Ka Leo o ka Lahui, Volume II, Number 583, 16 November 1892 — Page 1
| This text was transcribed by: | Audrey Matsuoka |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU NOVEMABA 16, '92 Helu 583
HE MOOLELO KAILI PUUWAI
-NO-
SENIA LUTERA
Ka Ui Puuwai Mabala
-:O:-
ENELANI KAHIKO.
A I OLE
He Nanea Hooheno no kekahi Kauna Wahine Opio me kana mau Aloha Ekolu.
(Kakauia no Ka Leo.)
MOKUNA XXI.
Ua oki ! Eia au ke kue aku nei i keia mare, no ka mea @ keia wahine au e makaukau nei e mare, o ka'u wahine mare no ia ma ke kanawai.
Iloko o ka nui o kona aloha i ka@ aikane Se@i, aole no ia he mea nana e hai ai i ka nane huna a kona puuwai e hana mau ana. Ua ane like no ka ui o na helehelena o keia mau lede opio, a ua aloha no @oi laua kekahi i kekahi, e like me ke ano mau o ke aloha o na aikane, a hookahi wale no wahi mea paewa oia ke ano o ka laua mau hana a me na olelo.
No Senia he oiu waipa@e kana mau olelo, a he wikiwiki nae ka huhu ke ko ole ka mea a kona puuwai e li@a ana e hooko ia, a he wikiwiki no h@i oia ma ke komohia ana iloko o ke aloha, a ke ko ole kona makemake e imi no ia i wahi e ko ai, a i ole i wahi e pono ai nona.
No Iulia hoi he kulana okoa no kona, he noho malie a he kupaa mahape o kana mea e aloha ai, a he hiki iaia ke uumi i kona aloha me ka ike ole mai o kahi, @a aloha oia i kekahi mea e like paha me Laionela, me ka moeuhane mua ole ia he ipo aloha ia nana.
Ua hoomaka ae ka ui Senia e wahi i ke anoano o ka laua nono kamau ana, aka kau e mai la nae o Iulia i kona manamana lima ma kona lehelehe.
Hamau, e hoolohe, wahi ana mehe la ka hoi, ua lohe aku nei au i ka leo o kekahi mea e mele ana i kekahi mau lalani o ka buke mele a ko haku mele kaulana Sinaboa. Aole anei oe i lohe aku nei, e kuu Senia maikai ?
Hoopili ae la laua i ko laua mau poo i kahi hookahi a hoolohe pono aku la me ke ake e lohe pono aku i na huaolelo o ua leo mele nei. Ua lehe koliuliu loa aku la laua nei, me he la aia i kahi mamao loa, e like me ka leo a kahi poe, e lohe ai iloko o ka moeuhane, a loaa maila no nae na olelo i ko laua nei mau pepeiao.
Eia kuu puuwai ke au pouli nei i ka moana
E kona ae ana ia loko, e imi i e a ianei
E hoohui ia aku paha ma na huli makani
E ke kanikau, ke kaumaha, me ka ehaeha
He puuwai no ke aloha, ua wawahi ia
E paialewa ia ana e ka makani
E na a@e kupikipikio o ka mo@a
Ua hiki, aloha wale oia.
Ke lohe a@a anei oe e Senia ? wahi a Iulia i ninau mai ai. Ma ka'@ hoolohe aku ua like me ka leo o kekahi uhane e hoauana ia ana maluna o ka ilihonua, me ka ehaeha. He mea oiaio aole au i lohe i ka leo e kekahi uhane ola e like aku me kela a kaua e lohe nei.
Ua manao anei oe he uhane lapu oia no ka po? wahi a Senia i ninau mai ai, me ke ano pihoihoi. O e Iulia ! e hai mai ia'u i ka oiaio, he uhane io anei kela i kou manao ?
Ua hu@i koke ae la o Iulia a nana aku la i na helehelena pihoihoi o kana aikane, a pane aku la oia me ka leo haahaa.
Aole aole he oiaio o ka olelo ia he hiki ke hoi hou mai ka uhane o ka mea i make i keia ao. Oia maoli kou manao, a ua manao au he mea maikai nou e hoi e hooluolu i keia manawa e Senia, ina he makemake kou e mohala maikai kou mau helehelena no ka la apopo.
Ae e hoi ana au, wahi a Senia, o ko'u makemake no ia o ko'u aloha hoi ia oe i kou noho hookahi ma keia wahi, ku ae la oia iluna a kulou mai la e honi i kana aikane aloha a haalele iho la iaio e noho hookahi malalo o ka lau o na kumulaau lemi a ka makani hoi e hooluliluli malie ana.
I ka nalowale ana aku o Senia mawaena o na i@alaau no ka hoi ana no kona rumi moe, ua nana ae la o Iulia ma o a maanei aole he mea ana i ike aku ai, nolaila kulou iho la oia i kona poo a kau maluna o kona lima, a hookuu malie aku la oia i ka ukana luuluu a kona mau he waimaka e kahe a@a.
Pehea la o hiki ai @ ke hoomanawanui, auwe ka mea ehaeha e, pehea la e hiki ai ia'u ke nana ak@ maluna o kekahi wahine i wahine nana, oiai hoi ko'u puuwai holookoa a me kuu uhane ua aihue ia aku e kona aloha.
O, e kuu Laionela. Laionela, ua oi aku ka maikai o ke Akua, ina aole oia i ae ma@ ia'u e ike a e laume kou mau helehelena ui e kuu aloha.
Aoleipau.
HOIKE
A KE
KOMITE WAIWAI
@A
HALE AHAOLELO O 1892.
A hoea i Iulai 13, 1891, aohe ma@ mea i hana ia, koe wale no ka manao i hooholoia e @a Aha Kuhina o Cummins a me Parker, aole i kukulu ia mea; aka, ma ka @o o ka la 11 o Iulai, 1891, ua komo aihue i ka Hale Aupuni e kekahi kanaka aihue kaulana oia o "Bila Wawa Olohelohe." a no ia mea ua hoo oio@oke loa ia ka noonoo o ko'u hoa Kuhina, oia ke Kuhina Waiwai, no ka palekana o ke dala a ka lehulehu, ua hooholoia ma kekahi halawai Aha Kuhina, e hoouna koke ia i pahuhao. O ka olelo hoopaa a ka Hui Pahu Hao Wilshire (Wilshire Safe Co) no ka hoolako ana mai i ke Aupuni me ka pahuhao e ko ai na mea a pau i makemakeia, oia kai aeia (ke kumukuai, ke ano a me ke kino o ka pahuhao, @a aponoia).
Ma ka olelo ana ae hoi, he hana ku ole i ke kulana kalepa makaala ke kauoha ana no kekahi pahuhao, me ka hoomaopopo mua ole ana i kona kum@lilo. O ke kumukuai o ka pahuhao i makemakeia e ke Aupuni ua hoikeia maloko o ka palapala i hai ia ae nei maluna, mai ka Hui Pahu Hao Wilshire (Wilshire Safe Co.), a ua manao au i keia, ma ke ano he papa hoike kumukuai, nolaila ua hana aku la au e like me ia.
Me ka manaolana e kala mai ana oe ia'u no ka hoopilikia ana aku ia oe.
Owau iho no, me ka mahalo,
Kau kauwa hoolohe.
C. N. SPENCER,
Kuhina Kalaiaina,
Mai keia mai @ ikeia ai ua hana ke Kuhina he aelike ma ke ano malu, no ke kuai ana i kekahi waiwai kalepa, no na tausani dala lehulehu, me ka hoohala ole ana no na koho, a me ka nana ole ia o na palapala noi a elua mau Hui e ae, e ae ia ma ke ko@o e loaa ai ka aelike
O ka hoakaka a ke Kuhina aole o Mr. Hobron i waho aku i na koho i manaoia, ua pane ia ia e ka palapala a Mr. Hobron, i loaa aku ai i ke Kuhina he ekolu mahina mamua aku o ka haawiia ana o ke kauoha, a ma ia palapala oia i olelo ai ua makaukau oia me na lilo i koh@ia, me ka hai pu aku hoi e hana ia no i mau mea hou ina e makemake ana.
O ka hoakaka a ke Kuhina, @a manao oia o na olelo hoike (specification@) i waihoia mai ai iaia, he wahi hoike wale no ia o ke kumukuai, a he hana naauao ole hoi ke kauoha ana i ka pahuhao, me ka maopopo ole o ka lilo, a aole hoi oia i manao i keia hana, he aelike ia, aole ia he mea e manalo ai keia hana.
No ka mea, o ka mua, o na olelo hoakaka (specifications) aia ia ma ke ano aelike, a pela no i kakauia ia mawaho. Ina aole i ike ke Kuhina i kahi Hui e ae; a he kumu maopopo hoi, i hookahi wale no ano pahuhao e ko ai ka mea i makemakeia, a e lilo ai hoi ka ka Hui hookahi e hoolawa mai ia mea; ina paha @a hiki ke aponoia ka hoakaka a ke Kuhina Waiwai, aka aole n@e he mea oia ano i hoikeia mai.
O ka mea akaka, he elua mau Hui e @e i lika ka makaukau no ka hoolawa ana mai i ka pahuhao, ua kakau mai la ma ka waiho ana mai, e waiho i na koho ana, me ke noi mai i manawa kupono. Ua manao ke Komite, o ka-hana a e Kuhina ma ka haawi ana i ka aelike me ka hoolaha ole ana no na koho, ua kue ia i na olelo o ka bila haawina, koi ana na na aelike i oi aku mamua o ka $500 ka waiwai io, e lilo ia mahope iho o ka hoolaha akea ia ana no na koho
Aole i pau.
HOOLAHA PA AUPUNI.
E ike auanei na kanaka a pau eia ma ka pa aupuni o Makiki nei kekahi mau lio hele hewa, lio w, keokeo ohinahina, hao kuni ano e ma ka akau o ka ai, kuni mamua hapala. Lio w, ulaula, 4 wawae eleele keokeo lokihi ma ka lae, hao@ kuni hope akau ke kuni malalo he kiaha puaniki paha aole paha he hao ano e paha. O ka mea a mau mea nona keia mau @e pono e kii koke mai o hala na la h@ 18 e k@ai kudala akea ia aku ke hiki aku i ka la 26 o Nov. 1892, hola 12 awakea Poaono.
D. KAOAO
Luna Pa Aupuni,
Honolulu, Nov. 10, 1892. *
OLELO HOOLAHA !
E ike auanei na meo a pau, owau o ka mea nona ka inoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine male oia o Mrs. Julia Kaaiwaiwai. Ua haalele mai oia ia'u, mailoko o ka'u mau puili hemahema ole ana ia ia, a ua hele aku ia e like me kona makemake, a ina e hoaie ia mai ana oia e kekahi poe maluna o lakou ko lakou poho.
O ke kuli ka make, o ka lohe ke ola.
Owau iho no
Kou Oiaio.
MR. P. KAAIWAIWAI.
Hale K@, Honolulu, Nov. 5, 1892. 11-7-1w.
HOOLAHA PA AUPUNI.
E ike auanei na kanaka a pau eia ma ka @a Aupuni o Makiki nei kekaki mau lio hele hewa, 1 lio k, eleele, 1 wawae keokeo hope akau, hao kuni an@ e mahope akau, ua hapala keia mau hua.
2. Lio w, ulauia, 2 wawae keokeo hepe, 2 wawae eleele mua keokeo ka lae @2@ kuni hope hema.
3. Lio keiki k, ulaula 2 wawae keokeo akau hema keokeo loihi ma ka lae, aole hao kuni.
4. Lio keiki w, hulupala, 4 wawae keokeo, keokeo lokihi ma ka lae, aole hao kuni.
5. Lio k, ulaula 2 waewae keokeo hope, 2 wawae eleele mua aole ike ia ke kuni.
6. Lio w, ulaula, 1 wawae keokeo hope hema keokeo ka lae me ka ihu hao kuni ano e kuni hope akau.
7. Lio w, ulaula kiko keokeo ma ka @ae @aa na wawae i ka hao, aole hao ku@i.
8. Lio eleele 2 wawae keokeo hope kiko keoheo ka lae hao kuni ano e hope hema.
9. @o k, eleele 2, waewae keokeo hope kiko keokeo ma ka lae hao kuni ano e hope hema.
10. Lio k, lokia ulaula 3 wawae keokeo, keokeo ka lae h@, (A) kuni hope akau.
11. Lio k eleele keokeo ka'lae, hao kuni ano e hope akau hao kuni ano e keia.
12. Lio ke hulupala kiko keokeo ma ka lae paa na wawae i ka hao, kuni ano e hope hema.
@ ka mea a mau mea paha no na keia mau lio e pono e kii koke mai o hala na la 17 e kuai kudala ake@ aku no au ke hiki aku i ka la 19 o Nov. 1892.
D. KAOAO
Luna Pa Aupuni.
Honolulu, Nov, 31892@