Ka Leo o ka Lahui, Volume II, Number 551, 26 September 1892 — Page 1
| This text was transcribed by: | Darren Okimoto |
| This work is dedicated to: | Kaimuki Class of '78 |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU SEPATEMABA 26, 1892. Helu 551
HE MOOLELO KAILI PUUWAI
NO
SENIA LUTERA
Ka Ui Puuwai Mabala
o
ENELANI KAHIKO.
A I OI E
He Nanea Hooheno no kekahi Kauna Wahine Opio me kana mau Aloha Ekolu.
(Mai ka peai mai a ka mea kakau o Awareda, a pela aku.
MOKUNA X
Oia ka mea a kuu puuwai e lila mau moe ole nei o ka po a me kea o.
A oia no hoi ka Manawa a koua luaui makuakane i lalau mai ai i kekahi e kona mau lima lahilahi, no ke kuikui lima pu ana me ia no kahi a ka manao e hone ana iloko ona.
Ua ike a ua maopopo pu no hoi i ua Senia nei ke kumu nui o keia mau kahiko ano hou a pau i kauhola iho maluna ona a me kona mau papalina nohenohea ma ia ahiahi, a he mea huna hoi ia e waiho lolii ana iloko o kona naau, a me he mea la ke ike pu la no oia me ka naau hauoli i ka lana laiwale o kona manao a me ka mamaano e o koua puuwai, maloko aku o ka aoao hema o kona umauma i lulua pono me na pua roke aala he nui e lube ana ma o a maanei, oiai kona puuwai e pauma ana i ke koko ma na wahi e pau o kona nui kino, i awili pu ia me keia mau mea ekolu, oia hoi ka hauoli, ka lealea a me ke aloha.
Ua maopopo no iaia me he aniani la ka mea e kakali mai la nona me na manao pilihua, a ma ka hoopokole ana ae me he mea la ke ike la no oia i kela Manawa i na helehelena io maoli o kana eha-koni, ka mea hoi nana na honi kiani ana i aie nui ai ma ia kakahiaka—na aoni hoi na lakou i ka pauma pu ke aloha iloko ona, o hiki i ka hanini ana o ka wai-dala, i ka latitu o pii ka manene.
E kuuipo aloha, a me ka @ hoi a pau, wahi a ua nohea nei i hawanawana malie ae ai iaia iho. Auwe ua aloha au ia oe, ae ua aloha au ia oe, me kuu naau, kuu uhane a me kuu aloha ia oe, aole ona palena, o ka hohonu aole mea i ike, a o kona kiekie, aia iloko o ke pohihihi no ka mea aole ia he me i hana lima ia!
He malihini ka’u i keia ahiahi e kuu Senia, a na hiki mai nei hoi oia aia i ka rumi hookipa nui ilalo, wahi a ka Haku Lutela i kamailo mai ai, nona ka inoa o Sir. Laione la Mavela, nolaila e hele kaua i hoolauna aku ai au ia oe imua ona. He ui oia a he nani, a o ka hapa nui o na wahine opio i ike iaia, ua pupule lakou i ke aloha nona; a he mea auanei no’u e hauoli ai, ke hiki ia oe e kuu lei ke hopu@io i kona puuwai a paa malalo o kou mau kapuai, no ka mea ma Enelani nei a puni, oia hookahi ka heke mawaena o na opio o ka aoao aole’a.
Aka, e kuu Senia, a e kuu milimili hoi, no keaha o@ hiko ole mai nei i kau mau pohaku daimana kumu kuai oui, i hoolako au ia mau mea a pau nau e linohau e kuu lei?
No ka mea, e kou makuakane aloha, ua aloha au i kela mau pua roke, a ua oi palua aku hoi ko’u makemake ia lakou mamua @o ke kahiko ana i na pohaku daimana, wahi a ua Senia nei me ka akaaka malie ana. O kekahi no hoi, ua pakua loa na pohaku daimana i ke kahiko hoonaniia e na mea a pau, aka o na pua roke e like me keia—auwe, he mea ko lakou aala, a he mau pua oke hou wale no hoi a peu o ko lakou mohala ana mai nei no ia, oia ka’u i makemake ai no’u, a mawaho ae o na mea a pau, ua oi aku ko’u makemake ia lakou mamua o ke daimana.
No keia mau olelo a ua nohea nei, hoonuu pono mai la na maka o ua elemakule hookelakela nei maluna o kana kaikamahine.
Aole i pau.
HE MOOLELO
NO KE KEIKIALII
AWAREDA!
a ma
KA UI LEILA
o Noremadi
(Kekauia no @)
MOKUNA XVII.
Ka La Hoaili Kana Weliweli
Me oe a maluna hoi o kou @okua ka’u mau hoomaikai ana a pau ina pela like oukou a pau @ laila aohe he poino, a aole nohoi he make imua oia au e hopohopo ai, no ka mea aia me a’u ko oukou aloha pilipaa.
E kuu haku, ua hiki loa ia o eke helu pakahi mai ia makou a pau, ma kea no o makou a pau noa wale no, a e hakoko ana hoi no kou lanakila a me kou palekana, a hiki i ko makou make ana me ka mea kaua e paa ana i ka lima, e like me ka make ana o na oaila kaulana, wahi a @kopa.
Ina pela, alila aole a kakou mea e hopohopo ai.
I ka maopopo ana i ua moi o pio uei kona kulaana m loeloe, haaleie iho la oia ia Karewada ma a holo aku la e nana i kana aioha Leila a me kona kokoolua a no ka hoike ana aku koi kekahi imua o laua i na mea i ike ia e lakou ma ia kakahiaka.
Aole o’u manao he pilikia kekahi e ulu mai ana, wehi ana imua o Leila, nolaila mai hookanmaha oe ia oe iho, a mawaho ae o na mea a pau, mai haalele iki olua i keia wahi, no ka mea aole he pono e ike o Tanahusa eia oe ianei e kuu mea nui, ka mea hoi nana i houlala mai ia’u ka loa a ma ka laula o ka aina, a iwaena hoi o ka hoomainoino ia mai a me na popilikia he nui o ke alahele a’u i imi mai nei a hui kaua.
Mai hopohopo oe no’u, wahi a ka nani Leila, heaha ka hewa ina au e make a koe oe e kuu mea i aloha ai, aka no kou pono e hooko no au e like me kau i olelo mai nei, me ka nana ole no’u iho. Aka, heaha ka huakai a kela moku i holo mai nei e kau Awareda?
Aole i maopopo loa i keia Manawa, aka nae me he ia ke imi nei ko’u mau makaainana ia’u e ka ipo?
Pela no, aka aole he pono o kolu noonoo no Tanahusa. Heaba kana i hele mai nei? i ninau hou mai ai o @eila.
No ka mea, oia kekahi o ko Noremadi mau kapena i hilinai nui ia a mawaho ae oia, ua ike nui ia oia ma ke @, ua kama’aina i kei mau wahi a pau, a hala loa aku i na palena o Modina Damakusa, Cokisa, a pela aku.
Nolaila, mai ai ia oe iho e hookaumahaia, e ka ipo aloha, oiai e loaa aku ana no ia’u ke ano nui o kana huakai o ka hiki ana mai nei a ia Manawa po no hoi e noonoo ai ao i ka @ e hana ai, e like ma ka’u e ike ai he pono no’u, a @ hoi e kuu mea nei, ka hoolima pau ole o kuu aloha.
@oko o keia Manawa e malama ia nei na kukai olelo maluna ae mawaena o Awareda a me kana aloha, aole o Diana i kamailio mai he hookahi huaolelo, oiai oia e noho ana me kona poo e kulou ana ilalo, me he mea la he mea ano nui kana e nalu ana iloko ona ia manawa, mamuli o na mea ana i lohe mai ai ia Awareda ma e kamailio ana, a i ole ma kekahi ano e ae paha.
Ma kahi aole i mamao loa mai kahi opu malumalu aku o Leila ma e noho ana aia hoi halawai aku la ka moi opio me Dulina maikai, a olelo aku la oia i ua kauwa hoopono nei ana i hilinai piha loa ai e hahai mai mahope ona, a ia laua i hiki aku ai ma kahi e loaa ole aku ai i ka ike o na wahine, ku iho la ua moi opio nei.
E Dulipa ahonui, wahi ana i kamailio mai ai no ka Manawa mua loa hoike aku la eia i na mea a pau i ike ia e lakou ma ia @.
Aole i pau.
OLELO HOOLAHA.
Ke kauoha aku nei ka mea nona ka inoa, maloko nei i ka poe a pau i aie ia ia, e oluolu e hooka mai i ko lakou aie, iloko o hookahi mahina mai keia Manawa aku. E pono na Hoaloha e hoolohe i keia leo, i lilo ai i mea pono no na aoao elua.
S. AH FAT.
Waikapu, August 31, 1892.
aug31 1md sept 2 1mw.
Hoolaha a ka Malama Waiwai.
Ke hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai @ pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai hana ia i keia la. Ke hoolaha ia aku nei ma keia e hookaa koke mai ka poe i aie ma ko’u lima.
Honolulu, Sept. 10, 1892.
sept14 1m.
Ke hoike aku nei ka mea nona ka inoa malalo nei o na aie a paa i hoaie ia e Lydia K. Kamakaia a me Samuela Kamakaia kana kane mare, mahope o ka puka aha o ke ia hoolaha, aole no o keia me ko’u kakau inoa ole, a ke kanoha pu ia aku nei ka poe he mau aie ko la @ ia lakou e waiho koke mai i ka lakou mau koi ma ka la hope o na mahina a pau.
ABRAHAM FERNANDEZ
(Aberaban@)
Ma kahi o E. O. Hall and Son.
Malama Waiwai o Lydia K. Kamakaia me Samuela Kamakaia.
Honolulu, Sept. 11, 1892.
sept15 1m.
Kauka Yong Kam
Pung.
(APANA.
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia kela a me keia ane
ma'i, mai ko na kane, wahine a me
na keiki liilii. O na ma'i ha-no
na hiki loa ia ke hoola ia me
ka maalahi. A o na ma'i
e pili ana i ka maka
pau pu ia i ke
ola. Ke
hoike ia aku nei,
ia aku nei.
eia ke ola ia nei, me
ka oluolu pu o kahi
auhau. Ka poo pilikia hanau
keiki a hele nui paha o ke koko,
a paa a lohi paha ka hanau ana, paa
paha o ka waiu, e hele nui mai i o'u ne
=> E KIPA mai e ka poe i hooluuluu ia me na haawina pilihuaa ka ma'i, a na'u oukou e honluulu aku.
KAUKA YONG KAM PUNG.
Honolulu Sept. 2, 1891. @