Ka Leo o ka Lahui, Volume II, Number 547, 20 Kepakemapa 1892 — Page 4
| This text was transcribed by: | Noelani Arista |
| This work is dedicated to: | No ku'u lei 'o Hi'iakalehuakaulei |
KA LEO O KA LAHUI.
"E Mau ke Ea o ka Aina i ka Pono."
KA LEO.
---
John E. Bush.
Luna Hooponopono a me Puuku.
---
HONOLULU. SEPTEMBER 20 '92
---
KAU AHAOLELO O 1892.
---
LA HANA 86.
Poalima, Sept. 9
Hoomaka na hana elike me ka mau.
Ninau o Ashford i ka Peresidena ina paha ua lohe oia no ke kohoia o ka Aha Kuhina.
Pane ka peresidena, aole.
Olelo o Ashford, ua nui na wa ona i noi ai e hele aku ka hale imua ma kona mau hana, aka, ua wale ia no e ka Hale. E noi ana au e hoopanee ka Hale a Poakahi. Hooholoia.
Hoopanee ka Hale.
LA HANA 87.
Hoomaka na hana o ka la e like me ka mau.
Hoke mai na Peresidena. ua hookohu aku ka Moiwahine i keia mau keonimana malalo iho i mau Kuhina: E. C. Makapolena. Kuhina Waiwai; Sam. Parker, Kuhina o ko na Aina E; Chas. T. Kulika, Kuhina Kalaiaina. Paul Numana ka Loio Kuhina.
Noi ke Kuhina Waiwai e hoopanee ka Hale a ka manawa kupono i hiki ai ia makou ke hoomakaukau no ka hana i haawiia mai na makou e hana.
Lilo ka Hale i ka hoopaapaa a hiki i ke noi ia ana mai e hoopanee a noho hou i ka Poakolu Hooholo loa ia.
Hoopanee ka Hale.
---
LA HANA 88.
Poakolu. Sept. 14, 1892.
Halawai ka Hale e like me ka maa mau.
Kahea ka Peresidena no na palapala hoopii.
Kue o Ashford aole keia o ka wa o na palapala hoopii.
Rula ka Peresidena iaia, a e pono e heluhelu hou i na rula o ka Hale.
Kue o Ashford i keia hana a ka Peresidena iaia.
Noi o Kapahu e kapae na rula i hiki iaia ke heluhelu aku i kana palapala hoopii.
Hoololi mai o Ashford. e kapae na rula, i hiki ai ke lawe ia mai ona olelo hooholo.
Ninau ka Peresidena i ke noi a Kapahu. Mahope o ka hoopaapaa ana me ka hahana, hoololi mai ka Loio Kuhina, o ka palapala hoopii wale no a Kapahu ke ae ia, aole no palapala hoopii e ae.
Ae o Ashford i ka hoololi a ka Loio Kuhina, a i ka ninau ia ana ua hooholoia.
Heluhelu mai o Kapahu he hoopii mai Kau mai, e hoole ia ka hooholo ana i ka bila lulu piliwaiwai.
Napa no, mai Kau mai, e hookaawale ia i $5,000 no ke awapae o Honuapo. Haawiia i ke Komite o na Hana Hou.
Heluhelu mai ke 'Lii Kamika, he olelo hoo@olo hilinai ole i ka Aha Kuhina hou.
Lilo hou ka Hale i ka Hoopaapaa a hiki i ka wa i ka hoomaha ana i ka hora 11: 30 a noho hou i ka auina la.
---
NUHOU KULOKO.
---
Ahaolelo ko keia la. hora 10.
---
E ke kanaka e hele ana i ko hai ipuka hale e hoolohlohe ai i in a olelo a lawe aku i mea kamailio nana he kupono oia e kiloi ia i ai na ka puaa.
---
Ua holo aku no Kona Hema, Hawaii, na kaikamahina hanauna a ka Bihopa o Honolulu, no ka lawelawe ana i ka oihana kumukula no ke kula hanai kaikamahine a Davis. ma Kalukalu, Kona, Hawaii.
---
Nui ka holua o na hoa o ka Ahaolelo i keia mau la, he okoa na olelo e hai mai ai he okoa nae ka manao e lolii ana iloko o na puuwai o lakou. O aha ke hai i ka oiaio.
He hilahila anei.
---
He kamalii a me na lua---ka hapanui o ka poe i komo pu aku iloko o ka huakai kai kukui a ka poai hoopae opiuma O ka po Poalima nei ka po i manaoia e malama ia he hakai i oi aku mamua o ko ka mua, me ke komo pu aku o na hoa nana i hooikaika iho la ua Aha Kuhina nei. ua makau e paha i ka olelo hooholo a ka Aha Kiekie, nolaila, ke kai ole o na lama a ua poe kalaiaina piha makani nei.
---
Ua hoea mai i ke kaona nei ma ka mokuahi Mikahala mai eono kanaka Hawaii no Niihau mai e e haalele iho ana keia poe ia nei nei ma ke Kinau o keia la, no ka holo ana i Mokuola, o ke kumu o ko lakou holo ilaila oia no hoi ke kuhikuhi ana mai a ke Kahuna e holo ilaila i ola ko lakou mai. Ua loaa kekahi o keia poe i kekahi mai pilikia a ua lapaau ia. a o ka panina loa ia o ka holo aa i Mokuola, i kahi o ke o'a. Pauole no hoi ka hoopunipuni ia Hawaii.
---
I ka huna wai huihui o Waiakekua, Tuahine o Manoa, kekahi o ko makou mau limahana, me kana pili Melia, kahi Inu wai lehua ai a ka manu. Ua hoopu-a mai laua ia makou, he malaeiae na pae kuahiwi, aohe kau ohu, a ua kua hoohihi maoli aku ko makou hoa paaua i ke kipehi ia e na huna wai o ua uka la. Ua paholaia mai no laua na hookipa mahamaha a na kamaaina, ua molia ia mai i ka ihu o ka puaa, a ua hoo iho elike me ka hiki, a koe aku ke koena na na kamaaina. Mahalo i ka Ua Tuahine o Manoa, a nou mau aku keia ilihia.
---
HE OLELO PAPA.
---
Ke hoolaha ia aku nei i na Agena a pau i kuleana e Haawi Palapala Laikini Ae Mare, a me na Luna Hooko Mare a puni ka Paeaina, aole e ae aku i Palapala Mare a aole hoi e Hoomare aku ia George Hueu Sandford, o Honolulu, Oahu, e kekahi wahine a kaikamahine o kekahi ano. He 17 wale no makahiki o keia George Hueu Sandford, aole ana hana kupono e hiki ai ke malama i ka wahine.
O kekahi o na luna laikini a hooko mare i oleloia ae la e kue ana i keia. e hoopii ia no e like me ke kanawai, a e hooko ia no na hana e hoopau wale ai ia mare ana.
D. F. SANDFORD.
Makuakane o G. H. Sandford.
Honolulu, Sept. 2, 1892
sept23t@
---
HOOLAHA PA AUPUNI.
---
E ike auanei na kanaka a pau oia ma ka Pa Aupuni Makili nei kekahi mau lio ame mau pipi hele hewa.
Lio w. eleele keokeo lokihi ma ka lae ua eha ia kekua 1. makapaa hema 2 wawae keokeo hope 1 wawae keokeo mua hemo hao ano e kuni hope hema hao U kuni hope akau hao U kuni hou uha mua akau.
Lio K ulaula 3 wawae keokeo ka lae he wahi keokeo maluna o ke kua hao vvv kuni hope akau hao kuni hua Pake kekahi.
Lio K eleele keokeo ma ke kua hao O kuni hope hema hao U kuni hou hope akau.
Pipi keiki 2 eleele 4 wawae keokeo keokeo maluna o ke ka aoao hope akau keokeo ka huelo aole hao kuni.
Pipi keikei w ulaula keokeo ka huelo aole hao kuni.
Pipi w ulaula aole kiwi keokeo ka opu hao S kuni hope akau aole iku pono keia hao kuoi poahiahia.
O ka mea a mau mea nona keia mau holoholona e pono e kii koke mai o hala na la 15 e kuai kukala akea aku n ua ke hiki aku i ka la 24 o Sepat. M. H. 1892.
D. KAOAO.
sept 13 tf.
---
HE HOOLAHA I KE AKEA.
---
E ike auanei na ano lahui a pau, e noho ana ma ke Aupuni Hawaii, mai na kane, wahine. a me na keiki; i loaa i na ma'i o kela a me keia ano. e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i i loko o ka opu, nu'i ke kino, aki iloko o ka iwi, eha o ke poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana: ua makaukau wau e pulama mai i na komo ana mai mai na Mokupuni mai, me ka eleu a e ka hikiwawe loa, he makamaka a he hoaloha maikai no oukou e na Hawaii.
Owau iho no,
DR. LEONG KENG TONG.
Helu 40, Huina o na alanui Kamika me Ho@@le, Honolulu, Oahu. Aug. 31 1v
---
HOOLAHA HOU
E ALA, E ALA.
B. F. EHLERS & CO--PAINAPA.
HELU 99 Alanui Papu.
E hoolohe hou mai e na MAKAMAKA, ma no a lokoino, e hele mai no oukou e ike la PAINAPA, no ka mea, he kanaka oia i noho a kamaaina i keia kulanakauhale.
AIA MA KONA HALEKUAI NA
Papale o na kamalii mai ka 25c a pii aku,
Kuka " " " $3 " "
Kalakoa ano hou, he 8 i-a no 1 dala.
Na kihei pili laula, " " " " "
Papale Wahine…..
Kinamu Nani 8 Ia…..
Kalakoa Nani 18 Ia…..
E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.
Na Palule $2.50 he $1.50 wale no, a o na Palule $1.50, he $1.00 wale no. Ke ike mai la oukou i ka emi loa ana.
Kupaianaha maoli keia emi naaupo ana e hele koke mai, o nele auane oukou.
B. F. EHLERS & CO
---
Kuai Hoopau!
Kuai Hoopau!
---
Elike me ka mea maa mau
---
I na Makahiki a pau!
MA KAHI O N. S. SACHS,
104 Alanui Papu, Honolulu.
E Hoomaka Ana ma ka Poakahi, Aug. 29,
NO NA PULE POLOLEI HE ELUA NO'
O na Waiwai a pau e haawi ia aku ana
MA KE KUUKAI I HAULE IHO I KE KUMULILO.
He Kuai Kuio: Aole he Apiki ! !
He hookahi no a makou kuai huepau o ka makahiki, a ma ia wa wale no mau e hooemi ai i ka makou mau mea kuai iloko o ka halekuai, aole e like me kekahi mau halkuai o ae, ka hooemi i kekahi no ka hoowalwale ana, a koe no kekahi, he oiaio ka makou, a o ka oiaio wale no.
He Emi me ka Makepono na Mea a pau.
A eia malalo iho nei kekahi o ka makou mau kumu kuai iloko o keia kuai no na pule elua wale no aole oi aku:
20 I-a Kukaenalo no $1.00
12 " " Keokeo hinuhinu "
20 " " Kalakoa paa no "
Na Lole Keokeo maikai, kahakaha
me kikokiko aulii 8 i-a no "
Na Ginamu nani 10 i-a "
10 i-a Huluhulu Canetona "
5 " Satina maikai loa "
Na Alapia Eleele, maikai loa laula, o ke ano maikai, hoemiia he
hookahi i-a no ke 40c
---
Palelii komo o na kane, 5 no $1.00
Na Palule i aiana ole ia, he 50c
Na Lakeke kalakoa o na kamalii
5 no $1.00
Na lole keokeo i hana lauia e na
Wahine, hoemiia no $4.75 o ka lole.
Kaliki o na Wahine, h@@@@@@@ @@c
A@@@@@ @@@@@ " @ @@@@@ 25c
Na @@@@@@@ @@@@@@ like ole o hai.
he @@@ no 1 ka@ini,
Papale hele la o na keiki 25c
Na Kawele ana@ nunui he 25c
---
O na kumukuai maluna ae e hooko aku ana ma kou no @@@@ @@@@@@@
wale no o ka makou kuai hoopau oia hoi no
Elua Pule Wale no.
---: N. S. SACH:---
104 Alanui Papu, Honolulu.