Ka Leo o ka Lahui, Volume II, Number 565, 14 ʻOkakopa 1892 — Page 1
| This text was transcribed by: | E K Soares |
| This work is dedicated to: | Lucinda Kinia Wright Kaeo |
KA LEO O KA LAHUI.
"E Mau ke Ea o ka Aina i ka Pono."
Buke II HONOLULU O K A T O B A 14, 1892 Helu 565
HE MOOLELO KAILI PUUWAI
NO
SENIA LUTERA
Ka Ui Puuwai Mabala
o
ENELANI KAHIKO
He Nanea hooheno no kekahi Kauna Wahine Opio me kana mau Aloha Ekolu.
Mai ka peni mai a ka mea kakau o Avareda, a pela aku.
MOKUNA XI.
Manao au ua ike aku nei au i ha
helehelena o kekahi mea i ala
mai mai ka lua kupapau
mai!
E kuu Akua wahi aua nohe nei me ka leo haalulu, aia hou no kela mea weliweli! Oi e kuu Mavila, kuu ipo, ku aloha hoi, e hoopa pakele mai oe ia'u mai iaia mai!
Ua hoopuiwa loa ia o Mavila i kona lohe ana i keia mau olelo a kana ipo, nolaila me na maka paha'oha'o apo mai la oia ia Senia a hoopili aku la iaia, me ka ninau ana mai.
E kuu aloha ua moeuhane anei oe a i ole ua mai ia paha, no ka mea mawaho ae o kaua, aole he mea okoa e ae a'u e ike nei. Heaha kau mea i ike aku nei o kuu ipo?
O kela mau hiohiona mua ne! wahi a ua nohea nei me ka hou ana o kona poo iloko o ka poli o kana mea aloha me he mea la ua makau oia ike hou aku i kela kino wailua hoomaka'uka'u. Auwe, e kuu Laioneta, a hea pau ko kaukolo ana a keia mau hiona weliweli mahope o ko'u meheu?
Aole, e ka ipo, aole au mea e ao e ike nei, wahi a ua kanaka opio la me ka loo kaumaha, me he keiki makua ole ia. ina owau kai hookaumaka, akuaku ia oe, alaila aoao au e hana hou aku ana pela ma keia mua aku, aka ina he mea okoa e like me kau e olelo nei, alaila e hookuu mai oe la'u no ka hele ana e nana ma na wahi apau e hoopuni ana i ka hale nei, a ke loaa aku oia ia'u, pau kona ike ana i ka la i ka mea mehana.
Me keia mau olelo, eu ae la ua kanaka opio nei e ku iluna, aia hoi kaoki hou mai la kana ipo, me keia mau huaolelo, oiai kona mau lima elua e puliki paa ana i kona ai:
Aole, aole aole! wahi a ua nohea nei me ka puuwai e nae iki ana, oiai kona mau lima elua e puliki ana ma ka ai o ke kanaka opio. Auwe, aole e Mavila!
E hoopoina kaua ia mea, aka e kuu aloha mai haalele mai oe ia'u no hookahi sekona. E noho oe me a'u e kuu ipo, alaila aole a'u mea e maka'u a e weliweli ai hoi o ke ao holookoa nei.
O oe hookahi no kou palekaua, a me kou puuhonua e maha ai, a oiai oe ma kuu aoao, ua koa kuu manao e ku imua o na poino apau, me ka nana oloino he make ko lakou hopena aka aole he mea ola maka'u wale e like me a'u ke kaawale aku oe mai a'u aku!
No keia olelo a ua Senia nei, ua noho hou iho la o Mavila ilalo no ka mea he hana maikai ole nana ka hoao ana ae e wehi i na lima o kana ipo e puliki paa ana i kona ai.
Aole au e haalele ia oe e ka ipo aloha, wahi a ua kanaka opio nei iaia i honi koke mai ai i ua nohea nei. ma kou aoao au e noho ai oiai o kou lealea ia - e noho aku ana au a hiki i ko ai kona ana.
Aka, e ka ipo, ua hala paha ka manawa ku pono nou no ke ala ana nolaila e hoi oe e hooluolu i kaou mau maka e pono ai.
Aole ua Senia nei i ae mai i keia koi a kona kokoolua oia po mahina aka hookuene pono ae la oia iluna a me ke poo o ua Senia uei e hoomaha ana maluna o kekahi poohiwi o Mavila, a me ia kulana i hoike ia ae la haule aku la oia hiamoe no ke koena i koe oia po.
I ka maopopo ana ia Mavila ua heo kona hoa me Niolopua i ka aina o ha moeuhane paha'aha'o, hapai malie ae la oia ike poo o ua no hea nei a hoomoe pono iho ia ilalo iluna o kona lima.
Aole i pau.
HE MOOLELO
NO KE KEIKIALII
AWAREDA!
a me
KA UI LEILA
o Noremadi.
(Kakauia no Ka Leo)
MOKUNA XVIII.
Hopu pio io o Awareda a me kona
mou hoaloha.
Ina ua ike aku la oe, he pono ia oe ke manao ino, e hakaka ana oia me ka, ikaika e kue aku i na enemi no kou pono a me makou, a oiai o oe hookahi kana mea nui, mai hoole oe i kana kauoha hope. ke maopopo mai la anei ia oe ka'u mea oe olelo aku nei?
Ae ua maopopo no i ua nani Leila ko Dulipa manao, nolaila ua ae koke mai la oia e hoomalu iaia iho oiai na manao pono ole he nui e nu hele ana iloko o kona noonoo, a ma kahi o kona kaumaha kuhohonu loa puai wale ae la no kona waimaka, iaia i hoi hou ai iluna i ke ahua ana i pu mua ai, no ka makaikai ana i ka hopena o ka hooili kaua weliweli.
E hoi kaua ma o e noho ai, mai pii hou oe iluna, wahi a Dulipa no ka mea, aole he mea maikai nou ke ike i na mea e hanaia ana mawaena o ko ka moi opio aoao me ko na enemi.
Aole, aole, aole loa pela - aoie e hiki la'u kohaalele i keia wahi. O, ma ka inoa o na lani! aole he manaolana i koe? E nana oe - ua pau i ka haule ka hapanui o na kanaka makaukau o kuu aloha! E Dulipa! Dulipa! ke ke ike la no anei ou mau maka?
He mea oia o ua ike akula o Dulipa ia mau mea a pau a Leila i kamaiiio mai ai, aka aole ana wahi pono e hana aku ai.
No ka mea o ka Awareda kauoha hope iaia ma ia wanaao, oia ka noho malie ana ma kahi ana e noho ana no ke kiai a malama ana ia Leila ma, a mawaho ae o na mea a pau he hookahi wale no oia, aole hoi he manaolana iloko ona ina oia e hahaki ana i ke kauoha i haawiia mai iaia, no ka hele ana aku e kokua ia Awareda ma,
Ua ike aku la oia i na kanaka o ka moi opio e hina ana ma o a maa nei iolua o na hauna koi awaawa a me na kiina pahi aiwaiwa a ke aloha ole, ua ike oia i ko lakou ulupa ia e na enemi a hiki i ke koe ana he ekolu wa'e no i ha i ka moi opio, a ike pu aku la no hoi oia i ka holo ana o ua poe, la ekolu i koe iho iloko o ka ululaau, a koe hookahi aku o Awareda e moe hookahi ana imua a pa ka li i ke kai.
Oiai ua Awareda nei e paio hookahi ana, ua holo mai la kona mau enemi a hoopuni ae la iaia, ia manawa i uwe kapaiili ae ai o Leila, e hoike ana hoi i ka eha kuhohonu o kona naau, me ka hoomaka hou ana ae e holo no ka uwaio ana no ke ola o kana mea i aloha ai, aka e nono mau ana o Dulipa me ka makaala ia mauawa, nolaila ua paa hou iho la ua nohea nei i ka hopuia.
I ka ike ana o ua Leila nei aole he wahi e ae e hookoia ai kona makemake, maule iho la oia ilalo mamua o na kaupuai o Dulipa, me he mea la ua noha kona puuwai, oiai ke koloka o ka o ka pouli e uhi pia ana ana i kona noonoo kanaka.
Me ka hana nui, hapai aku la ua Dulipa nei ia Laila a waiho aku la malalo o na malama ana a Diana, alaila me ka awiwi nui huli kohe ae la oia a hoi koke aku ia no kaki kiekiena, a ne mea oiaio ua hiki aku oia i ke kau kupono, no ka mea iaia i hiki hou aku ae, aia hoi ike aku la oia i kona haku 'lii ma ke ano he pio na ke koena o kona mau enemi.
Kakali malie iho ia oia no kena@i manawa a hiki wale i kona ike ana me koua mau maka elua i ko Awareda lawaia ana no luna o ka moku, a me ka la ana o na pe'a o ua moku la e hoike mai ana o ka heo ia, alaila huli ae la oia a hoi aku la ne kahi a Diana e noho ana me na kulu wai maka nunui.
Aole i pau.
Hoolaha a ka Malama Waiwai
Ke hoolaha aku nei ka mea no na ka inoa malalo, ua hookohu ia aku aoia i Malama Waiwai o na Waiwai a pau o Lydia K. Kamak ia a me Samuela Kamakaia, kana kane, me kekahi palapala hookohu malama waiwai i hana ia i keia la. Ke hoolaha ia aku nei ma keia o hookaa koke mai ka poe i aio ma ko'u lima.
Honolulu, Septs. 10, 1892
sept14 1m
Ke hoike aku nei ka mea nona ka inoa malalo nai o na me a pau o hoaie ia e Lydia K. Kamaka ia i me Samuela Kamakaia kana kane mare mahope o ka puka ana o ke ia hoolaha aole no e uku ia ma ko'u maau inoa ole a ke kauoha pu ia aku nei ka poe he mau aie ko laua ia lakou, e waiho koke mai i ka la kou mau koi ma ka la hope o na mahina a pau.
ABRAHAM FERNANDER
(Aberahama)
Ma kahi o E. O. Hall & Son, Mawala Waiwai o Lydia K. Kamakaia me Samuela Kamakaia.
Honolulu Sept. 14, 1892
sep15 1m.
HE HOOLAHA I KE AKEA.
E ike auanei na ano lahui a pau, e noho ana, ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nana mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a palaaku. mai hoololohe aku e ua hoa, hele mai hookahi, hele mai elua, hele mai no a pau loa; he oluolu ka anhau, ke nui me ia ma na kukai olelo ana; ua makaukau wau e pulama mai i na kono ana mai mai na Mokapuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG TONG.
Kauka Yong Kam
Pung.
(APANA.)
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia kela a me keia ane
ma'i, mai ko na kane, wahine a me
na keiki liilii. O na ma'i ha-no
na hiki loa ia ke hoola ia me
ka maalahi. A o na ma'i
e pili ana i ka maka
pau pu ia i ke
ola. Ke
hoike ia aku nei,
ia aku nei.
eia ke ola ia nei, me
ka oluolu pu o kahi
auhau. Ka poo pilikia hanau
keiki a hele nui paha o ke koko,
a paa a lohi paha ka hanau ana, paa
paha o ka waiu, e hele nui mai i o'u nei.
E KIPA mai e ka poe i hooluuluu ia me na haawina pilihuaa ka ma'i, a na'u oukou e honluulu aku.
KAUKA YONG KAM PUNG.
Honolulu Sept. 2, 1891. 272--d3m*