Ka Leo o ka Lahui, Volume II, Number 546, 19 September 1892 — Page 4
| This text was transcribed by: | Rosemary Mccune |
| This work is dedicated to: | Kaelene Ahu Rey |
KA LEO O KA LAHUI.
"E Mau ke Ea o ka Aina i ka Pono."
======================
KA LEO.
======
John E. Bush.
Luna Hooponopono a me Puuku
=========================
HONOLULU. SEPTEMBER 19'92
=========================
He Leta Haule.
-
Ahu Wale na mea Huna.
-
He Kamakamailio Malu.
-
HOOHENOIA NO KA LEO O KA LAHUI.
-
Ua hoomaha iho la au no kekahi mau la me ke akenui ana e hoea mai ka manawa e hookoia ai ka maua aelike me kuu hoaloha.
Hala ae la na sekona o ka manawa naue ae la na minute ma kona ala poai a kaohi iho la ke ana hora i kona leo koakoha mai kona hoike ana mai o kou manawa keia e @ hoa e naue ai, oiai, ke hoike mai @ ka manawa ua hiki i kou manawa e naue ai ma kau hana.
Liuliu iho la au ia'u no ka hele ana aku e noii nei i kela nea huna a'u e hookolo nei mahope o ka huelo o ka Oihana Makai a aui ae la au a nana aku la i ka manawa pololei o ka wati, o ka hapalua ia o ka hora 9 o ka po Poaono.
A elike hoi m@ k@ maua i aelike ai, ku ae ia au me ha ka @ a loeloe, a kamoe aku ia au ma kahi a maua i hui mua ai i kinohi, a i ko'u hoea ana aku malaila, ua hoo@hahaia mai ko'u lunaikehala i ka ike ana iho aole ua hoa kakele nei o'u o ke @ulu aumoe.
I kela wa i kuhao mai ai ka ikaika hoohana o ka manaolana, a ulu mai la na manao hoohuoi iloko o ko'u waihona noonoo, e hana mai ana ka paha ua hoa nei i kekahi hana e uhaki ai i ka maua aelike me ia.
Haia ae la he manawa loihi o ko'u @li hoomanawanui ana nona, a ke hele aku nei i kauwahi o ka hapalua po He mea oiaio, ua hoopunipuni e hiki mai au ma ia po.
E hoomanawanui iho e na makamaka a kakahiaka o ka ia apopo, hui hou kaua.
========================
NIHOU KULOKO.
-
Ahaolelo ko keia la, hora 10.
---o---
I ka la apopo e noho ai ka hihia aihue, o James Makuea
---o---
Ua hoole ae o C. W. Akepoka i ka oiaio o na mea i hoike ia he kona kaikuaana e hoi mai ia nei.
---o---
Ua hoopai ia kekahi pake he kanaono m@ ala paa no ka loaa ana aku o ka opiuma malalo o kona malu.
---o---
He eha Moi, a he iwakalua kumamaha Aha Kuhina a Profesa Berger i hookahi ai i ka bana. Loihi no kona noho ana ma Hawaii nei.
---o---
Ma ke Kinau o ka la apopo e hoi aku ai o Miss Magareta Power, no ka noho kumukula haole ana no Makapala Kohala. He haumana oia no ke kula o Kawalehao.
---o---
Ma ka halawai mau i ka Hui Liberala i ka po Poaha aku nei, no ka noonoo ana i ka lakou inoa e pili ana no ka holo alii ana, no na n ho i hoohakahakaia o Oahu nei Apopo e noho hou ai, hora 7:30 P.M. E naue nui ae.
---o---
Heahea la ka mea e lawe ole mai nei o keia poe e like mai nei i ke Kumukanawai, mea ae no o ke Kumukanawai. He loaa iho paha ko ke Kumukanawai pela oukou e holo ai mahope o ka hapa uuku o ka Hale. Ua like me ka puahiohnio na olelo a haki poe.
---o---
Pahea la e kapa nei kekahi poe Lunamakaainana he Karistiano lakou, me ka paa ma ka welelau o ko mau alelo i ka olelo hoopunipuni. He oiaio aia lakou malalo o ke alakai ana a ke keiki o ka hewa ka mea nana i hoopunipuni mua o Ewa. O papa Adamu ma hoi keia e ao ia mainei i ka hoopunipuni.
---o---
Ua nui ka hanoino ia o ka poe e hele nei ma na huina alanui e ha; ai i ka olelo a ka Haku, e kunha a e kuamuamu ana, a me na hana pono ole a pau. Pela no ke keiki a ke Akua i kona hele ana mai iwaena o ko keia ao, a kau ia oia ma ke kea. He la e hiki mai ai @ @i @ nei na poe hana ino nei i ka @ou mea i hana.
---o---
Ua hoike ae o J. Nawahi ma kana haiolelo o ka po Poakolu nei no ka mea e pili ana i ka Aha Kuhina, he wikiwiki loa ka keia mau hana a na hoa o ka Hale Ahaolelo i ke kipaku koke i keia poe kuhina me ka haawi ole ia ka i manea a no lakou e hana ai. He haohao makou ika olelo a keia kanaka i manaoia i ka piha naauao. Aole anei hia i lawa ia Samuela Paka, me kana hookele ana ike Aupuni, ana no hoi i hele ai imua oka lehulehu e ko ke ai e hele ana oia e hoopau ka Aha Kuhina. Aole anei ua pelukua hou oia a ke kakoo nei ika Aha Kuhina.
======================
OLELO HOOLAHA.
-
Ke kauoha aku nei ka mea nona ka inoa maloko nei i ka poe a pau i @ ia ia e oluolu e hookaa mai i ko lakou a@e, iloko o hookahi mahina mai keia manawa aku. E pono na hoaloha ed hoolohe i keia leo, i lilo ai imea pono no na aoao elua.
S. AH FAT.
Waikapu, August 31, 1892.
aug31 1md sept2 1mw
-----------------------------
HOOLAHA PAPA.
--
E ike auanei na mea a pau ma keia, ke hoole aku nei au i ka hookaa ana i na aie a pa o kuu wahine mare, Mrs. Julian Kinney,
a i olelo kekahi aie paa o'u ma ona la oiai ua haalele mai oia ia'u kana kane Mare.
MR. K. W. KINNEY
Hanalei, Kauai, Sept. 7, 1892.
1t-wkly
-----------------------
HE HOOLOAHA I KE AKEA.
-
E ike ananei na ano lahui a pau, e noho ana me ka Aupuni Hawaii, mai na kane, wahine a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino aki iloko o ka iwi, eha o ka poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ai ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawae loa, he makamaka a he hoaloha maikai no oukou a na Hawaii.
Owou iho no,
DR. LEONG KENG TONG.
Helu 40, Huina o na alanui Kamika me Hotele,
Honolulu Oahu. Aug. 31 1y
----------------------------------------
Kauka Yong Kam Pung.
(APANA.)
-
Helu 53, Alanui Maunakea.
Ke Kauka Loea o ka Aina Pua!
-
Ua hiki kehoola ia kela a mekeia ane
ma'i, mai ko na kane, wahine a me
na keiki liilii. O na ma'i ha-no
ua hiki loa ia kehoola ia one
kd maalahi. A o na ma'i
e pili ana i ka maka
pau pu ia ike
ola. Ke ho-
ike ia aku nei
eia ke ola ia nei, me
ka oluolu pu o kahi au-
hau. Ka noe pilikia hanau
keiki a hele nui paha o ke koko
a pau a lolii pana kahanu ana paa
paha o ka wai@,m e hele nui mai i o'u nei.
-
[pointing finger] E KIPA mai ekanoe ihooluu lau ia me na haawina pilihua a ka@
a na'u oukou ehooluolu aku.
KAUKA YONG KAM PUNG.
Honolulu Sept. 2 1891. d3 272-
=============================
[two columns wide]
HOOLAHA @
E ALA, E ALA,
B. F. Ehlers & Co. -PAINAPA
HELU 99 Alanui Papu
E hooloho hou mai o na MAKAMAKA, mai no a lokoino, e hele ma@ mai no oukou e ike ia PAINAPA, no kamea he kanaka oia i noho a @aina i kela kulanakauhale
AIA MA KONA HALEKUAI NA
Papale o na kamalii mai ka 25c a pii aku.
Kuka " " $3 " ".
Kalakoa ano hou, he 8 i-a no 1 dala.
Na kihei pili laula, " " " "
Papale Wahine............................................................................................
Kinamu Nani 8 Ia ........................................................................................ $1.00
Kalakoa Nani 18 Ia ........................................................................................ "1.00
E kuai aku ana MAKOU i ko makou mau waiwai a pau no ke Kumukuai i haule io i ko lakou Kumukuai mua.
Na Palule $2.50 he $1.50 wale no a o na Palule $1.50 he $1.00 wale no. Ke ike mai la oukou i ka emi loa ana.
Kupaianaha maoli keia emi naaupo ana e hele koje mai o nele auane oukou.
B. F. EHLERS & CO
============================================
Kuai Hoopau!
Kuai Hoopau!
-
Elike me ka mea maa mau
@
I na Makahiki a pau!
MA KAHI O
N. S. SACHS,
-
104 Alanui Papu, Honolulu.
E Hoomaka Ana ma ka Poakahi, Aug. 29,
NO NA PULE POLOLEI HE ELUA NO!
O na Waiwai a pau a haawi ia aku ana
MA KE KUMUKAUA I HAULE IHO I KE KUMULILO
He Kuai Kuio! Aole he Apiki! !
Ile hookahi no a makou kuai huepau oka makahiki, a ma ia wa wale no makou e hooemi aii ka makou mau mea kuai iloko o ka halekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, he oiaio ka makou, a o ka oiaio wale no.
@ Emi me ka Makepono na Mea a pu@.
A eia malalo iho nei kekahi o ka makou mau kumu kuai iloko o keia kuai no na pule elua wale no aole oi aku:
=========================================================================================================
20 I-a Kukaenalo no $1.00 Paleili komo o na kane, 5 no $1.00
12 " Keokeo hinuhinu " Na Palulu i aiana ole ia, he 50c
20 " Kalakoa paa no " Na Lakeke kalakoa o na kamalii 5 no $1.00
Na Lolo Keokeo maikai, kahakaha Na lole keokeo i huna lauia @ na Wahine, hoe@iia
me kikokiko aulii 8 i-a no " no $4.75 o ka l@la.
Na Ginamu nana 10 i-a " Kaliki ona Wahine, hoo@ia @0c
10 i-a Huluhulu Canetona " Aikala lilina " 3 no ka @c
5 " Satina maikai loa " Na hainaka hoolou like ole o hai,
Na Alapia Eleele, maikai loa laula, He 60c no 1 kakini.
o ke ano maikai, Papale hele la o na keiki 25c
hoemiia he hookahi i a no ke 40c Na Kawele auau nu@ni he 25c
-----------------------------------------------------------------------------------------------------------------------------------------------------------------------------------------
O @ kumukuai maluna ae e hooko aku ana makou no keia manawa wale no o ka makou kuai hoopau, oia hoi no
Elua Pule Wale no
---: N. S. SACHS:---
104 Alanui Papu, Honolulu.