Ka Leo o ka Lahui, Volume II, Number 562, 11 October 1892 — Page 4

Page PDF (1.08 MB)

This text was transcribed by:  Maggie Butterfield
This work is dedicated to:  Awaiaulu

KA LEO O KA LAHUI.

"E Mau ke Ea o ka Aina i ka Pono."

 

KA  LEO

 

John E. Bush

 

Luna Hooponopono a me Puuku.

 

HONOLULU,  OKATOBA 11,  1892

 

            Hoike a ke Komite wae

                        MA  KA

OPIUMA,

I  KA

 

AHAOLELO  O  1892

 

   Iloko o ke kulana o ke kanaka e ku nei ana, o ka hana hiki kupono wale no i ulu ae i ko oukou Komite oia hookahi hoi, i kulike ai me ke ana ona aupuni Kina a me Inia ka hooliio ana i ka hooohana ana a me ke puhi-opiuma ana he mea i ku i na kanawai oolea loa o ka papa a me ka hoomalu ikaika, i hooluolu wale ia no ma hookahi kumu, oia hoi ka hoike pono nui o ka mea i hopu ia i ka mea na@@  mai e kalepa a e kuai malu ana i keia laau make a o keia poe hoi e hoopaa ia ma na kanawai oolea i hiki wale no ke hooulu ia mamuli o ko lakou hoike ana me ka pololei i ka mea nana e hookomo ana mai na aina e a e hoopae malu ana.  Aku, o na kanawai a pau e hana ia ana, aole no e waiwai ana, e lilo no lakou he kanawai make, ke ole e loaa kekahi Aha Kuhina hoopono, ikaika, kekahi aupuni i hooholo wiwo ole e hookui a e op a hookahuli i ka hana hoino a me ka olelo hooweliweli a keia poe poai opiuma, a i makaukau e hooko piha ina hana e lawa ai i ke kulana kupilikii, ma ka hoopau kanalua ole – i keia manawa koke, i na luna aupuni a pau i manaoia ua komo pu a e kokua nei ma keia mea.  A eia hou hoi he mea kupono loa e kakoo ia keia hana oolea a  ke aupuni oolea me na hoopaa ana aku a na manao oolea e ala ana mai ka hoopono aku o ka lehulehu.  A ina e haule ana ka mana hooko i ke kanawai e paio aku me keia ino, alaila o ka mea hookahi wale no i koe i ka noonoo akku oia ka hoakoakoa ana o na kanaka o ka aina me na manao maikai a hoohui ia ai loa Kapalakiko ma ka inoa “Ke Komite Vigilate” (Komite Hoomalu Makaala) iloko o kona mau la i uhi ai e ka pouli ona hana kanawai ole e like me kakou e hana ia nei, ae lawe i ka hana ma ko lakou lima a hana manawa ole aku i na mea a pau – kiekie a haahaa – i manao ia me ka maopopo pono maoli no aia iloko o keia hana hehi i ka mana kanawai a me ka inoa maikai o ka lahui.

 

   Aole he kanalua o Kou Komite, o ka manawa o keia imi ana, i ka hoike ae i ka manaoio maoli ke hana ia nei keia hoopae malu i ka opiuma, ma ke ano kaokoa a hoopukapuka malu ana, mawaena o na kanaka o na aina e a me na luna aupuni Hawaii i komo a kokua pu ia lakou.

   Iloko ona makahiki ekolu i hala ua hoomaikeike ia mai hoi imua o ka lehulehu o keia aina, i oi ae mamua o hookahi manawa, i hana hoohilahila a ka opiuma iloko o ka lima o na luna aupuni o ka Oihana Dute a me ka Oihana Makai, ua lawe ia ae mai loko ae o ko lakou mau wahi i waiho ai a hookomo ia iho ma kona wahi na pohaku uinihapa, me na weuweu, poi a me na malakeke.  Eia no ano ke paahana nei no ma keia oihana, na kanaka i lawelawe a i pili ma kekahi ano ma ia hana i olelo ia ae la, a ke olelo kaeaa nei aole wale lakou i komo iloko oia hana lapuwale aka ua hoano ae aole lakou e hiki ke hopu ia.

   I hoike no ke ano o na hana i ike ia ka hahaki akea o kekahi o keia poe lima aupuni i ke kanawai ua ike ia maloko e kekahi puka’na nupepa puka la o keia mau pale koke iho nei no, ma ka olelo haole i olelo akea ia mai ai kekahi o na kiai o ka maluhia e noho oihana nei, i kona loaa pono ana aku e liuliu ana aku @e kuai i kakahi mau kini opiuma iloko o kakahi hale ma keia kulanakauhale.  Me ka eueu kaulana nalo ole o na puapua kewa o ka hana o ka anela kiai o Kuapapanui, eia hou mai no kakahi hana hou, oia hoi ka hookaumaha wale ia na me ka hana ino ia o na kana ia i hopu ia ma na kumu haku wale ia, no ka mea, ua aa keia poe e hoao e hopu i ka opiuma iloko o ka lima o kekahi mea me ke kanawai ole, a ma ia hana ana e alai a e howeli ana i ka hoopukapuka malu ana i ka opiuma ke kumu loaa o keia poe omokoko noho oihana.

 

KAU  AHAOLELO  O  18923.

 

(Hoomauia.)

 

LA  HANA  102.

 

            Poaha, Oct. 6

Auina La,

   Kaunamano, o ka mea ano nui wale no e pili ana i keia bita, oia ka hoopae ana mai ina limahana Pake.

   Iosepa, kanalua oia no keia bila  Nawahi, he mau manao hookaka no na mea e pili ana i kea bila.

   Balauwina, owau kekahi kanaka  mahiko nui iloko o ka aina nei, a ina lakou e kue ana i keia kanawai e uku ia no he $100 no ka mea kue.

   Waita, he ano alopeka ke ano o keia bila, noi oia e kapae ia ka Paukuk 1 o keia bila.

   Nawahl, hoololi mai oia i ka Pauku 1 ma ka pakui ana mai.  I ka wa e pau ai kana hana e hoihoiia aku no oia i kona wahi i hele mai malalo o na lilo ponoi o ka haku i noho hana ai.

   Loio Kuhina, noi oia ia Waita e hoihoi hou oia i kana noi, a kokua oia i ka manao o Nawahi.

   Ma ke noi e hoopanee ka hale; aponoia.

   Hora 4 hoomaha ka hale

LA  HANA  103

Poalima, Oct 7

   Halawai ka Hale e like me ka maa mau.

   Waipuilani he noi i komite no ka nana pono ana i ko na ‘lii hou kohe pono ia.  Aponoia.  Mahope o ke kohoia ana o ke komite, waiho mai oia i kana hoike, na keho pono ia laua.

   He hapalia hoke paha i hala ae komo mai la o Dole, ke Kokua Lunakanawai Mua, a hoohikiia iho la no ‘Lii C. L. Hapakini me C. B. Maile.

 

                        Komite Kumau.

   Koahou, i ka hoike a ka hapa uuku o ke Komite no ka mea e pili ana i na Auhau Pepa Hahau. Papa me ka hoike a ka hapa nui a me ka bila.

   Waika, ma ke kapaeia ana o na rula, he hoopii na Honolulu nei, e hooholo ka hale i kanawai e pili ana i na Pake.  Papa me ka bila.

   Aki me Hoapili, he mau hoopii no e like me kela maluua ae.  Papa me ka bila e like me ka mua.

 

Olelo Hooholo

 

   Kanealii no ka mea e pili ana i kekahi mau dala i unuhiia mai e Buki mai ka Ahaolelo mai, a e kahea ana hoi i ka noonoo ana a ke Komite Hookolokolo no ia mea Aponoia.

 

   Kamika, mamuli o ka paa loa o ka manawa oia Komite me na bila Hookolokolo he noi e haawiia ia mea i ke Komite Kakau Poepoe Aponoia.

 

Na Hana Pau Ole.

 

   Oia hoi ka noonoo ana i ka Bila Helu 157A, ma na pauku.

   Mahope o ka hoopaapaa loihi ana o na hoa no ka pauku mua o ka bila, hooholoia me na hoololi.

   Awakea, hoomaha ka Hale

Aole i pau.

 

HE  HOOLAHA  I  KE  AKEA

 

   Eike auanei na ano lahui a pau, e no he ana me ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nano mai i ko’u Keena hana, a na’u e hoopau aku na ehaeha a ka ma’i maluna o oukou e na makamaka, he hiki ia’u ke lapauu i na ano ma’i a pau, ma’i iloko o ka opu, hu’i ke kino, aki iloko o ka iwi, eha o ke poo, ma’iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa;  he oluolu ka auhau, ke hui me ia ma na kukai olelo ana: na makaukau wau o pulama mai i na kono ana mai mai na Mokopuni mai, me ka eleu a me ka hi kiwawe loa, he makamaka a he hoaloh maikai no oukou e na Hawaii.

 

Owau iho no,

DR. LEONG KENG TONG.

 

KUAI  HOOPAU     KUAI  HOOPAU !

 

Elike me ka mea maa mau

 

I na Makahiki a pau!

 

MA  KAHI  O

 

N. S. SACHS,

104 Alanui Papu, Honolulu.

 

E Hoomaka Ana ma ka Poakahi, Aug, 29,

 

NO  NA  PULE  POLOLEI  HE  ELUA  NOU

 

O na Waiwai a pau e haawi ia aku ana

 

MA  KE KUMUKUAI  I HAULE  IHO  I  KE  KUMLILO

            He Kuai Kuio:                                     Aole he Apiki !  !

 

   He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka halekuai aole e like me kekahi mau halekuai e ae ka hooemi i kakahi no ka hou walewale ana a koe no kakahi he oiaio ka makou, a o ka oiaio wale no.

            He Emi me ka Makepono na Mea a pau.

 

   A oia ma alo iho nei kakahi o ka makou nau kumu juai iloko o keia kuai no na pule elua wale no aole oi aku:

 

 

20  I-a Kukaenalo no  $1.00                                     Paleili komo o na kane, 5 no $1.00

12  “  “  Keokeo hinuhinu “                                     Na Palule i aiana ole ia, he      50c

20  “  Kalakoa paa no   “                                         Na Lakeko kalakoa e na kamalii 5 no $1.00

Na Lole Keokeo maikai kahakaha                              Na lole keokeo i hana lauia o no Wahine,

me kikokiko aulii 8 i-a  “                                            hoemiia no $4.75 o ka lole

Na Ginamu nani 10 i-a  ‘                                            Kaliki o na Wahine, hoemiia 40c

10 i-a Huluhulu Canetona “                                        Aikala iilina “      3 no ka 25c

5 “ Satina maikai loa “                                                Na hainaka hooluu like ole o hai he 60c no 1 kakini   @@@@

Na Alapia Eleele maikai loa laula,                              Papale hele la o na keiki   25c

o ke ano maikai, hoemiia he                                        Na Kawelw auau hunni he   25c

hookahi i-a no ke    40c

 

   O na kumukuai maluna ae e hooko aku ana makou no keia manawa wale no o ka makou kuai

hoopau oia hoi no

 

Mua Pule Wale no.

 

-           : N. S. SACHS :-

104  Alanui Papu, Honolulu.