Ka Leo o ka Lahui, Volume II, Number 566, 17 October 1892 — Page 1
| This text was transcribed by: | Amy Waihili Marsh |
| This work is dedicated to: | My hanai sis, Lynette Cruz |
KA LEO O KA LAHUI.
"E Mau ke Ea o ka Aina i ka Pono."
SENIA LUTERA
Ka Ui Puuwai Mabala
O
ENELANI KAHIKO
A I OI E
He Nanea Hooheno
no kekahi Kauna
Wahine Opio me
kaua mau Aloha
Ekolu.
@ Mai ka peni mai a ka mea kakau o Ava-reda, a pela aku.
MOKUNA XI.
Manae au ua ike aku nei au i na helehelena o kekahi mea i ala mai mai ka lua kupapau mai!
A oiai ua Senia nei e waiho lolii ana imua pono o kona mau kii ono-hi ike, ono wale iho la no oia i ka uhu nui i u-ai ia mai a kau imua o @ ala aka nae aole oia i pulale @ iho i manawa, koe nae kona malu ana iho iloko ona penei:
E kuu lei, kuu milimili hoi, he mea e ka nui o kuu aloha ia oe, a mawaho ae o na mea apau; he mea e ko'u hauoli no ka hiki mai o kela @ kamaha'o kou la hoi e keia oiwi kino nani e lilo ai i wahine nau, a owau hoi i kane nau.
O, ea ke moe nei oe me ka ma-nao ole ae no'u ka mea hoi nona ka puuwai e hoopualewa ia nei e ke aloha. O kuu lima au e moe nei, aole lea i ai moe ia e kekahi mea ma@ua, aka ia oe wale no, a ina e ma@iu mai ana na Lani i ka'u mau huapule nou alaila ao kou uluna ia e moe ai e kuu aloha i na mana-we a pau.
O na eheu malanai o kahi mea @ makani e pa ahe malie ana ia manawa oia waleno ka pane i lo@ mai no kana kuko ana, oiai na mea ola e ae a pau e luu ana iloko o ke kio wai o ka hiamoe ia manawa, a mehe mea o ua Mavila wale nei no ke ala hookahi ana, pela paha i hooheno ia ai -------.
Kou po ua moe ia.
Ao ko'u nei aole:
Ua lia'a au i ke aloha,
I ka nani oia pua."
Ia pua nani laha ole,
Au e li'a mau nei.
O ka minute hookahi i ua Mavila nei, ua like me ka hora, a o ka hora ua like me ka makahiki hookahi ka loihi, aoiai oia e kiai ana i ka hiamoe ana a kana ipo.
Hala ae la ka hora a me ka hapalua hor hou aia hoi hohe aku la ua kanaka opio nei i ka leo kunu hookahi a kehaki me iloko o ka malapua he le kumu paha no ke kanaka, a i ole he ke'u paha na ka pueo maka nunui o ka po, a o kaho ua leo la i pae mai ai ma ka pu-kaaniani pololei mai no ia.
MOKUNA XII.
Me na maka paha'oha'o, ike aku la oia ina hiona weliweli e ka-ukolo mau nei mahope ona i ke ao a me ka po.
He mau hepedoma lehulehu i aui hope ae mai kela ike hope loa ana a ua Senia nei i na helehelena kohu lapu no ka po, e like me na mea a kaua i ike ae nei ma ka mo-kuna i hala, aia hoi ua ano nalchia loa aku la na hoomanao ana iloko o ua nohea nei no Heneri ke kuewa.
Oiai i kela a me keia la e maalo ana maluna o kona poo iloko oia mau pule loihi, e noho paa mau ana kana aloha ma kona aoao, a no ka manawa pokele wale no ua Ma-vila nei kaawale aku ai mai iaia aku, nolaila ua hoopiha ia na la alohi nei o ka Hale Kakela Keokeo me ka hauoli, iaia i hoomaopopo iho ai, he hookahi wai a ka like o ka pana ana a ko laua mau puu-wai hakahi.
I kela a me keia waenakonu po, i ka wa hoi ua hano ka leo o na mea ola a pau, he mea maa mau i ua Senia nei ke ala ana, haalele kahi kihei pili a me ka uluna, kukuli na kuli ilalo a haawi aku la i na homaikai ana ika makua Lani no ka haawi ana mai iaia i kekahi ipo aloh aiaio e like me Mavila, i awa-iaulu ia iloko o ka hoopono, a i makaukau mau hoi i na manawa a pau e mohai i k@na ola nona.
Aole i pau.
HE MOOLELO
NO KE KEIKIALI@
AWAREDA!
a me
KA UI LEILA
o Noremadi
(Kaakuia no Ka Leo)
MOKUNA XVIII.
Hopu pio io Awareda 2 me kona mou hoaloha.
Aole i hoi koke mai ko Leila noo-noo maikai ia manawa a hiki wale i ke ano ana mai o ke ahiahi, a oiai ka la e hooipoipo ana me ka ilikai, akahi no ua nonea nei ke noho po-no iluna a ke kamailio pu hoi me Diana ma.
Mamua oe o ka hoea ana mai o na hora hilii o ke aumoe , hoea mai la na kanaka kakaikahi i koe o Awareda i mahuka ai iloko o ka ululaau, no lakou ka nui he ewalu, ke hui pu ia me ka poe i hopu pio ia a i pau hoi 1 ka hookuu ia mai ma ke kauoha a Teorino.
Mahope iho ko Dolipa hokike ana aku ia lakou i na mea i hanaia mahope iho o ko lakou holo ana iloko o ha ululaau e like me kana mau mea i ike ai, alakai aku la oia ia lakou no kahi a na wahine elua e noho ana iloko o ke kaumaha, o ka oi aku no nae o Leila, ka lua o ua opua no laua keia hooheno.
Auwe! wahi a kekahi kenaka i pakele mai ma ka hooili kaua oia la, oiai kona mau waimaka e hiolo aka, mahope iho o ke Diana ma ninau ana aku aiai @ kan@ hua@ai i hele ai no Wavela, oiai oia keka-hi o na kiu i hoonua ia ai e Awareda no ka hele ana e nana i ke ku-lana o ka nohona o na kanaka a pela aku.
Na kamailio ia mai na olelo ma-luna ae e ua kanaka le me ke poo e kulou ana ilalo, me ke hoomau ana mai, o ua lono a makou i lawe mai ai mai ke kulanakauhale mai i ka po nei, hooku'i mai la hoi me keia mau haawina o hope hei, he mea e ka weliweli.
Ke ole au e kuhihewa aole olua i pina ia Morika, ke kuapuu poo nui a keiki hoi a Orema, oia ke kana a Elevira, a oia no hoi ka mea e no-ho la maluna o ka noho'lii o Noremadi, a oia no hoi ka mea nana ke-ia kauoha no ka hele huli ana ia Awareda a hopu hoi iaia, no ka mea ua maopopop no iaia, oiai o Awareda e kaakaa aku ana no na maka, he mea maopopo, alole loa e loaa ia ia he manawa e hoomaha oluolu ai malua o ka noho'liii @ Noremadi.
O Morico! i ninau hou mai a@ o Diana me ka piha pahaohao.
Ae, wahi a ka elele. Malalo o na hooikaika pa@ho ole ana a Ka-berana ke kahuna, ua kau ae la ua wahi kua eepa la iluna o ka noho kalaunu, a iloko o na hora pokole wale no o kona nohoalii ana, a kau nui ia kona weli, no ka mea ua like ke ola o ke kanaka iaia me ko ka holholona, ka hiki wale no ke pepehiia ma ke alanui a me na wah-hi a pau ana e makemake ai e hoo-ko i kona mano elelele.
E ahonui mai e na lani iau! wa-hi a Leila, oiai kona mau lima elua e puliki ana mamua o kona uma-uma, a pela pu hoi me kou Awarda aloha!
O, e kuu uhane! kuu ola! a me kuu aloha! Auhea oe? E Awareda -- ka'u Awareda hookahi! Au-hea oe, e lohe ole mai nei i ke kau-kau aku a kou hoa me ka waimaka! Ano, e make ana au -- aka e ike mua au ia oe i oluolu ai kuu make ana!
Me keia mau olelo maluna ae e hoike pau ana @ ka ehan kohohonu o ka naau, hina iho la ua Leila nei iluna o ka i'ihonua no ka lua o ke manawa, pili iho la kona mau ma-ka -- nalohia aku la hiona o ka wahine ui mai kona mau papalina aku, a o kona ano a pau i ka nana aku, he @io maopopo oia na ka ane-la lokoino o ka make ia mau minu-@ o ke ehaeha.
I ko Dulipa ma ike ana i ke ku-lana maopopo ole e Leila e waiho kahela ae ana imua o kona mau hoi make, ua haawi koke iho la lakou i na kokua ana e like me ka mea hiki.
Hoolaha a ka Malama Waiwai
Ke hoolaha aku nei ka mea no-@a ka inoa malalo, ua hookohu ia aku oia i Malama Waiwai o na Waiwai a pau o Lydia K. Kamaka-ia a me Samuela Kamakaia, kana kane, ma kekahi palapala hokohu malama waiwai 1 hana ia i keia la. Ke hoolaha ia aku nei ma keia e hookaa koke ma ka poe i aie, ma ko'u lima.
Honolulu, Sept. 10, 1892.
sept14 1m.
Ke hoke aku nei ka mea nona ka inoa malalo nei, o na aie a pau i hoaia ia e Lydia K. Kamakaia a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko'u kakau inoa ole, a ke kauhoa pu ia aku nei ka poe he mau aie ko la@ ia lakou, e waiho koke mai i ka la kou mau koi ma ka la hope o na mahina a pau.
Abraham Fernandez
(Aberahama.)
Ma kahi o E.O. Hall & Son.
Malama Waiwai o Lydia K. Ka-makaia me Samuela Kamakaia.
Honolulu, Sept. 14, 1892.
sept.15 1m.
HE HOOLAHA I KE AKEA
E ike auanei na ano lahui a pau, e no ho ana ma ke Aupuni Hawaii, mai na kane, wahine, a me na keiki; i loa i na ma'i o kela a me keia ano, e na@ mai ko'u Keena hana, a na'u e hopau aku i na ehaeha a ka ma'i maluna o oukou @ na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, ak@ ilo@o o ka iwi, eha o ke poo , ma'iwahine a pela aku. Mai hoo-lolohe aku e na hoa, hele mail hookahi, hele mail elua, hele mai no a paul loa; he oluolu ka auhau, ke hui me ia ma na kukai olelo ana; ua makaukau wau e pulama mai i na ko@o ana mai mai na Mokapuni mai, me ka eleu a me ka hi kiwawe loa, he makamaka a he hoaloha maikai no oukou e na Hawaii.
Owai iho no,
DR. LEONG KENG TONG
Kauka Yong Kam Pung.
(Apana.
Helu 53, Alanui amunakea.
Ke Kauka Loea o ka Aina Pua!
Ua hiki ke hoola ia kela a me keia ano
ma'i, mai ko na kane, wahine a @
na keiki liihi. O na ma'i ha-no
ua hiki loa ia ke hoola ia me
ka maalahi. A o na ma'i
e pili ana i ka maka
pau pu ia i ke
ola. ke ho-
ike ai aku @
@ ke ola ia @
ka oluolu pu o @
hau. Ka poe pilikia @
keiki a hele mai ha@ a ke @
a paa lohi paha ka @pa
paha o ka waiu, e hele @
E KIPA mai @ lau ia me na naawina pili@ a ka ma'i a na'u oukou e hooluolu aku.
KAUKA YONG KAM PUNG
Honolulu Sept. @, 18@1. 272-@3