Ka Leo o ka Lahui, Volume II, Number 585, 18 Nowemapa 1892 — Page 3

KA LEO O KA LAHUI.

"E Mau ke Ea o ka Aina i ka Pono."

Hoike a na Komite Kumau.

   Wiliama, hoike mai oia ua pau i ke pai ia kekahi mau bila.

Na Komite Wae.

   C. W. Ashford, helaheiu mai oia he hoike a ka hapa uuku e pili ana i ka laina mokuahi Oceanica, mawaena o Kapalakiko a me Honolulu nei.  Waihoia a noonoo me ka hoike a ke Komite, a me ka bila kanawai.

Na Olelo Hooholo.

   J. E. Bush, heluhelu mai oia he olelo hooholo, e noi ana i na Komisina Aina Leialii, e hoike mai i ka nui o na aina e paa ia nei ma ke Ahupuaa o Kaneohe, holo ka olelo hooholo.

   Ashford, he mau ninau i ke Kuhina Waiwai e pili ana i ka huina o na bona i hookaa ia ai ka aie o ka Moi i make.

   Hora @12, Hoomaha ka Hale.

 

NU HOU KULOKO.

   Ahaolelo ko keia kakahiaka hora 10.

   E hoomaha ana ka wili ana o ka wiliko o Waimanalo no ekolu pule.

   Ua haalele mai ka moku Bihopa i keia awa ma ke kakahiaka onehinei no Hamakua Hawaii.

   I ka Poakahi ae nei, e hoolohe ia ai ka hoopii a Mr. C. Brown, ia C. N. Spencer, imua o ka Aha Banaco.

   He paikau ko na Koa kumau i ke kakahiaka onehinei, aua maemae no ka nana ana aku.

   Ua paniku ae na Baneko elua ma ka Poakolu nei, no ka hoomanao ana i ka la hanau o Kauliluaikeanuowaialeale.

   E huli hoi mai ana ke Keiki alii Ku-hio, me ko laua Mama, ma ke Kinau o ka Poaono a e nei, mai na la loihi ana i hoomaha aku nei i ka aina kua makani o Kau.

   I keia huli hoi ana mai o ka Moiwahine Kanemake Kapiolani, mai Hawaii mai, a i keia mau la aku, e kamoe loa aku ana oia no ka Aina hanau o kona mau Kupuna no na hoi ka olelo ana, maikai Kauai, hemolelo i ka malie.

   Ua malama ae ka Hui Nau a ma ka pa 'Lii, he paina luau, no ka mea nona ka la, David Laamea Kalakaua I, oiai hoi, ua kuu kona luhi, a ua pau ka ike ana ina in@a o keia ola ana, a hookahi wale n@ mea i koe, oia ka la hookolokolo nui, e hiki mai ana.

   Oiai kekahi moku ma ka moana ua lele mai la kekah@ manu Aeto a kau maluna o kekahi o kona mau ia.  Iloko o na hakoko ikaika ana me na sela o ua moku nei, ua paa pio i@o la ua Aeto la.  He eiwa kapuai ka loa o keia manu mai kekahi a kekahi kihi o kona eh@u, a he 6 kapua ka loihi o kona @.

   Nui ka ino ma Kauai i keia mau la, wahi a ka lohe ia.

   Na na keiki lae ula o ke kai ke eo o ka paani kinipopo o ka auina la Poakolu nei ma Makiki.

   He rola kanokano ko Kealia e hanaia mai nei ma ka hale hoomoa hao o Ulakoheo.

   E huli hoi mai ana ka Lunakanawai Kiekie ma ke Kinau o ka la apopo.

   Ua holo aku no Kauai ka Hon. A. Drier a me kana wahine, ma ka Poakolu nei, maluna o ka mokuahi Iwalani.

   I ka kakahiaka onehinei, mawaena o 4 a me 5 i hanau ai kekahi wahine opio he keikamahine nui nepunepu.

   Nui ka poe i hiki ae ma Kamaki Kuea, i ka la hanau iho nei o Laamea, no ka hoolohe i ka mele ia ana mai o kekahi poe mele ua a Lani la i haku ai.

   I ka hora 11 o ka po Poakolu nei, ua make hikiwae ia iho la o Henry McIntosh ma kona home noho ma Keoneula ae nei.  He Luna Nui oia no na Hana Hou o ke Aupuni.

   He mau paina iiilii kai malama ia e kekahi poe ma ka Poakolu nei, no ka hoomanao ana i ka la hanau o Kaulilua.  He kinipopo hoi ko waho o ke kahua olohu popo ma Kulaokahua.

   Ua hiki aku no ka Ilina kupapau o na alii ka Moiwahine Liliuokalani me na ukali i ka la hanau iho nei o ka Moi.  Kalakaua, no ka hoohiwahiwa ana i ka pahu kupapau o kona kaikunane i hala me na pua a@la.

   Ke lohea mai nei, o ke kumu ka o ka pio mau o ke kukui uwila i keia mau po, oia no ka nele ana o na wahi hookio wai o Nuuanu i ka wai ole.  Ua hiki kino aku ke Kuhina Kalaiaina Wilikoki, e nana pono i keia pilikia, a ua ike ia iho la oia ua maloo na luawai o Nuuanu.

 

HUI ALAHAO A ME AINA

O OAHU.

Papa Manawa

Mai a Mahope o Okatoba 1, 1892

NA KAA

 

A.  N.  A.  P.  N.  P.  N. 

                                    Haalele ia Honolulu                                   6:15*     8:45    1:45   4:35+

                                    Hoea i Honouliuli                                      7:20*     9:57    2:57   5:35+

                                   Haalele ia   "                                            7:30*    10:13   3:45   5:42+

                                    Hoea i Honolulu                                        8:35*    11:55   4:55   8:50+

                                    NO KULANAKAUHALE MOMI IHO.

                                    Haalele ia Honolulu                                                           @

                                    Hiki i Kulanakauhale Momi                                           5:48*

                                    Haalele ia       "               "                                              6:55*

                                         +Poaono wale no

                                          * Koe ka Lapule

                                          @Koe ka Poaono.

                                                       Sept. 28 tf-dly.

 

Aole keia he Mau Hana Hoohoka!

AKA HE MAU

WAIWAI HOU WALE NO, AOLEI POPOPO!

E LOAA NO

MA KE KUMUKUAI EMI LOA!!

MA KAHI O

                                                                                                                        N. S. SACHS,

Helu 104                     Alanui Papu, Honolulu                       Helu 104.

O na Waiwai Hou Wale no ko ko Makou Halekua@

                                          Aole o na Apa Lole Popopo a Kahiko!

            Aole a makou mau hana hoopuunipuni; aole a makou mannu ekaeka, oia hoi, aole o makou pakali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau ma kamaka a me na hoaloha, no ke

      Kumukuai Emi Haalele Loa, e loaa ole ai Kona Lua ke Ukali ae!

            Ua wehe ae nei makou i keia wa he laina hou o na Lihilhi a me na Lihilihi Kuuwelu i hoouma @oiolei ia mai.  E ropa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka @mi mamua o kekahi mau halekuai e ae.  Ua loaa pu mai no hoi ma ko makou halakuai nei, he mau lako hou o na

                Apa Keokeo, na Lako Kalakoa a me na Kinihama,

            A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko ma ou mau waiwai lako huiuhulu.  Ua wehe pu ae nei makou he luhiehu o na APA HULUHULU Farani, na Silika PANI'O a me na APA SILIKA LAU.  He mea pono e ike ko makou makamaka a me na hoaloha i keia mau waiwai hou a nani.  Emi ke Kumukuai.  O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

            Na Papale o na Wahine i humu a kinohinohi@a, na Papale o na Keiki o ke ano hou loa, e kuai ia aku no ma ke kumukuai baahaa loa.  Na Pua Papale, na Hulu Papale hou, e pela aku, e loaa no ma ko makou halekuai me  ke kumukuai emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loea ka na mau hana hookino@hi ana i na papale.  Ua hiki ia makou ke kaena ae ua oi ae kona loea mamua @ mea hana a ki nohino papale o kekahi mau halekuai papale e ae.