Ka Leo o ka Lahui, Volume II, Number 600, 9 December 1892 — Page 1
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
====================================================================================================
Buke II. HONOLULU DEKEMABA 9, '92. Helu 600
====================================================================================================
HE MOLELO KAILI PUUWAI
-NO-
SENIA LUTERA
-
Ka Ui Puuwai Mabala
-:O:-
ENELANI KAHIKO.
---
A E OLE
---
He Nanea Hooheno no kekahi Kauna Wahine Opio me kana mau Aloha Ekolu
(Kakauia no Ka Leo)
-
MOKUNA XXIII.
-
O oe ka'u wahine, a mamua o ko'u
ike ana aku i kau ipo e honi
ana i kou mau lehelehe e
hou aku no au i ka oi
o keia pahi iloko
o kou puuwai.
-
I kekahi po mahope iho o ka na@o ana aku o Senia, ua hele aku la kana aikane Iulia e holoholo maloko o ka malapua o ka home ana inoho ai a kupa, a kamaaina me kona hoaloha. He elua maua e holoholo ai ma kaie wahi la, wahi a ua wahine opio la e hawanawana ana iaia iho, ke ike nei nae au owau hookahi wale no keia e honi nei i ke ala moani o na pua. Ke mau nei no ka pumehana o ko'u aloha nona, ina pana he mea hiki ai'u ke ike lihi hou aku i kona mau hiohniona nani. ua hiki loa ia'u ke kumakaia aku i ko'u waiwai a pau, mae hoike mai ana kekahi mea i kahi o'u e launa hou ai me kuu aikana aloha. Ina e iho mai kekahi anela mai ka lani mai, a ninau mai ia'u o ko'u aloha ia Laionela, a i ole o ko'u aloha paha i ka u aikane owai o laua ka'u e koho ai? E pane aku no au i kana ninau: E hoihoi mai ia Senia i kana ipo Laionela a e haawi aku i kona kulana hanohano a pau iaia, a me kona inoa maikai - a o wau ke lawe ae i ka ehaeha, no ka mea a ko'u puuwaii lia ai.
Ua nana ae la oia i ka lewa luna a ike aku la ina hoku e nana mai ana me he la e uwe mai ana no kona luuluu, a hoomaka maila no hoi na manu e mele i ka lakou mau mele a me ku leo we, ua hina aku la oia maluna o ka mauu akulikuli ma kae o ka lokowai e pinii ana, a hookuu aku la oia i ka ukana a kona mau lihilihi e kahe, ka makamua iloko o na la loihi i aui aku, uwe iho la oia no kona mau luuluu ponoi iho no ka ipo ana i aloha ai.
* * * * *
Ua kuhikewa io paha ko makou poe heluhelu o ka ui Senia io keia kino make i loaa aku ai ikoko o ka muliwai, a no ke kahiko ia ana me ka aahu i like loa me kona, malaila wale no i manao ia ai oia, aka nae o ka oiaio maoli i ka manawa i ho olewa ia ai o ke kino make, a waiho iloko o ka ilina, oia no ka ma nawa i hookomo paahao ia aku ai o kaui Senia, iloko o kekahi rumi pouli o kekahi hale pohaku kahiko, he mau mile loihi mai ke Kakela Keokeo aku.
Ua moe pu aku ke kino o kekahi wahine e loa, me ka ohana kaulana o Lutera, a ina paha e maopopo ana i Haku Lutera, e oi loa aku ana kona hoonaukuiki i ka lawe ia ana aku o kekahi mea e a hoomoe pu ia me kona ohana.
I ka manawa o Lede Senia, i papani iho ai i kona mau maka a lele aku la iloko o ka wai, ua ike koke ia mai la oia e kekahi mea e hoomakakia mai ana, a o ua mnea la oia no o Heneri, ke kuewa i ukali mai iaia mai kona haalele ana aku i ke kakela, a o ka uhi wale iho no hoi koe o ka ili puanuanu o ka wai maluna o kona poo, paa e ana i na lima wikani o ua Hereri la. Ua puili maila oia ia Senia iloko o kona mau lima, a au malie aku la al hiki i kona pae ana i kula, kahi hoi a na kino i paa i ka uhi ia e kakali mai ana.
I ka hiki ana aku o Heneri i kula me kana ukana makamae, ua waiho koke iho la oia iluna o ka mauu, a kukuli iho la me ka hoopili ana iho i kona pepeiao ma ka puuwai o Senia. Ke pana nei no kona puuwai wahi a ua kuewa la nana ae la oia iluna me ka kunokunou ana iho o kona poo.
Ke ola nei no oia wahi a Heneri, he mau huaolelo nae ia i hoopuka ia me ke ano nui, a me ka hulili ana hoi o kona mau maka e like paha ka a me na maka o Kiadolo.
===========================
HE NANEA KAMAHAO
-NO-
MAIKA
-
KE KEIKI
Hapa Ilikini Hawaii hoi.
-
KE KANAKA MUA LOA NANA I PANA KE AKUA BEA A NA ILIKINI I MAKA'U LOA AI -
A O KA WELIHOI O NA ILI KEOKEO -A ME KA LUKU IA ANA O KELA HUI KEAKA A LI.
-
Ke kanaka @i p@ pololei, a o ka mea hoi naua i hoopaha'oha'o aku ina ili keokeo. Owai keia kanaka lauoho loihi i hiki aku kona l@a i na oloolo wawae, a aiai hoi e like me ka hau. E hele mai e oki i kuu p@u. Ua oki! Ua oki! Ua ku kela nui maloko mai o ka papale. Huro! Huro!! Huro!!!
-
Oia no hoi ka'u mea e noonoo nei i ke akamai nui wale aku o keia keihi, a eia no hoi kekahi mea a'u e noonoo nei, o kona mau helehelena, na like loa kona ano me kekahi mea a'u i ike ai mamua, o ko ia nei wahi mea wale no i ane like ole ai, he opiopio loa keia keiki a eia wale no ka'u mea e hai aku ia oe. e hele aku oe e ninau iaia e hahai mai ia oe i kona mau makua a me ko laua mau inoa a me kona moa pu kekahi?
Ua hele koke aku la ua kanaka la e ninau ia Maika. E oluolu mai hi oe ia'u e kamailio po kaua, ua ae koke mai la o Maika. I olelo mai nei hoi ana ko makou haku e hele mai au e ninau ia oe ina oe e oluolu mai ana oia hoi keia.
Owai ka inoa o kou mau makua ponoi a me kou inoa pu no noi kekahi?
O Akamai k@ inoa o ko'u makuakane, oHaliaka Walaka ka inoa o ko'u makuahine a o Maika no hoi ko'u inoa.
Mahalo au ia oe i kou hahai pono ana mai i ka'u mau mea i ninau aku nei, a e kali hoi ia'u, e hele ae au e olelo i na haku la o makou, ua ae mai la o Maika.
O ko ia nei hele aku la no hoi e hahai i ua ili keokeo la ika lohe ana oua ina mea a pau a ke keiki malihini i hahai mai. ua holo koke mai la ua ili keokeo la e hui pu me Maika, me ka olelo ana aku ina kanaka e hele mai oukou e ike i keia keiki malihini, no ka mea aole oia he mea okoa, aka he keiki ponoi oia na kakou, no ka mea ua hai mai nei oia o Akamai kona makuakane, i ka lohe ana o na kanaka i kela inoa Akamai, ua hele komai la lakou e lululima pu me ia nei.
Ua ninau mai la ua poe la i ko Akamai moolelo, ua hahai aku la no hoi keia i na mea a pau mai ka mua a hiki i ka hope, i ka loa ana o ua poe la i ko Akamai moolelo a me ko Maika, ua ilihia koke iho la lakou i ko lakou lohe ana i keia moolelo kamahao.
Ke ninau mai nei paha oee kuu makamaka heluhelu no keia poe; no hea la lakou, ae e kala e mai hoi oe ia'u ma ka wehewehe ana aku ia oe e kuu makamaka heluhelu no ia no ia mea.
O keia poe kanaka, a me kela ili keokeo, aole lakou he poe okoa e aku aka o na sela Hawaii no ia a me ko lakou kapena, oia hoi o Kapena Sula i holo pu aku ai me Akamai mai Hawaii aku nei, ua pau @a pau ae la kou pohihi no keia po@ a e kamailio kaua i ka mea kona keia moolelo.
Ua pane hou mai la o Kapena Sula, e hoi ha kakou i kauhale e hoopiha ai i ka lua o ka inaina; ua ae koke aku la o Maika.
Aole i pau.
=================================
OLELO HOOLAHA!
-
E ike auanei na meo a pau, owau o ka mea nona ka inoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine male oia o Mrs. Julia Kaaiwaiwai. Ua haalele mai oia ia'u mailoko o ka'u mau puili hemehema ole ana ia ia, a ua hele aku ia e like me kona makemake a ina e hoaie ia mai ana oia e kekahi poe maluna o lakou ko lakou poho.
O ke kuli ka make, o ka lohe ke ola.
Owau ihno no Kuu Oiaio.
MR. P. KAAIWAIWAI.
hale Koa. Honolulu, Nov.5, 1892.
11-7-1w.
==============================
HOOLAHA PA AUPUNI.
E ike auanei na kanaka a pau eia ma ka Pa Aupuni o Makiki nei kekaki ma lio hele hewa, 1 lio k. eleele, 1 wawae keokeo hope akau hae kuni ano e mahope akau, hae kuni ano e mahope akau,uahapala keia mau hua.
2. Lio w, ulaula, 2 wawae keokeo hepe, 2 wawae eleele mua keokeo kalae [2] kuni hope hema
3. Lio keiki k, ulaula 2 wawae keokeo akau hema keokeo loihi ma ka lae, aole hao kuni.
4. Lio keiki w, hulupala, 4 wawae keokeo, keokeo lokihi ma ka lae, aole hao kuni.
5. Lio k, ulaula 2 waewae keokeo hope, 2 wawae eleele mua aole ike ia ke kuni.
6. Lio w, ulaula 1 wawae keokeo hope hema keokeo ka lae me ka ihu hao kuni ana e kuni hope akau.
7. Lio w, ulaula kiko keokeo ma ka lae paa na wawae i ka hao, aole hae kuni.
8. Lio eleele 2 wawae keokeo hope kiko keoheo ka lae ao kuni ana e hope hema.
9. Lio k, eleele 2 waewae keokeo hope kiko keokeo ma ka lae ao kuni ana e hope hema.
10. Lio k, lokia ulaula 3 wawae keokeo, keokeo ka lae hao, (A) kuni hope akau.
11. Lio k eleele keokeo ka lae hao kuni ano e hope akau hao kuni ano e keia.
12. Lio k hulupala kiko keokeo ma ka lae paa na wawae i ka hao kuni ano e hope hema.
N ka mea a mau mea paha no na keia mau lio e pono e kii koke mai o hala na la 17 e kuai kudala akea aku no au ke hiki aku i ka la 19 o Nov. 1892.
D. KAOAO
Luna Pa Aupuni.
Honolulu, Nov. 3, 1892.*
-------------------------------------
Kauka Yong Kam Pung.
(APANA.)
-
Helu 81, Alanui Maunakea.
Ke Kauka Loea o ka Aina Pua!
-
Ua hiki ke hooia ia kela a me keia ane
ma'i, mai ko na kane, wahine a me
na keiki liilii. O na ma'i ha-no
ua hiki loa ia ke hoola ia one
ka maalahi. A o na ma'i
e pili ana i ka maka
pau pu ia ike
ola. Ke ho-
ike ia aku nei
eia ke ola ia nei, me
ka oluolu pu o kahi au-
hau. Ka noe pilikia hanau
keiki a hele nui paha o ke koko
a pau a lolii pana kahanu ana paa
paha o ka wai@,m e hele nui mai i o'u nei.
-
[pointing finger] E KIPA mai e ka noe i hooluu lau ia me na haawina pilihua a ka ma'i
a na'u oukou ehooluolu aku.
KAUKA YONG KAM PUNG.
Honolulu Dec. 5, 1892. 2m-dly.
============================