Ka Leo o ka Lahui, Volume II, Number 554, 29 September 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  SEPATEMABA 29, 1892.     HELU 554

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Mai ka peni mai a ka mea kakau o Ava-

reda, a pela aku.)

MOKUNA X.

Oia ka mea a kuu puuwai e li@a

mau moe ole nei o ka po

a me ke ao.

 

He hana maikai ole keia a ua Senia nei i hana ai, mahope iho o na hana maikai he nui a kana ipo i hana mai ai imua ona, a me kona uhane a pau, aka no ia manawa, ua oi aku ia i kona manao ana, mawaena o na pua o ka malapua i manao ai oia e hui hou laua, e like me ke kuikahi ana o ke ala me ke onaona.

He manawa mehameha a anoano o ka po, oiai oia malalo o k amalamalama o na hoku o ka lani, a he manawa kupono ole no kekahi ui e like me ia e haalele ai i ka hale, no ka mea ua hano ka @eo o na mea ola a pau, i ahona wale no i kahi mea oaniani makani e ko malie mai ana ia manawa me ka halihali ana mai i ka @oani aala huihui o na pua like ole ma na wahi a pau a puni ka ea hanu, a me ka leo owe nehe malie o ka wai o ka inawai mapuna ma ke kua o ka halekakela, e no hone ana i ke aumoe ma na wahi a pau e pili koke mai ana i kona mau palena.

Oiai ua Senia nei manawa a ka nae aala o ka malapua, ku iho la oia me ka nui ana o ka hanu, oiai ka hauoli e pupuai mau ana iloko o kona noonoo, a hala loa aku iloko o kona mau pono aahu.

O na hoomanao ana no na la i aui ae, a me Heneri kana ipo o kekau i hala, ua mamao loa ia mai iaia aku ia manawa, a aole hoi he keena i koe no lakou iloko o ka papa hoomanao o kona puuwai, oiai ke aloha no ka ulua hou e hoopiha ana i na wahi hakahaka a pau o kona kinoi, a oia kana i hoopaa ai e ola a make iloko o ke aloha ipo.

O keia ke ola io maoli, wahi a ua nohea nei i hawanawana malie ae ai iaia iho, me ka puliki ana ae o kona mau lima elua mamua o kona umauma, a o kona mau maka hoi e nana ana e nana ana i ke kuuwelu o na papa lihilihi o kona lole e lualele ia ana e kahi mea makani pa kolonahe, a pela hoi me ka huihui pua roke i hoomaha ana maluna o kona umauma.

Ae, o keia ke ola maoli.  O ka kekahi poe, o ka uhane ke kumu o ke ola, @ka ke ike nei au ia'u iho. o ke aloha ka mole o ke ola oi.  Nolaila, i keia manawa, auwe ue e!  aole he mea nui e ae e like me ke aloha!

Ina la mua o kona ola ana, aole oia i ike ia inoa he hauoli. akahi wale no i keia manawa, ka manawa hoi i nui kupono ai oia a hiki ke hoomaopopo i na mea a pau, oia ka manawa a ka hauoli i hoopiha mai ai i kona puuwai, oiai ua kela mau la naaupo--na la heu ole hoi o ko ke kana ola ana, a he manawa hou keia, no ka mea ua kupono oia no ka hoohanaia.

A o kekahi no hoi, aole oia i ike iki he wahi maoli o hiki ai iaia ke manao iho, ua hoopunipuni ia mai oia e kana aloha, no ia mea ua hoopoina loa ia oia i na luuluu me na ehaeha o na wa i hala, ka manawa hoi ana e noho ana mawaena o ka poe kuewa. me he hipa keiki la mawaena o na puaa ahiu.

Oiai nae ua Senia nei e ku hookahi ana, me ka maopopo ole o kana mea e hana ai, e hoomau aku paha i ka hele ana imua a i ole e hoi hou paha ihope, aia hoi kalele malie ana kekahi mea me ka palanehe maluna o kona poohiwi, nolaila huli ino ae la oia e naha me na maka pahaohao o ka mea i hoopihaia me ka puiwa nai.

Aole i pau.

HE MOOLELO

---:NO KE KEIKIALII:---

AWAREDA!

a me

KA UI LEILA

o Noremadi.

(Ka Kakauia no Ka Leo.)

MOKUNA XVII.

Ka La Hooila Kana Weliweli.

Ae, ae, ai hele mai nei au e imi ia o,e ina oe e loaa e hooko ia ka'u huakai ma ke ano maikai, alaila e hooko aku no au me ka oi o na mea kaua wahi hou a ua Tanahusa nei.

I hele mai nei oe e inu ia'u no keaha?

No ka hoihoi hou ana a ku ia oe i Noremadi ma ke ano pio.

Nawai keia kauoha ia oe pela? na ka moe o Noremadi. 

NA KA MOI! i panai hou aku ai o Awareda me na maka paha'aha'o.

Ae-----na ka Moi.

Aole he maopopo iki ia'u kau mea e kamailio mai nei, e ka naita Tanahusa?  Wahi hou aka moi opio me ke ano hunahuna, no na mea ana i lohe mai ai mai a Kareda ma mai.

Ina he makemake kou ia'u e hoopau aku i kou pohihihi, ua makaukau au e hooko aku.

E oluolu oe e hoemaopopo mai iau, ko ka mea e pilki ana i ka moi hou.

Alaila, e hoolohe mai; wahi a Tanahusa.  He kakana a oole'a kona leo e hoike mai ana hoi aole i komo ke aloha iloko ona no Awareda, ka mea hoi ana e kamailio ana.

Mahope iho o kou hoole ana i ka makemake o na lani, ma ka hookae ana i ke kauoha o Odina i hoike ia mai ma ka waha o kona kahuna i wae ia-kou haalele ana hoi i ka nohoalii o Noremade a me kona nani apau, a o ka hope loa, ua ku ae la oe a maloeloe muluna o kou kapuai, a mahuka mai la mai ka puuwai mai o kou mau makaainana, ka ka mea hoi i hana ole ia e kekahi moi i kona lahui, mamuli o ke aloha i kekahi mea hookahi.

Ae, ua haalele oe i kou kalaunu a holo malu mai la , me he mea la ua hana i kekahi karaima, i hookoia ai i kou mau kuko lapuwale, ka hoi nana i koi ikaika mai ia oe e hoopale aku la i ka makemake o na lani, o e hookaawale mai hoi ia oe iho mai ke alo mai o ka poe i aloha io a makee ia oe.

Aka, ua hoowahawah@ a hookae maopopo oe ia lakou apau, me ke kapa ana aku ia lakou he hoopunipuni, a me kekahi mau inoa ino e ae.

Nolaila, ua lilo ka nohoalii ia Elevira ke kaikamahine a Diana, a o kana kane oia ka moi ma kou wahi i keia manawa, a ma kana kauoha hoi au i hele mai nei no ka hopu pio ana ia oe ma ka inoa o na makaainana o Noremadi.

Owai ka Elevira kane?

O Morika ka moi.

O Morika?  Owai keia Morika?

O ke keiki a Orema.

E hookua wale koke aku oe a Tanahusa me kou olelo hoopunipuni.  Pehea oe i makemake ai e hana mai pela imua o'u.

Pela ke ano i ka nana aku, no ka mea mawaha ae o ka oiaio, aole he hoopunipuni wale no.  Mawaho ae nae ona inea a pau, aole loa no makaainana noonoo maikai o Noremadi e ae mai e kakoo i keia hana apiki a kupono maoli ke kapaia, he hao wale a he pakaha o ke ano haahaa loa.

Ua kuhihewa loa oe ma kou manao ana ike na lani makemake, ua makaukau mea lakou e hooko me ke kanalua ole, no ka mea o ke Odina kuleana ia.

Aole i pau.

OLELO HOOLAHA.

Ke kauoha aku nei ka mea nona ka inoa maloko nei i ka poe a pau i aie ia ia e oluolu e hookaa mai i ko lakou aie, iloko o hookahi mahina mai keia manawa aku.  e pono na hoaloha e hoolohe i keia leo, i lilo ai i mea pono no na aoao elua.

S. AH FAT.

Waikapu, August 31, 1892.

Hoolaha a ka Malama Waiwai.

Ke hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai a pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la.

Ke hoolaha ia aku nei ma keia e hookaa koke mai ka poe i aie ma ko'u lima.

Honolulu, Sept. 10, 1892.

Ke hoike aku nei ka mea nona ka inoa malalo nei, o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko'u kakau inoa ole, a ke kauoha pu ia aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.

ABRAHAM FERNANDEZ.

(Aberahama.)

Ma kahi o E. O. Hall & Son.

Malama Waiwai o Lydia K. Kamakaia me Samuela Kamakaia.

Honolulu, Sept. 14, 1892.

Kauka Yong Kam

Pung.

(APANA.)

Helu 53, Alanui Maunakea.

Ke Kauka Loea o ka

Aina Pua!

Ua hiki ke hoola ia kela a me keia ane

ma'i, mai ko na kane, wahine a  me

na keiki liilii.  O na ma'i ha-no

ua hiki loa ia ke hoola ia me

ka maalahi.  A o na ma'i

e pili ana i ka maka

pau pu ia i ke

ola.  Ke ho-

ike ia aku nei.

eia ke ola ia nei, me

ka oluolu pu o kahi au-

hau.  Ka poe pilikia hanau

keiki a hele nui paha o ke koko

a pau a lohi paha ka hanau ana, pa

paha o ka waiu, e hele nui mai i o'u nei.

E KIPA mai e ka poe i hooluu

lau ia me an haawina pilihana a ka ma'i,

a na'u oukou e hooluolu aku.

KAUKA YONG KAM PUNG.

Honolulu, Sept. 2, 1891.