Ka Leo o ka Lahui, Volume II, Number 563, 12 October 1892 — Page 1
| This text was transcribed by: | Cyndi Defenbaugh |
| This work is dedicated to: | Pohai Souza |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU OKATOBA 12, 1892 Helu 563
HE MOOLELO KAILI PUUWAI.
NO
SENIA LUTERA
Ka Ui Puuwai Mabala
---:O:---
ENELANI KAHIKO.
@@@@
He Nanea Hoohano no kekahi Kauna Wahine
Opio me kana mau Aloha Ekolu.
(Mai ka peni mai a ka mea kakau o Avareda, a pela aku.
MOKUNA XI.
Manao au ua ike aku nei au i na
helehelena o kekahi mea i ala
mai mai ka lua kupapau
mai !
No kekahi manawa ka hoonua ana o na lena ike o ua kanaka opio nei maluna o na papalina waihohia o Senia, aia hoi kupu hou ae la kekahi manao iloko ona mamuli o kona ike iho ua haalele mai ka opuu roke o ka ui a me ka nani i kona mau papalina, a ma kona wahi ka pua keokeo o ka haikea, me he mea la ua hamo ia i ka puna, nolaila kukuli iho la oia ma ka aoao o ke koki a kalele aku la iluna o ua Senia nei, me ka ninini akahele ana aku i keia mau hua olelo iloko o kona mau pepeiao:
Aole au mea e kaualua al@ i kuu aloha ia oe, a ina he kanalua kou e ka ipo, e hai mai? ua ike no oe ma keia honua akea, e kaapuni ae a puni aole loa e loaa ia oe kekahi puuwai i haawi mai i kona aloha ia oe i lihi la una mai i ka hapalua o ko’u aloha ia oe.
Auwe, e kuu ipo anahea, o oe kuu puuwai kuu uhane, kuu ola a me ka’u apau, wahi hou a ua kanaka opio nai me ka hamo ana i ka lauoho o ke poo o ua Senia nei ihope
No keia mau olelo hoi i ka oiaio a ua kanaka opio nei, huli aoao mai la ua nohea nei me ka hoopili ana mai i kona mau lehelehe aloha i ko Movila, a oiai laua e panai ana i ka honi no ka honi, hiolo mai la na waimaka e moole o ke aloha welawela mai na naka mai o ua Senia nei.
O ka nui o kona aloha no kana ipo hoeha ili, ua oi aku ia mamua o ka mea hiki i ka peni a kou mea kakau ke hoike aku. Pehea la ka nakolukolu, ka manomano, ka hohonu, o e na Lani, peha ka nui o ke aloha o Senia no Movila?
Oia na kulu waimaka puanuanu o ua nohea nei e hoopulu hala ole ana i kona mau papalina, aia kona uhane ke hoohiki malu la iloko o kona naau e like me keia me ka hoike ole mai imua o kana aloha:
Owau o Senia, a oiai ke ola e mau ana me a’u aole loa ha mea nana e hookaawale ia maua kekahi mai kekahi mai, o ka make wale no, ka mea i hoohalike ia ua like me ka aihue ika po; aka ina no kuu Movila aoha ka make mua, ua paa kuu manao e moepuu aku i kuu nui kino no na iwi o ka mea a’u i aloha ai---O aole au i ike pehea la au i aloha loa ai ia ia!
I kela mau la i hala akula ---kela mau la mamua loa, oiai hoi ka puuwai o ua nohea noi e omilo ia ana e na kui eha loloku welenia o ke kaumaha, he mea kupanaha no na Senia nei ka hoomaopopo ana iho no ke aha la oia i male ole ai ia manawa, iaia e moe ana i kela a me keia manawa, iaia e moe ana i kela a me keia po me ka uwe kanikan ana, a i kela hoi a me keia la me ka hanai ana iaia iho me kona mau waimaka ponoi, i ka manawa a na hoomanao ana no kela po weliweli poina ole e pelukua hou mai ai, iloko o kona noonoo, a au ike ua nohea nei me he mea la ua umi—a puaa ia, mamuli o ka nui o ke kaumaha a me ka luuluu.
Iwaho malalo o ka malamalama o ka mahina, he lohe wale ia aku no ka leo o na manu, a o ka hoene o ko lakou mau leo ua lawa ia maka hoohanini ana mai i kona mau waimaka.
Ua puni ka ea hanu e lana hele ana ia manawa me ka hanu kaomi ala ona pua roke he nui no lakou na lihilihi i kaumaha me ke kehau o ke ahiahi, a o ka owe hoi o ka lau o na kumu oliwa e hooemi ia ana e kahi mea makani ia manawa, ua like ia me ka leo hoonana a ka makuahine i kana keiki uuku, ka leo aloha hoi o ka makua nana i hooalii mai i ka aina kapu o Niolopua maluna o kona mau lihilihi.
Aole i pau.
HE MOOLELO
----:NO KE KEIKIALII:---
AWAREDA !
a me
KA UI LEILA
o Noremadi.
(Kakauia no Ka Leo)
MOKUNA XVIII.
Hopu pio io o awareda a me kona
mou hoaloha.
Mahope iho o kona ike ana, na paa ua moi opio nei me na kupee hao ka mea hoi nona na lima kona hao nana i luke aku he heluna nui o na ola o kona aoao, a o kana pahikaua punahele ho aole ma kona aoao akahi no makili iki ae ka anoano o ke aloha iloko ona no Awareda, ka mea nana i hoopakele ia Noremadi holookoa mai na lima mai o ka poe Denemaka, ka hooili kaua weliweli hoi nana i hookau aku ke alina o ka make maluna o ka moi Koratina a hiki i kona holo ana iloko o ka luakupapau.
E Awareda o Noremadi kuulana, wohi ana, oiai oia e ku ana ma ka aoao o ka moi opio, mahope iho hoi o ka holo ana o ka moku o keia mau mea a pau au i ike iho nei, aole na’u.
He oiaio, he enemi maka eleele au nou e ka moi opio, no ka mea uau i pepehi i kuu hoahanau, oia o Lameka, aka aole o like me keia ka’u i makemake ai o hana aku maluna ou, na hana hoi i kupono ole me ka inoa naia au e aahu nei, nolaila ua kupono loa ua e kapaia he hohe wale, he mea haahaa loa mawaena o na mea a ke akua i hana ai a pela wale aku.
Ina no he moe hoopuukahua ka makou o ka po nei, oia hoi i na i hooko ole ia ke kauoha i haawi ia mai ia’u e like me kou lnakila ana maluna o’u, he mea maopopo ua hoopakele pu ae oe ia oe iho mai keia hoopaahao ia ana; a ina no hoi mai kekahi mea mai a’u i hoohaa ole ai e hooko aku keia kauoha, aole oe ma keia wahi au e ike nei, aka ina ua ae koke aku au i kau noi no ka hakaka ana ma ke ana kaupaona kaulike, me ka nana ole ina owau a i ole o oe paha ke lanakila ana, aka he okoa loa ka na lani alahele i hookahua ai.
Ua kauoha aku au i ko’u mau kanaka aole e hoeha i hookahi maawe lauoho o kou poo, aka e hoao lakou ma na ano a pau no ka hopu pio ana ia oe me ka pilikia ole o kekahi wahi o kou kino.
A no’u iho hoi ma ko’u aoao hookahi wale no a’u hapa pono e pakele ai mai kau pahikaua luku weliweli mai, o ka hoomamao mai ia’u iho mai a oe mai i na manawa a pau, me he mea la aole au i komo iloko o ka hakaka ma kekahi ano, a he kumu kupono ia nau e noonoo iho ai e ka moi opio, oia paha kekani kumu i ahulau loa ai ka make ma ko’u aoao, a o kuu nui kanaka i haalele aku ai ia Wavela, he wahi piha poholima wale no ko lakou helana i koe, no ka mea ua like kau pahikaua me kela olelo kaupina: Ohi hapuku ka ia o Kapaau.
Ina nae oia nei o ka make ma ko’u aoao, a i lanakila oe, ina la malaila ka oi loa aku o ka pilikia, aka aole pela ko Odina manao.
Nolaila, he moi pio oe, a e hoihoi ana hoi a@ ia oe no ke kulanakauhale haaheao o Wawela, a haawi aku ia oe iloko o ka lima o ka moi hou o Noremadi i keia manawa.
E ae mai oe ia’u e Teorino, @@nauaku ia oe hookahi ninau, a oia hoi keia.
Aole---aole, he mea makehewa ou ka ninau ana mai ia’u i kekahi ninau, no ka mea aole au e pane aku ana i ka paina o kau ninau i mokemake ai, wahi a Teorino i kahamaha koke mai ai.
E hai aku au ia oe me ka oiaio, wahi ana—ina, ae, ina aole oe i pepehi ia Lameka, ko’u wahi hoahanau ponoi, mahope iho o ka pau ana aku o na kupuna a me na makua i ka hala ma kela a@, ke i ae nei au he mea hiki ole ia’u ke lawe aku ia oe imua o ua moi kuapau.
Aole i pau.
OLELO HOOLAHA.
Ke kauoha aku nei ka mea nona ka inoa maloko nei i ka poe a pau i aie ie ia, e oluolu e hookaa mai i ko lakou aie, iloko o hookahi mahina mai keia manawa aku. E pono na hoaloha e hoolohe i keia leo, i lilo ai i me apono no n aoao elua.
S. AH FAT.
Waikapu, August 31, 1892.
aug31 1md sept 2 lmw.
Hoolaha a ka Malama Waiwai.
Ke hoolaha aku nei ka mea nona ka inoa malao, ua hookohu ia aku oia i Malama Waiwai o na Waiwai a pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la. Ke hoolaha ia aku nei ma keia e hookaa koke mai ka poe i aie ma ko’u lima.
Honolulu. Sept. 10, 1892.
sept14 1m.
Ke hoike aku nei ka mea nona ka inoa malalo nei, o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o keia hoolaha, aole no e uku ia me ko’u kakau inoa ole, a ke kauoha pu ia aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.
ABRAHAM FERNANDEZ.
(Aberahama.)
Ma kahi o E. O. Hall & Son
Malama Waiwai o Lydia K. Kamakaia me Samuela Kamakaia.
Honolulu, Sept. 11, 1892.
sept15 1m.
Kauka Yong Kam
Pung.
(APANA)
Helu 53 Alanui Maunakea.
Ke Kauka Loea o ka
Aina Pua !
Ua hiki ke hoola ia kela a me keia ahe
ma’i, mai ko na kane, wahine a me
na keiki liilii. O na ma’i ha—no
ua hiki loa ia ke hoola ia me
ka maalahi. A o na ma’i
e pili ana i ka maka
pau pu ia i ke
ola. Ke ho-
ike ia aku nei.
eia ke ola ia nei, me
ka oluolu pu o kahi au-
hau. Ka poe pilikia hanau
keiki a hele nui paha o ke koko,
a paa a lohi paha ka hanau ana, paa
paha o ka waiu, e hele nui mai i o’u nei.
E KIPA mai o ka poe i hooluuluu ia me na haawina pilihua a ka ma’i, a na’u oukou e hooluolu aku. KAUKA YONG KAM PUNG.
Honolulu Sept. 2, 1891. @@@--d3