Ka Leo o ka Lahui, Volume II, Number 552, 27 September 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  SEPATEMABA 27, 1892.     HELU 552

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Mai ka peni mai a ka mea kakau o Ava-

reda, a pela aku.)

MOKUNA X.

Oia ka mea a kuu puuwai e li'a

mau moe ole nei o ka po

a me ke ao.

 

A no kekahi  manawa, hooholo iho la oia iloko ona, ua pololei kana kaikamahine, no ka mea ua lawa ka ui a me ka nani maluna o kona mau helehelena, e lilo ai na mea hoouiui e ae i mea ole imua ona, e like me ka hehee ana o ka hao imua o ka enaena o ke ahi, a o ka hau hoi imua o ka wela o ka la i ke awakea.

O na pua roke, he mau pua punahele loa ia i ua Senia nei, a i kela a me keia la o kona ola opiopio ana, e opuu mau ana oia me na pua roke, nela ma kona wahi moe, kona ai ana. a pela aku--he roke wale no, a no kekahi mea kamahao n o hoi ia iloko o ke ola opiopio ana o keia nohea iloko @ mau la @ou@u@ o Enelani.

Mahope iho o ka hala hope ana ae o kekahi mau minute, aia hoi no ka manawa hope loa, ku ana ua Senia nei imua @ono o ke alo o ka mea ana i eha ai i ka eha lima ole a ke aloha maemae--e pio ole ai i na wai he nui--a e like me ka mea i uluhia e kekahi daimonnio ino o ka lua hohonu, haalele koke mai la kona noonoo maikai iaia, a o na hoomanao ana no na mea a laua i kuka pu ai ma ia kakahiaka, ua hoomamao koke aku la ia mai iaia aku ia manawa, no ka mea iloko ona, na oi ae ke aloha no kana in@ mamua o na mae e ae a pau.

Nolaila, e like me ke ano mau o ka poe e alakai pouli ia ana e ke aloha, he mea hiki ole iaia ke alo ae mai ka haawi koke ana aku iaia iho iloko o ka puili paa ana a kana mea i aloha ai, a i hoomaha pu aku ai hoi kona poo maluna o kona umauma, kahi hoi e loa ai iaia kamaha a me ka hauoli.

Nolaila, me ka puuwai e anapau ino ana i o a ianei, iluna a ilalo, me he mea la e kaili ae ana i ka uhane o ke ola mai ua Senia nei ae, hele koke aku la oia a haawi lilo aku la iaia iho iloko o na lima aloha o kana ipo me ka naau haouli piha.

No ua kanaka opio la hoi, kuiou iho la iho la kona poo ma kekahi aoao o ke poo kana ipo, o ke kapa muliwai, a ninini mai la i kekahi mau huaolelo iloko o kona mau pepeiao me ka leo haahaa i kupono no laua wale no e lohe ai, a e lohe ole mai ai hoi ka Haku Lutela.

Aka, eia ka mea hilu loa, o ke kanaka opio wale no me kana ipo Senia na kino ola uhane e noho ana iloko o ua rumi la ia manawa, no ka mea aole ka Haku Lutera. ka luaui makuakane o ka mea nona keia moolelo a haku hoi o ua halekakela la--auwe. he keu keia a ka halawai ano e loa a ku i ka hoopaho'aho'a i ike ia mawaena o ua mau ipo la.

Oiai ua kanaka opio nei e puliki ana i kana aloha me na lima elua, me ka haawi ana hoi i na muki aloha ahiahi maluna o kona mau papalina, a hiki i ha manawa i pau ai ke aho o ua Senia nei, kahea ae la oia i kana aloha e hoopakele ae iaia mai ka honi nou ana aku, i loaa ai he manawa mona e hanu hou ai.

He mea ano e no hoi ka ike ana aku i ua wahine opio la e ku ana imjua o kana mea i aloha ai, me ka maopopo ole iaia o kona moolelo a pela hoi kona wahi i hele mai ai. no ka m@a ma ia la hookahi no ko l@a helemai ana.

Aole i pau.

HE MOOLELO

---:NO KE KEIKIALII:---

AWAREDA!

a me

KA UI LEILA

o Noremadi.

(Ka Kakauia no Ka Leo.)

MOKUNA XVII.

Ka La Hooila Kana Weliweli.

A pela nohoi me na mea a pau e pili ana i ke ano o ka Noremadi noho ana iloko oia mau la, mahope iho o kona haalele ana aku, e like me kona ilohe mai ai mai kona kiu mai a mai a Karewada mai no hoi.

O oe hookahi ka'u i hilinai ai, e like ai me ka hiki ia'u ke paulele maluna o ko'u hoahanau ponoi, nolaila ke makemake nei au no kau ae ana mai no kekahi hana ano nui a'u i makemake ai.

e ka moi, wahi a Dulipa, oiai ai kona poo e kulou ana ilalo iaia i hoomaka mai ai e kamailio me ke kuoo a pela nohoi kona leo, na hiki loa iaia ke haawi i kuu ola nou ma na ano a pau; manao au aole paha au mea e ae mawaho ae o kela i makemake ai?

Aole o'u makemake i kou ola e Dulipa mai kai, aka he hana e ae no k'au i makemake ai neu ana oi aku ho i ka waiwai oia hana ia'u mamua o kuu ola, a o ua mea la, oia keia; makemake au e waiho aku i kekahi mea malalo o kau malama ana.  Ua manaopopo no hoi paha ia oe ka moolele au i hahai aku nei ia oe?

Ae, ua maopopo ia'u na mea apau.

Ua maopopo @e anei ia @e h@mea no@ ia @?

Ke ole au e kuhihewa, o ka naita Tanahusa?

Ua pololei oe e Dulipa.  O Tanahusa io no, a ke kanalua oel nei au i ka hoike aku ia oe ua manao au e kue mai ana oia ia'u, mamuli o ko'u pepehi ana ia Lameka hookuli---o, ina a ole au e kau aku i ko'u lima maluna @, a ma waiho ae me ka makaukau e luma'imai i kona maka iloko o ke kino o kona moi, ka mea hoi i kananele ia o kekahi kanaka o Noremadi, nolaila ua pepehi aku au iaia.

O makemake loa au ina aole i pa umaele ko'u lima me ke koko o Lameka; no ka mea malaila mai kekahi mau poino e kaukolo nei mahope o ko'u meheu; aka ua paa kuu manao e Dulipa, e halawi kino me na make he tausani no ka pono o ka mea a'u i aloha ai, a no ia manao ana, e hele aku ana au e hui me ua Tanahusa nei, ina ua lale maila oia iuka nei, i hoopau ia ai ko'u nohinihi no ke ano o kana huakai i hele mai nei.

Oia ko'u mea e makemake nei ia oe e kokua mai ia'u. ma ka malama ana ia Diana ma; no ka mea aole he meapono no iana ke ike ia e Tanahusa eia laua i keia wau@ .  Nolaila, e hele oe e Dulipa a nono pu me laua a ma na ano a pau mai haalele iki oe ia laua ai ole ae aku paha i ko laua makemake e hoomanao ana ma kekahi mai a oe mai.  Ke maopopo mai la anei ia oe na mea a pau au e kamailio nei?

Ae, e kuu hak@--a ua makaukau pu hoi au na hooko ana, wahi a Dulipa.

I hookahi a'umea ehoomanao aku ai ia oe mamua ae o ko kaua hookuu ana, oia hoi; aole i maopopo loa ia'u e hooko io ia ana keia mau mea a pau a'u e kamailio nei, aka aole no he hewa nou e makaala i kau apana kana, no ka mea o oe ka'u i hilinai ai ua kupono no ia hana.  Nolaila, e lilo ka lani a me ka honua i mea ole, mai ae ia oe e hoi hope, aka e ku paa a hiki i ka manawa hope loa.

I ka pau ana o keia mau olelo a ka moi opio, hoopaa maila o Dulipa e hooko ana oia ia mau mea a pau hiki i ka hiolo ana mai o na lani, ai ole ka hohoo ana paha o ka honua, ai ka puu ana, huli ae la ua Awareda nei a hele aku la no kahakai, kahi hoi a Karewada @a e kakali mai ana no kona hiki aku, a o Dulipa hoi, huli ae la ole a holo, pololei ahu la ua hana @hi a ka hana, oia hoi @ ana ika puana a h@ @.

Aole i pau.

OLELO HOOLAHA.

Ke kauoha aku nei ka mea nona ka inoa maloko nei i ka poe a pau i aie ia ia e oluolu e hookaa mai i ko lakou aie, iloko o hookahi mahina mai keia manawa aku.  e pono na hoaloha e hoolohe i keia leo, i lilo ai i mea pono no na aoao elua.

S. AH FAT.

Waikapu, August 31, 1892.

Hoolaha a ka Malama Waiwai.

Ke hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai a pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la.

Ke hoolaha ia aku nei ma keia e hookaa koke mai ka poe i aie ma ko'u lima.

Honolulu, Sept. 10, 1892.

Ke hoike aku nei ka mea nona ka inoa malalo nei, o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko'u kakau inoa ole, a ke kauoha pu ia aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.

ABRAHAM FERNANDEZ.

(Aberahama.)

Ma kahi o E. O. Hall & Son.

Malama Waiwai o Lydia K. Kamakaia me Samuela Kamakaia.

Honolulu, Sept. 14, 1892.

Kauka Yong Kam

Pung.

(APANA.)

Helu 53, Alanui Maunakea.

Ke Kauka Loea o ka

Aina Pua!

Ua hiki ke hoola ia kela a me keia ane

ma'i, mai ko na kane, wahine a  me

na keiki liilii.  O na ma'i ha-no

ua hiki loa ia ke hoola ia me

ka maalahi.  A o na ma'i

e pili ana i ka maka

pau pu ia i ke

ola.  Ke ho-

ike ia aku nei.

eia ke ola ia nei, me

ka oluolu pu o kahi au-

hau.  Ka poe pilikia hanau

keiki a hele nui paha o ke koko

a pau a lohi paha ka hanau ana, pa

paha o ka waiu, e hele nui mai i o'u nei.

E KIPA mai e ka poe i hooluu

lau ia me an haawina pilihana a ka ma'i,

a na'u oukou e hooluolu aku.

KAUKA YONG KAM PUNG.

Honolulu, Sept. 2, 1891.