Ka Leo o ka Lahui, Volume II, Number 554, 29 Kepakemapa 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

 

KAU AHAOLELO O 1892.

 

La Hana 95.

Poalima, Sept. 23.

 

Hoomaka na hana elike me ka mau.

 

NA OLELO HOOHOLO.

 

            Nei mai o Koahou e hookomo ia ma ka bila haawina i $3,000 no ka @@ ana i na aoao elua o ka pali o Hakalau, a i $2,000 no ka hana ana i uwapo no ia kahawai, haawiia i ka komite o na hana hou.

            Kapahu, he hoolaha kanawai e pili ana i ka poe halihali leta.

            Kanealii, e noonoo hou ana ke komite i ka hihia o Akipoka a me ka Hamaku.

            Kamika e kauoha koke ia ka Papa Oia e hana i na hana a pau e hiki ai ke pale aku i ka mai kolera.

            Kuhina Kalaiaina, ua makaukau ka Papa Ola i keia wa, a ua hana ia ka hana.

            Kaunamano, e kauoha ia aku na hoomana a puni ka Paeaina, e pelu ko lakou kuli a e nonoi aku i ka Haku no ke pale aku i keia ma'i mai ka lahui aku.

            Kamika, ninau i ke Kuhina Kalaiaina, ma ke kanawai hea oe i hoolaha ai, e uku mua ia ka auhau o poe koho alii no na auhau o 1892.

Na Hana o ka La.

Buro Hoonaauao.

            Uku o ka luna kula nui, me na like kaahele $8,000, hooholoia $6,500

            Uku o ke kakauolelo $4,800 holo.

            Uku o ke kokua kakauolelo $3,600 holo.

            Elele a me kakauolelo buke $1,800, holo.

            Kokua i na kula Enelani me Hawaii, lilo na hoa i ka hoopaapaa, a ma ke noi a Iosepa, hoomaha ka Hale.

Auina La.

            Hapai hou ia na noonoo ana no ke kokua i na kula Enelani me Hawaii, hooholoia i $160,000.

            Ma ke kapaeia ana o na rula, heluhelu mai o Konuwela he ninau i ka Aha Kiekie, ina e hookaa like ia ana ka auhau waiwai me ka auhou kino mamua ae o ka la 4 o Okatoba?

            Kue o Kamika, ma ka ninauia ana, ua hooholoia ka olelo hooholo.

            Kula o Keoneula, $3,000 holo.

            Hoomaemae ana i ka hale Kula Iolani $2,000, komo ua hoa i ka hoopaapaa a hiki i ka hooopanee ana i ka hora 3:40.

LA HANA 96.

Poaono, Sept. 24.

            Halawai na hoa e like me ka mau.

Komite Mau.

            Walbridge, aole i makaukau ka pila kanawai e pili ana i ka oihana hookolokolo.

            Noi mai o Kamauoha e waihoia a ka Poaha o keia pule ae.

            Koahou, i na paha ua pau ka hoike a ke komite opiuma helu 1 i ke paiia?

            Hoole ke kakauolelo, aka ua pau nae i ka unuhi@a.

Olelo Hooholo.

            Hooholoia --- Akipoka, e kauoha ia ka Papa Ola e pale koke aku i ka mai kolera, a e hui pu me na kauka, a e noonoo pono i na rula e pale aku ai i keia mai, a e hanaia hoi kekahi hana e pakele ai ke ola o ka lehulehu a e kauoha pu ia hoi ke komite malama oia e noonoo pono i ka hana a lakou e hana ai a e hoike mai i keia hale, ina paha ma ka bila kanawai e hana ai, alaila e pono e hookoia.

C. W. Akepoka.

            Kamika, kokua au i keia olelo hooholo, a e noi ana au e hooholoia aponoi.

 

 

HUI ALAHAO A ME AINA O OAHU.

Papa Manawa

Mai a Mahope o Okatoba 1, 1892.

 

NA KAA

 

                                                A.M.      A.M.   P.M.    P.M.

Haalele ia Honolulu    6:15*    8:45   1:45   4.35+

Hoea i Honouliuli                    7:20*    9:57   2:57   5:35+

Healele ia   "             7:30*  10:13   3:45   5:42+

Hoea i Honolulu                      8:35*  11:55   4:55   6:50+

NO KULANAKAUHALE MOMI IHO.

Haalele ia Honolulu                5:10=  P. M.

Hiki i Kulanakauhale Momi    5:48=

Haalele ia     "                                 6:55*   A. M.

Hiki i Honolulu                                   7:30*

 

            + Poaono wale no

            *  Koe ka Lapule

            = Koe ka Poaono.

Sept. 28  tf-dly

 

 

 

KUAI HOOPAU AI'WAIWA!

 

ANI KE KAWELU O LANIHULI.  HE---MAI!

 

O ka hoomaka ana o ka makou kuai nui, aia ia ma ka

 

Ka Heiau o na Paikini, Kihi o na Alanui Papu me Hotele.

 

Poakahi, Okataba 3, Hora 8:30 Kakahiaka

 

            @@ @a Kumukuai Haahaa a emi loa, oia hoi e hookuu mai ana a waiho mai o MR. S. EHRLICH i ka Oihana.  Nolaila ke kono aku nei Makou i ko Makou Makamaka a me na Hoa'loha e naue mai ma ko Makou Halekuai nei i ike ai oukou i ka

 

Wai Alohi o Mana a me na Nani Kupaoa o Aipo,

 

KA HELU EKAHI O KA EMI MA KEIA PAEAINA.

            O ko Makou mau Waiwai a pau e lu ia aku ana imua o Oukou, he mau Waiwai kupono loa no ke kumukuai oluolu a emi maoli no hoi, a o na mau waiwai la he mau Waiwai omamaka hou wale no i waeia e Makou i mea e hoolawa pono ia ai ko oukou makemake

 

E NA MAKAMAKA ME NA HOA'LOHA,

            Mai hoopalaka Oukou ke hiki mai i ua la 'la, ka la hoi a Makou e haawi makana wale aku i ko Makou mau waiwai no ke kumukuai e hoolaha ole mai ai oukou, a e koe aku no hoi kekahi mau wahi kenikeni ma ko oukou waihona, mamuli maoli no o ke emi a me ka oluolu o ka makou kuai ana aku.  E hoomanao hoi oukou e na makamaka.

 

HE KUAI HOOPAU NUI KEIA,

            @nea e lilo ai keia kuai ana i mea hoohoihoi, ke olelo aku nei makou i na mea a pau, aia ma ka la e wehe ai keia kuai ana, mai ka 10c. a ke $50 dala--e hoihoi ia aku hoi ke dala oia kuai ana a e mau aku me ka mea kuai kaha mea i kuaiai.

 

Pehea la ka Loihi e Hoomania ai keia Kulana Kuai Aiwaiwa?

 

            Ipane makou i keia ninau penei:  E hoomania aku ana keia kulana kuai a hiki i k@ pau loa ana o na waiwai o ka Halekuai.  Ke hea aku nei makou ia oukou a pau, E kipa mai.  A e hoomanao, o ka POAKAHI, OKATOBA 3, 1892, he la kuiaia nui ia no ko makou kuai hoopau ana.  We@eia na puka ma ka hora 8:30 ponoi o ke kakahiaka.

MR. S. EHRLICH

Sept. 28           tf-dly.                          KIHI O NA ALANUI PAPU ME HOTELE.

 

 

Hoomaha mai ka hana @@

 

            O ka Makou mau Waiwai a pau e kuai ia aku ana ma Ianuari 1, 1893 ma ka

Akahi Hapakolu o ke Kumulilo.

 

            E aho e kipa mai ma ko Makou Halekuai nei, a e panihakahakaia no ia hana ana ou.

 

E Hoomanao i ka makou mau Kumukuai!

8  I-a  Keokeo Vitoria maikai  .  .  .  .  .  .  .  .  .  .  .  .  .  60c

12  I-a  Keokeo Paina   .   .   .   .   .   .   .  .   .   .   .  .  .$1.00

20  I-a  Kalakoa   .   .   .   .   .   .   .   .   .   .   .   .   .   .  $1.00

10  I-a  Ginamu   .   .   .   .   .   .   .   .   .   .   .   .   .   .  $1.00

Aikala o na Wahine, no3   .   .   .   .   .   .   .   .   .   .   .   25c

Na Papale Ie-laiki o na Kamalii   .   .   .   .   .   .   .   .   . 15c

Ke ahua nui o na Ribine me na Lihilihi, ke ano

             maikai loa o na         Mikilima no                                    $1.00

 

    E hele mai i hookahi, e hele mai no a pau loa, mak ke nui a ka liilii.

 

Chas. J. Fishels.

350-tfd.                       Halekuai alakai o na kumukuai haahaa loa.

 

 

HOOLAHA NO KA MANAWA

 

EGAN & GUNN.

 

ALANUI PAPU, Na Hale Hou o BURUA MA, Helu 100,

MAI A MAHOPE AKU O KA LA EKAHI O APERILA, E HOOKELE ANA MAKOU I KA MAKOU KUAI ANA MA KE DALA KUIKE WALE NO.

 

Ua makemake makou e hookaa ia na bila e aie nei ia makou ma ia wa

 

E hoomau ia aku no ko makou kuai hoopau ana a hiki i ka la mua o Aperila

 

I loa'i ai hoi he kowa kupono no na WAIWAI HOU o keia ano keia ano he nui loa, i kupono hoi no ke Kau e linohau ai:

 

Na Mikilima aulii,

  Na Ribine hoohuelo,

    Na Lei-a'i, na Silika pahee.

      Na Paa Lole Huluhulu pahee e na ano like ole,

        Na Kasimea o na ano a pau,

            Na Paku nanahe no na moe e hoopulelo ai,

Na pale puka aniani a me na pale puka @o, e kinikohu ai ke nana aku,

  Na Paa lole hoopumehana o na ka@a a kakou, h@i pu hoi me ka panio o na papale,

            Na Papale Kau,

              Na Papale hulu,

                Na Eke paa lima,

                  Na Paiki ili palua i kupono no ka nolomoku,

                    Na A'ikala o na ano a pau,

                        Na Kakini hoopumehana, o na ano ho nui,

 

A PELA AKU,                        A PELA AKU

 

HELE MAI HOOKAHI, HELE MAI ELUA, HELE MAI NO A PAU LOA.  E WAE OE NOU IHO, A KU I KE KOIIKOI.

ALAILA HIU AE, LAWE NO A LILO.

 

E hele mai e ike i nakuai hoohaule nui ana a makou e kukala aku nei i ke akea:

 

EGAN A ME GUNN.

ALANUI PAPU, HELU 109.                        35-3wd