalii, a eia iho na kumu:
Akahi—He manaoio Ko'u, he laula loa na mea i hoikeia maloko o keia kanawai, a he mea hiki ole ke hoohana ia.
Alua—Ua keakea a hookuia koikoi loa mai ua kanawai la i ka hana ana a na Oihana Hooko o Ko'u Aupuni, mamuli o kona ano laula.
Akolu—He mea kupono, o Ko'u mau Kuhina no na lunahooponopono no na hana, a o lakou wale no na mea kupono e kau i mau rula, a mau hooponopono ana i kupono no ka hooholomua a me na wehewehe maopopo ana i na hana a na Lala Hooko o ke Aupuni.
Aha—O na hoakaka e pili ana i ka uku o na limahana aupuni, aole no ia i pili aku i na limahana a pau loa, oia hoi, e hookoe ana i ka poe malalo o ka Oihana Hookolokolo.
Ua manao Au, he @keakea ana keia ma ka aoao o ka Mana Kaukanawai o ke aupuni i ka Lala Hooko o ua aupuni la, a ma ia ano, ua kue loa ia i na hoakaka ana o ke Kumukanawai.
Hanaia ma ko Makou Halealii ma Iolani, i ke a la 15 o Dekemaba, M. H. 1892.
LILIUOKALANI R.
E lilo ana keia hoihoi hou ia ana mai, i hana no ka Poalua ae nei, Dekemaba 26, oia ka hana o ka Hale Ahaolelo ma ia la. Me he la, e lilo ana keia hoihoi hou ana, i poka pahu na na Solona Kaukanawai e hoohana hou ai i ka imi pono ana i na kumu kue a ka Mana Hooko i hoakaka mai ai ma o Kana pane la, e hoakaka ana i na kumu nui o Kona hoihoi hou, e aumeume hou ana lakou no keia kanawai i keia pule ae.
KAU AHAOLELO O 1892.
LA HANA 144.
Auina La.
Uku Hale Dute Kahului 600
Uku Hale Dute ma Hilo 1,200
Kokua Nunu lawe leta 500
No ka pono o J. Kahahawai 2,600
Peter Hai me Dilinahama 1,600
Hanakau ele 3,175
Kokua Kinaiahi o Hilo 1,000
Heluhelu mai o White he olelo hooholo, e uku aku ia F. J. Testa i $100, haawiia i ke Komite.
Alanui no Kula, Maui 600
Heluhela mai ka Loio Kuhina he hoololi no ke kanawai e pili ana i ka Luna Hooia.
Kokua laina mokuahi mai Keomolewa a Hilo 7,000, waihoia na noi a pau ma ka papa.
Hoolako ana i ka halealii 5,000
Ilina kupapau ma Puea 300
Mikini hoomaemae Ramia 4,000, a ua hoole ia.
Uku ana i na poho o Ilai 200
Hoopanee ka hale.
LA HANA 145.
Dec, 13, 1892.
Halawai ka hale elike me ka mau.
Komite mau.
Baldwin, hoike no ka palapala hoopii helu 431, waihoia a noonoo pu me ka bila haawina.
Waipuilani, e pili ana i ka palapala hoopii helu 475, waihoia a noonoo pu me ka bila.
Na Olelo Hooholo.
Waipuilani, e hoolimalimaia aku kekahi loio no ka hana ana i kekahi kanawai no ka oihana kinaiahi o Hilo, hooholoia.
Kuhina Kalaiaina, ua apono ka Moi i ke kanawai o lima.
Na Hana o ka La.
Heluhelu ekolu ana o ka bila 113.
Hoomaha ka hale.
Auina La.
Nui ka hoopaapaa o na hoa no ka bila alahao a Hona, a hiki i ka haawiia ana o ka bila iloko o ka lima o na Komisina no ka 1-94.
Hoopanee ka hale.
LA HANA 146.
Dec. 14, 1892.
Halawai ka hale elike me ka mau.
Komite mau.
Williams, ua pau i ke pai ia kekahi bila kanawai.
Na Olelo Hooholo.
Kuhina Waiwai, hoolaha mai oia he kanawai e pili ana i ka Banako Haleleta..
Loio Kuhina, hoolaha kanawai aie kaa ole.
W. White, hoolaha kanawai no na pono alahao, e hookomo ia mai me ke dute ole, heluhelu ekahiia ka bila ma ke poo.
Kapaeia na rula, heluhelu elua a haawi ia i ke Komite Kalepa.
Hapaiia ka noonoo ana o ka bila 210 e pili ana i ka Luna Hooia.
Noi o K@ma@oha e kakau poepoe ia, kue o Kamika, e haahiia i ke Komite Hookolokolo.
Hoopaapaa na hoa, a i ka hope loa, he 22 kue, a he 19 ma ka @e.
Bila 127, hoopanee no hai wa.
Na hana o ka La.
Heluhelu ekolu o ka bila 79, hooholo loa ia.
Heluhelu ekolu o ka bila 206, a ua hooholoia.
Heluhelu ekolu ana o ka bila 183 hooholo loa ia ka bila kanawai.
Heluhelu ekolu ana o ka bila 216 hooholo loa ia ka bila kanawai.
Heluhelu elua ana o ka bila 14, noi ia e noonoo pakahi na pauku, a aponoia; pauku 1—14, ua haawiia no ke kakaupoepoe.
Hoomaha ka hale i ke awakea.
Auina La.
Heluhelu elua ana o ka biia 218, haawiia i ke Komite Hookolokolo.
Heluhelu elua ana o ka bila 211, haawiia i ke Komite Malama Ola.
Heluhelu elua ana o ka bila 212, haawiia i ke Komite Wae.
Heluhelu elua ana o ka bila 214, hoopanee loa ia.
Noi hou ke 'Lii Marsden e hapai hou ia ka noonoo ana, ua aponoia a haawiia no ke kakau poepoe.
Heluhelu elua ana o ka bila 178, waiho loa ia ma ka papa.
Heluhelu elua ana o ka bila 201, haawiia no ke kakau poepoe.
Heluhelu elua ana o ka bila 213, waihoia a hiki mai ka Lunahoomalu o ke Komite Waiwai.
Heluhelu elua ana o ka biia 221, haawiia i ke Komite Hookolokolo.
Heluhelu elua ana o ka bila 75, waihoia ka bila ma ka papa.
Noi ke 'Lii Hona, e hapaiia ka noenoe ana o ka bila banako i ka la apopo imua o ka hale aponoia.
Waipuilani, hoolaha kanawai e pili ana i na loio apana, heluhelu 2 ia a haawiia i ke Komite Hookolokolo.
Kuhina Kalaiaina, he pane i na ninau a Kapahu, e pili ana i na aina o Moaula a me Moakea-iki, ua lilo i ka hoolimalimaia.
Hoike hou mai oia, he elua bila i waihoia aku imua o ka Moi.
Hoopanee ka hale.
LA HANA 147.
Dec. 15, 1892.
Halawai ka hale e like me ka mau- Heluh lu ia ka moolelo o ka la i hala a aponoia.
Na Olelo Hooholo.
Waiho mai o White he olelo hooholo, e hoopanee ka hale i ka auina la, no ka hoomanao ana i ka make ana o J. W. Kalua, a noho hou i ka la apopo. Aponoia ka olelo hooholo
Mai ka Hui Kalepa mai o Honolulu, e kue ana i ka bila banako a Hona, waihoia a noonoo pu me ka bila.
Na Hana o ka La.