Ka Leo o ka Lahui, Volume II, Number 583, 16 November 1892 — Page 3

KA LEO O KA LAHUI.

"E Mau ke Ea o ka Aina i ka Pono."

Na pou no ke kukui

uwila   5,600 kapaeia

Na alahele me na Alahaka o Kona

Akau   5,000 holo

“          “    “

Hema “ 5,000 “

“          “    Kohala

Akau   2,000 holo

 

Oihana Loio Kuhina.

            Eiwa ka nui o keia poe itamu ua kapae loa ia.

 

            Pauku 3 a me ka 4, holo Pauku 5, holo me ka hooleli; pauku 6-8 holo.  Pauku 9 kapae loa ia.  Pauku 10 ua kapaia Pauku 9, hooholoia.

            Noi o Kakina e kapaeia na rula, aponoia.  Heluhelu mai oia he olelo hooholo e pili ana no Kapiolani Paka, e noi e hooholo, aponoia.

            Hoike mai ke Kuhina Kalaiaina na pau i ke kakauinoaia ke kanawai e pili ana i na Mai Lepera.

            Haawiia ka Bila Haawina i ke Kuhina Waiwai.

            Hapaiia ka noonoo ana o kekahi mau bila kanawai.

            Kanawai Helu 8, e pili ana i kahi e noho ai na Kau Hookolokolo o ka Apana Elua o keia Aupuni, a e hoopau loa ana i ka mahele ekolu o ka Pauku 870 o ke Kanawai Kivila ma ka ninau ia ana ua waihoia ma ka papa.

            Hoopanee ka Hale.

LA HANA 124

Poalua, Nov. 15.

            Hoomaka na bana o ka la e like me ka mau.

            Kamauoha, e kapae na rula, a na aponoia.  Heluhelu mai oia he hoopii mai Honolulu, e kapae loa ia ke kanawai helu 67, no ka helu ana i na kane a pau loa.  Waihoia a noonoo me ka bila.

            Wiliama, kapaeia na rula a heluhelu mai la oia he hoopii e hoopau ana i ka Ilamuku o ka Oihana Kinaiahi.  Waihoia a noonoo pu me ka bila.

            Loio Kuhina, ninau oia owai la na Komite e pili ana i ka opiuma?

            Pane ke Kakauolelo, o K.M. Koahou ka Lunahoomalu, aole nae i hoike mai.

Na Hana o ka La.

            Heluhelu ekolu ana o ke kanawai e pili ana i ka o lima ana i na keiki liilii.  Ua nui ka hoopaapaa o na hoa no keia kanawai, a ma ka ninau ia ana, ua haawiia i ke Komite Wae.

            Awakea hoomaha ka hale.

 

NU HOU KULOKO.

            Ahaolelo ko keia kakahiaka, hora 10.

           

            Mai keia la aku aole au e uku i na aie a pau, ke hoaie ia mai ma ko’u inoa ke ole e loaa aku na heoiaona ka palapala mai ia.

                                                              MOSES MAHELONA.

            Honolulu, Nov. 10, 1892.

nov 10 1m

            E hoea mai ana ka Moiwahine Kanemake Kapiolani ma ke Kinau o ka Poaono ae nei.

 

            Ua loha ia e haawi hou ana o D.M. Crowley i hana keaka hou oia ka make ana o Kapena Kuke.

            O keia ka la hanau o ka Moi Kalakaua i make, a ua hooliloia i la kulaia Aupuni nolaila, e paniku ana na hale oihana aupuni i keia ia.

 

            Ua komo aku ka palapala hoopii a C.A. Brown.  Luna Auhau i hoopau ia i ke kupono ole o kona hoopau ia ana aku.

 

            Ke uluwehiwehi mai nei na hale kuai o ke taona nei me na makana o ka la Karisimaka.  Mai poina i ke kuai i wahi makana na kou wahi hoa.

 

            Ua paikii ae kekahi keiki o ka Aina Pua, i na haumana kula Pake a Mr. F.M. Damon, mamua iho o ke alo o ka halepule Pake ma ke Alanui Papu.

 

            Heaha la ke kumu e hoopio e ia nei o ke kukui uwila i keia mau po, wahi a ka ninau a kekahi poe hookaa auhau.  No ka loli mau o ka Aha Kuhina, nolaila, pouliuli na alanui no ke kukui ole.

 

            I ka wa a na keiki puhiohe e mele ana i kekahi o na mele hooni kino a ka Hawaii oia hoi.  “He manao he aloha, ua ku ae la kekahi o lakou a hookaohi malie ae la i kona wahi pauku kino me ka ike ole mai nae o ke alakai,a na ka leo aka a uwauwa o ka poe makaikai i hoopau koke ae i kana poahi malie ana.  O ka pau e ana hoi ka hewa ina ua lilo mai kekahi mau lede, maka onaona malalo o kena malu.

 

            Wehe o Uwahi i ko makou wahi muli pokii, ke hele la a lele liilii ko kapuahi lehu i kau a mea o ke ohohia o na hoa heluhelu haole o ke taona nei ina moi welawela a ua o kaina muli pokii i  hoonuanua aku nei ma kona mau papalina lahilahi O Makalei kona inoa kupono ka laau one ia e ka ia.

 

HU ALAHAO A ME AINA O OAHU.

Papa Manawa

Mai a Mahope o Okatoba 1, 1892

NA KAA

 

A.M.A.P.N.P.M.

Haalele ia Honolulu 6:15* 8:45 1:45 4:35+

Hoea i Honouliulu 7:20* 9:57 2:57 5:35+

Haaleleia “  7:30* 10:13 3:45 5:42+

Hoea i Honolulu 8:35* 11:55 4:55 8:50+

NO KULANAKAUHALE MOMI IHO

Haalele ia Honolulu 5:10pm

Hiki i Kulanakauhale Momi 5:48

Haalele ia  “         “    6:55* am

+ Poaono wale no

*Koe ka Lapule

! Koe ka Poaono

   Sept 28 tf dly

 

Aole keia he Mau Hana Hoohoka!

-:AKA HE MAU:-

WAIWAI HOU WALE NO, AOLEI POPOPO!

-:E LOAA, NO:-

MA KE KUMUKUAI EMI LOA!!

MA KAHI O

   N.S. SACHS,

Helu 104    Alanui Papu, Honolulu     Helu 104.

 

O na Waiwai Hou Wale no ko ko Makou Halekua,

   Aole o na Apa Lole Popopo a Kahiko!

Aole a makou mau hana hoopuunipuni; aole a makou mannu ekaeka, oia hoi, aole o makou pakali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke

Kumukuai Emi Haalele Loa, e loaa ole ai Kona Lua ke Ukali ae!

      Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma noiolei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae.  Ua loaa pu mai no hoi ma ko makou halekuai nei, he mau lako hou o na

Apa Keokeo, na Lako Kalakoa a me na Kinihama,

 

      A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu.  Ua wehe pu ae nei makou he luhiehu o na APA HULUHULU Farani, na Silika PANI’O a me na APA SILIKA LAU.  He mea pono e ike ko makou makamaka a me na hoaloha i keia mau waiwai hou a nani.  Emi ke Kumukuai.  O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

      Na Papale o na Wahine i humu a kinohinohiia, na papale o na Keiki o ke ano hou loa, e kuai ia aku no ma ke kumukuai haahaa loa.  Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa.  O ka loaa koke ana mai nei no ia o ka mea humu papale hou o ko makou halekuai mai Nu Ioka mai.  He loea ka na mau hana hookinohinohi ana i na papale.  Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau halekuai papale e ae.

      E hoomanao hou iho e na makamaka a me na hoaloha, o ka pono, pololei, kaulike, ko makou moto, a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai.  E kilohi mua.  E nana.  E lolelole.  E hooia no oukou iho.

-:N.S. SACHS:-

575-tfd.   104 Alanui Papu, Honolulu

He Kuai Hoopau Nui

MA KA

HEIAU O NA PAIKINI!

No Keia wahi Pule Hookahi Wale iho no!

 

A HE OIAIO

 

E Kuai pa @ aku ana ka Makou mau LOLE KEOKEO a pau, eia hoi.

 

Na Liliua, na Kalakoa a me na Lole Kilikia me na Huluhulu

 

Na Kinamu a me na Lole Nani onaona a Pau.

 

E pau ana i keia Pule no ke Kumukuai hiki ole ke manaoia no ke emi loa.  E hoomanao o na Lede i keia kuai kamahao e panee ia aku nei imua o oukou.

 

575tfd.                              S. EHRLICH, Ka @