Ka Leo o ka Lahui, Volume II, Number 579, 9 Nowemapa 1892 — Page 1
| This text was transcribed by: | Joan Hori |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU NOVEMABA 9, ’92 HELU 579
HE MOOLELO KAILI PUUWAI
NO
SENIA LUTERA
Ka Ui Puuwai Mabala
o
ENELANI KAHIKO
A I OLE
He nanea hooheno no kekahi Kauna Wahine Opio me kana mau Aloha Ekolu.
MOKUNA XX
Apopo maua e mare ia ai. a ina he mau ke’ake’a kekahi e oili mai ana e lawe koke no au ikuu ola!
Iloko oia mau lau, hookahi mea nui wale no iloko o kona noonoo e niniu peahi ana, o ka hoea mai o ua la kamahao la, ka la hoi ona e mare ia ai me ka mea ana i aloha ai. Ke pau ka mare, ua hoopaa ua Senia nei ikona manao, he hookahi makahiki okoa nona me Mavila e hele ai i ka makaikai, oiai oia ke alanui maalahi loa ana i manao ai e kaawale mai a Heneri mai i na aole oia i make, no ka mea, mamuli o kekahi mau kumu kupono, ua maopopo iaia o ke kino maoli no o ua kuewa la keia e hoohahani mau nei mahope ona, aole o kona uhane.
Ia la a hala ae, ua hoea mai kona po-- alaila oili mai la ka la apopo, ko laua la hoi e mare ia ai. Ma ia la oia e kahiko ai iaia iho me ka aahu o ka wahine mare no ke ku ana imua o ke kuahu, ma ke ano he wahine na Laionela Mavila; nolaila oiai ua kokoke loa mai ia manawa hauoli imua ona, he mea @ ka piha hauoli o kona uhane i ka wa a na noonoo oia ano e mapunapuna ae ai iloko o kona noonoo.
O ka mare no apau ae, alaila heo aku no ka loa me ka laula o ka aina mamua ae o ka uhi hou ana ae o na eheu konouli o ka po, oia hookahi ka’u pule wahi a ua nohea la iaia i kiola aku ai i kana nana ana ina kukuna mauliawa o ka la ia ahiahi. Aka makemake loa au ina o ko maua po emare ia ai a o ko Heneri hora ia e make ai, i ole ai oia e hele mai ai e hoopuhili i ko’u hauoli.
Ke kuko nei ua nohea la no ka make o kekahi mea, ka mea hoi mare ia me ia mamua aole i hoihi loa na la i hala ae--kupanaha! Me he mea la, ua ulu mai keia mau noonoo iloko ona no ka mea o kela mare i malamaia ma na palena o Colorado, aole ia he moeuhane, aka he mea maoli no i hana io maoli ia!
Aka, wahi hou no a nohea nei, he hana maikai ole na’u ka hoopoino ana i kou ola iho ma kekahi ano, oiai ua e nookokoke aku nei i kahi o ka @a io maoli, ma ka haawipio ana i kuu aloha, ka mea hoi au’u i aloha loa ai, ua lawa ia no ko’u make ana! Eia au ke au nei iloko o ka lokowai o ka hooipoipo, a e inu hoi i kona hauoli, nolaila e hoomau au pela me na hili hou ole iho pe a hiki i ka hookoia ana o na mea a pau!
I keia manawa, haule aku la ka ike a kona mau maka maluna o na helehelena nani a kilakila i ka maka e waiho mai ana imua ona--ua pua nani o kela a me ke a ano a ka manao e hoohiki ai, no lakou ke ala moani kupaoa i na poli e hoopuia ana i ka ea hame, na kii mabala keokeo o na kane a me na wahine, e aiai mai ana malalo o ka malumalu o na lau laau, na kolamu wai pipii e lele maopu ana iluna a haule hou iho me ka leo owe nanane, a mai na puka pa mai hoi o ke komohana, ka malamalama alohi o ke ano @iula.
He mau hiona nani a kilakila ke@a e hauole ai ka naau o ka mea e nana aku ana, a oiai ua nohea nei e nana ia mau mea a pau, puana ae la oia: O oukou a pau a me ko oukou nani, aole au e ae e moepuu kuu ola no oukou. He mau olelo oiaio keia a ua Senia nei, no ka mea oia ka haku wahine opio no ia mau mea a pau ana e ike ana.
Aka, aia he hookahi mea ana manao nui, ai i oi aku mamua oia mau mea a pau, oia hoi kona i@io ana i wahine no ke kanaka ana i aloha loa ai a oi aku mamua o kona ola ponoi.
Ua aloha oia iaia me kona puuwai a pau e like me ka paakiki o ka pauk@--hao kila, a @ kaa@awana ana ma na aina a @ @n kai akea me ka mea nana i ao mai iaia i ke aloha oia kona aoao, u@ oi aku ia i kona manao ana mamua o na mea e ae, a no ia huakai @owan@ wale no me kana ipo ua makaukau loa oia e kumakaia i kona kino a me kana mau waiwai a pau mahope o ke aloha--a no ke aloha.
Me keia mau noonoo, palulu ae la kona mau lima elua mamua o kona umauma, e hakuikui ana me na pana ikaika o ke aloha ia manawa alaila helelei iho la keia mau huaolelo mai kona waha iho.
E kuu ipo, ka’u mea aloha hookahi malalo iho o ka la, ua ike no oe ia hiki ole ia’u ke ola mawaho ou? E make koke no au, ke hana au i minute hookahi nou e kaumaha ai me ka ehaeha.
Apopo kaua e mare ia ai, a ina he mau keakea kekahi e oili mai ana, e lawe koke no au i kuu ola! No ka mea, o k@’u nele ana ia oe, o ko’u nele ana no ia me ke ola io maoli, e like me ka ia i lawe ia mai mai ka wai ae. a o ke kukui hoi i nele i ka aila o@e.
Mamua ae o ke kuu ana iho o ko Senia leo, oia manawa a kekahi manu leo lea i mele mai ai ma kahi i mamao loa mai iaia nei aku, a ua komo mai @e ia mele ono ole iloko o ka puuwai o ka kaua Senia.
Aole i pau.
HE MOOLELO
NO KE KEIKIALII
AWAREDA!
a me
KA UI LEILA
o Noremadi.
(Kakauia @ Ka Leo.)
MOKUNA XX.
Hueia na @ popono a Kaberana me ka pau ana.
Mai @ lakou @ i loaa mai ai ia makou ma@ oiai@ a pau e pili ana i ke alo o ka noho ana o na makaainana o Noremadi nei, a me ko Kaberana mana piha maluna o lakou, no ka mea o kekahi o lakou, he kiu oia i hoounaia mai no ka nana ana i ke kulanakauhale nei.
Mai a lakou mai no hoi au i lohe mai ai ua haawi lilo ia ia kapulima o kau’u kaikamahine Elevira ia Morica, ke keiki a Orama, a o ua hunona ole wale nei a’u ka mea e noho ana maluna o ka noho kalaunu i ko’u lohe ana i keia mau mea a pau ike koke iho la au e like me ka malamalama o ka la i ke awakea, o Kaberana kuu mea i hewa ai@a i mainoino ai hoi, oia ka Moi maoli o Noremadi nei, a o ka huaolelo e puka aku ana mai kona waha aku, he kanawai ia a he mea pono ke hooko ia me ke kanalua ole.
Ua lohe pu mai no hoi au mai a lakou mai, ua lawe pio ia o Awareda i Wavela nei e Teorino no ka hookolokolo ana, a ke ku ka hewa he make kona hoopai, nolaila ua haalele aku makou i kahi moku papapa a makou i hookupa ai no kekahi mau la liuliu i hala ae nei, a hoi koke mai l@ no Noremadi nei, no ka hoike ana i ka mea oiaio, i kapae ia ae ai ka make mai a Awareda hala ole ae.
E na kanaka o Noremadi nei owai ka mea hookahi i hiki ke hoike mai i ka oiaio ? Aole hookahi e ola nei malalo iho o ka la, owau wale no. Nolaila au i hiki mai nei, no ka huai pau ana aku imua o oukou i keia mau mea a pau.
Ina aole i pau ko oukou kanalua no ke kumu nui o ko’u hue ana ia loko o Kaberena a waiho iwaho, a makemake e ninau hou mai no na mea i koe, ke kauoha aku nei au ia oukou a pau, e hele i ka heiau i keia manawa, aia iloko o kona ana e noho nei, mahope hoi o kela mau pani keleawe i kakua ia me na kaulahao a paa--kahi ana e hoopunipuni nei ia oukou maloko oia rumi o@a l@a e iho kino mai ai o Odina @ ka @aiho pu mo ia no kekahi mea ano nui ana i makemake ai.
E hele oukou, i iki maka i na mea maloko oia rumi, me ka hoike pu mai i ka oukou mea i ike ai malaila mahope iho o ko oukou hele ana e nana.
O oe e Karemada, e hele oe no kahi a’u e olelo nei, a pela hoi me oe e Teorino, e hele pu oe me Karewada. E iawe pu olua i kekahi poe me olua e like me ka nui a olua i makemake ai, no ka hele ana e nana i ua wahi la.
O ke @i no na pani puka keleuwe la, ke ole au e kuhihewa aia no ia iloko o ka poli o ka kahunapule hoopunipuni e waiho nei, no ka mea he ki haule ia iaia i na manawa a pau.
E kii a lawe mai ia mea me oe e Karewada, mai makau, mamua o ko oukou pii ana no heiau e huli ai. Mahope o ko oukou nana ana i na mea a pau, hoi hou mai oukou a hoike mai i ka oukou mau mea ike ai.
I ka pau ana o keia mau olelo a Diana, ia manawa hele aku la o Karewada a huli iho la i ke ki a Diana e olelo nei iloko o ke kino oni ole o ke kahunapule e waiho ana iluna o ka papahele, a mahope iho o kona wehe ana i ke alo o ka lole kahunpule e uhi ana i ke kino o ua Kaberana nei, aia hoi loaa aku la iaia kekahi wahi ki-dala uuku maloke o kekahi wahi eke uuku e lewaiewa ana mai kona ai mai i hoopaa ia me kekahi kaula gula makalii, a me ia mea i ukali ia e kekahi puulu kanaka okoa, huli ae la lakou a haalele iho la i ka rumi @i o ka halealii no ke ana o Kaberana ka pahu hopu.
Mahope iho o ko Karewada ma hele ana aku, hoea mai la kekahi o na kauwa lawelawe o ka halealii me ke kanka Veturida, ka mea hoi nana i wanana mua ka make o ka moi Koratina.
Komo mai la ua Veturika nei a hele pololei aku la no kahi a ke kino ono ole o Kaberana e waiho ana a ma kona aoao kukuli iho la oia ilalo me ka hookolo ana o kona mau lima elua ma o a maanei o ke kino o ke kahunapule, e ake ana e ike ina paha he wahi manaolana kekahi i koe nona, aka nae iaia i hana ai pela ua halawai mau mai oia me ka makapaa ma na wahi a pau.
He mea maopopo mamuli o kona kamaaina, aole he wahi i koe no ua kahunapule la, ua pio ka pana ana a kona puuwai, koe wale no ka mau o ka pumehana o ka hapa maluna o kona kino, oiai ka hapa malalo ua nohoailii ia mai lae ke koekoe o ka mea make.
O kela pilikia maluna o kona poo i loaa mai ke kaulahao aku i hoowaa ia ai ua lima o Awareda, ua lawa kona hohonu no ka hoomaka loa ana i kekahi bipi bulu, oia na noonoo i @ ae iloko o ke kauka Veturida mahope o kona hoomaopopo ana @a naha kekahi mau iwi o ke poo, a ke kaomi iho ka lima e ike ia no k@hu mai o ka lolo o ke kanaka.
Nolaila, aole he pono i koe no ke kahunapule ia manawa, koe wale no ke kakali ana aku ia Karewada ma i ka hoi mai m@i ka lakou huanai o ka hele ana, nolaila haalele aku la na mea a paa i na kahunapule la a mumulu aku la ma kahi a Diana a me Awareda e ku ana me ke kamailio ana mawaena o lakou iho no na mea a lakou i lohe ai mai a Diana mai.
Aoleipau.