Ka Leo o ka Lahui, Volume II, Number 554, 29 Kepakemapa 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

MA KE KAUOHA

 

 

Ua hookohuia ma keia la o Messrs H. Holmes a me Wm. L. Peterson, i mau Notari no ka Lehulehu, no ka Apana Hookolokolo Kaapuni Ekahi o ka Aupuni.                

 

CHAS. T. GULICK

Kuhina Kalaiaina

Keena Kalaiaina, Sept. 26.      dly-3ts.

 

@a @ookohu ia o Messrs. J. K. Kahookano, N. Fernandez a me J. K. Paele, i keia la, he mau Notari no ka Lehulehu, no ka Apana Hookolokolo Kaapuni Ekahi o ka Aupuni.

 

CHAS. T. GULICK,

Kuhina Kalaiaina

Keena Kalaiaina, Sept. 26       1 wk-dly.

 

 

Hoolana i ka Poe Koho.

 

Ke hoolahaia aku nei ma keia mea e loaa ai ke kuleana e koho ma ke Koho Balota Kuikawa I hoolaha ia o Okatoba 4 ae nei, o ka poe koho aole i hookuuia ma ke Kanawai, e pono e uku mai i ko lakou auhau kino o ka makahiki 1892, me ka nana pu ana hoi i ka hookomoia o ko lakou inoa ma ka Papa Inoa o ka Poe Koho i na ‘Lii.

 

CHAS. T. GULICK,

Kuhina Kalaiaina.

Keena Kalaiaina, Sept. 22, 1892.

Sept26 tf-dly.

 

 

Hoolaha a Ka Papa Ola.

 

Ua kauoha aku ka Papa Ola i kona mau Agena no ka hele ana e nana i na hale a me na pahale iloko o ke kulanakauhale o Honolulu, me ka makaala ana i ka hahao ana ia mau wahi iloko o ke kulana maikai o ke ola kino, nolaila, ke noi ia aku nei ka lehulehu ma keia:

1.       E haawi a pau i na kokua ana me ke kali ole i na Agena o ka Papa Ola.

2.       E hoolohe i na ao ana a na Agena Ola.

3.       E makaala ia ka maemae o na auwaha wai, na lua-wai, na hale-liilii a me kekahi mau wahi hoahu e ae iloko o ke kulana maikai o ka malama ola.

4.       E ae koke ia na opala a me kekahi mau mea e ae e laweia, a pela hoi me na mea a pau i inoino a kupono ole no ka honi ana.

Ma kea kauoha a ka Papa Ola.

      DAVID DAYTON,

      Peresidena o ka Papa Ola.

      Honolulu, Sept. 23, 1892.

      Sept26 2 wks dly.

 

Hoolaha Koho Balota.

 

Keena Kalaiaina

Honolulu, Sept. 12, 1892

            I kulike ai me ke Kanawai Koho Balota o ke Aupuni, ke hoikeia aku nei ma keia, he Koho Balota Kuikawa no ke koho ‘Lii no ka manawa i pau ole o eono makahiki, e malamaia ana ma ka Mokupuni o Oahu mawaena o na hora 8 a.m. me 5 p.m. o ka POALUA, ia 4 o OKATOBA, 1892, no ka hoopiha ana i ka makalua o na uoho i hoohakahakaia mamuli o ka pau ana o na Mea Mahaloia, Hon. Paulo Numana a me E. C. Makapolena.

            O na Apana Koho Balota, na Mahele Koho, na Wahi Koho me na Luna Nana Koho Balota, eia malalo iho nei:

                       

Apana ekahi, Honolulu.

            O keia whai a pau o ka Apana Hookolokolo a Auhau o Honolulu, a i ole o Kona paha, e waiho ana ma ka hikinahema o ka laina mai ka piko a oioina paha o ka lalani mauna o Konahuanui, maluna o ka lapa o ke kualapa e hookaawale ana i na Awawa o Manoa a me Makiki-mai na Awawa mai o Nuuanu me Pauoa, a mawaena o ka ha lua a kipoho paha o ka puuikapaia o Puowaina, (Punchbowl) a hiki i ka pahu hae ma kahi kipu aloha kahiko, malaila pololei aku a ka huina o na alanui Kinau me Alapai, mawaena o ka alanui Alapai a hiki i ke alanui Moi, mawaena aku o ke alanui Moi a hiki i ke alanui Hema, mawaena aku o ka alanui Hema a hiki i ke kai. 

            Mahele Ekahi – O kela wahi a pau o ka Apana i oleloia ae nei e waiho ana ma ka hikina o ke alanui Punahou, me ka aina i kahaia e kaupale ana, mauka a @.

            Wahi Koho – Hale Kanu Pua o ke Aupuni, ma ka hui ana o na alanui Moi me Waikiki.

            @ Luna Nana – E. I. S. Spalding,

                        J. H. Wodehouse, Jr.

                        S. Hookano.

            Hookohu Kuikawaia no ka La Koho Balota

                        J.A. Gilman,

                        Authur Brown.

           

            Mahele Elua – O kela wahi a pau o ka Apana i oleloia ae nei e waiho ana ma ke komohana o ke alanui Punahou, ma ka leina i kahaia, ma ia palena.

            Wahi Koho – Kula Alanui Bertania.

            Na Luna Nana – J. Aa Magoon,

                                    H. S. Tregloan,

                                    G. W. R. King.

            Hookeha Kuikawaia no ka La Kono Balota –

                                    J. S. Lovejoy,

                                    S. K. Kamaka.

 

Apana elua, Honolulu

O kela wahi a pau o Honolulu i oleloia, a i ole o Kona paha, ma ka akau o ka Apana Ekahi, maloko o ka laina i kahaia inai ka pah@ ma kahi kipu aloha kahiko iluna o Puawaina (Punchbowl) a ka huina o na alanui Kula me Ema, mawaena pololei aku o ka alanui Kula a hiki i ke alanui Papu.  mawaena pololei o ka alanui Papu a hiki i ke alanui Bertania, mawaena o ke alanui Beritania a hiki i ke kahawai Nuuanu ma ka Uwapo o Kamika, alaila mawaena a ua kahawai la i oleloia ae nei a hiki i ke alanui Kula, mawaena aku o ke alanui Kula a hiki i ke alanui Liliha, mawaena aku o ke alanui Liliha a hiki i ke alanui Kauka, maluna pololei o ke alanui Kauka a hiki i ka lapa o ke kualapa ma ke Komohana- akua o ke Awawa o Nuuanu, alaila maluna o ka lapa o ke kualapa i oleloia ae nei a hiki i ka piko i kapaia o Lanihuli ma ka lalani mamua o Konahuanui.

            Mahele Ekahi – O kela wahi a pau o ka apana i oleloia ae nei e waiho ana mauka o na alanui Kula me Kauka, ma ke hikina hoi o ke alanui Nuuanu.

            Wahi Koho – Ma ke komo ana o ka pa kiowai o ka piina o Maemae ma ka Nuuanu Avenue.

            Na Luna nana – Jas. G. Spencer,

                                    J. O. Carter, Jr.,

                                    G. W, Kanoelehua

Hookohu kuikawaia no ka La Kolio Balota –

A.     F. P. McIntyre,

Jas, W. Hatfield.

            Mahele Elua – O kela wahi a pau o ka apana e oleloia nei e waiho ana makai o na alanui Kauka me Kuia, ma ke komohana o na alanui Nuuanu me Papu.

            Wahi Koho – Halekula o Kauluwela, ma ka aoao ma Ewa o ka Uwapo o ke alanui Kula, maluna o ke kahawai Nuuanu.

            Na Luna Nana – Hugh Gunn,

                                    Jack Ailau,

                                    Geo. W. Nawaakoa.

            Hookohu Kuikawaia no ka La Koho Balota –

                                    Wm. Keawe,

C.      H. White,

 

Apana Ekolu, Honolulu .

            O kela wahi a pau o Honolulu i oleloia, a i ole o Kona paha, e waiho ana ma ke komohana o na Apana Elua me Ekolu, a maloko hoi o kekahi laina e moe ana mai ke kihi o na alanui Kula me Liliha, mawaena konu o ke alanui Liliha a hiki i ke alanui Moi, mawaena aku o ke alanui Moi a hiki i ka Uwapo e moe ana maluna o ke kahawai Nuuanu a i kaupaleia makai e ke kai.

            Mahele Ekahi – O na wahi a pau o ka Apana e oleloia nei e waiho ana ma ke komohana o ke alanui Nuuanu.

            Wahi Koho – Hale Kaawai Pake.

            Na Luna Nana – D. B. Smith,

                                    H. J. Gallagher,

                                    J@o, D. Holt

           

 

Hookohu Kuikawaia no ka la Koho Balota –

                                    P. Jones,                     

                                    Geo. I. Dall.

            Mahele Elua – O na wahi a pau o ka Apana i oleloia e waiho ana ma ka hikina o ke alanui Nuuanu.

            Wahi Koho – Towera Bele o ka Oihana Kinai Ahi o Honolulu.

            Na Luna Nana – Henry Smith,

                                    S. M. Graham,

                                    Geo. N. Shaw.

            Hookohu Kuikawaia no ka La Koho Balota –

C.      E. Williams,

M. D. Monsserrat

Apana Elima, Honolulu.

            O kela wahi a pau i koe iho o Honolulu a i ole o Kona paha, e waiho ana ma ka akau me komohana o na Apana Elua me Eha.

            Mahele Ekahi – O na wahi a pau o na apana la e waiho ana ma ka hikina o ke alanui nui e pili ana i ke Awawa o Kalihi ma ka aoao mauka o ke alanui Moi.

            Wahi Koho – Hale o ka Hui Kaa Hapaumi Hawaii, ma ke kihi o ke Kahua o ke Kuia Kamehameha.

            Na Luna Nana – Marcus. R. Colburn,

                                    L. J. Naho@, Hipa,

                                    J. V. Simonson.

            Hookohu Kuikawaia no ka La Koho Balota –

                                    N. Fernandez,

                                    J. A. Victor.

            Mahele Elua – O kela wahi a pau o ka Apana e oleloia nei e waiho ana ma ke komohana o ke alonui e pii ai i ke Awawa o Kalihi ma ka aoao makai o ke alanui Moi.

            Waihi Koho – Ma ka pa Halekula a Keoneula.

            Na Luna Nana – W. L. Wilcox,

                                    Wm. Auld,

                                    Henry Kaia.

            Hookohu Kuikawaia no ka La Koho Balota –

                                    Chas. B. Dwight,

                                    Keoni Waiamau.

Apana Eono, Koolau.

            E @uipu ana i ka Apana Hookolokolo a Auhau o Koolaupoko.

            Wahi Koho – Hale Hookolokolo o Kaneohe.

            Na Luna Nana – Henry, Cobb. Adams,

D.     J. Watson.

Kimo, Olds,

            Hookohu Kuikawaia no ka La Koho Balota –

                                    Sam, Gandall,

                                    J. H. Barenaba.

Apana Ehiku, Waialua.

            E huipu ana i ka Apana Hookolokolo a Auhau o Koolaulea me Waialua.

            Mahele Ekahi – Waialua.

            Wahi Koho – Hale Hookolokolo o Waialua.

            Na Luna nana – Frank. Halstead,

                                    J. F. Anderson,

E.      S. Timoteo.

Hookohu Kuikawaia no ka La Koho Balota –

                        S. K. Mahoe,

                        J. Kaiaikawaha.

Mahele Elua – Koolauloa.

Wahi Koho – Hookolokolo o Koolauloa.

Na Luna Nana – Kimo. Konnelly.

                        Keoni. Kaluhi,

                        Iokepa. Kaaunui.

Hookohu Kuikawaia no ka La Koho Balota -           

W. C. Lane     

Paukialani.

Apana Ewalu, Ewa.

            E huipuia ana i ka Apana Hookolokolo a Auhau o Ewa me Waianae.

            Mahele Ekahi – Ewa.

            Wahi Koho – Hale Hookolokolo o Ewa

            Na Luna Nana – J. W. Smith,

B.      Starr Kapu,

D.     Malo.

Hookohu Kuikawaia no ka La Koho Balota –

A.     B. Lindsay,

Victor Kapule.

            Mahele Elua – Waianae.

            Wahi Koho – Hale Hookolokolo o Waianae.

            Na Luna Nana – J. F. Scott,

                                    J. K. Kekahuna.

                                    Jas, R. Holt, jr.

            Hookohu Kuikawaia no ka La Koho Balota –

                                    Keau,

                                    Samuel Andrews.

                                    C.T. KULIKA,

            Kuhina Kalaiaina.

            Sepatemaba 15.           5t-dly.

 

 

KA LEO O KA LAHUI

 

JNO. E. BUSH,

Lunahooponopono a me Puuku.

 

POAHA. SEPATEMABA 29, ‘92

 

 

He Huakai no Wailuku.

 

Ua ulele aku ka Loio Kuhina Numana a me Hon. C. W. Akepoka no Wailuku, e hookolokolo a@ i ka pono wai o na kanaka o Wailuku a me ka Ona Miliona Spreckels.

 

Ka Pahu Hao oka Waihona.

 

            Ua ae@ ka haawina e ukuia ai keia @lilo kanawai ole a ka Aha Kuhina i pau.@ ua kapae ia ka ukupanee.  Ua kakaa ae ka maka o kekahi o na hoa, a koho e hoole i ka uku@anee. He ike ole ia paha.

 

Ua Poko ku Mahi-ko e Kamaomao

 

            Ua lohe wale ia ke aneane aku nei e poho keia Mahiko, oiai, ua hiki ole ke ho@lawa, ia ka hoohana ana mai kona mau loaa mai.  E ano aku aua no paha’e poho ana keia hui, a e lilo ana i ka Ona Miliona Spreckels. @ ka u@ mua.

 

He Elima Ha@ Dal@

 

            O keia ae la ka haawina i hooholo ia he kokua no ka hoolaha a hoohoihoi ana @a nunu-ahailono, mamuli o ke noi a ka Hon. Marsden o Hawaii.  He hoao ana keia i ka hana ahailono ma o na manu nunu, e like me ka mea i kamaaina i na aina e.  Ua ike ia, he pomaikai nui kai loaa ina o keia ano lawe leta, ma Fara@i iloko o ke kaua me Geremania, a i keia manawa, o keia kekahi o na oihana e malama ia nei e na puali koa kaua o Europa.

 

Maka Robikana a me Walakahauki.

            Ke hookokoke mai nei na la o ke koho balota ana no na moho hoopiha ma kahi o na ‘iii o ka Ahaololo i haalele mai.  E like me kekulana o ke kanaka i hoike ia mai ma kana mau hana, pela no kakou e haawi ai i ko kakou hilinai ia kanaka, no kela a me keia ano hana a kakou i manao ai e hoeili aku maluna ona.  He hana nui ke koho ana i kekahi mea e hoopiha i ka makalua o kekahi o na hoa hana kanawai, ka mea nana e hooponopono a e hoomalu i ko kakou noho ana.  Aia iloko o keia mau hoa elua kakou e hilinai aku ai, no ke kokua ana i ka poe e hooikaika nei e loaa he aupuni hoopono, he poe nana e a’o aku i ka mana hooko i ka hana pono a me na hana e loaa ai ke ola o ka lahui, a e kinai ia ai na ino e hookuku ia nei e naue @aalo hele iwaena o keia Paeaina me he uhana make la.  I mea e loaa ai na kanawai maikai a me ke aupuni maikai, i hiki ke mahalo ia, e pono no i ka poe koho e hookipa aku i ka inoa maikai a oia mau inoa, oia no o Maka a me Hanale.  He mau kanaka kuonoono a hoopono keia i hiki ole ke hoolilo i ka pono o ka lehulehu no na omole huina-ha, a me na manawalea e ae, a me na lokomaikai kuhihewa piliwale i ike ia i na la i kaa hope aku.  Ua lana ko makou manao no ke komo o keia paa balota.

 

KA NINAU WAI.

 

     O ka wai, oia kekahi mea pili loa i ke ola o ka lehulehu, a e like me na laau ulu i ka ua, pela no hoi ke kanaka i ka wai.  E like me ko ke kulanakauhale nei ilihuna wai i ka makahiki i hala, pela no ko kakou pilikia i keia makahiki he mau la i hala ae nei, e like me na hoike maopopo a ka Luna Nui oia Oihana-Aole paha he mea maikai no ka poe e uku ana i ka auhau wai i kela a me keia makahiki, ka lawe ana i ka wai mai kekahi wahi mai mamuli o ka wai ole o kona paipu-wai ponei, a pela hoi me ka inu ana i ka wai awaawa-kai, e like me ka poe o Waikiki mamua aku nei; manao makou e olowalu like mai ana @a leo mai o @ aole he maikai, ina pela he hana pono na keia Ahaolelo ke haawi mai i laau lapaau no kei a pilikia nui, ma ka p@ku’i hoe ana mai paha i maa luawai hou, a i ole ma kekahi @ ha.  He ninau ano @ kela @ mea pono ke noonoo ia me @ hele, oiaio o na loaa wai ke@ na loaa mahuahua o ka aina @ oi palua aku i kekahi mau loaa @ ae o ke Aupuni, nolaila he mea maikai e hoolawa pono ia ka waiwai io o ke dala a ka poe uku auhau mai.  O ka makou keia ma ka aoao o ka Lahui, aka he okoa ka poe ia lakou ia kuleana.

 

NU HOU KULOKO

 

Ahaolelo ko keia la, hora 10.

 

     Ua paikau hookahakaha ae @ koa o ka manuwa Bosetona ma ka Poakolu nei.

 

     Aneane e piha ka haneri hi@ maluna o ka papa kuhikuhi a ka Aha Kiekie no ke kau o Okatoba ae nei.

 

     He halawai ka na hoa o ka Papa Ola ma ka Poakolu nei no ka mea e pili ana i ka hoomalu ana i na moku mai na aina e mai, no kekeakea ana aku i ka ma’i colera.

 

     He nui ka leo e hoohalahala mai na makamaka mai no ka piha loa o ka kakou pepa me na olelo hoolana, nolaila ke hoani aku nei makou, e hoomanawanui, no ka mea he ola ia no kiai-loko.

 

     Ua manao wale ia i keia pula @ e huli hoi mai ai no ke kulanakauhale nei o Lunakanawai Biket@ a me ka ohana, ma ke ala ae o Kahuku a me Waialua, mai kana hakai aku nei no na Pali Koolau.

 

     He kaa holo pupule ko ke alanui Moi i ka ahiahi Poalua nei, mai ka uwapo mai o Haaliliamanu; mamua ae nae o kona hiki ana i ke alanui Nuuani, ua paa ika hopuia.  Aole he mau poino i hanaia.

 

     E malama hou ia ana ka aha mele a ka Hui Mele Hawaii Noeau ke hiki aku i ka la 8 o keia mahina ae.  No na hooakaka piha e pili ana i ka papa hoonohonoho, e u@ malie iho ka ono a pa mai ka makani.

 

     Ua hala aku malu@a o ka m@ahi  Kalaudine o ka Poalua nei, ka mea mahaloia Hon. P. Nu@, ka Loie Kuhina, me na @ Hon. C. W. Akipoka me F. M. Hatch, ma ke k@ pu ana iloko o kela hiaia wai o Wailuku, ka mea hoi i noonoo ia i kekahi la mai (P@), maloko o ka hale hookelokelo o Wailuku.

 

     Nui ke kamailio o na nupepa Amerika no Beritania Nui, @ o ka loaa ana aku nei o kekahi lohe ilaila, ua makemake o Beritania e kuai ia Niihau, kekahi o ua mokupuni o ka Pa@ Aina Hawaii, a wahi a lakou, ina he olaio, ua k@ loa keia i ka noonoo maikai o kekahi mau mana a@ e ae o Europa a pela hoi me Amerika.