Ka Leo o ka Lahui, Volume II, Number 557, 4 ʻOkakopa 1892 — Page 1
| This text was transcribed by: | Carol Hill |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HONOLULU OKATOBA 4, 1892.
Buke II. Honolulu Okatoba 4, 1892 Helu 557
HE MOOLELO KAILI PUUWAI
NO
SENIA LUTERA
Ka Ui Puuwai Mabala
-:O:-
ENELANI KAHIKO.
A I OIE
He Nanea Hooheno
no kekahi Kauna
Wahine opio me Kana mau Aiona Ekolu.
(Mai ka peni mai a ka mea kakau o Aua@da, a pela aku.
MAKUNA X.
Oia ka mea a kuu puuwai e li’a mau moe ole nei o ka po a me ke ao.
Aole, wahi a na nohea nei, me ka papahi ana ae o ka minoaka ma kona mau papalina nohenoheo. Heaha ka olua mea i kamailio mai nei, e kuu Laionela?
He mea ano nui no, wahi hou a ke kanaka opio i hoomau mai ai me ka akaaka ana. Aka, aole anei e hiki ia oe ke koho pololei mai?
Aole anei he mea o hili ana ia’u, e Laionela.
Ua holu pono mai la i ka piko ia pahuna au ke mino nei holu ka ili o ka laau, wahi a Laionela i pane koke mai ai, me ka haawi ana mai hookahi honi i kana aloha oiai ko laua mau poo e kokoke ana kekahi i kekahi. Ae, nou ka maua mea i kamailio mai nei, a mahope no’u no kau kauwahaahua, ka nea hoi i makaukau mau i na manawa a pau e haawi i kona ola nou e kuu hiwahiwa, ka lei hoohie hoi o kuu kino e kohu ai o ka la maka kanaka.
He manaoIani kona, e lilo ana kaua i hookahi wai o ka like, hoo kahi puuwai a i hookahi pana ana, a ua hauoli loa oia i kona ike ana i ko kaua sekona mua loa o ka hui ana mai nei a ua lele naopu mai la imua ona na kohokoho ana, ina pela ino la na helehelena, alaila na ka hauoli e @ula ko kaua mau la ma keia ola ana – a mawaho ae nae na mea a pau, ua makemake oia e haawi aku au i kou puuwai ia oe, a o oe hoi e panai mai i kou aloha ia’u – ae, e haawi mai i kou aloha ia’u!
Kupanaha aole a’u aloha i koe e haawi hou aku ai, no ka mea ua haawi pau aku au i kuu aloha ia oe, wahi a Senia i ukaliia e ka akaaka e kapalili hele ana i ke aumoe, a me na lima elua o ua Senia nei e apo ana ma ka ai o kana ipo, ninau mai la oia:
Heaha hou ae kekahi mau olelo ana? E hai mai oiai ua makemake au ia oe a ua aloha hoi. Pehea la oia i manao ai pela! Heaha hou ae kekahi mau olelo ana,o, makeia wahi, a ike mai hoi ia oe a me a’u iloko o keia kulana a kaua e noho nei, pehea la oia e olelo mai ai?
Eia ka’u mea e olelo aku ai, wahi a kekahi leo i oili mai ai mawaho mai o ka hale hooluolu, ma ka aoao mahope pono o kahi a ua mau ipo nei elua e hoopapa ana i ka hene o na kuahiwi, owau ke kanaka hauoli loa o ka honua neia i keia po.
Ua puiwa koke ae la ua mau ipo nei, nolaila ku koke ae la laua maluna o ko laua mau kapuai me na noonoo pono ole, oiai ua hoomaopopo aku la laua i ka mea nona ia leo, a mamua ae nae o ka manawa a laua i makaukau ai e holo no ka hanu ana ia laua iho, aia hoi ku ana ka Haku Lutera imua o laua me na papahi minoaka o ka hauoli e hekau ana maluna o kona mau papalina, a me ke leo oia, o ka’u kuko nui hookahi keia, a akahi no au a ike maka ia olua.
Alaila, aole anei oe i huhu ia ma ua e pupa, no ko maua haalele ana aku nei ia oe e noho mehameha? i ninau aku ai o Senia, oiai no kekahi lima ona e apo ana i ka ai o kana mea i aloha ai.
E kuu milimili, aole au i huhu, no ka mea ua li’a kahiko au no keia mea, wahi hou a ka Haku Lutera. A oiai, ua ike iho la au ia olua he mau ipo opio, nolaila e kala mai olua ia’u.
Aole i pau.
HE MOOLELO
-:NO KE KEIKIALII:-
AWAREDA!
a me
KA UI LELILA
o Noremadi.
(Kakauia no Ka Leo.)
MOKUNA XVII.
Ka La Hooili Kaua Weliwei.
Oiai nae ua moi opio nei e walea ana i ka pa’i-pa’i ana i ke poo o kona mau enemi, aia hoi halawai aku la oia me kekahi kanaka kino nui puipui, i aahu pono ia me ke kapa kila, a o ka lapuwale nui hoi ana e anai ana i na hoaloha o Awaeda mai keia ao aku no ke ao pau ole, nolaila e like me ka imo ana a ka maka, halawai ae la ka laua mau makakila i kahi hookahi.
No ka manawa mua a me ka lua, aole he mea o laua i ahai ae i ka lanakila ma kona aoao, aole o ka mai opio a aolo no hoi a ke kanaka Sakone i hoolimalima ia no ka hopu pio ana ia Awareda, no ia mea lohe ia aku la ka leo o na kanaka la i ka pae ana mai mahope mai o kana palekaua.
Ma ka inoa o na lani iluna! iaia i kuemi hou aku ai ihope me ka manaolana poho, iaia i hoomaopopo mai ai i ke ano o ke kulana o ka kanaka e ku ana imua ona. E ke kanaka opio, he naita maikai a oiaio oe iloko o kou mau la heu ole, a ke makemake nei au ina o oe kekahi ma ko’u aoao, no ka hopu ana i a m oi mahuka o Noremadi.
Ina owau kekahi ma kou aoao, o aole loa pela, no ka mea o ka mea a oukou i hele mai nei e huli, oia keia imua ou, nolaila e makaala loa oe nou iho e ka mea pakaha! wahi a Awareda i panai aku al me ka lele hou ana aku imua, no ka hoao hou ana i ko laua laki no ke kolu o ka manawa.
Ma keia halawai hou ana a laua ua oi aku ka weliweli i ko na halawai mua ana elua me he mau bipi bulu ahiu la no na kula papaa la o Haena, oiai ko laua mau pauku kino e anapau ana i o a ianei, ka laua mau pahikaua hoi e hahau mai, aka no ke kanaka Sakone, aohe ana olelo ana, oiai ua lako oia ma na ano a pau, ka palekana a me ke kapa paa kupono no ka hakaka ana, aka no Awareda ka hoi, oia ka mea aloha, oiai oia e hakaka olohelohe ana imua o koka hoapaio a na kana pahikaua hookahi e pale hoomanawanui nona iho ma na ona.
Aneane e piha ka hapalua hora o ko laua hakaka ana, a no ka manawa hope la, aia hoi ike ia aku la na kanaka Sakone nei i ke kulana ana aku ihope a hina iho la ilalo iluna o ka ilihonua, a ua hoike maopopo mai hoi kona kulana ia manawa aole kona ikaika me ia, oiai ua hemo aku kana pahikaua a me kana pahikaua mai kona lima aku, a o ke alina maewaewa a ka pahikaua ua omau ia aku ia e ka moi opio maluna, a na ke koko e puka ana mai kekahi maka mai i hoike mai ia mea.
I ko Awareda ike ana i ke kino make oni ole o kona hoapalo e waiho ana iluna o ka ilihonua, ua auhee koke aku la na noonoo kupilikii a me ka maluhiluhi o kona mau wahi ua loaa hou mai la i ua moi nei he ikaika hou, no ka mea na kela kanaka hookahi i lilo i moepuu na ka make mamuli o kekahi o kaua mau kima pahi aiwaiwa, i hoouna aku i kekahi o kona mau kanaka no ke aupuni uhane a mawaena oia poe o ikopa pu kekahi kekahi hoi o kana mau kauwa punahele a aloha loa.
Ha@e keia poe puuwai ole, wahi a ua naita opio nei, iaia i ike aku ai i ke kulana no waliwali o na enemi ia manawa oiai no paona koikoi o ka lanakila ma kona aoao, haawi pio koke mai oukou ia oukou iho, a i ole pela e make no oukou i ka make o ka mea i hana hewa?
OLELO HOOLAHA
Ke kauoha aku nei ka mea nona ka inoa maloke nei i ka poe a pau i aie ia ia, e oluolu e hookaa mai i ko lakou aie, iloko o hookahi mahina mai keia manawa aku. E pono na hoaloha e hooloke i keia leo, i lilo ai i mea pono no na aoao elua.
S. AH FAT
Waikapu, August 31, 1892
aug31 1md sept 2 1mw.
Hoolaha a ka Malama Waiwai.
Ke hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai a pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la.
Ke hoolaha ia aku nei me keia o hookaa koke mai ka poe i aie ma ko’u lima.
Honolulu Sept. 10, 1892
sept14 1m.
Ke hoike aku nei ka mea nona ka inoa malalo nei, o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko’u aku nei ka poe he mau aie ko @ ia lakou, e waiho koke mai i ka lakou mau koi ma ka la hope o na mahina a pau.
ABRAHAM FERNANDEZ.
(aberahama.)
Ma kahi o E. O. Hall & Son.
Malama Waiwai o Lydia K. Kamakaia me Samuela Kamakaia.
Honolulu , Sept. 14, 1892.
sept15 1m.
Kauka Yong Kam Pung.
(APANA.
Helu 53, Alanui Maunakea.
Ke Kauka Loea o ka Aina Pua!
Ua hiki ke hoola ia kela a me keia ana
ma’i, mai ko na kane, wahine a @
na keiki liilii. O na ma’i ha-no
ua hiki loa ia ke hoola ia me
ka maalahi. A o na ma’i
e pili ana i ka maka
pau pu ia i ke
ola. Ke ho
ike ia aku nei
eia ke ola ia nei, nei
ka uluolu pu o kahi
auhau. Ka poe pilikia
hanau keiki a hele nui paha o ke koko
a pau a lohi paha ka hanau ana
ma paha o ka waiu e hele nui mai o’u nei
E kipa mai o ka poe i hooluuluu ia me na haawina pilihua a ka ma’i a na’u oukou e hooluolu aku.
KAUKA YONG KAM PUNG.
Honolulu Sept. 2, 1891
@