Ka Leo o ka Lahui, Volume II, Number 547, 20 September 1892 — Page 1
This text was transcribed by: | Diane Poche |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II. HONOLULU SEPATEMABA 20, 1892. HELU 547
HE MOOLELO KAILI PUUWAI
---NO---
SENIA LUTERA
Ka Ui Puuwai Mabala
---:O:---
ENELANI KAHIKO.
A I OLE
He Nanea Hooheno
no kekahi Kauna
Wahine Opio me
kana mau Aloha
Ekolu.
(Mai ka peni mai a ka mea kakau o Ava-
reda, a pela aku.)
MOKUNA VIII.
Ke kilo a ka Luahine Kuewa.
Ua hai pu mai no hoi ko @ makuakane ia'u, ma ke kapa o keia muliwai i loaa ai ke kino make o kou luaui makuahine, ka wahine hookahi nana i kaili aku na hoohihihi ana a kona puuwai, mamuli o ka ui o kona maju helehelena, e paa ole ai na manao uilani o ka aoao oolea, a ua lawa hoi ka hiehie o kona mau kaina wawae no ka hoohaule ana i ke ao holookoa, a koe aku no o Petero.
Aka nae e kuu aloha, o ua makuahine nei ou, a o kaua hoi, ua nane mai la oia me na maka o ka hoowahawaha iaia, a me oe pu hoi e ka opuu momi mua o kona mau la hou ole.
Auwe aloha wale oia ke hoomanao ae au i na olelo a kou luani makuakane, a ia kaua no hoi e ku noi ma keia hae muliwai, kahi, a'u i ike mau, ai i kou mau helehelena nani iloko o ka aliali mamai o keia muliwai.
Heaha keia ou e kuu Senia, wahi hou ana, heaha ka mea nana i hookaumaha iho i kou mau helehelena a me ka haalulu ana o kou kino.
Aole wahi ana, e noonoo ae ana hoi au i kuu makuahine aloha ina paha oia pu kekahi me a'u ma keia ola ana, e hooi loa ia aku no auanei ko'u mau hauoli ana, auwe aloha wale oia.
E hoopoina i na mea i hala, a e hoololi ae ko kaua noonoo ana no mea e hiki mai ana.
na ke kino wailua nanai @e ia o kou makuahine o nana mai ia oe mai kela aoao mai o ka muliwai nani.
Hookahi nae a'u mea nui, oia ko'u kiai ana o lilo aku ka mea a kuu puuwai i aloha ai i luahi na ka wai hele uluulu o keia muliwai lokoino, a like aku hoi me ka hopena awahia i kau maluna o ke kino aloha o kou luaui makuahine; aka pehea la e hemahema ai ko'u mau lima punahele i ka mea a kuu puuwai i aloha ai, a i ka mea hoi nana i kaili pau akju no hoohihi ana a nei nui kino.
E lilo no au i ipo makaala maju nou e kuu mea e lia nei o ka po a me ke ao, a e lilo hoi au i hoku pili lani. ka mea nana e kiai nei ka maluhia o ka po, a o ke kiai moe ole hoi o ke kau a me ka hooilo.
E hoolilo ia kaua i hookahi. e kuu aloha @e lilo au i na hunawai o ke aloha ole e hoopa mai ana i kou maawe lapoho ka mea hoi i @a na @i nei.
Aole, aole loa, wahi a Senia, aole he mea nana e hookaawale aku ia'u mai ia oe mai, aole na hunawai o kela muliwai, aole hoi ka mana o kekahi poe kuewa, a aole no hoi ka uhane o ko'u makuahine e hiki e kii mai a kaili ae ia'u mai kau mau puili aloha ana. He la e hiki mai ana a e ike no auanei oe i ka nui o ko'u aloha nou hau mau loa aku ka pana ana o kolu puuwai.
Me keia mau olelo kuu iho la oia i kona kamailio ana, a lilo aku la i na noonoo ana he nui.
Auwe wahi ana, ina paha oe e lohe ana i ka mea oiaio, ia'u kau ipo nei he wahine i lilo mua i ke kanaka kuewa, a me ke ano o ke ola ana o ko'u makuahine, kona lilo ana i ke kane kuewa. O keia lahui ino loa, heaha la ko akua mea i hoonalowale ole aku ai ia lakou mai keia honua aku, keia poe ino nana e uhi nei i keia mea nui eleele maluna o ko'u ola ana keia poe kuewa ino, o pehea la au i naaupo ai e hoolilo i kuu lima me kekahi o lakou.
Aole i pau.
HE MOOLELO
---:NO KE KEIKIALII:---
AWAREDA!
a me
KA UI LEILA
o Noremadi.
(Ka Kakauia no Ka Leo.)
MOKUNA XVI.
Ka ipo mahope o ka meheu e kana
mea i aloha ai.
Oia lana e hoolilo ana i ko lana manao ma na kukai olelo ana hoi mea i hale a me na mea e hiki mai ana, ua pane aku la ka Moi opio. e uhaele laua e holoholo ma kaae one. Ua ku ae ia laua a hele aku la ma ko laua kuikui lima ana.
Ia laua e naue malie nei e hoolohe ana hoi o Leila i ka nehe mai a ke kai i ka pue one. ua pane mai la o Awareda, pehea la kou manao e Leila, ua manao anei oe ua hoopaa ia ko Diana manao, no kou mare me kana kaikamahine Elevira.
Aole o'u mano pela e Awareda ma ko'u hoomaopopo ma ke ano o kana mau olelo me he la, ua hoole ia i kela manao, mai ka la mua o kona lohe ana.
Pehea ua lohe a ua mahui @ anei oe, mai iaia mui, i ke kumu nui o ka makemake ana o Kaberana e mare au me Elevira, aole ma ko'u nona wale aku no kona ano me he la he enemi ino loa o Kaberana nona,a he kumu nui ka mea nana i kokua mai i keia kue @ ona no ka makemake e ua Kaberana nei.
Mawaena o ke maua noho kokolua ana, a iko maua kukehekahe kamailio ana no hoi i kekahi manawa laua hiki aku i kahi e pili i keia mea, e ike no auanei au i ke kahuli ano e, o ka heleheleka o Diana, me he la, he mea huna kele kekahi iloko o kona puuwai, a iek aku la au i kona ano e, alaila hoohuli ae la au i ka'u kamailio ana, no kekahi mea okoa, oiai ua aloha au iaia, a ua like oia me he la o ko'u makuahine ponoi, oia hoi o Kamila, a aole hoi o'u makemake e hoehaeha aku i kona manao.
He pinepine ko'u ike ana i keia ano o Diana, a e hiki no ia'u ke koho aku he mea huna kekahi aia iloko o kona puuwai, a aole no paha e nele ko kaua lohe ana no keia mua aku.
Ae, he wahi mea ano e io no kekahi, i paku'i hou mai ai ka moi opio, nona na aoao i hala loa aku mawaho o ka mea hiki ia;u ke hoomaopopo.
O ka mwa oiaio nae, he mau mea kupanaha wale ne a hoopuikaika i ka noonoo, na mea e pili ana mawaena o Elevira me ke kahunapule Kaberana, e hiki ole ai ke hoomake iho i ka manao ana, ua haule laua elua i ka oha nui.
Aka nae, he manaolana iho ko'u, e loaa mai ana no he wahi u@ki iki o ka malamalama e pili ana no kela ma mea a pau ma keia mua aku, no ka mea ua paa ka olelo, o ka mea i hana a ma ka poopoo, e hoike ia no i ke akea.
Ina he kanaka ino e kaberana, he wahahee, a pela aku, wahi hou a Leila i kamailio mai ai, aole o'u manao e mau ana ka nalo oia mau mea, aka e hiki mai ana he la e ku olohelohe ai oia imua o na maak he nui.
Pololei e kuu aloha, wahi a Awareda, @ ka'u e makemake nei e hoea koke mai la ia la, no ka mea pela auanei e loaa ai ia kaua ka oi aku, a e hoi hou mai ai hoi ke aloha o na kanaka o Noremadi i ko lakou moi.
Aka, e kakali kaua, a o ka hoomanawanui ka laau lapaau no kana e kuu mea aloha, aole no auanei e loihi loa aku na la, a ie ae kana i ka hookoia o keia mea a kana e kamailio nei.
I ka hoea ana mai o na hora o ka po, a hale aku la hoi ia la me kana maju hana; oiai hoi na kukuna palaweka o kea la e hoanau ana i ka ilikai, ua hoomakaukau mai la o Ikopa i ko lakou aina aniani, a haupa iho la lakou i ko waho ia lako.
Aole i pau.
OLELO HOOLAHA.
Ke kauoha aku nei ka mea nona ka inoa maloko nei i ka poe a pau i aie ia ia e oluolu e hookaa mai i ko lakou aie, iloko o hookahi mahina mai keia manawa aku. e pono na hoaloha e hoolohe i keia leo, i lilo ai i mea pono no na aoao elua.
S. AH FAT.
Waikapu, August 31, 1892.
Hoolaha a ka Malama Waiwai.
Ke hoolaha aku nei ka mea nona ka inoa malalo, ua hookohu ia aku oia i Malama Waiwai o na Waiwai a pau o Lydia K. Kamakaia a me Samuela Kamakaia, kana kane, ma kekahi palapala hookohu malama waiwai i hana ia i keia la.
Ke hoolaha ia aku nei ma keia e hookaa koke mai ka poe i aie ma ko'u lima.
Honolulu, Sept. 10, 1892.
Ke hoike aku nei ka mea nona ka inoa malalo nei, o na aie a pau i hoaie ia e Lydia K. Kamakaia a me Samuela Kamakaia kana kane mare, mahope o ka puka ana o ke ia hoolaha, aole no e uku ia me ko'u kakau inoa ole, a ke kauoha pu ia aku nei ka poe he mau aie ko laua ia lakou, e waiho koke mai i ka lakou mau koi ma ka la hope o na mahina a pau.
ABRAHAM FERNANDEZ.
(Aberahama.)
Ma kahi o E. O. Hall & Son.
Malama Waiwai o Lydia K. Kamakaia me Samuela Kamakaia.
Honolulu, Sept. 14, 1892.
Kauka Yong Kam
Pung.
(APANA.)
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia kela a me keia ane
ma'i, mai ko na kane, wahine a me
na keiki liilii. O na ma'i ha-no
ua hiki loa ia ke hoola ia me
ka maalahi. A o na ma'i
e pili ana i ka maka
pau pu ia i ke
ola. Ke ho-
ike ia aku nei.
eia ke ola ia nei, me
ka oluolu pu o kahi au-
hau. Ka poe pilikia hanau
keiki a hele nui paha o ke koko
a pau a lohi paha ka hanau ana, pa
paha o ka waiu, e hele nui mai i o'u nei.
E KIPA mai e ka poe i hooluu
lau ia me an haawina pilihana a ka ma'i,
a na'u oukou e hooluolu aku.
KAUKA YONG KAM PUNG.
Honolulu, Sept. 2, 1891.