Ka Leo o ka Lahui, Volume II, Number 544, 15 Kepakemapa 1892 — Page 2

KA LEO O KA LAHUI.

"E Mau ke Ea o ka Aina i ka Pono."

 

 

MA  KE  KAUOHA

____________

 

HOOLAHA KOHO BALOTA.

____________

 

Keena Kalaiaina

Honolulu, Sept. 12, 1892

 

          I kulike ai me ke Kanawai Koho Balota o ke Aupuni, ke hoikeia aku nei ma keia, he Koho Balota Kuikawa no ke koho “Lii no ka manawa i pau ole o eono makahiki, e malamaia aua ma ka Mokupuni o Oahu, mawaena o na hora 8 a.m. me 5 p.m. o ka POALUA, la  4 o OKATOBA, 1892, no ka hoopiha ana i ka makalua o na noho i hoohakahakaia mamuli o ka pau ana o na Mea Mahaloia, Hon. Paulo Numana a me E. C. Makapolena.

          O na Apana Koho Balota, na Mahele Koho, na Wahi Koho me na Luna Nana Kohe Balota, eia malalo iho nei:

 

APANA EKAHI, HONOLULU.

 

          O kela wahi a pau o ka Apana Hookolokolo a Auhau o Honolulu, a i ole o Kona paha, e waiho ana ma ka hikinahema o ka laina mai ka piko a oioina paha o ka lalani mauna o Konahuanui, maluna o ka lapa o ke kualapa e hookaawale ana i na Awawa o Manoa a me Makiki  mai na Awawa mai o Nuuanu me Pauoa, a mawaena aku o ka ha lua a kipoho paha o ka puu i kapaia o Puowaina (Punchbowl), a hiki i ka pahu hae ma kahi kipu aloha kahike malaila pololei aku a ka huina o na alanui Kinau me Alapai, mawaena o ke alanui Alapai a hiki i ke alanui Moi, mawaena aku o ke alanui Moi a hiki i ke alanui Hema, mawaena eku o ke alanui Hema a hiki i ke kai.

          Mahele Ekahi – O kela wahi a pau o ka Apana i oleloia ae nei e waiho ana ma ka hikina o ke alanui Punahou, me ka laina i kahaia e kaupale ana, mauka a makai.

          Wahi Koho – Hale Kanu Pua o ke Aupuni, ma ka hui ana o na alanui Moi me Waikiki.

          Na Luna Nana --  E. I. S.  Spalding, J. H. Wodehouse, Jr., S. Hookano.

          Hookohu Kuikawaia no ka La Koho Balota --  J. A. Gilman, Arthur Brown.

          Mahele Elua – O kela wahi a pau o ka Apana i oleloia ae nei e waiho ana ma ke komohana o ke alanui Punahou, ma ka laina i kahaio ma ia palena.

          Wahi Koho – Kula Alanui Beritania.

          Na Luna Nana – J. A. Magoon, H. S. Tregloan, G. W. R. King.

          Hookohu Kuikawaia no ka La Koho Balota – J. S. Lovejoy, S. K. Kamaka.

 

APANA ELUA, HONOLULU

 

          O kela wahi a pau o Honolulu @oleloia, a i ole o Kona paha, ma ka akau o ka Apana Ekahi, maloko o ka laina i kahaia mai ka pahu hae ma kahi kipu aloha kahiko iluna o Puowaina (Punchbowl) a ka huina o na alanui Kula me Ema, mawaena pololei aku o ke alanui Kula a hiki i ke alanui Papu, mawaena pololei o ke alanui Papu a hiki i ke alanui Beritania, mawaena o ke alanui Beritania a hiki i ke kahawai Nuuanu ma ka Uwapo o Kamika, alaila mawaena o ua kahawai la i oleloia ae nei a hiki i ke alanui Kula, mawaena aku o ke alanui Kula a hiki i ke alanui Liliha, mawaena aku o ke alanui Liliha a hiki i ke alanui Kauka, maluna pololei o ke alanui Kauka a hiki i ka lapa o ke kualapa ma ke Komohana akau o ke Awawa o Nuuanu, alaila maluna o ka lapa o ke kualapa i oleloia ae nei a hiki i ka piko i kapaia o Lanihuli ma ka lalani mamua o Konahuanui.

          Mahele Ekahi – O kela wahi a pau o ka apana i oleloia ae nei e waiho ana mauka o na alanui Kula me Kauka, ma ka hikina hoi o ke alanui Nuuanu.

          Wahi Koho – Ma ke komo ana o ka pa kiowai e ka piina o Maemae ma ka Nuuanu Avenue.

          Na Luna Nana – Jas. G. Spencer, J. O. Carter, Jr., G. W. Kanoelehua.

          Hookohu kuikawaia no ka La Koho Balota – A. @ McIntyre, Jas. W. @field.

          Mahele Elua – O kela wahi a pau o ka apana e oleloia nei e waiho ana makai o na alanui Kauka me Kuia, ma ke komohana o na alanui Nuuanu me Papu.

          Wahi Koho – Halekula o Kauluwela, ma ka aoao ma Ewa o ka Uwapo o ke alanui Kula, maluna o ke kahawai Nuuanu.

          Na Luna Nana --  Hugh Gunn, Jack Ai@au, Geo. W. Nawaakoa.

          Hookohu kuikawaia no ka La Koho Balota – Wm. Keawe, C. H. White.

 

APANA KAOLU, HONOLULU.

 

          O kela wahi a pau o Honolulu i oleloia, a o Kona paha, e waiho pili ana me na Apana Ekahi me Elua, a maloko hoi o kekahi laina e moe ana mai ke kihi o na alanui Papu me Beritania, mawaena pololei aku o ke alanui Beritania a hiki i ke alanui Rikeke, mawaena aku o ke alanui Rikeke a hiki i ke kai, a i kaupale ia makai e ke kai.

          Mahele Ekahi – O kela wahi a pau o ka Apana i oleloia ae nei e waiho ana mauka o ke alanui Beritania.

          Wahi Koko – Halekula o Kahehuna.

          Na Luna Nana – W . C. Sproull, J. M. Camara, Jr., Jos. Kalana.

          Hookohu Kuikawaia no ka La Koho Balota – J. W. Naukana, S. Anapu.

          Mahele Elua – O na wahi a pau o ka Apana e oleloia nei e waiho ana makai o ke alanui Beritania.

          Wahi Koho – Kapuaiwa Hale.

          Na Luna Nana – T. C. Porter, H. Amitage, Kemiha, Kuhia.

          Hookohu Kuikawaia no ka La Koho Balota – L. L. LLapierre, J. Paakaula.

 

APANA EHA, HONOLULU.

 

          O kela wahi a pau o Honolulu i oleloia, a i ole o Kona paha, e waiho ana ma ke komohana o na Apana Elua me Ekolu, a maloko hoi o kekahi laina e moe ana mai ke hiki o na alanui Kula me Liliha, mawaena konu o ke alanui Liliha a hiki i ke alanui Moi, mawaena aku o ke alanui Moi a hiki i ka Uwapo e mae ana maluna o ke kahawai Nuuanu a i kaupaleia makai e ke kai.

          Mahele Ekahi – O na wahi a pau o ka Apana e oleloia nei e waiho ana ma ke komohana o ke alanui Nuuanu.

          Wahi Koho – Hale Kaawai Pake.

          Na Luna Nana – D. B. Smith, H. J. Gallagher, J@ Holt.

          Mahele Elua – O na wahi a paa o ka Apana i oleloia e waiho ana ma ka hiki na o ke alanui Nuuanu.

          Wahi Koho – Towera Bele o ka Oihana Kinai Ahi o Honolulu.

          Na Luna Nana – Henry Smith, S. M. Graham, Geo. N. Shaw.

          Hookohu Kuikawaia no ka La Koho Balota – C. E. Williams, M. D. Monssarrat.

 

APANA E@, HONOLULU.

 

          O kela wahi a pau @oe iho o Honolulu a i ole o Kona paha, e waiho ana ma ka akau me komohana o na Apana Elua me Eha.

          Mahele Ekahi – O na wahi a pau o na apana la e waiho ana ma ka hikina o ke alanui nui e pii ana i ke Awawa o Kalihi ma ka aoao mauka o ke alanui Moi.

          Wahi Koho – Hale o ka Hui Kaa Hapaumi Hawaii, ma ke kihi o ke Kahua o ke Kuia Kamehameha.

          Na Luna Nana – Marcus. R. Colburn, L. J. Nahora, Hipa, J. V. Simonson.

          Hookohu Kuikawaia no ka La Koho Balota – N. Fernandez, J. A. Victor.

          Mahele Elua – O kela wahi a pau o ka Apana e oleloia nei e waiho ana ma ka komohana o ke alanui e pii ai i ke Awawa o Kalihi ma ka aoao makai o ke alanui Moi.

          Wahi Koho – Ma ka pa Halekula a Keoneula.

          Na Luna Nana – W. L. Wilcox, Wm. Auld, Henry Kaia.

          Hookohu Kuikawaia no ka La Koho Balota – Chas. B. Dwight, Keoni Waiamau.

 

APANA EONO, KOOLAU.

 

          E huipu ana i ka Apana Hookolokolo a Auhau o Koolaupoko.

          Wahi Koho – Hale Hookolokolo o Kaneohe.

          Na Luna Nana – Henry Cobb Adams, D. J. Watson, Kimo. Olds.

          Hookohu Kuikawaia no ka La Koho Balota – Sam. Gandall, J. H. Barenaba.

 

APANA EHIKU, WAIALUA.

 

          E huipu ana i ka Apana Hookolokolo a Auhau o Koolaulea me Waialua.

          Mahele Ekahi – Waialua.

          Wahi Koho – Hale Hookolokolo o Waialua.

          Na Luna Nana – Frank. Halstead, J. F. Anderson, E. S. Timoteo.

          Hookohu Kuikawaia no ka La Koho Balota – S. K. Mahoe, J. Kaiaikakawaha.

          Mahele Elua – Koolauloa.

          Wahi Koho – Hookolokolo o Koolauloa.

          Na Luna Nana – Kimo. Donnelly, Keoni. Kaluhi, Iokepa Kaaunui.

          Hookohu Kuikawaia no ka La Koho Balota – W. C. @ane, Paukialani.

 

APANA EWALI, EWA.

 

          E huipuia ana i ka Apana Hookolokolo a Auhau o Ewa me Waianae.

          Mahele Ekahi – Ewa.

          Wahi Koho – Hale Hookolokolo o Ewa

          Na Luna Nana – J. W. Smith, B. Starr K@pu, D. Malo.

          Hookohu Kuikawaia no ka La Koho Balota – A. B. Lindsay, Victor Kapule.

          Mahele Elua – Waianae.

          Wahi Koho  -- Hale Hookolokolo o Waianae.

          Na Luna Nana – J. F. Scott, J. K. Kekahuna, Jas. R. Holt, Jr.

          Hookohu Kuikawaia no ka La Koho Balota – Keau, Samuel Andrews.

 

C. T. KULIKA,

Kuhina Kalaiaina

                                                                                                  Sepatemaba 15.                                        5t dly.

____________

 

HE  $20  MAKANA.

____________

 

          E haawiia no ka uku makana i ka mea a mau mea paha e hele ae ana e hoike imua o ka Papa Alanui i ka mea a mau mea paha nana i lawe ka ipu-kukui i kau ia ma kahi i hanaia o ke alanui Moi kokoke i ke alanui Alapai i ka po o ka Poalua nei, Augate 16.  E hoomauia aku no ia uku makana pela, i na hana kolohe a pau ole ano e ulu mai ana ma keia mua aku, na na wahi a pau o ke alanui e hana ia wahi a pau o ke alanui e hana ia ana. 

 

Ma Kauoha.

                                                                                        Honolulu  Augate 17, 1892                                         aug18 2wksd.

____________

 

KA  LEO  O  KA  LAHUI.

____________

 

J N O.   E.   B U S  H.

Lunahooponopono a me Puuku.

____________

 

POAHA, SEPATEMABA 15, ‘92

____________

 

KA  AHAOLELO.

____________

 

          I ka noho ana o ka Ahaolelo inehinei, na lawe hou ia mai la kekahi olelo hikinai ole i ka Aha Kuhina.  He oiaio, he mau kanaka maikai no ka poe i hoonoho ia mai e ka Moiwahine i poe Kuhina, aka e like me ka loina i hana ia malalo o ke Kanawai a ma na aina e, ua kupono ole maoli no ka onou hou ia ana mai o elua Kuhina i hoopau koke ia aku nei mamua e noho hou iloko o ka Aha Kuhina.  Ina paha, ua like ole, a ua hoike ia mai ma ka aoao o ka Aha Kuhina i pau, ua oi ae kekahi mamua o kekahi, a i ole hoi, ua mahae ia ua Aha Kuhina  la ma kekahi kumuhana pili aupuni, e aho la hoi ia.  Aole nae me ia.  Ua hookahi na kumu o ka lakou hoopau ia ana, a nolaila, ina e hoi hou ana kekahi o lakou ia pono no e hoihoi hou ia mai a pau loa.

          Eia ka poe i manaoia e koho ana e hoopau i ka Aha Kuhina hou:

          J. A. Cummins, J. Kauhane, J. M. Horner, J. G. Hoapili, J. Marsden, Alex Young, H. P. Baldwin, W. Y. Horner, R. D. Walbridge, Jas. Anderson, L. A. Thurston, G. N. Wilcox, P. P. Kanoa, W. C. Wilder, J. W. Bipikane, C. W. Ashford, S. K. Aki, A. Kauhi, R. W. Wilcox, J. @ Bush, J. Nawahi, J. Kaluna, J. K. Iosepa, J. A. Akina, W. O. Smith, A. S. Wilcox, J. Ena.

I na e kupaa keia poe ma keia koo ana, alaila ua haule ka Aha Kuhina.

____________

 

H.  A.  WILIMANA.

____________

 

          Mamaho ae o ua manao pili kalai aina, aole a makou hoine a olelo no keia makua o kakou, i kupa a i kawowo iloko o ka aina.  He kanaka kuonoono, he hoonono, a he manao aloha io no hoi i ka Hawaii.  Ua