Ka Leo o ka Lahui, Volume II, Number 579, 9 November 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA.

 

KUAI KUDALA O NA LAIKINI AWA.

 

            E Kaui Kudala ia akuana ma ke akea ma ka Poaha, la 8 o Dekemaba, 1892, na Laikini Kuai Awa malalo iho nei, no ka manawa o Hookahi Makahiki mai Ianuari 1 aka 1893.

 

OAHU

Waialua.          1.         @        Koolauloa        1.

 

MAUI.

Lahaina.          2.         @        Hana                1.

Wailuku.          2.         @        Makawao.       1.

 

HAWAII.

Hamakua.        1.         @        S. Kohala.       1.

N. Kohala.       1.         @        Kau.                1.

 

KAUAI.

Waimea.          1.         @

 

            O na Laikini o Oahu, e kuaiia ana ma ka la i hoikeia maluna ae nei. ma ka hora 12 awakea, ma ke komo ana aku mamua nei o Aliiolani Hale.

 

            O ko na Mokupuni hoi o Maui, Hawaii a me Kauia, e kuai ia aku ana ma ko lakou mau apana pakahi. ma ka la, ka hora a me kahi hoi i waeia e na Makai Nui a i ole e ko la kou mau hope paha. Ina mamuli o kekahi mau kumu i ikeia he mea kupono e hoololi ia ka la e kuai ai, e hoolaha hou ia aku no ma na pepa hoolaha pa'i alanui ma ka apana i olelo ia.

 

Kumukuai Hookumu--Wailuku me Lahaina, he $300 ko ka laikini pakahi, a o na apana e iho a      pau i hoikeia maluna ae. he $100 ko ka laikini hookahi.

 

Ke Kuai Ana--E haawi mua ia ma ke ano hoopaa ka iwakaluakumamalima pa-keneta o ke kumukuai i ka wa e haule ai ka hamare, a e lawe ia no ia uku hoopaa ina aole e uku piha ia na dala o ke kumukuai o ua laikini la iloko o na la he umi mai ka la aku o ke kui ana.

                                                                        CHAS. T. GULICK.

                                                                                    Kuhina Kalaiaina.

            Keena Kalaiaina

Honolulu  Nov. 4, 1892.                                                                                tf-dly.

 

HOOLAHA KOHO BALOTA.

KEENA KALAIAINA                      @

HONOLULU, NOV. 4, 1892                        @

 

            2 kulike ai me ke kanawai Koho Balota o ke Aupuni, ke hoike ia aku nei ma keia, he koho balota kuikawa no ke koho alii no na mokupuni o Maui, Molokai, Lanai a me Kahoolawe, e malamaia ana mawaena o na hora 8 A. M. a me 5 P.M.

o ka POALUA. ka la 29 o Novemaba, 1892, e hoopiha ana i ka noho hakahaka no na makahiki eha i koe i hoohakahaka ia mamuli o ka haalele ana mai o ka Mea Mohaloia W. H. Cornwell.

 

            O na Apana Koho Balota. na Mahele Koho, na wahi koho a me na Luna Nana @ Balota, eia mahope iho nei:

 

MOKUPUNI O MAUI, MOLOKAI, LANAI A ME KAHOOLAWE.

 

APANA EKAHI--MOLOKAI.

 

            Oia no ka Mokupuni o Molokai.

 

            Mahele Kkahi--Kela mahele o Molokai, oia hoi o Kalawao a me Kalaupapa.

Wahi koho:  Halekuai o Kalaupapa.

            Na Luna Nana--          Ambrose Hutchinson,

                                                William Notley,

                                                J. Kahaulelio.

@okohuia no ka la Koho Balota wale no.

                                                William Clark,

                                                C. Kopena.

            Mahele Elua--Ke koena aku o ka Mokupuni o Molokai. Wahi Koho:  Hale Hookolokolo, Pukoo,

            Na Luna Nana--          A. Mouritz

                                                D. Kaulia

                                                W. A. Kukamana

Hookohuia no ka la koho Balota wale no,

                                                J. H. Van@Giesen

 

                                                ...............................

 

APANA ELUA--LAHAINA.

 

            Oia no ka Apana o Lahaina a me Kaanapali ma ka mokupuni o Maui, a me Lanai.

 

            Mahele Ekahi--ka Apana o Lahaina. Wahi koho: Hale Hookolokolo, Lahaina.

 

            Na Luna Nana--          Henry Dickenson

                                                D. Taylor,

                                                Thos. C. Forsyth

 

Hookohuia no ka la Koho Balota wale no.

                                                C. B. Cockett

                                                L. M. Baldwin.

 

            Mahele Elua -- Apana o Kaanapali.

Wahi koho:  Halekula o Honokohau.

 

            Na Luna Nana--          R. C. Searle,

                                                M. Meheula

                                                D. A. Wahinehookae.

 

Hookohuia no ka la Koho Balota wale no.

                                                J. A. Kaukau

                                                B. Nahookaa

 

            Mahele Ekolu -- Mokupuni o Lanai.Wahi koho: Hale ma Maunalei.

 

            Na Luna Nana --         S. Kahoohalahala.

                                                .............................

                                                Palauina.

 

Hookohuia no ka la Koho Balote wale no.

                                                Kahikiwawe

                                                K. Kaai

 

APANA EKOLU--WAILUKU AKAU.

 

            Oia no kela wahi a pau o Wailuku e waiho ana ma ka Akau o ke alanui mai ke Awawa o Iao (ma ka aoao Hema o ka muliwai) a hiki i na Puu One; mailaila aku ma ka lapa o na Puu One a ka nuku o ka muliwai Wailuku. Wahi koho: Hale Hoopaheehee [Skating Rink].

 

            Na Luna Nana--          A. N. Kepoikai

                                                W. A. McKay

                                                W. S. Maule.

 

Hookohuia no ka la Koho Balote wale no.

                                                John S. McLean

                                                ..........................

 

APANA EHA--WAILUKU  HEMA.

 

            Oia no kela wahi o ka Apana o Wailuku, e waiho ana ma ka Hema o ka Apana Akau o Wailuku, a e huipu ana i ka Mokupuni o Kahoolawe a me Honuaula.

 

            Mahele Ekahi--O kela wahi o ua apana la e waiho ana mawaena o na Puu One a me ke Kuahiwi a me ka mokupuni pu hoi o Kahoolawe. Wahi koho. Hale Hookolokolo, Wailuku.

 

            Na Luna Nana--          W. H. Daniels

                                                W. T. Robinson

                                                Manuela C. Ross.

 

Hookohuia no ka la Koho Balota wale no.

                                                William Conway

                                                S. E. Kaiue.

 

            Mahele Elua--Kahi i koe aku o Wailuku Hema. Wahi Koho. Hale Dute, Kehului.

 

            Na Luna Nana--          L. M. Vetlesen,

                                                G. P. Wilder

                                                Kaulanaula.

 

Hookohuia no ka la Koho Balota wale no.

                                                C. R McVeigh

                                                Robert English

 

            Mahele Ekolu--K. Apana o Honuaula. Wahi koho:  Hale Hookolokolo, Honuaula.

 

            Na Luna Nana--          Leonard C. Parish

                                                M. Kealoha

                                                John Brown

 

Hookohuia no ka la Koho Balote wale no.

                                                S. W. A. Kaleihoa

                                                W. D. Kaaumoana.

 

APANA ELIMA--WILUKU HEMA.

 

            Oia no kela wahi a pau e waiho la ma ke Komohana a me Hema mai ke awawa o Oopuola a me Huelo a e huipu ana i ka apana o Kula.

 

            Mahele Ekahi--Oia kela wahi a pau o ua apana la i kapaia o Kula, a me kela mahele o ka aina o Hamakuapoko e waiho la ma ka Hema a me Komohana o ke Awawa o Maliko a mauka o kekahi laina e kamoe ana ma ka waena o ke alanui e holo la mai Kaluanui a ka Halepaahao o Makawao, a mai kekahilaina e hoomau aku ana mai laila aku.

 

            Wahi koho: Hale hookolokolo Makawao.

            Na Luna Nana--          F. W. Han@

                                                John Kalama

                                                Charls Copp

 

Hookohuia no ka a Koho Balota wale no.

                                                David Morton

                                                David P. Eldredge

 

            Mahele Elua--Oia no kahi i koe o ka apana o Makawao, a ke awawa o Oo@uola. Wahi koho: Halekula, Hamakuapoko.

 

            Na Luna Nana--          C. H. Dickey

                                                H. Laws,

                                                E. Helekunihi

 

Hookohuia no ka la Koho Balota wale no.

                                                C. M. V. Forster

                                                J. P. Kuia

 

APANA EONO--HANA

 

            Oia no ke koena a pau o ka Mokupuni o Maui.

            Mahele Elua--Kahikinui, Kaupo a me Kipahulu, Wahi kono Halekula, Kipahulu.

 

            Na Luna Nana--          Charles Lake

                                                Christian Andrews

                                                P. Puhalahua

 

Hookohuia no ka la Koho Balota wale no.

                                                Iona Nakila

                                                ....................

 

            Mahele Elua--Mai Kipahulu a hiki a komo pu mai o Makapuu. Wahi koho. Hale Hookolokolo, Hana.

 

            Na Luna Nana--          F. Wittrock

                                                A. von Gravemeyer

                                                ...................

 

Hookohuia no ka la Koho Balota wale no.

                                                Benjamin K. Kaiwaea

                                                ........................

 

            Mahele Ekolu--Oia no ka Apana o Koolau a ke Awawa o Oopuola. Wahi koho, Keanae.

            Na Luna Nana--          James P. Saunders,

                                                ............................

                                                ............................

 

Hookohuia no ka la Koho Balota wale no.

                                                ............................

                                                ............................

 

CHAS. T. GULICK

                                                                        Kuhina Kalaia@na.

                        Keena Kalaiaina                                                          11-7-3ts.

 

 

OIHANA KALAIAINA

HONOLULU, NOV. 4, 1892.

 

            I kulike ai me ke Kanawai Koho Balota o ke Aupuni, ke hoike ia aku nei ma keia, he Koho Balota Kuikawa no ke koho ana i Lunamakaainana e malamaia ana ma ka Apana o Hilo Hema, Mokupuni o Hawaii, mawaena o na hora 8 A. M. a me 5 P. M. o ka POALUA, la 29 o Novemaba, 1892, no ka hoopiha ana i ka makalua o ka noho i hoohakahakaia mamuli o ka haalele ana mai a ka Mea Mahaloia Joseph Nawahi.

 

            O na Apana Koho, na Mahele Koho, na Wahi Koho, a me na Luna Nana, eia iho no ia mahope nei:

 

APANA EKAHI--HILO HEMA.

 

            Oia no o Puna a me Hilo ma ka hema o ka moeana kahawai maloo o Pukuhae.

            Mahele Eka -- Oia kela wahi o Puna e moe la mai Kau a hiki aku a e hoohui pu mai ana ia Kehena. Wahi koho: Halekula o Kalapana.

 

            Na Luna Nana--          J. M. Kauwila,

                                                S. H. Haaheo,

                                                J. Kahoomana.

 

Hookohuia no ka la Koho Balota wale no.

                                                J. A. Kaaukai,

                                                D. Kahaulelio.

 

            Mahele Elua--Oia kela wahi o Puni e moe la mai Kehena a ka Palena o Hilo, koe aku o Keaau a me Olaa. Wahi Koho: Hale Hookolokolo o Pohoiki.

 

            Na Luna Nana--          J. E. Eldarts.

                                                D. Kapele,

                                                S. Kaulupali.

 

Hookohuia no ka la Koho Balota wale no:

                                                W. L. Haau.

                                                J. K. Kalawe.

 

            Mahele Ekolu--Oia no na Aina o Keaau a me Olaa ma Puna, a me kela wahi o Hilo e moe la mai ka Palena o Puna a ka moeana kahawai maloo o Pakihae. Wahi Koho: Hale Hookolokolo ma Hilo.

 

            Na Luna Nana--          F. S. Lyman.

                                                G. Hapai.

                                                Joe Sisson.

 

Hookohoia no ka la Koho Balota wale no:

                                                J. T. Brown,

                                                G. Nakapuahi.

 

CHAS. T. GULICK.

                                                                        Kahina Kalaiaina.

Keena @                                                                     11-7-3ts.-dly.

 

KA LEO O KA LAHUI.

 

 

JNO. E. BUSH.

 

Lunahooponopono a me Puuku.

 

POAKOLU, NOVEMABA 9, 1892.

 

KA AHA KUHINA HOU.

 

            Ua oluolu i ko kakou Moiwahine ka hookohu ana i keia mau keonimana malalo iho nei i mau hoa no ka Aha Kuhina Hou o ke Aupuni, ma ke ahiahi onehinei, oia o--

            Hon. G. N. Wilikoki, Kuhina Kalaiaina; Hon. C. Balaunu, Loio Kuhina; Mr. P. Robikana, Kuhina o Ko na Aina E; Mr. P. C. Jones, Kuhina Waiwai.

 

KA HAPANUI O KA HALE.

 

            Me ka minamina makou e olelo aku nei. ua mahae na aoao i hui iho nei iloko o ka Ahaolelo. oia hoi ka Aoao Hoomaemae a me kekahi hapa o ka Aoao Liberala, malalo o ke kumu manao Kalaiaupuni e hahai ia nei mana aupuni moi, a i hookomo ia hoi iloko oke Kumukanawai. Ua hooholo ka hapanui o ka Hale Ahaolelo e kupaa mamuli o keia Kumuhana, a pela lakou i paa ai a hiki i ka haule ana o ekolu Aha Kuhina i hookohuia i like ole ma ua manao la. Ua hana ia keia mea i loaa ai ka rula ma keia hope aku, e hookohu ia kekahi Aha Kuhina mai ka aoao mai o ka hapanui o ka poe i koho ia, a i hookoia ai hoi kela kahua--kumupaa i kukuluia ai na aupuni a pau, he aupuni mai ka lahui mai. He hana no hoi kera i manaoia. e hoihoi ai i ke koikoi maluna o ka lahui, ma o ka poe a lakou i koho ai. no ka hookele pono a me ka hookele pono ole ia o ke aupuni; a e hoi ai ka ahewa ia o na hana ana o ke aupuni, ke hewa, maluna o na Kuhina, aole maluna o ka Moi, oiai he hooko wale ana mai no kana i ka makemake o kona lahui. He kumuhana keia e hoomama ai i ke 'lii, e hapai ana ia ia maluna o na paonioni, a me na apuepue ana a ka poe ake oihana a me na kuko mana i hiki ai ke hooko ia na manao pilikino. Mai keia rula, ua hapai ia ka Moi. a Mana Hooko, ma ke kahua hanohano o ke kapu alii. ka paepae kapu o ka Moi, a he mea no hoi e eehia ai ka noho karaunu, a me ke Poo o ka Lahui. a e mahalo nui ia ai oia, e like hoi me ka mea i ike ia no Vitoria o Enelani a me kana mau hana me kona lahui.

            I ka manawa a ka Moiwahine i hookohu mai ai i ka Aha Kuhina hope loa me ka hahai ole ana i keia rula, ua hoopau koke ia aku lakou e ka hapanui o na aoao e pue ana e ike i keia rula. Mahope mai o keia hana, ua hoomaka mai la ka aoao Moi ma e ka Hamuku. e hoonohonoho i na hana e pau ai keia hookui o na mana, --ka Mana Ahaolelo a me ka Mana HOoko. O ke kumu nui o keia paakiki. mamuli no ia o ko ka Moiwahine hoohouli ia e na olelo, i paa a i ola no oia mamuli o ka makaala o kona kanaka, ka Ilamuku--a he oiaio no, ua makaala no ke kanaka o ke 'lii, a he mea no ia no ka lahui e mahalo ai, a no ia kumu, ua hoole mau oia i ka hoonoho ana i ka Aha Kuhina ana i manao ai e hoopau ana i kona kanaka. Ma keia wahi ua maikai ka makee ana o ka Moiwahine, aka, ma ka malama hoohemahema ia ana o ke kanawai, a hoolanakila ia na hana palaualelo a me na hana kolohe, na kumu e pepehi a e kinai ai i ka lahui Hawaii, a e hoolilo ai hoi i mea ole ka noho alii. ma ka nele ana a me ka emi ioa ana aku o ka lahui, ke kumu e alii ai a e aupuni ai, ua hewa ke kanaka, a oia ke kumu i upu ia ai e hoonee ia ae ka Ilamulu mai kona wahi e noho nei a ma kekahi wahi e he, a e kuu ia aku ka oihana @muku i kekahi kanaka e aku i hiki ke malama i na mea elua. ke ola o ka Moiwahine a me ke ola ao ka lahui, ma o ka hooko ana i ke kanawai maluna o na hana kipi i ka Moiwahine a me na hana lapuwale e kuu akea ia nei e kipi ana i ka ola o ka lehulehu ma na ana hakihaki kanawai.                                Aole i pau.

 

KE OLA NO NA WAHINE.

 

            E haawi hou ana ka wahine kauka kaulana Mrs. Dr. Longshore Potts i haiolelo manawalea e pili ana no ke ano o ka malama ana o na wahine i ko lakou ola kino, a me ko na keiki ina he mau keiki ka lakou, ma keia la, la 9 o keia mahina, mai ka hora 3 o ka auina la a hiki i ka hora 5 o ke ahiahi. maloko o ka Hale Mele Hou.

            No na wahine Hawaii keia haiolelo i manao ia ai, mamuli o ka lokahi ana o kekahi poe wahine o keia kulanakauhale, a e mahele ia mai ana na manao ma ka olelo Hawaii o Mrs. M. K. Nakuina. O ka uku no ke komo ana, he 10 keneta wale no. no ke kokua ana @ na hoolilo o ka Hale Mele. No ka poe ike i ka olelo Beritania, aole he pilikia no lakou, no ka mea ua lawa ko lakou ike ana ma na aupepa, a he mau haiolelo no hoi kekahi i haawi ia iho nei no lakou. nolaila mai hoohala e na wahine Hawaii i ka hele ana ae i keia la.

 

KAU AHAOLELO O 1892.

 

                                                LA HANA 117.

                                                            Poakahi, Nov. 7, 1892

            Halawai ka Hale e like me ka mau.

            Walbridge, he ninau i ke Komite o na Buke Helu, ina paha ua haawiia ka Pauku 1 o ka Bila Haawina no ke kakau poepoe ana.

            Halauwina, ua paiia, aole i kakau poepoeia.

            Kamika he noi e hoopanee ha Hale.