Ka Leo o ka Lahui, Volume II, Number 546, 19 September 1892 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.                      HONOLULU SEPATEMABA 19, 1892.           Helu 546

 

HE MOOLELO KAILI PUUWAI

----NO----

SENIA LUTERA

Ka Ui Puuwai Mabala

----:O:----

ENELANI KAHIKO.

A I OLE

   He Nanea Hooheno no kekahi Kauna Wahine Opio me kana mau Aloha Ekolu.

(Mai ka peni mai a ka mea kakau o Avareda, a pela aku.

MOKUNA VIII.

Ke Kilo a ka Luahine Kuewa.

  He makemake au e lohe ia ae e kuu ipo e kahea mai ia’u, na kuu inoa oiaio, mamua o kou hai ana aku no ka poli o kou mau makua.

   Aole hoi paha i loaa ia’u kou inoa pehea la au e kapa aku ai ia oe?

   E kapa mai ia’u ma ka inoa o Laionela, e kuu aloha, o Laionela Mavila oia kuu inoa.

   A o oe hoi e kuu nani owai hoi kou inoa?

   O Senia Lutera, wahi a ka ui opio me ka malie.

   Na keia mau olelo a ke kaikamahine opio i hoohikilelo ae i kona hoa a pane mai la me ke ano kahaha penei.

   Owai, o Senia Lutera ke kiakamahine a ka Haku Lutera o ke kakela nani, kaikamahine hoi a kuu hoaloha maikai ka Haku Lutera.

   Ae o Haku Lutera ko’u makua kane i pane mai ai me ke ano hoopopo ole iho.

   Pane hou aku la o Laionela, aole anei i lohe i kou makuakane e hoopuka ana i kou inoa i kekahi manawa a olua e kuka olelo ana wahi a Laionela i ninau aku ai.

   He hoaloha oiaio oia no’u a ke manaolana nei no au aole e nele kona hoomanao ana ia’u i kekahi o kona mau healoha oiaio loa, me he la ua mahui iki au wahi a ke kaikamahine.

   Hookahi a’u mea e makau nei wahi a Senia o kona komo mua ia aku e kekahi poe manao ino e pekapeka i ko kaua noho loihi loa ma keia wahi, nolaila, he mea pono paha, e hookuu keia mau launa ana a a kaua, a no kahi manawa okoa aku, alaila huai pau hou kaua i na koii koi a ko kaua mau puuwai.

   O Laionela Mavlla io no ka ka’u i ike ai maloko o kela anoeuhan@ poina ole alu, a ke hooinio ia ma nei ia mau aeoa hoopahaohao a pau i hoike ia mai ai ia’u e ka po.

   Aole ona loa a’u i ike ai, aole he wahi lihi laui a mai o Haperi, ke kuewa ma kona ano a pau, @hie ke ia mau olelo e uluka ana iloke ana ua puiwa ae la oia mamuli a ka pae ana mai o ka leo o kane eha koni:

   Heaha hoi keia au, i olelo mai nei hoi ee, e hoi ana oe o haohau mai ka ko hale poe ia oe, eia nae oe ma ka’u nana aku, iloko o na wiliau ana a kekahi manao ano nui me he la e alakai ia ana kou mau noonoo e kekahi mau mea i hana a i hoike ia aku paha ia oe, i kou mau la opiopio.

   Aole e noonoo wale ae ana no hoi au i ke kakahiaka o’u i hoopakele ia mai ai e kuu makuakane mai loko mai o ka ululaau mailoko mai o ka lima o keia poe ino he kuewa.

   Aole paha au me oe i keia manauawa, i na i lanakila ua poe ino nei maluno a kuu paua aloha, a ke hoomau mai nei no lakou ma ko’u mau kapuai ma o kela luahine hoo punipuni la.

   Ua hoike mai kuu hoaloha Lutera ia’u no na mea a pau e pili ana ia oe e kuu aloha, wahi a Laionela, a ua hai no hoi oia ia’u i na haua lokoino a kou luaui makuahine maluna o kou kino palupalu.

   A ua hai pu mai no hoi oia ia’u i kou nalowale honua ana mai iaia aku.  Ua hooikaika oia i wahi nona e ike hou ai ia oe, a o ka hopena oia mau hooikaika ana ua loaa aku la oe maloko o ka ululaau i’oko o ka ehaeha malalo o ka malu o na mooniho awa elua e aneane ana e lanakila maluna o kou kino hala ole e kuu aloha.

 

HE MOOLELO

-------:NO KE KEIKIALII:------

AWAREDA!

a me

KA UI LEILA

o Noiemadi

(Kekauie ue no Ka Loa.)

MOKUNA XVI

Ka ipo mahope o ka meheu o kana mea i aioha ai.

   Ia lakou e an hele nei i ka moana kai uli kai hohonu, aole i loaa wahi moku iki ia lakou, aole no hoi he mau poino, no ka mea, ua lai ka moana, elike me ka lana ana o ka wai o kekahi muliwai.

   I ka hala ana aku o ua kiu, ua hoi hou aku la o Awareda no kahi a na wahine e kakali mai ana iaia, a wahi aua i pane aku ai ia Leila:

   Akahi no a maikai iho la ko’u noonoo e kakali aku kakou i ka hopan@o ka huakai a ko’u mau kanaka kiu.

   Ina hoi e hoi mai lakou a ne maikai na hana o ke aupuni, loaa la kahi manaolana no kakou, a ina aole alaila iluna no pana kakou, a keia wahi e noho mehameha ai kakou.

   Malia paha e iawe mai ana lakou he nuhou, e hoike mai ana no ko’u noho hou ole ilunao ka noho mei.

   Heaha no ka hewa, he mea ole na mea a pau o keia ao, ina aole ou e kuu Leila ma kuu aoao.

   Ina aole oe e papahi pu me a’u i na hanohano o keia ao e kuu mea nui.

   Pehea la e hiki ai ia’u, i ka moa i haaleie aku i ua paepae ihikapu o Noremadi, a hoolilo mai la hoi au i ko’u ala no ka imi ana ia oe i ka mea a kuo puu wai i aloha ai.

   Ke ole oe me a’u, ua like ke kookoo alii me kekani paona kepau ke koikoi iloko o ko’u lima, a o ke kalaunu hoi aole ia e hoomaha oluolu iho maluna o ko’u poo.

   Ina aole au e noho hou i ka noho moi o Noremadi nei me kuu Leila, alaila e imi no au i wahi no’u a me oe, e hono pu ai ma kekahi aina okoa aku.

   E kuu Awareda maikai wahi a ke kaikamahine opio, me ka nana hoomau ana aku iloko o na helehelena hooni puuwai o kona hoa.

   Aole au e nanei aku ana e kumakaia oe i na pono a pau o keia oia ana no’u, no kahi mea haahaa loa a ke Akua i hana mai ai.

   Aole no hoi o’u makemake e hehi aku maluna o kou kapu alii, a hoole aku i kau uiau olelo i hoopuka mai noi.

   No’u iho nae, ua oi aka ko’u hauoli ina au e noho hookahi, ‘a kaili ia aku oe mai a’u aku, no ka noho ana maluna o kou n@no moi, no ka mea, aole he hauoli o ko’u naau ka kie ana aku ia oe i ka moi o Noremadi nei e hoohaahaa ia ana mai na pono mai o keia ao, ua oi aku ka ehaeha o kuu naau ka ike aku ia oe e noho mai ana me a’u, a me kou hoina ia mai hoi e ke ao holookoa.

   Hamau e auu aloha, wahi a ka moi opio i paae mai ai, iaia i hapai ae ai i ke poo o Leila a kaamainaa o kou umauma.

    He mau huolala ana keia a’u uo kou mau hauoli, a mai kainuilio hou mai ia’u no ka noho moi, ka hanohano, ke kalaunu, ke aupuni, a pela aku.

   Ina au e hoom@nao ae no na mea i hala, e ho-a koke ia mai no ka wela o ke aloha, ioko o’u no na kana i hanaia aku ai maluna o kou @uri palupalu.

   Ke mau olelo keia no kou keino ana iloko o ka hauoli, a me a’u pu no hui.

   Ke hoomaopopo mai ia no anei oe i ke ano o ka’u mau olelo e Leala?

   Ua akaka aku ia ia’u kou mau manao a pau, o kuu Awareda maikai, a ua pina ae la oia i ka hauoli.

   Oiai laua e hoolilo ana i ko laua manawa ma na kukai olelo ana no na mea i hala a me na mea hoi e hiki mai ana, ua pane aku la ka moi opio, e uhaele laua e holoholo wa ka ae one.

                                                           Aole i pau.

 

HOOLAHA PA AUPUNI.

   E ike auanei, nakanaka a pau eia ma ka Pa Aupuni o Makiki nei kekahi Pipi hele hewa me hookahi Pipi keiki (k) kea, eleele keokeo lokihi ma ke kua, eha wawae keokeo, keokeo ke poo aole hao kuni.

   Lio (w) hulupala ulaula ehu wawae keokeo, keokeo ka lae, hao kuni ano e, kuni hope hema, ke ano o keia bao kuni huikau.  O ka mea a mau mea nona keia mau holoholona e pono e kii koke mai, o hala na la he 15 e kuai kudala akea ia aku ke hiki aku i ka la 17 o Sept. 1892.

                 D. KAOAO, Luna Pa Aupuni.

                 Honolulu Sept 6, 1892

 

HE OLELO PAPA.

   Ke hoolaha ia aku nei i na Agena a pau i kuleana e’ Haawi Palapala Laikini Ae Mare, a me na Luna Hooko Mare-a puni ka Paeaina, aole e ae aku i Palapala Mare a aole hoi e Hoomare aku ia George Hueu Sandford, o Honolulu, Oahu, mo kekahi, wahine a kaikamahine a kekahi ano:  He 17 wale no makahiki o keia George Hueu Sandford, aole aoa hana kupuno e hiki ai ke malama i ka wahine.

   O kekahi o ua luna laikini a hooko mare i oleloia ae la o kue ana i keia, e hoonii ia no e like me ka kanawai, a e hooku ia no ua hana e hoopau wale ai ia mare ai.

                                     D. F. SANDFORD.

Makuakane o G. H. Sandford.

Honolulu, Sept. 2, 1892.

sep12 3@s.

 

Hoolaha a ka Malama Waiwai.

   Ke hoolaha aku nei ka me@@@@@na ka inoa malalo, na hookohu ia aku oia i Malama Waiwai o na Waiwai o nau o Lydia K. Kamakaia a me Samuela Kawakaia, kana kane, ma kekahi palapala hookohu malama waiwai i hana ia i keia la.  Ke hoolaha ia aku nei ma keia e hookaa koke mai ka poe i aio ma ko’u lima.

              Honolulu, Sept. 10, 1892.

               sept14   lui.

 

   Ke hoike aku nei ka mea nona ka inoa malalo nei, o na aie a pau i hoaie i@ e Lydia K. Kamakaia a me Samuela Kamakaia kana kane mare, mahope o ka ouka ana o keia hoolaha, aole no e uku ia me ko’u kakau inoa ole, a ke kanoha pu ia aku nei ka poe he mau aie ko lana ia lakou, e waiho koke mai i ka lakou mau koi ma ka la hope o na wahina a pau.

                              AB@AHAM FERNANDI@.

                                    (Aberahama.)

   Ma kahi o K. O. Hall & Son.  Malama Waiwai o Lydia K. Kamakaia me Samuela Kamakaia.

     Honolulu, Sept. 14, 1892.

     sept15     1m.