Ka Leo o ka Lahui, Volume II, Number 578, 8 November 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

 

MA  KE  KAUOHA.

____________

 

KUAI KUDALA O NA LAIKINI AWA.

____________

 

          E Kuai Kudala ia aku ana ma ke akea ma ka Poaha, la  8 o Dekemaba, 1892, na Laikini Kuai Awa malalo iho nei, no ka manawa o Hookahi Makahiki mai Ianuari 1 aka 1893:

 

OAHU.

 

          Waialua                1.                Koolauloa            1.

 

MAUI.

 

          Lahaina                2                 Hana                    1

          Wailuku               2                 Makawao             1

 

          HAWAII.

 

          Hamakua              1                 S. Kohala             1

          N. Kohala             1                 Kau.                     1

 

          KAUAI.

 

          Waimea                1.

 

          O na  Laikini o Oahu, e kuaiia ana ma ka la i hoikeia maluna ae nei, ma ka hora 12 awakea, ma ke komo ana aku mamua nei o Aliiolani Hale.

          O ko na Mokupuni hoi o Maui, Hawaii a me Kauia, e kuai ia aku ana ma ko lakou mau apana pakahi, ma ka la, ka hora a me kahi hoi i waeia e na Makai Nui a i ole e ko lakou mau hope paha.  Ina mamuli o kekahi mau kumu i ikeia he mea kupono e hoololi ia ka la e kuai ai, e hoolaha hou ia aku no ma na pepa hoolaha pa’i alanui ma ka apana i olelo ia.

          Kumukuai Hookumu – Wailuku me Lahaina, he $300 ko ka laikini pakahi, a o na apana e iho a pau i hoikeia maluna ae, he $100 ko ka laikini hookahi.

          Ke Kuai Ana – E haawi mua ia ma ke ano hoopaa ka iwakaluakumamalima pa-keneta o ke kumukuai i ka wa e haule ai ka hamare, a e lawe ia no ia uku hoopaa ina aole e uku piha ia na dala o ke kumukuai o ua laikini la iloko o na la he umi mai ka la aku o ke kuai ana.

 

CHAS. T. GULICK.

Kuhina Kalaiaina.

Keena Kalaiaina, Honolulu Nov. 4, 1892          tf-dly.

____________

 

HOOLAHA  KOHO  BALOTA.

 

F@urna Kalaiaina

Honolulu, Nov. 4, 1892

 

I kulike ai me ke kanawai Koho Balota o ke Aupuni, ke hoike ia aku nei ma keia, he koho balota kuikawa no ke koho alii no na mokupuni o Maui, Molokai, Lanai a me Kahoolawe, e malamaia ana mawaena o na hora 8 a.m. a me 5 p.m. o ka Poalua, ka la 29 o Novemaba, 1892, e hoopiha ana i ka noho hakahaka no na makahiki eha i koe i hoohakahaka ia mamuli o ka haalele ana mai o ka Mea Mahaloia W. M. Cornwell.

O na Apana Koho Balota, na Mahele Koho, na wahi koho a me na Luna Nana kono Balota, eia mahope iho nei:

 

MOKUPUNI O MAUI, MOLOKAI, LANAI A ME KAHOOLAWE.

______________

 

APANA EKAHI – MOLOKAI.

 

          Oia no ka Mokupuni o Molokai.

          Mahele Ekahi – Kela mahele o Molokai, oia hoi o Kalawao a me Kalaupapa.

Wahi Koho – Halekuai o Kalaupapa.

Na Luna Nana – Ambrose H@tekinson, William Notley,  J. Kahaulelio.

Hookokuia no ka la Koho Balota wale no – William Clark, C. Kopena.

Mahele Elua – Ke koena aku o ka Mopkupuni o Molokai.

Wahe Koho – Hale Hookolokolo, Pukoo.

Na Luna Nana – A . Mouritz, D. Kaulia, W. A. Kukamana.

Hookohuia no ka la koho Balota wale no  -- J. H. Van Giesen.

 

APANA  ELUA – LAHAINA.

 

Oia no ka Apana o Lahaina a me Kaanapali ma ka mokupuni o Maui, a me Lanai.

Mahele Ekahi – ka Apaara    o Lahaina.

Wahi koho?  Hale Hookolokolo, Lahaina.

Na Luna Nana – Henry Dickenson, D. Taylor, Thos. C. Forsyth.

Hookohuia no ka la Koho Balota wale no – C. B. Cockett, L. J. Baldwin.

Mahele Elua – Apana o Kaanapali.

Wahi koho – Halekula o Honokohau.

Na Luna Nana – R. C. Searle, M. Meheula, D. A. W ahinehookae.

Hookohuia no ka la Koho Balota wale no – J. A. Kaukau, B. Nahookaa.

Mahele Ekolu – Mokupuni o Lanai.

Wahi koho – Hale ma Maunalei.

Na Luna Nana – S. Kahoohalahala.

Paiauina.

Hookohuia no ka la Koho Balota wale no – Kahikiwawe, K. Kaai.

 

APANA  EKOLU – WAILUKU AKAU

 

Oia no kela wahi a pau o Wailuku e waiho ana ma ka Akau o ke alanui mai ke Awawa o Iao (ma ka aoao Hema o ka muliwai) a hiki i na Puu One; mailaila aku ma ka lapa o na Puu One a ka nuku o ka muliwai Wailuku.

Wahi koho – Hale Hoopaheehee [Skating Rink].

Na Luna Nana – A. N. Kepoikai, W. A. McKay, W. S. Maule.

Hookohuia no ka la Koho Balota wale no – John S. McLean.

 

APANA EHA  -- WAILUKU HEMA.

 

Oia no kela wahi o ka Apana o Wailuku, e waiho ana ma ka Hema o ka Apana Akau o Wailuku, a e huipu ana i ka Mokupuni o Kahoolawe a me Honuaula.

Mahele Ekahi – O kela wahi o ua Apana la e waiho ana mawaena o na Puu One a me ke Kuahiwi a me ka mokupuni pu hoi o Kahoolawe.

Wahi koho – Hale Hookolokolo, Wailuku.

Na Luna Nana – W. H. Daniels, W. T. Robinson, Manuela C. Ross.

Hookohuia no ka la Koho Balota wale no – William Conway, S. E. Kaiue.

Mahele Elua – Kahi i koe aku o Wailuku Hema.

Wahi Koho – Hale Dute, Kahului.

Na Luna Nana – L. M. Vetlesen, G. P. Wilder, Kaulanaula.

Hookohuia no ka la Koho Balota wale no – C. R. McVeigh, Robert English.

Mahele Ekolu – Ka Apana o Honuaula.

Na Luna Nana – Leonard C. Parish, M. Kealoha, John Brown.

Hookohuia no ka la Koho BAlota wale no – S. W. A. Kaleihoa, W. D. Kaaumoana.

 

APANA ELIMA – WAILUKU  HEMA.

 

Oia no kela wahi a pau e waiho la ma ke komohana a me Hema mai ke awawa o Oopuola a me Huelo a e huipu ana i ka Apala o Kula.

:Mahele Ekahi – Oia kela wahi a pau o ua Apana la i kapaia o Kula, a me kela mahele o ka aina o Hamakuapoko e waiho la ma ka Hema a me Komohana o ke Awawa o Maliko a mauka o kekahi laina e kamoe ana ma ka waena o ke alanui e holo la mai Kaluanui a ka Halepaahao o Makawao, a mai kekahi laina e hoomau aku ana mai laila aku.

Wahi koho – Hale hookolokolo Makawao.

Na Luna Nana – F. W. Hardy, John Kalama, Charles Copp.

Hookohuia no ka la Koho Balota wale no – David Morton, David P. Eldredge.

Mahele Elua – Oia no kahi i koe o ka Apana o Makawao, a ke awawa o Oopuola. 

Wahi koho – Halekula, Hamakuapoko.

Na Luna Nana – C. H. Dickey, H. Laws, E. Helekunihi.

Hookohuia no ka la Koho Balota wale no – C. M. V. Forster, J. P. Kuia.

 

APANA EONO – HANA.

 

Oia no ke koena a pau o ka Mokupuni o Maui.

Mahele Elua – Kahikinui, Kaupo a me Kipahulu,.

Wahi kono – Halekula, Kipahulu.

Na Luna Nana – Charles Lake, Christian Andrews, B., Puhalahua.

Hookohuia no ka la Koho Balota wale no -- @ Nakila.

Mahele Elua – Ma@ Kipahulu a hiki a konio pu mai o Makapuu.

Wahi koho – Hale Hookolokolo, Hana.

Na Luna Nana – F. Wittrock, A. von-Gravemeyer

Hookohuia no ka la Koho Balota wale no – Benjamin K. Kaiwaea.

Mahele Ekolu – Oia no ka Apana o Koolau a ke Awawa o Oopuola.

Wahi koho – Keanae.

Na Luna Nana – James P. Saunders.

Hookohuia no ka la Koho Balota wale no.

 

CHAS. T. GULICK

Kuhina Kalaiaina

                                                                                                   Keena Kalaiaina                            11-7-3ts.

____________

 

Oihana Kalaiaina

Honolulu, Nov. 4, 1892.

 

          I kulike ai me ke Kanawai Koho Balota o ke Aupuni, ke hoike ia aku nei ma keia, he Koho Balota Kuikawa no ke koho ana i Lunamakaainana e malamaia ana ma ka Apana o Hilo Hema, Mokupuni o Hawaii, mawaena o na hora 8 a.m. a me 5 p.m. o ka POALUA, la 29 o Novemaba, 1892, no ka hoopiha ana i ka makalua o ka noho i hoohakahakaia mamuli o ka haalele ana mai a ka Mea Mahaloia Joseph Nawahi.

          O na Apana Koho, na Mahele Koho, na Wahi Koho, a me na Luna Nana, eia iho no ia mahope nei:

 

APANA EKAHI – HILO HEMA.

 

          Ona no o Puna a me Hilo maka hema o ka moeana kahawai maloo o Pukihae.

          Mahele Eka – Oia kela wahi o Puna e moe la mai Kau a hiki aku a e hoohui pu mai ana ia Kehena.

          Wahi koho – Halekula o Kalapana.

          Na Luna Nana – J. M. Kauwila, S . H. Haaheo, J. Kahoomana.

          Hookohuia no ka la Koho Balota wale no – J. A. Kaaukai, D. Kahaulelio.

          Mahele Elua – Oia kela wahi o Puna e moe la mai Kehena a ka Palena o Hilo, koe aku o Keaau a me Olaa.

          Wahi Koho – Hale Hookolokolo O Pohoiki.

          Na Luna Nana – I. E. Eldarts, D. Kapele, S. Kaulupali.

          Hookohuia no ka la Koho Balota wale no – W.  L. Haau, J. K. Kalawe.

          Mahele Ekolu – Oia no na Aina o Keaau a me Olaa ma Puna, a me kela wahi o Hilo e moe la mai ka Palena o Puna a ka moeana kahawai maloo o Pukihae. 

          Wahi Koho – Hale Hookolokolo ma Hilo.

          Na Luna Nana – F. S. Lyman, G. Hapai, Joe Sissou.

          Hookohuia no ka la Koho Balota wale no – J. T. Brown, G. Nakapuahi.

 

CHAS. T. GULICK.

Kuhina Kalaiaina.

                                                                                                  Keena Kalaiaina                                        11-7-3@     @

____________

         

KA LEO  O  KA  LAHUI.

____________

 

J N O.  E.  B U S H .

Lunahooponopono a me Puuku.

 

POALUA,  NOVEMABA  8,  1892.

____________

 

Ka Poe Hoopii.

____________

 

          Ua hele aku kekahi Komite o na Hawaii e nonoi aku i ka Moiwahine e hookohuia kekahi mau Hawaii iloko o ka Aha Kuhina o ke Aupuni, i keia la, ua hoike akea ia ae ma ka Papa Kuhina a ka Hamuku I hoonohonohoia, a i waiho ia ae e ka Moiwahine ia George N. Wilcox, aole he kanaka Hawaii i manaoia, a me he la, ua makaukau ka moiwahine e mohai i kona lahui a pau, a ae aku i poe haole a pau ka Aha Kuhina, mamuli o kona aloha i “kuu wahi Bolabola.”  I ka hana aku, a i ka lohe aku no hoi, ua ae ka moiwahine e hoolohe i na olelo hoopunipuni a kuhihewa paha, e onou mau ia nei i kona alo, aole he mea e ae oia e ola ai, e pakele ai, e alii ai, a e pau ai, aole o ke Akua, aole o keiki a ke Akua, hookahi wale no o “kuu wahi “Bolabola.”  Me he la, i na e make ana ka Bolabola” i ka la @popo, alaila e make wale aku ana noke ‘Lii mamuli o keia kuhihewa.

____________

 

Na Hana o Keia Mau la.

____________

 

          Mai ka Poalua i pau ai o ka Aha Kuhina, he pule okoa i hala aku la, ua hoomaka mai ka poe ma ka aoao e ku nei mahope o ka Moiwahine e hoolala i ka lakou Aha Kuhina I makemake ai a iloko oia hana ana hookahi mea nui i makemake ia e malama loa ia, e ae ia na Oihana Kuhina a pau no ka poe o ka Aoao Hoomaemae, a hookahi hoi no ka aoao o ka Hamuku, a Moiwahine paha.

          Malalo hoi o na alakai ana a ka Hamuku, a me kana mau hoolala ana, me na ao ana a na alakai ma ka aoao uuku o loko o ka Hale Ahaolelo a me ka poe o ka poai opiuma, ua kahea ia aku la o Kikila Baraunu e hele aku i ka moiwahine.  Me he la o ka po Poaha keia ia po pua me la, i ka wa mahiehie o na mea e ohumu nei na na lakou e hoonohonoho e hoolala a e alakai na hana o keia lahui, ma o ka Mana Hooko, iloko o ka rumi kuai waiona o ka Hotele Hawaii, ua paa ka Aha Kuhina, a penei ua Aha Kuhina la, Kikila Baraunu, Loio Kuhina, a hoa kuka.  Aha Kuhina, George N. Wilcox, kuhina o ko na Aina e; P. C. Jones, Kuhina Waiwai: Mark Robinson. Kuhina Kalaiaina.  Ua hala mua o George N. Wilcox i Kauai, a ua paa mua iho la keia Ana Kuhina.  I kinohi, i ka ui ia ana o na hoa eko@ul i koe iho, aole lakou i @ aka, ua paipai ia iho la ko lakou mau puu, kee a hiki i ka like ana?  Holo aku nei o Hon. H. P. Baldwin no Kauai i ka Poalima, mai o @ pule  i hala, me ka manao ia e lawe aku oia i ko George N. Wilcox hookohu Kuhina, aka, me he la aole ia manao i hookoia, he palapala nae kai hoouna ia aku.  Iloko o ka manawa mohope mai, waiho iho nei na hoohelo loa ana o keia mau hoolala ana ma ka aoao o Kikila Baraunu me ka Hamuku, kii ia aku nei o Mr. Wm. G. Irwin e kipa a e launa me ka Moiwahine; mahope oia launa ana, ua lohe ia ae la e hui ana o Mr. Irwin me Mr. Baldwin, a na laua e hooholo i ka mea e kahea ia, e like me ka mea i hoolala ia, i ka hiki ana mai o Mr. Baldwin a me Mr. Wilcox, ua lohe aku nei oia i ka mea i makemake ia nona a hui aku nei oia me Mr. Irwin, a pau ko laua kukakuka ana a hoohelo o Mr. Geo. N. Wilcox ke kahea ia; kahea ia aku keia mea e ka Moiwahine, waiho ia mai hoi ia ia na inoa o kona mau hoa, me ka olelo ia mai, e hookohu koke aku.  Aka, ua kaohi aku o Mr. Wilcox i keia mau hana pupuahulu kue i ka rula a me ke kumu kalai, i hooholo ia e ka hapanui o ka Hale Ahaolelo oia ko lakou alanui hana.

          Ma keia mau ano hana ka lahui e ike ai, kea no helelei mai la ka rula a ka hapanui i kuikahi ai, oia ko lakou ana, ma ka ae ana aku o keia poe e kakoo i ka Kikila Baraunu, malalo o ka ka Hamuku alakai ana, i ka Aha Kuhina i hoonohonoho mai ai a i lawe ae o Geo. N. Wilcox nana, ma ke ano hookamani, a waiho mai imua o ka hapanui o ka Hale ahaolelo, me he la, nana.