Ka Leo o ka Lahui, Volume II, Number 550, 23 September 1892 — Page 1
| This text was transcribed by: | Kamana?okupa?a Ching |
| This work is dedicated to: | Pualani Steele |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU SEPATEMABA 23, 1892. Helu 550
HE MOOLELO KAILI PUUWAI
NO
SENIA LUTERA
Ka Ui Puuwai Mabala
O
ENELANI KAHIKO.
A I OIE
He Nanea Hooheno no kekahi Kauna Wahine Opio me kana mau Aloha Ekolu.
(Mai ka peni mai a ka mea kakau o Aua@ reda, a peia ak@.
MOKUNA X.
Oia ka mea a kuu puuwai e li'a mau moe ole nei o ka po a me ke ao.
Aia hoi ike ia aku la ma ke alanui pii pi'o akea kekahi oiwi kino palupalu e iho mai ana, i aahuia me ka lele keekee, i hoonu'anu'a ia me na papa lihilihi ehiku, e like me ka o ana iho a na kukuna malamalama o ka lai ke kakahiaka nui, e hooi ana hoi i ka nani o na mea a pau ia wa o ke kau kupulau.
He poke pua roke ke hoopunana ana maluna o kona umauma keokeo me ka nani nui, aka nae aole i lihi launa aku kona maikai i ka hapalua o ka hooluu ula ohelohelo o kona mau papalina pua roke maemae, a o ka hoku nani e awihi hoolai mai ana mailuna mai o ka poiuiu lani kiekie, aole i like aku ka ono o kana awihi ana me ka awihi ana a kona au maka nohehea.
A oiai oia e hele ana, e kaukolo pu ana ke la a me ke onaona mahope o kona mau kapuai, me he kakahiaka maikai la mahope o ka pouli, a i ole e like me ke kupulau i ukaliia e ka hooilo.
I ka ike ana mai o ka Haku Lutela i na helehelena maemae o na aoao palupalu la, he mea e kona hauoli, a me ka puuwai i hapiia a kiekie iluna i ka puu, hele awiwi koke mai la oia no ka halawai ana me ua nohea la o ka oihana hooulu kino, a i kona hiki ana aku, kamailio aku la oia me na maka hauoli:
E kuu lei, ka hua ap@la o ko'i mau maka — ka mea hoi nana i haawi hou mai i mau makahiki hou no'u e ola elemakule ai — he oi aku kou nani a me kou wahine maikai i keia ahiahi. Aole he manawa e ae a'u i ike ai i ke kilakila oi aku o kou mau helehelena a me kou oiwikino e like me ko keia ahiahi a'u e ike nei.
No ka mea, ua like kela mau pua roke maluna o kou umauma e kuu mea nui imua o kou mau papalina, me kekahi manu koraka imua o ka manu nunu keokeo, a i ole me ka mahina imua o ka la e alohi nei.
O kou mau maka hoi, ua like me ka anapa alohi e ke daimana, a mawaho ae oia, he mea okoa kekahi au e ike nei he mea hoi na'u i ike mua ole ma ia wahi, oia hoi ka lamalama anoe o kou ili, a he moiwahine maopopo oe no ka nani i keia po e kuu lei.
No kaua iho nae @ kuu m@a heluhelu, ua ike kaua i ke kumu o ke@a muu loli anoe ana a pau o ua @ia nei, oia hoi he wahi @k@ uail@ a e like me ke ano mau o ka p@ koiohe, pela no ua hi@ i kau@ aku maluna o ua S@nia nei ia @.
No keia mau olelo hoohalikelike a ka Haku Lutela maluna @ no kana kamalei oiwi nani ma ia ai@ahi, hene iki iho la ka aka a ua nohea nei, e hoike mai ana hoi ua oluloko, iaia i kunou mai ai me ka haahaa imua o kona makuakane, me ka haawi ana mai i kona mahalo piha.
Aole i pau.
HE MOOLELO
NO KE KEIKIALII
AWAREDA!
a me
KA UI LEILA
o Noremadi
(Kakauia no Ka Leo.)
MOKUNA XVI
Ka ipo mahope o ka meheu o kana mea i aloha ai.
O oe kai ike ika mea e haku, no ka mea ua lohe oe i na mea apau; a aka nae ke hauoli lea nei au no ko lana mau e kou manao, e hoike mai ana hoi aole oe he kanaka hohe wale a o oe hoi ka m@a @a ai o ko'u mau iwi.
No'u iho nae, wahi hou a ua naita pukonakona nei, e kakali malie kakou a hiki i ke ao ana, alaila ina he pilikia kekahi e oili mai ana, ua makaukau makou a pau no ka hui ana aka he alo he alo. Pehea ia i kou mau @o e kuu haku?
M@k@ maikai kela manao ou @ Awareda, nolaila e hana ka@ @ m@ ka nana ana hoio ke@ a @ ke@a o oukou ina ua kip@ k@aa mau mea kaua no ka hoohana ana i ka manawa e koi ia mai ai e @ana peia, a ka nae, aole ou makemake e lohe kuu aloha i kekahi mea @ e pili ana keia mea, o lilo auanei ia i mea nona e hookaumaha hou ia @ ke lohe aku oia ua hiki io mai kekahi poe no ke kaili ana aku iaia iloko o ka lima o ko'u enen@.
Aole paha e nele ana ka lele mai o kela poe iuka nei e imi ai i ka lakou mea i hele mai nei e huli — keole au e kuhihewa, i hele mai nei lakou no ka huli ana i kekahi mea, wahi a Ikope, iaia i huli ae ai a hookaawale aku la iaia iho. Ano, e kuu mea heluhelu ahonui, eia iho ka ono o ka puu i ka mokuna malalo iho, no ka mea ua hiki maila kapa ika pewa hi'u o keia mokuna.
MOKUNA XVII
Ka La Hooili Kaua Weliwei.
I ka oili ana mai o ka malamalama e ka la ma ke kakahiaka ana ae, e papahi ana hoi me ka haaheo maluna o ka ili laumania o na wai o ua wahi kaikuono uuku la ua ike pono aku la ka moi o pio, o kela moku hou i ku hope mai ai ia wanaao poniponi, oia no kekahi o na mokukaua piiikua mawaena o na aumoku kana o Noremadi.
No ka mea, ua hoike maopopo mai ka hae omaomao me ke kiko keokeo uuku mawaena koku e welo haaheo ana me ke ka palili malie ana i ka welelau makani, maluna o ka huini oioi o kekahi kia o ua moku la, i na waihooluu oiaio o ko ka naita Tanahusa hae ao kekahi hoi o na pilikana ponoi loa o ka naita Lameka i make, ae moe kau a moe hooilo.
E kuu haku maikai wahi a Karewada i kamailio mai ai, mahope iho o maopopo aoa iaia ke ano o ka hae e kau ana maluna oua m@ku la a pela hoi ka mea nona ia moku; o ka naita Tanahusa keia, ka hoahanau o Lameka i make, ale o'u manao, he hoaloha maikai oia nou?
Ua maopopo ia'u ia mea, wahi a Awareda, aka makemake au e ike i ke ano nui o kana huakai o ka hele ana mai nei — he huakai paha no ka pono a i ole he huakai paha no ka @? No'u iho nae, aole o'u kanal@a kona a me kona mau kanaka, he loaa kau k@k@ina kupono o likke me oe; nolaila nolaila mai halele mai oe ia'u a pela no@oi me oukou a pau.
Ea p@ kuu m@ i haalele ai ia oe e k@ m@ a@ hou mai nei no hoi au ia oe no ke ku pu ana me oe a hiki i k@ mak@ ana; nolaila mai poina @wau o Karewada, ke hoopaa nei au e ku pu me oe a hiki i ka waiho ana o keia mau iwi, e like hoi me ka'u i hoopaa aku ai ma@ o ka make ana o kou lu@i makuakane.
Aole i pau.
OLELO HOOLAHA
Ke kauoha aku nei ka mea nona ka inoa maloko nei i ka poe a pau i aie ia ia e oluolu e hookaa mai i ko lakou aie, iloko o hookahi mahina mai keia manawa aku. E pono na hoaloha e hoolohe i keia leo, i lilo ai i mea pono no na aoao elua.
S. AH FAT
Waikapu, August 31, 1892.
aug31 lmd sept 2 lmw.
Hoolaha a ka Malama Waiwai
Ho hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai i pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la. Ke hoolaha ia aku nei ma keia e hookaa koke mai ka poe ia aie ma ko'u lima.
Honolulu, Sept. 10, 1892.
sept14 1m.
Ke hoike aku nei ka mea nona ka inoa malalo nei o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o keia hoolaha, aole no e ukaia me ko'u kakau inoa ole, a ke kauoha pu ia aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.
ABRAHAM FERNANDEZ.
(Aberahama.)
M kahi o E. O. Hall & Son.
Malama Waiwai o Lydia K. Kamakaia me Samuela Kamakaia.
Honolulu, Sept. 14, 1892
sept15 1m.
Kauka Yong Kam Pung.
@APANA.
Helu 5@, Alanui Maunakea
Ke Kauka Lo@a o ka Aina Pua!
Ua hiki ho@ka ka kela a me kaia ane
ma'i mai ko na kama, wahine a @
na keiki liilii. O na ma'i @ no
na hiki loa ia ke hoola ia me
ka maal@hi. A o na ma'i
e pili ana i ka maka
p@u pu la i k@
@ @la. Ke ho-
ike ia aku nei
eia ke @la ia nei, me
ka oluolu pu o @ahia@-
hau. Ku poe pili@ @
keiki a hele nui paha o ko ko@
a pau a lohi paha ka @ pa
paha o ka w@iu, e hele a@ @
@ E KIPA mai @ me na @ @ a ka @ p@'u oukou @.
KAUKA YONG KAM PUNG.
@ Sept. 2, 18@1. @