Ka Leo o ka Lahui, Volume II, Number 579, 9 November 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

   Kanealii, e hoopanee a hiki i ka Poakani haule.

  Hora 10:04, hoopanee ka Hale.

LA  HANA  118.

Poalua, Nov. 8, 1892

 

Heluhelu ia ka mooleio o ka la i hal aponoia.

  Mahope iho o ka pau ana o ka heluhelu ana o ka moolelo o ka la, ua hoike mai ka Peredisena aole ke lono i loaa mai e pili ana no ka Aha Kuhina Hou

   J. E. Bush – Noi oia e hoopanee ka hale a hiki i ka la apopo.

  W. O. Smith – Noi oia, e hoopanee, a noho hou i ka hora 1:30 auina la ma ka ninau ia ana ua aponoia, Hora 10: 07 A. M.  hoomaha ka Hale.

 

NU  HOU  KULOKO

 

   Ina aku ke Kinau a kapalulu mai.

   Aholeio ko keia kakahiaka, hora 10.

   I keia awakea ka Auseteralia e haalele mai ai i keia awa no Amerika.

   Ua manao wale ia, e huli hoi mai ana maluna o ke Kinau o keia la, na Honobala G. P. Kamauoha, J. Kaluaa, C. W. Akipoka, a me J. K, Kaunamanao.

   Eia i ke kulanakauhale nei i keia mau la, maluna mai o ka mokuahi Auseteralia, kekahi mau olohe o ka paani kinipopo, no laua na inoa o Mr. Donovana a me Aganu.

   Ua hopuia o Dr. J. C. Harrison i hele ahiahi aku nei, no ka hoikeike ana i kekani mau kii pelapela, a hupono ole i ke ano Karitiano, ma ma hekahi o kana mau haiolelo i ke la nule aku nei.

  

   Ma ka la apopo e noonoo ia ai ka kihia o Ward, kela haole hou pahi nana i hoeha kekahi mau haole elua ilalo e Manana i ka po Poaono nei, imua o ka Lunakanawai o ka la  hamau leo.

 

   Ke lohe hou ia mai nei o Mr. W. A. Kiha ke kukini ana no ka noho e Hon. G. N. Wilikoki, a o Mr. J. Kamakele hoi e alualu ana ia no ka noho ‘Lii o Maui, ma kahi o Hon. W. H. Konowela i waiho mai.

 

   Aole i pio ke ano paonioni mawaena o na kolu o ka Hui Waapa Healania me ka Hui Metala, a me ka mea la e ku hou aku ana laua imua o ke kahua ma keia mua koko iho, ke loaa mai ka waapa hou o ka Hui Mataia i kakueha ia aku nei iloko.

 

   E ike ia no ma kekahi pukaaniani o ka hale kuai lole o Makanani o ku nei ma ke kihi akau o ka hui @@ o na alanui Papu me Kalepa ke kino na kolu o ka Hui Healani, ka poe hoi na lakou i ahai iho nei ka inoa noho o keia makahiki ma na mai o Manana.

 

   He mea ehaeha no makou ka lohe ana mai, aole i loihi loa mamua ae nei, ua hoao ae kekahi aoao oolea ka e paluku i kana wahi pili aoao me ka omole sum-su, no hewa liilii mikamina; a no ia hana ana ua wehe o uahi i ka io waliwali pao ka maoao hou ana mai o kahoa o ka la hoeha ili.  Mai no a ha na hou me ia e ae hoa, a laa ko uine i ka ihu i ka mea elua.

 

   He Aha Kuhina hou ko ka la inehinei, a e ike ia no ma kekahi wahi o ka pepa o keia la ko lakou mau inoa.

 

   E linohau aku ana no na ale hanupanupa o ka hohonu i keia la ka mokuahi Hawaii, no kona mau awa o Hamakua.

 

   Ua paa i ka hopu ia ma ka la inehinei kekahi mau keiki lawe hua o kekahi o na punana kiko hua o keia kulanakauhale.

 

   Ua hoole ae o Hon. J. K. Iosepa i ka oiaio o kekahi itamu i hoopukaia maloko o ka nupepa “ Hawaii Holomua” i kela la aku nei, e pili ana nona a me Rev. H. H. Paleka.

 

   Ma ka Hotele Hawaii ke puhi ohe o ka po nei, a mawaena o na mele Hawaii i mele waha ia ua hihia pu aku la o “Pua Melekule.” Guru hanahana ! wahi o ko makou Manuwa.

 

   Ua ike makou ia J. J. Williams, ka mea pai kii i halawai ai me ka ulia poino ma ke kakahiaka o ka Poaono i hala, ma ke alanui Papu inehinei.  He oiaio na lono i lohe ia mai nona ua pakele io no oia mai makapaa.

 

   E haawi ana o Mrs. Longshore-Potts. M. D., he halawai maloko o ka Hale Mele Hou i keia ahiahi no na wahine Hawaii, a o kana mau olelo a pau e unuhi ia ana me ke koe koena ole e ka mahele olelo Mrs. Ema Nakuina.

 

   Ua paa o E. E. Carey i ka Poakahi nei no ka hewa laibila i ka inoa maikai o Dr. G. Harisona, oiai oia ka mea nana i kakau kela manao e pili ana i ua kauka la i hoopuka ia maloko o na kelamu o ka nupepa hapa haole “Liberala.”

 

   Wahi a kekahi mea o ka hui kinipopo o ka mokukaua Bosetona ma ka la inehinei, ua manao wale oia he paani kinipopo kekahi e malama ia ana mawaena o ko lakou hui me kekahi o na hui hoomaamaa o uka nei o ka aina, ke hiki aku i ka la hanau o ka Moi i make, oia ka la 16 o keia mahina.

 

   Oiai o Kaka a me kekahi mau kanaka e iho he ekolu ko lakou nui, e hoi mai ana no ke kulanakauhale nei ma@@ e kakahia ka o ka Poakahi nei, maluna o kekahi waapa i puua me ka opelu, a i ko lakou hiki pono ana mawaho ae o Keahi. Puuloa. ua poi ia iho la lakou e kekahi nalu nui mai Kahiki mai, a pau hou aku la ka nui o ka opelu a lakou i ka pakele ma ka apua.

 

OLELO  HOOLAHA !

 

   E ike auanei na moo a pau owau o ka mea nona ka onoa malalo nei, ke papa a ke kau leo aku nei au i na mea a pau, aole e hoaie wale mai i kuu wahine malo oia o Mrs. Julia Kaaiwaiwai.  Ua haalele mai oia ia’u, mailoko o ka’u mau puili hemahema ole ana ia ia , a ua hele aku ia e like me kona makemake, a ina e hoaie ia mai ana oia e kekahi poe maluna o lakou ko lakou poho.

 

   O ke kuli ka make o ka lohe ke ola.

Owau iho uo

Kou Oiaio

MR. P. KAAIWAIWAI.

Hale Koa, Honolulu, Nov. 5, 1892

11-7-1w

 

 

Aole keia he Mau Hana Hoohoka !

-:AKA  HE  MAU:-

 

WAIWAI  HOU  WALE  NO,  AOLE I POPOPO !

 

-:E  LOAA  NO:-

 

MA  KE  KUMUKUAI  EMI  LOA !

 

MA  KAHI O

 

N. S. SACHS,

Helu 104 Alanui Papu, Honolulu       Helu 104

 

O na Waiwai Hou Wale no ko ko Makou Halekuai Aole o na Apa Lole Popopo a Kahiko !

 

   Aole a makou mau hana hoopuuniponi; aole a makou mannu ekaeka, oia hoi , aole o makou pakali aku i na apa lole kahiko i kumu e loaa ai he puka ma ko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke

 

Kumukuai Emi Haalele Loa, e loaa ole ai Kona Lua ke Ukali ae !

   Ua wehe ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me ka emi loa i oi ae ka emi mamua o kekahi mau halekuai e ae.  Ua loaa pu mai no hoi ma ko makou halekuai nei he mau lako hou o na

 

Apa Keokeo, na Lako Kalakoa a me na Kinihama,

   A ke kuai aku nei makou ma ke kumu lilo, no ka mea ua makemake makou e loaa ona wahi e hoahu ia ai ko makou mau waiwai lako huluhulu.  Ua wehe pu ae nei makou he luhiehu o na APA HULUHULU Farani, na Silika PANI’O a me na APA SILIKA LAU.  He mea pono e ike ko makou makamaka a me na holoha i keia mau waiwai hou a nani. Emi ke Kumukuai.  O na APA SILIKA ELEELE, PAPAMU, a pela aku, e loaa no ma ko kumukuai haahaa loa.

   Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa.  Na Pua Papale, na Hulu Papale hou e pela aku, e loaa no ma ko makou halekuai me ke kumukuai na mau hana hookinohinohi ana i na papale.  Ua hiki ia makou ke kaena ae ua oi ae kona loea mamua o na mea hana a kinohino papale o kekahi mau helekuai papale e ae.

   E hoomanao hou iho e na makamaka a me na hoaloha, o ka pono, pololei, kaulike, ko mkkou moto, a aole o na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai.  E kilehi mua.  E nana. E lolelole.  E hooia no oukou iho.

-: N. S. SACHS:-

575 –tfd                                                          104 Alanui Papu, Honolulu.

 

He Kuai Hoopau Nui

MA  KA

HEIAU  O  NA  PAIKINI !

 

No Keia wahi Pule Hookahi Wale iho no !

A  HE  OIAIO

 

E Kuai pau aku ana ka Makou mau LOLE KEOKEO a pau, oia hoi

 

Na Lilina, na Kalakoa a me na Lole Kilikia me na Huluhulu

 

Na Kinamu a me na Lole Nani o na ano a Pau.

 

   E pau ana i keia Pule no ke Kumukuai hiki ole ke manaoia no ke emi loa.  E hoomanao o na Lede i keia kuai kamahao e paneo ia aku nei imua o oukou.

 

575- tfd                                   S. EHRLICH             Ka Heiau o na Paikini.