Ka Leo o ka Lahui, Volume II, Number 552, 27 September 1892 — Page 2
| This text was transcribed by: | E K Soares |
| This work is dedicated to: | Henry "Obookaiah" Opukahaia |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA
Ua hookohuia ma keia la o Messrs H. Holmes a me Wm. L. Peterson, i mau Noari no ka Lehulehu, no ka Apana Hookolokolo Kaapuna Ekahi, o ke Aupuni.
CHAS. T. GULICK
Kuhina Kalalaina
Keena Kalaiaina, Sept. 26 dly-3ts
Ua hookohu ia o Messers. J. K. Kahookano, N. Fernandez a me J. K. Paele, keia la, he mau Notai no ka Lehulehu no ka Apana Hookolokolo Kaapuni Ekahi o ke Aupuni.
CHAS. T. GULICK
Kuhina Kalalaina
Keena Kalaiaina, Sept. 26 1wk-dly
Hoolaha i ka Poe Koho.
Ke hoolahaia aku nei ma keia i mea e loaa ai ke kuleana e kono ma ke Koho Balota Kuikawa i hoolaha ia o Okatoba 4 ae nei, o ka poe koho aole i hookuuia ma ke Kanawai, e pono e uku mai i ko lakou auhau kino o ka makahiki 1892, me ka nana pu ana hoi i ka hookomoia o ko lakou inoa ma ka Papa Inoa o ka Poe Koho i na 'Lii.
CHAS. T. GULICK
Kuhina Kalalaina
Keena Kalaiaina, Sept. 26 tf-dly
Hoolaha a ka Papa Ola.
Ua kauoha aku ka Papa Ola i kona mau Agena no ka hele ana e nana i na hale a me na pahale iloko o ke kulanakauhale o Honolulu, me ka makaala ana i ka hahao ana ia mau wahi iloko o ke kulana maikai o ke ola kino, nolaila ke noi ia aku nei ka lehulehu ma keia:
1. - E haawi a pau i na kokua ana me ke kali ole i na Agena o ka Papa Ola.
2. - E hoolohe i na ao ana a na Agena Ola.
3. - E makaala ia ka ma mao o na auwaha wai, na lua-wai, na hale-liilii a me kekahi mau wahi hoahu e ae iloko o ke kulana maikai o ka malama ola.
4.- E ae koke ia na opala a me kekahi mau mea e ae e laweia, a pela hoi me na mea a pau i inoino a kupono ole no ka honi ana.
Ma ke kauoha a ka Papa Ola.
DAVID DAYTON
Peresidena o ka Papa Ola.
Honolulu, Septs. 23, 1892.
sept26 2 wks dly.
HOOLAHA KOHO BALOTA
KEENA KALIAINA
HONOLULU, SEPT. 12, 1892
I kulike ai me ke kanawai Koho Balota o ke Aupuni ke hoikeia aku nei ma keia, he Koho Balota Kuikawa no ke koho 'Lii no ka manawa i pau ole o eono makahiki, e hialamaia ana ma ka Mokupuni o Oahu mawaena o na hora 9 A. M. me 5 P. M. o ka POALUA, la 5 o'OKATOBA, 1892, no ka hoopiha ana i ka makalua o na noho i hoohakahakaia mamuli o ka pau ana o na Mea Mahaloia, Hon. Paulo Numana a me E. C. Makapoleua.
O na Apana Koho Balota, na Mahele Koho, na Wahi noho me na Luna Nana Koho Balota, eia malalo iho nei:
APANA EKAHI, HONOLULU
O keia wahi a pau o ka Apana Hookolokolo a Auhau o Honolulu, a i ole o Kona paha, e waiho ana nia ka hikina hema o ka laina mai ku piko a oioina paha o ka lalani mauna o Konahuanui, maluna o ka lapa o ke kualapa e hookaawale ana i na Awawa o Manoa a me Makiki mai na Awawa mai o Nuuanu me Pauoa, a mawaena aku o ka ha lu@@ kipoho paha o ka puu i kapaia o Puowaina (Punchbowl) a hiki i ka pahu hae ma kahi kipu aloha kahiko, malaila pololei aku a ka huina o na alanui Kinau me Alapai, mawaena o ke alanui Alapai a hiki ike alanui Moi, mawaena aku o ke alanui Moi a hiki i ke alanui Hema, mawao@@ ak o ke alanui Hema a hiki i @@ kai.
Mahele Ekahi - O keia wahia pau o la Apana i oluolu ae nei e waiho ana ma ka hikina o ke alanui Punahou, me ka aina i kahaia e kaupale ana, mauka a makai.
Wahi Kolo - Hale Kauu Pua o ke Aupuni, ma ka hui aina o na alanui Moi me Waikiki.
Na Luna Nana - E. I. S. Spalding,
J. H. Wodehouse, Jr.,
S. Hookano
Hookohu Kuikawaia no ka La Koho Balota -
J. A. Gilman,
Arthur Brown.
Mahele Elua - O kela wahi a pau o ka Apana i oieloia ae nei e waiho ana ma ke komohana o ke alanui Punahou, ma ka laina i kahaia ma ia palena.
Wahi Koho - Kula Alanui Beritania
Na Luna Nana - J. A. Magoon,
H. S. Tregloan,
G. W. R. King,
Hookohu Kuikawaia no ka La Koho Balota -
J. S. Lovejoy,
S. K. Kamaka
APANA ELUA, HONOLULU
O kela wahi a pau o Honolulu i oleloia, a i ole o Kona paha, ma ka akau o ka Apana Ekahi, maloko o ka laina i kahaia mai ka pahu hae ma kahi kipu aloha kahiko iluna o Puowaina (Punchbowl) a ka huina o na alanui Kula me Ema, mawaena pololei aku o ke alanui Kula a hiki i ke alanui Papu mawaena pololei o ke alanui Papu a hiki i ke alanui Beritania, mawaena o ke alanui Beritania a hiki i ke kahawai Nuuanu ma ka Uwapo o Kamika, alaila mawaena o ua kahawai la i oleloia ae nei a hiki i ke alanui Kula, mawaena aku o ke alanui Kula a hiki i ke alanui Liliha, mawaena aku o ke alanui Liliha a hiki i ke alanui Kauka, maluna pololei o ke alanui Kauka a hiki i ka lapa o ke kualapa ma ke Komohana akau o ke Awawa o Nuuanu, alaila maluna o ka lapa o ke kualapa i oleloia ae nei a hiki i ka piko i kapela o Lanihuli ma ka lalani mamua o Konahuanui.
Mahele Ekahi - O kela wahi a pau o ka apana i oleloia ae nei e waiho ana mauka o na alanui Kula me Kauka, ma ka hikina hoi o ke alanui Nuuanu.
Wahi Koho - Ma ke komo ana o ka pa kiowai o ka piina o Maemae ma ka Nuuanu Avenue.
Na Luna Nana - Jas. G. Spencer,
J. O. Carter, Jr.,
G. W. Kanoelehua.
Hookoho kuikawaia no ka La Koho Balota -
A. F. P. McIntyre,
Jas. W. Hatfield.
Mahele Elua - O kela wahi a pau o ka apana e oleloia nei e waiho ana makai o na alanui Kauka me Kuia, ma ke komohana o na alanui Nuuanu me Papu.
Wahi Koho - Halekula o Kauluwela, ma ka aoao ma Ewa o ka Uwapo o ke alanui Kula, maluna o ke kahawai Nuuanu.
Na Luna Nana - Hugh Gunn,
Jack Ailau,
Geo. W. Nawaakoa
Hookohu Kuikawaia no ka La Koho Balota -
Wm. Keae,
C. H. White.
APANA EKOLU, HONOLULU.
O kela wahi a pau o Honolulu i oleloia, o Kona paha, e waiho pili ana me na apana Ekahi me Elua, a maloko hoi o kekahi laina e moe ana mai ke kihi o na alanui Papu me Beritania, mawaena pololei aku o ke alanui Beriania a hiki i ke alanui Rikeke, mawaena aku o ke alanui Rikeke a hiki i ke kai, a i kaupale la makai e ke kai.
Mahele Ekahi - O kela wahi a pau o ka Apana i oleloia ae nei e waiho ana mauka o ke alanui Beritania.
Wahi Koho - Halekula o Kahehuna.
Na Luna Nana - W. C. Sproull,
M. M. Camara, Jr.,
Jos. Kahana.
Hookohu Kuikawaia no ka La Koho Balota -
J. W. Naukana,
S. Anapu.
Mahele elua - O na wahi a pau o ka Apana e oleloia nei e waiho ana makai o ke alanui Beritania.
Wahi Koho - T. C. Porter,
H. Amitage,
Kamilia, Kuhia.
Hookohu Kukawaia no ka La Koho Balota-
L. L. Lapierre,
J. Paakaula.
APANA EHA, HONOLULU.
O kela wahia a pau o Honolulu i oleloia, a i ole o Kona paha, e waiho ana ma ke komohana o na Apana Elua me Ekolu, a maloko hoi o kekahi laina e moe ana mai ke kihi o na alanui Kula me Liliha, mawaena kona o ke alanui Liliha a hiki i ke alanui Moi, mawaena aku o ke alanui Moi a hiki i ka Uwapo e moe ana maluna o ke kahawai Nuuanu a i kaupaleia makai e ko kao.
Mahele Ekahi - O na wahi a pau o ka Apana e oleloia nei e waiho ana ma ke komohana o ke alanui Nuuanu.
Wahi Koho - Hale Kaawai Pak@
Na Luna Nana - D. B. Smith,
H. J. Gallagher,
Jno. D. Holt
Hookohu kuikawaia no ka la Koho Balota -
P. Jones,
Geo L. Dall.
Mahele Elua - O na wahi a pau o ka Apana i oleloia e waiho ana ma ka hikina o ke alanui Nuuanu.
Wahi Koho - Towera Hele o ka Oihana Kinai Ahi o Honolulu.
Na Luna Nana - Henry Smith,
S. M. Graham,
Geo. N. Shaw.
Hookohu Kuikawaia no ka la Koho Balota -
C. E. Williams
M. D. Monssarrat
APANA ELIMA, HONOLULU
O kela wahi a pau i koe iho o Honolulu a i ole o Kona paha, e waiho ana ma ka akau me komohana o na Apana Elua me Eha.
Mahele Ekahi - O na wahi a pau o ua apana la e waiho ana ma ka hikina o ke alanui nui e pii ana i ke Awawa o Kalihi ma ka aoao mauka o ke alanui Moi.
Wahi Koho - Hale o ka Hui Kaa Hapaumi Hawaii, ma ke kihi o ke Kahua o ke Kuia Kamehameha.
Na Luna Nana - Marcus R. Colburn,
L. J. Nahora, Hipa,
J. V. Simonson.
Hookohu Kuikawaia no ka La Koho Balota-
N. Fernandez.
J. A. Victor.
Mahele Elua - O kela wahi a pau o ka Apana e oleloia nei e waiho ana ma ke komohana o ke alonui e pii ai i ke Awawa o Kalihi ma ka aoao makai o ke alanui Moi.
Wahi Koho - Ma ka pa Halekula a Keonelua.
Na Luna Nana - W. L. Wilcox,
Wm. Auld,
Henry Kaia.
Hookohu Kuikawaia no ka La Koho Balota-
Chas. D. Dwight
Keoni Waiamau.
APANA EONO, KOOLAU.
E huipu ana i ka Apana Hookolokolo a Auhau o Koolaupoko.
Wahi Koho - Hale Hookolokolo o Kaneohe.
Na Luna Nana - Henry Cobb. Adams,
D. J. Watson,
Kimo Olds,
Hookohu Kuikawaia no ka La Koho Balota -
Sam Gandall,
J. H. Barenaba.
APANA EHIKU, WAIALUA.
E huipa ana i ka Apana Hookolokolo a Auhau o Koolaulea me Waialua.
Mahele Ekahi - Waialua.
Wahi Koho - Hale Hookolokolo o Waialua.
Na Luna Nana - Frank Halstead,
J. F. Anderson,
E. S. Timoteo.
Hookohu Kuikawaia no ka La Koho Balota -
S. K. Mahoe,
J. Kaimikawaha.
Mahele Elua - Koolauloa
Wahi Koho - Hookolokolo o Koolauloa.
Na Luna Nana - Kimo Donnehy,
Keoni, Kaluhi,
Iokepa Aaunui.
Hookohu Kuikawaia no ka La Koho Balota -
W. C. Lane
Paukialani.
APANA EWALU, EWA.
E huipuia ana i ka Apana Hookolokolo a Auhau o Ewa me Waianae.
Mahele Ekahi - Ewa.
Wahi Koho - Hale Hookolokolo o Ewa
Na Luna Nana - J. W. Smith,
B. Starr Kapu,
D. Malo.
Hookohu Kuikawaia no ka La Koho Balota -
A. B. Lindsay,
Victor Kapule.
Mahele Elua - Waianae.
Wahi Koho - Hale Hookolokolo o Waianae.
Na Luna Nana - J. F. Scott
J. K. Kekahuna
Jas. R. Holt, Jr.
Hookohu Kuikawaia no ka La Koho Balota -
Keau,
Samuel Andrews.
C. T. KULIKA,
Kuhina Kalaiaina.
Sepatemaba 15, 5t-dly.
KA LEO O KA LAHUI
JNO. E. BUSH
Lunahooponopono a me Puuku.
POALUA SEPATEMABA 27, '92
MA KEKAHI o na la o ka hebedoma i hala, ua kauoha palapala aku la ka Luna Leta Nui. Waiakea, Hilo, i na luna leta a pau a puni ka Paeaina, e makaala loa lakou mai ka ae ana aku e wehia na poo leta i kau ia maluna o na leta, a mea e ae puha no ka hoouna ana mai kekahi wahi a kekahi, no ka mea he nui na leta i hoea mai i ka Hale Leta Nui ma Honolulu nei, aole he poo-leta. O ke kumu i ulu mai ai keia mau hana ko ola makou e kuhihewa, oia paha ka ike ia he haawina pomaikai ko na pooleta i hoohanaia, e like me na wea i hoolaha ia maloko o na nupepa o keia kulanakauhale, ma ia ano ka Luna Leta Nui i manao ai, oia ka mu a me ka popo mawaena o na kokua hale leta nana e ai nei na poo leta.
KA AHAOLELO
Ma ka la inehinei i waiho ae ai ke komite i waiho ia ai nana e imi ka oiaio o ka mea e pili ana i ka hooweliweli ana o ka Ilamuku i kekahi hoa o ka Ahaolelo mamua aku nei i kana hoike, a ma ua hoike la ua kakoo ia ia hana ana. he hana maikai ole keia, a ua kue no hoi i ko kakou kumukanawai, ka hoao ana o kekahi mea e hooweliweli i kekahi hoa o ka Hale, oiai ke Kau e noho ana, a he hookuu ana aku ia i ka puka e alakai ia ai na u ea a pau e hana mai pela maluna o na wahaolelo o ka Lahui. Ua kue nui ka luna o Koolaupoko i ua hoike la, no ka mea ma ia hana ana, na hoohaahaaia ka lahui ma o ka mea a lakou i koho ai. He nui a manuunuu wale na hana oehaa, e oiliili mai nei, a o ka ninau hope loa, ina pela na hiona a ke au o ka manawa e halihali mai ai no kakou; ihea la kakou e pae ai?
NA KOO O KA AHA KUHINA
I kekahi la o ka hebedoma i hala ua waiho mai la ka Loio Kuhina Numana, i kekahi bila e hoomana i ka Hui Alanui Alahao o Oahu, e hoopaa aku i na bona Hawaii, i loaa ai ke dala e kukulu ia ai ko alanui hao, a e hoomau aku i kona kulana hoohana, ia wa i ike ia aku ai ka pipika ana o na lima a me ke kue ana o na lehelehe o ka poe hanohano i piha i ka mahalo i keia Aha Kuhina. O ka mua keia o ka hua o ka berita i kukulu ia iluna o na hana nukee a me ke kapakahi, o ka hoomau aku la no ia.
Na Moho Kakoo Opiuma a me na
Hana Ino e ae.
He mea maopopo aia kakou maluna o ke alanui nihinihi, a ina e kapeke ana ke kaina o ke aupuni, he poino ka hopena. Eia iho na moho he lehulehu, a o kekahi o lakou he poe i kamaaina i ka maka o na mea a pau, eia iloko o ka poai opiuma ka piliwaiwai, ka lotere, na hana kue no a pau i ka noho ana hoopono. Nolaila, e kiai kela a me keia mea koho, a e wae me ka hoopono i kona mea e koho ai, i hiki ai ia ia ko manaolana e hana ia ana ka pono no ni ana a pau.
Kapu Na Awa Ku Moku.
Mamuli o ka laha nui ana o keia ma'i ahulau Kolera ma Europa a no Amerika, a e hooweli ana i ke ola o na wahi a pau e launa nui ana me na awa ku moku o na wahi i laha ka mai, nolaila ua hui aku ke Komite Ola e noonoo pu me ka Pana ola, i na hana kupono e hana ia aku ai i maluhia ai ka aina mai ka ma'i ahulau Kolera. Malalo o ka lakou noonoo ana, ua hooholo ia e hana ia kekahi @@@ wai, e haawiia ka mana i ke Kuhina Waiwai, mamuli o ke kauoha ana o ka Papa Ola, e hoopaa ia na awa ku moku o na aina e mai i laha ka ma'i Kolera. No keia kumu ua hooholo ka Ahaolelo i kekahi kanawai e hoomana ana i ka Papa Ola e kauoha aku i ke Kuhina Waiwai e hoopaa ia na awa, a e hoopai ia ka poe e hahaki ana i keia kanawai, koe aku ka poe no lakou na moku i holo pololei mai no Honolulu nei, a ina ua kupono, mai keia awa aku e ae ia ai ia moku e holoaku no kahi ana i manao ai.
KAU AHAOLELO O 1892
LA HANA 02.
Poalua, Sept. 20
Hoomaka na hana o ka la e like me ka mau.
Wiliama, ua pau i ke pai ka hoike a ke komite opuma helu elua.
Hoike a na Komite Wae.
Buki. hoike mai no ka nui o na tini opiuma i hopu ai.
Mahope o na ninaninau ana a ua hoa, ua haawiia ka opiuma i ke Kuhina Waiwai.
Hookuuia kekahi mau hoa e hoi no ko lakou mau wahi.
Baldwin, i ka oike a ke komite waiwai e pili ana i ka oihana kuloko o ke aupuni.
Kapehe, heluhelu mai oia he palapala hoopii no Oahu nei me na noi lehulehu; haawiia i ke komite huikau.
Nawahi he hoopii mai Alo mai, haawiia i ke komite wai.
Wiliama, mai ka Ekalesia Bihopa mai, e kue ana i ka lotere.
Aki, mai Honolulu mai e hooholoia ka lulu Lusiana.
Kakina e hapaiia na hana o ka la, aponoia.
Na hana o ka La.
Oia ka hoololi i ka Pauku 55 o ke Kumukanawai, e pili ana i ka hoomahuahua ana i ka uku o na Lunamakaainana.
Lilo ka Hale i ka hoopaapaa a hiki i ka hoomaha ana i ke awakea.
AUINA LA.
Hoopaapaa hou ka hale, a hiki i ka wa i noi ia ai e Kamika e hoopanee iki, a ua hooholoia.
Bila 21, 21a a me 29, hookahi no ano, noi ke komite o ka bila 21 a me 29 e hoomoe ma ka papa apono ia.
Noonooia ka bila 21a, a mahope o na hoopau manawa ana, ua hooholo loa ia ka bila no ke kekau poepoe i Sept. 27.
Hoopanee ka Hale.
LA HANA 9@d
Poakolu Sept 21.
Halawai ka Hale o like me ka maa mau.
Noi mai o Kanealii e kapaeia na rula, aponoia, waiho mai la oia he palapala hoopii mai Makawao mai, e noi ana aole o hooholo ia ka bila loteri, waiho ia a noonoo pu me ka bila.