Ka Leo o ka Lahui, Volume II, Number 557, 4 October 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

John E. Bush.

Luna Hooponopono a me Puuku.

 

HONOLULU, OKATOBA 4, 1892

 

Hoike a ke Komite Wae

MA KA

OPIUMA.

 

I KA

AHAOLELO O 1892.

 

 Penei hoi ka ka buke malama ano nui ma Inia, ke “Culcatta@ Mekical Record:” “Nui no hoi a weliweli na pilikia a ma na inoino o ka waiona alakohola, aka he oi loa aku nae ka hopena weliweli o na hana puni wale i ke puhi opiuma.  Ma ia mea ia i poke ia ae ai na hiona a pau o ke kulana hanohano o ke kanaka, a me ka hiki ke hilinai  ia o kona kulana hoopono; ua hoolilo ia ka noonoo he mea nele i ka ike a me na loina hanohano a pau a me na anoai kiekie o ka kanaka, a ua hoohaahaa ia hoi ke kulana ano hoopono o ke kanaka i na keehina haahaa loa, i o aku no paha ka haahaa i ko ka holona ano.  E ano e mau ana ka haawina hoowali ai, a o ke kino holookoa e malo wale mai ana, omilo ke kino, malo na aa, na olona, a e ano e ana ka lolo.  E helu ana ka opiuma i ka poe i make i kona mana inoino ma ke tausani ma Calcutta ponoi iho, a e hoolako mai ana na kini o na hoike ma na wahi a pau – ma ka loa a me ka laula – a puni keia emepaea nui o Inia a me Burmah i na poino walohia i ilihia iho maluna o na kanaka mamuli  o ke puhi-opiuma, na kulana emi ino o ka hoopono a me ka haahaa o ka noho ana. kekahi kulana i hiki ke hookae@ a i make kona ano hoopono iloko o na hana lealea a nohona mauwele o kekahi hooponopono aupuni buro i ku ole i ka hilinai ia.  Ua pili keia inoa hoino i ke aupuni e hookele nei ia Inia, kona ae ana e kuai keakea ole ia ka opiuma, ka mea hoopoino nui, aka e hoomalu a hoohoihoi ana hoi i ka hoohoihoi ana hoi i ka hoomau a me ka hoopaa ana i ke ino a me na popilikia iwaena o kekahi lahui a ua aupuni la i kahea ia ai e kokua e hoomaemae hou ae a e hoopakele."

 Ua hoike mai hoi o Hobhouse i ke ano o ka poe ai-opiuma o Conestantinopala, "he haikea, wiwi a kunewanewa, i komohia iloko o ka noonoo pouli o ke ano kanaka ona mau, i hoopuoho ia e na hoano e ana a ka hana pupule maoli."  Ua hooiaio ma@ o Mr. Maddon a me Oppenheim i keia olelo, me ka pakui m@'a ka mea mua, e i ana, he kakaikahi ke ola o ka mea ai opiuma mawaho o ke kanakolu makahiki, ina e hoomaka opio ana; a o ka lua hoi, aole he oi aku i ke kanaha-na makahiki o ka poe ai-opiuma, koe aku ka poe kakaikahi loa.

 A maanei e ae ia e olelo ae, o kekahi o na helehelena inoino ioa o ka hewa opiuma, oia hoi,e like me ke ano o na laau make e ae, e emi mau ana kona ikaika ke maa aku ka mea ai, a aia wale no ka na o ka ono a hoomahuahua mau ai kaapu i mea e loaa ai ka hopena i makemake ia e ka mea puhi a ai opiuma paha.  Nolaila i ka wa o kekahi mea e maa ai i ka opiuma, he hoonui wale no ka pono i ka apu ke manalo ae na haawina mua, a he hiki ole no hoi i ka mea i pilikia ke haalele ia mea; a he mea pahaohao no hoi i ka nui o-ka opiuma e pau ana i ka ai ia e ka poe e hana mau ana.  O kekahi no hoi, e hoike mai i ke ino o na helehelena o keia hana, oia no na olelo a ka poe i pilikia e i ana i ka na ole o ka ono, i ka eha a kau make maoii no ke nele i keia laau, a i hiki ole ke hoopakele ae mai kona apo a puliki paa ana i ka mea i haulehia iloko o kona lima.  Wahi a kekahi mea e olelo ana, "Aia me ka nui ikaika o ke kino a me ka hoopono e ke kanaka e hiki ae ke hookaawale aku i keia ino he ai a he puhi-opiuma, no ka mea. i kinohi he weliweli ka nui aku o na hoehaeha o ke kino a me ka noonoo, aka, he ano ole wale no hoi oia aole he make a pilikia o ke ola ke haalele ia, he kukule ke ano o ka mea i loohia i ka mai opiuma, hiaa, aaka, e hopohopo wale mai ana no nona iho, a ina aole he mea naau kupaa, e koi ana me ka hoohaahaa loa e aloha ia aku, a e haawi ia aku keka opiuma i mea e ola ai, ia manawa e noho ana ke aki lipolipo a ka eha a me ke ma ke kino a nahu ma ka opu; e pii mau ana ke pana ana a ke aa koko a ka hookahi haneri a me iwakalua pana ana, e paa pono ana ke alelo i ke keokeo kohu helu, e ulu mau ana ka makewai, e pio loa ana ka ono ai, a mai ka paa mau ana e lilo ana i ka naha palena ole, a ia wa e ma-u mai ai ka ili a kahe mai ka hou.

  Aole i pau.

 

 Hanaio ka ua ma Kauai i ka Poaha a me ka Poalima i hala, a wahi a kekahi io waliwali ma kana helu ana, aohe i emi iho malalo o ka iwakalua-kumamahiku ka nui o na kahawai e kahe ana ilalo mai ka aoao mai o ka lalani mauna o Waialeale i ka mahawa o ka ino ipau ai.  @

 

 Ma ka po nei, aole i pani ia ke keena o ka Luna Auhau, no ka ohi ana i ka auhau kino o kekahi poe, a me keia la hoi, maloko o ka Hale Ahaolelo, mai ka hora 9 o keia kakahiaka a hiki i ka hora 4 ahiahi.  Ina aole oe i hookaa i kou auhau, a aole hoi oe i hookuuia na ke kanawai, e uku aku i loaa ai kou mana koho i na 'lii o kela la.

 

AHA MELE NUI!

 

E wehe hou ia ana he Aha Mele Nui maloko o ka

Luakinio Kawaiahao

e ka

Hui Mele Hawaii Noeau,

i kokua ia e kekahi mau loea e ae o ke kulanakauhale nei, i ka po

 Poaono, Okatoba 8.  Hora 8 P.M.

no ke alu hou ana i na hemahema i koe o ka Ekalesia o Kawaiahao.

  No na Palapala Komo, e loaa ao@ ma na puka o ka Luakini, e like me ka mau, oia hoi he $50 ko na makua, a he 25 keneta ko na keiki.     4ts-dly.

 

HOOLAHA I KA POE KOHO.

 

APANA 5 o Honolulu, Mahele 1.

 O ka poe koho a pau ke kolia aku nei e paa pu mai i ko lakou mau Palapala Hookaa auhau a Palapala paha e Hookuu ana mai ka Auhau ana. [ma ke Kanawai] no ke koho ana ma ka la Koho Balota

   M. R. Colburn

   J. Simonson

   L. J. Nahora Hipa.

Honolulu, Sept. 30, 1892.   2ts dly.

 

HUI ALAHAO A ME AINA O OAHU.

 Papa Manawa

Mai a Mahope o Okatoba 1, 1892.

NO KAA

 

  A.M. A.M. P.M. P.M.

Haalele ia Honolulu 6:15* 8:45 1:45 4:35+

Hoea i Honouliuli 7:20* 9:57 2:57 5:35+

Healele ia "  7:30* 10:13 3:45 5:42+

Hoea i Honolulu 8:35* 11:55 4:55 6:50+

 

NO KULANAKAUHALE MOMI IHO.

 

Haalele ia Honolulu  5:10# P.M.

Hiki i Kulanakauhale Momi  5:48#

Haalele ia  "  "  6:55* A.M.

Hiki i Honolulu  7:30*

  + Poaono wale no

  * Koe ka Lapule

  # Koe ka Poaono.

  Sept. 28 tf-dly.

 

HE HOOLAHA I KE AKEA.

 

 Eike auanei na ano lahui a pau, e no ho @a ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopau, aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele@ mai no a pau loa; he oluolu ka auhau, ke hui me ia ma na kukai ole'o ana: ua makaukau wau e pulama mai i na kono ana mai mai na Mokupuni mai, me ka eleu a me ka hi kiwawe loa, he makamaka a he healoli@ maikai no oukou o na Hawaii.

  Owau iho no,

 DR. LEONG KENG@ TONG.

 

HOOLAHA HOU

E ALA,  E ALA.

B. F. Ehlers & Co.  PAINAPA.

HELU 99  Alanui Papu.

 E Hoolohe hou mai e na MAKAMAKA, mai no a lokoino, e hale mau mai no oukou e ike ia PAINAPA, no ka inea, he kanaka oia i nohe a kamaaina i keia kulanakauhale.

AIA MA KONA HALEKUAI NA

 Papale o na kamalii mai ka 25c a pii aku.

 Kuka  " "  " $3  " "

 Kalakoa a no hou, he 8 i-a no 1 dala.

 Na kehei pili laula,  "  "  "  "

 Papale Wahine ....

Kinamu Nani  8 Ia ... $1.00

Kalakoa Nani 18 Ia ..."1.00

 E kuai aku ana MAKOU i ko makou mau waiwai a pau no ke Ku' mukuai i haule iho i ko lakou mau Kumukuai mua.

 Na Palule $2.50 he $1.50 wale no, a o na Palule $1.50, he $1.00 wale no.  Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o nele auane oukou.

  B. F. EHLERS & CO

 

   KUAI  HOOPAU

     KUAI HOOPAU !

Elike me ka mea maa mau

 

 I na Makahiki a pau!

 MA KAHI O N. S. SACHS,

 

104  Alanui  Papu,  Honolulu.

 

E Hoomaka Ana ma ka Poakahi, Aug. 29,

NO NA PULE POLOLEI HE ELUA NO'

 

 O na Waiwai a pau e haawi ia aku ana

 MA KE KUMUKUAI I HAULE IHO I KE KUMULILO.

 He Kuai Luio !  Aole he Apiki ! !

 

 He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka halekuai@, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, ha oiaio ka makou, a o ka oiaio wale no.

  He Emi me ka Makepono na Mea a pau.

 A eia malalo iho nei @kahi o ka makou mau kumu kuai iloko o keia kuai no na pule elua wale no aole oi a @.

 

 

20 I-a Kukaenalo no   $1.00

12 " " Keokeo hinuhinu  "

20 " " Kalakoa paa no  "

Na Lole Keokeo maikai, kahakaha me kikokiko aulii 8 i-a no "

Na Ginamu nani 10 i-a  "

10 i-a Huluhulu Canetona  "

5 " Satina maikai loa   "

Na Alapia Kleele, maikai loa laula, e ke ano maikai, hoomila he hookahi i-a no ke  40c

Paleili komo o na kane, 5 no $1.00

Na Palule i aiana ole ia, he  50c

Na Lakeke kalakoa o na kamalii 5 no  $1.00

Na lole keokeo i hana lauia o na Wahine, hoomila no $4.75 o ka lole.

Kaliki o na Wahine, hoomila  40c

Aikala  Mina "  3 no ka 95c

Na hainaka hooluu like ole o hai. he 60c no 1 kakini.

Papale hele la o na keiki   25c

Na Kawele auau nunui he  25c

 

 O na kumukuai maluna ae e hooko aku ana makou no keia manawa wale no o ka makoa kuai hoopau, eia hei no

 Elua Pule Wale no.

-:N. S. SACHS:-

 104 Alanui Papu, Honolulu.