Ka Leo o ka Lahui, Volume II, Number 602, 13 December 1892 — Page 3
| This text was transcribed by: | Richard Tavares |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
-----
Ai@ no ke ana ana 792.84
Keena, Kakau Kope.
Luna Kakau Kope 5,334
Hope Kakau Kope 4,000
Na Kakauolelo 6,680
Kela me keia lilo 480
Hoopae Limahana
Lnna Nana Iapana me Maheleolelo 6,000
Kakauolelo 1,400
Kak. Hoopae Limahana 1,500
Na Hana Hou.
Luna Nui 6,334
Na Kakauolelo 6,400
Kela me keia lilo 500
No na Luawai 5,000
No na luawai e ae 10,000
Oihana wai Wailuku 15,000 Panee
Laupahoehoe 50
Koloa 200
Hilo 1,750
Kohala 660
Hoopanee ka Hale.
-----
NUHOU O NA AINA E.
-----
Ma ka mokumahu China, i ku mai i ka po Poakahi nei, 5 1/2 mai Kapalakiko mai, ua lolaa mai na mea hou o na aina e a ka la 6 o keia mahina.
I ka la 26 o Novemaba i hala ua haalele aku ka Aha Kuhina o ka Repubalika Farani.
Ua mana ia e holo ana ka haawina hou no ka hoonui ana i ka puali Kana o Geremania.
Nui ke koloheia o ke kala i lulu ia no ke oke ana i ke Alaoki o Panama, i hoolala ia e D. Lesseps, ma Farani. Mamuli o keia kumu i haalele ai ka Aha Kuhina. Ua la we ka Barona Reinach i kona ola, oiai oia kekahi mea i komo nui iloko o keia hana.
Ua make ma Nu Ioka, ka ona miliona kaulana Jay Gould. He $70,000,000 ka nui o kona waiwai, aka, aole nae i hiki kona waiwai ke kaohi iho ia ia.
-----
NU HOU KULOKO.
-----
Ahaolelo ko keia kakahiaka, hora 9.
-----
Ua lohe ia mai aia o Conela V. V. Akipoka, ke noho la ma kona home, Canada, me ke ola kino maikai.
-----
No ke kaa ana o ka la Karisamasa me Nuia ma ka lapule, nolaila ma ka Poakahi e malama ia ai ia mau la kulaia.
-----
Ma ka Hotele Hawaii ka bana kahi i kaoi ai i ka po nei, aole hoi ma Ema kuea e like me ka mea maa mau.
-----
Ua hoopanee ia aku la ke kudala ana a Mr. Jas. Mogana, i ka waiwai o Namauu, a hiki i ka la 14 o keia mahina oia hoi ka Poakolu, aole hoi e like me ka mea i hoolaha mua i aku ai.
I keia la e holo aku ai ke Kinau no kona mau Awa maa mau a o Hon. J. Nawahi kekani ana e hii aku ana no ka Ua Kanilehua.
-----
Ma ka po lapule nei, i ku mai ai ka mokuahi Kina, mai ka ipuka Gula mai o Kaleponi, a me ka po nei kona holo loa ana aku no ka Aina pua.
-----
Ma ka lapule nei, i huli hoi mai ai no ka ua Kukalahale nei, na Hons. H. P. Balauwini me J. Kauhane, mai ko laua hoohala ana aku nei mau la ma na Kuaaina.
-----
Ua hului ia mai e kekahi mau makai no Kalakaua Hale kekahi mau nPake hana waiona, ma Kalihi ae nei ko laua wahi i hoomoamoa ai i ka laua punana wai hoomalalo kino.
-----
E malama ia an a maloko o ka halepule o Kawaiahao ma keia lapule ae, he mau haiolelo hoomaikai i ke Akua no ka piha ana o na makahiki he kanalima o ke ku ana oia hale.
-----
I ka Poaono nei, oiai o Mrs. S. Mahelona e holo ana ma kona kaa huila lua ma ke Alanui Nuuanu ua holo pukaka maila ke kaa o kekahi mau sela o ka Bosetona, a hookui maila me kona kaa, a haule aku la oia i lalo Laki nae aole i loaa oia me kekahi mau palapu. Ua hoouia na sela, no ka holo nui.
-----
Ua lilo ke ola o kekahi sela o luna o ka moku kiapa Lurline, ma o kona piholo ana iloko o ke kai. Ua haalele keia poe he eha ko lakou nui i ka moku a holo mai ia maluna o kekahi waapa uuku no uka o ka aina, a ma ka nuku o ka Muliwai o Waiakea, uaili iho la ko lakou wahi waapa, a he wahi papau loa no hoi ia. Ua hoao ae la lakou e hoolana i ka waapa, a ma o ke o ke one o kahi a lakou e hoolana ana i ka waapa, ua hiki ole, a hoao ae la lakou e imi no ko lakou pakele. Iloko o keia hakoko ana ua haule loa aku la kekahi o lakou i kahi hohonu, a piholo iho la. He kanaka opio o 23 wale no makahiki, he mau hora mahope iho ua hoopae ia maila i kula kona kino make.
-----
HUIALAHAO A ME AINA O OAHU.
Papa Manawa
Mai a Mahope o Okatoba 1, 1892
NA KAA
A. M. A. M. P. M. P.M.
Haalele ia Honolulu 6:15* 8:45 1:45 4:35+
Hoea i Honouliuli 7:20* 9:57 2:57 5:35+
Haaleleia 7:30* 10:13 3:45 5:42+
Hoea i Honolulu 8:35* 11:55 4:55 6:50+
NO KULANAKAUHALE MOMI IHO.
Haalele ia Honolulu 5:10# P. M.
Hiki i Kulanakauhale Momi 5:48#
Haakeke ia “ “ 6:55# A. M.
+ Poaono wale no
* Koe ka Lapule
# Koe ka Poaono.
Sept. 28 tf-dly. 575 @
-----
AOLE KEIA HE MAU HANA HOOHOKA!
-- AKA HE MAU --
WAIWAI HOU WALE NO, AOLE I POPOPO!
-- E LOAA NO --
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
-----
O na Waiwai Hou Wale no ko ko Makou Halekua,
Aole o na Apa Lole Popopo a Kahiko!
Aole e makou mau hana hoopunipuni; aole a makou mannu ekae @a, oia hoi, aole o makou puali aku i na apa lole kahiko i kumu e loaa ai he puka ma ko makou aoa, aka, haawi aku makou i na waiwai hou loa no ko makou mau makamaka a me na hoaloha, no ke
Kumukuai Emi Haalele Loa, e loaa ole ai Kona Lua Ke Ukali ae!
Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke houia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou no na
Apa Keokeo, na Lako Kalakoa a me na Kinihama,
A ke kuai aku nei makou ma kui@ lilo, no ka mea na makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani., na Silika PANI’O a me na APA SILIKA LAU. He meapono e ike ko makou makaniaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na papale o na Wahine i kumu a kinohinihiia, na Papale o na Keiki o ke ano hou loa, e kuai ia kau n ma ke kumukuai haahaa loa. Na Pua Papale na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loea kana mau hana hookinohinohi ana i na papale. Ua hiki i makou ke kaena ae ua oi ae kona loea mamua o na mea hana akinohino papale o kekahi mau halekuai papale e ae.
E hoomanao hou iho e na makamaka a me na hoaloha, o ka pono, pololei, kaulike, ko makou @oto, a aole o na hana pohalalo, a mamua o ko oukou liele ana aku i kekahi halekuai e aku, e kino mua mai ma ko makou halekuai. E kilehi mua. E nana. E iolelole. E hooia no oukou iho.
---: N. S. Sachs --
575-tfd 104 Alanui Papu, Honolulu.
-----
He Kuai Hoopau Nui
MA KA
HEIAU O NA PAIKINI!
-----
No Keia wahi Pule Hookahi Wale iho no!
-----
A HE OIAIO
E kuai pau aku ana ka Makou mau LOLE LEOLEO a pau, oia hoi
Na Li@ma, na Kalakoa a me na Lole Kilikia me na Huluhulu
NA Kinamu a me Lole Nani onaano a Pau.
-----
E pau ana i keia Pule no ke Kumukuai hiki ole me manaoia no ke emi loa. E hoomanao e na Lede i keia kuai kamahao e paheo ia aku nei imua o oukou.
575 @ S. EHRLICH. Ka Helu na Paikiai.