Ka Leo o ka Lahui, Volume II, Number 540, 9 Kepakemapa 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

John E. Bush.

Luna Hooponoponno a me Puuku.

 

HONOLULU, SEPTEMBER 9, ’92.

 

HE LETA HAULE.

 

Ahu Wale na mea Huna.

 

He Kamakamailio Malu.

 

Hoohenoia no ka leo o ka lahui.

 

            I ko‘u wa i makaukau ai no ka hele ana e ikemaka i ka mea nana e lawe ae ana i ka olelo hooholo hilinai ole i ka Aha Kuhina, elike me na lono i loaa mai ai ia’u i kakahiaka.

            Aka, mamua o ka puka ana aku o ko’u pauku kino iwaho, aia hoi, ua kauoha ia mai la au e ko’u hoa hana e holo no ka Iahamauleo, aia Ewa la ua haunaele i ka Moae.  O keia leo kauoha i loaa mai la ia’u, ua hooko kokeia ia me ka awiwi, aia ka pono o ke kau i ke kaa ahi oia auina la.

            Ua hui ae la au me kuu kokoolua o ka Oihana Makai Kiu maluna o ka oneki o ke kaaahi, a me na helehelena hauoli, ua hoolaia iho la maua i ka maua hana, e hanu ai no keia kahua hou, a i ka hiki ana o maua i Waiau, ua lele iho la ko’u kokoolua, a koe hookahi aku la au no ka holo loa ana i Honouliuli, kahi a’u i manao ai e loaa ana he mau lono makamaka hou no ka opiuma.

            He hapalua hora wale no ka loihi o ko’u manawa ma ka mahiko o Honouliuli, a iloko hoi oia manawa ua lawelaweia na hana me ka holo pono, a haalele aku la ia laila no ka huli hoi ana mai i ke taona nei, a aia no hoi ke hakukoi la ka iini iloko o kuu puuwai, no ka lohe ana pehea la na mea hou ano nui o ka Ahaolelo ma ia auina la, ua hana io ia paha kela olelo hooholo a’u i mahui ai.

            I ka hiki ana i ka hale hoolulu o Manana, ua hoikia mai la ia’u ka lohe, aia he hakoko nui ana no kela mea a’u i upu mua ai iloko o ka Hale Ahaolelo, a aole mea i maopopo o ka aoao e lanikila ana.

            No ko’u ake nui lea e lohe i ka aoao e lanakila ana, nolaila, ua lele mau au ma na wahi hoolulu kaaahi he mau uwea telepona malaila, a o na pane i loaa mai, aia ka Ahaolelo ke paio la me ka ikaika no ka pono o ka Aha Kuhina a me ka ole.

            I ka noenoe liula ana iho, loaa mai la ia’u ka lono he Ahaolelo ko keia ahiahi, ua miki e aku la au i Aliiolani Hale i loaa kahi e noho ai iloko o ka Hale Ahaolelo.

            Aka, i ko’u hiki ana aku ilaila, ua piha pu o loko o ka Hale i na hua nene, nolaila, ua ku iho la no au ma ka puka Waikiki o ka Hale Ahaolelo, me ka hele a piha-hookeke i na makaikai.

            Ma ia wahi au kahi i kali ai no ke ake e ikemaka i ka hopena o keia hana a hiki i ka wa i koho ai o na aoao elua.  I ka wa i ike ia ai, ua ao loa ka poe kipaku i ua Kuhina mamua o ka poe aua, ua ikeaku la au i ka Loio Kuhina i ke ku ana ae iluna, a lelele hele aku la oia a komo iloko o ke Keena Kalaiaina, a o ke Kuhina Kalaiaina hoi, eia oia ke milimili nei he wahi laau, me he mea la, he wahi kookoo paha la; a o ke Kuhina Waiwai, e paa ana oia he papale laulau nui ma kona lima, me he mea la, o ka papale nui o Pahua.

            I keia wa i haalele aku ai au i ka huikau o ka Ahaolelo, iloko o na kamakamailio  ana no keia hana.

            Ia’u i hiki aku ai ma ke kihi o ke alanui Betela, ike akula au i kekahi mea keokeo e waiho ana iwainakonu o ke alanui, ua hoopuiwa ia ko’u noonoo, oiai au e nanea ana i ka hele.

            Awiwi aku la au me na kapuai mama, a hiki i kuu lalau ana iho i ua puolo la i wahi ia owaho me kekahi hainaka silika, paa hele aku la au i ua puolo la ma kuu lima, a hiki i kuu keena moe, a ho’a ae la i ke kukui, lalau iho la au a wehe ae la au i ka puolo owaho.

            Ua ike iho la au he wa-hi leta loihi o ke ano oihana aupuni, aole i hoopaaia, a e kau ana ka inoa mawaho penei:

            Capt. R. W. P------

                        Honolulu

            Wehe ae la au ia loko, ike iho la au i ke poo o luna loa, i kakauia me keia mau huaolelo:

            Keena Ilamuku, August 30, 1892

                        R. W. P-----

            Me ka hilinai ana aku i kou kiekie, ke waiho aku nei au i kekahi hana nui iloko o kou lima, a nau e hooko aku ma ke ano he Komisina no ka Oihana Makai o Honolulu, a e hana aku oe i ua hana la me ka mana piha mai keia la aku.

            Oia hoi, e kono koke aku oe i ka Puali Makai e hana koke ia kekahi palapala hoopii e nonoi ana i ka Moiwahine e aua iho i ke kanaka, mai ka ae ana aku i kela olelo hooholo lapupwale a ka Lunamakaainana o ka Apana Elima, e wiki, e komo koke aku e ike i ke Alii.

            Kou oiaio.

                        Aole i pau.

 

OLELO HOOLAHA.

 

            Ke kauoha aku nei ka mea nona ka inoa maloko nei i ka poe a pau i aie ia ia, e oluolu e hookaa mai i ko lakou aie, iloko o hookahi mahina mai keia manawa aku.  E pono na hoaloha e hoolohe i keia leo, i lilo ai i mea pono no na aoao elua.

                        S. Ah Fat.

            Waikapu, August 31, 1892.

            aug31 1md sept 2 1mw.

 

HE HOOLAHA I KE AKEA.

 

            E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma’i o kela a me keia ano, e nane mai i ko’u Keena hana, a na’u e hoopau aku i na ehaeha a ka ma’i maluna o oukou e na makamaka, he hiki ia’u ke lapaau i na ano ma’i a pau, ma’i iloko o ka opu, hu’i ke kino, aki ikolo o ka iwi, eha o ke poo, ma’iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka leu a me ka hikiwawe loa, he makamaka a he hoaloha maikai no oukou e na Hawaii.

                                    Owau iho no,

                        Dr. LEONG KENG TONG.

            Helu 40, Huina o na alanui Kamika me Hotele, Honolulu, Oahu.  Aug 31.  1v

 

HOOLAHA PAPA.

 

            E ike auanei na mea a pau ma keia, ke hoole aku nei au i ka hookaa ana i na aie a pau o kuu wahine mare, Mrs. Juhan Kinney, a i ole o kekahi aie paha o’u ma ona la oiai ua haalele mai oia ia’u kana kane Mare.

                        Mr. K. W. Kinney.

            Hanalei, Kauai, Sept 7, 1892.

            1t-wkly*.

 

KAUKA YONG KAM PUNG.

APANA.

Helu 58, Alanui Maunakea.

 

Ke Kauka Loea o ka Aina Pua!

 

Ua hiki ke hoola ia kela a me keia ano

ma’i, mai ko na kane, wahine a me

na keiki liilii.  O na ma’i ha-no

ua laki loa ia ke hoola ia me

ka maalahi.  A o na ma’i

e pili ana i ka maka

pau pu ia i ke

ola Kehoike

ia aku nei,

eia ke ola ia nei, me

ka oluolu pu o kahi au-

hau.  Ka poe pilikia hanau

keiki a @ele nui paha o ke koko

a paa a lohi paha ka hanau ana, @

paha o ka waiu, e hele nui mai i o’a @

E KIPA mai e ka poe i hoolu

loa ia me na haawina pilihua a ka ma’i

a na’u oukou e hooluolu aku.

KAUKA YONG KAM PUNG.

Honolulu Sept. 3, 1891.                      d3 272—

 

HOOLAHA HOU!

E ALA,    E ALA.

 

B. F. Ehlers & Co—Painapa.

HELU 99 Alanui Papu.

E Hoolohe hou mai e na MAKAMAKA, mai no a lokoino., e hele mau

mai no oukou e ike ia PAINAPA, no ka mea, he kanaka oia i noho

a kamaaina i keia kulanakauhale.

AIA MA KONA HALEKUAINA

            Papale o na kamalii mai ka 25c a pii aku.

            Kuka “             “          “          $3        “          “

            Kalakoa ano hou, he 8 i-a no 1 dala.

            Na kihei pili laula,   “  “ “  “  “

            Papale Wahine................................................................................

Kinamu Nani   8 Ia................................................................................... $1.00

Kalakoa Nani  18 Ia...................................................................................”1.00

            E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.

            Na Palule $2.50 he $1.50 wale no, a o na Palule $1.50, he $1.00 wale no.  Ke ike mai la oukou i ka emi loa ana.

            Kupaianaha maoli keia emi naaupo ana e hele koke mai, o nele auane- oukou.

                                                B. F. Ehlers & Co

 

Kuai Hoopau!

            Kuai Hoopau!

 

Elike me ka mea maa mau

            I na Makahiki a pau!

                        MA KAHI O

                                    N. S. SACHS,

104 Alanui Papu, Honolulu.

E Hoomaka Ana ma ka Poakahi, Aug. 29,

NO NA PULE POLOLEI HE ELUA NO

O na Waiwai a pau e haawi ia aku ana

            MA KE KUMUKUAI I HAULE IHO I KE KUMULILO.

                        He Kuai Kuio;                         Aole he Apiki!!

            He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka halekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi he oiaio ka makou, a o ka oiaio wale no.

            He Emi me ka Makepono na Mea a pau.

            A eia malalo iho nei kekahi o ka makou mau kumu kuai iloko o keia kuai no na pule elua wale no aole oi aku:

 

20 I-a Kukaenalo no               $1.00               Paleili komo o na kane, 5 no $1.00

12 “  “ Keokeo hinuhini           “                   Na Palule i aiana ole ia, he      .50c

20 “   Kalakoa paa no              “                   Na Lakeke kalakoa o na makalii

Na Lole Keokeo maikai, kahakaha                 5 no                                         $1.00

me kikokiko aulii 8 i-a no          “                   Na lole keokeo i hana lauia o na

Na Ginamu nani 10 i-a         “                     Wahine, hoemiia no $4.75 o ka lole.

10 i-a Huluhulu Canetona      “                    Kahiki o na Wahine, hoemiia  .40c

5  “  Sauna maikai loa        “                      Aihele lilina  “         3 no ka 95c

Na Alapia Eleele, maikai loa                           Na hainaka hooluu like ole o hai,

laula, o ke ano maikai, hoemiia he                  he 60c no 1 kakini.

hookahi i a no ke                     40c                 Papale hele la o na keiki            .25c

 

            O na kumukuai maluna ae e hooko aku ana makou no keia manawa wale no o ka makou kuai hoopau, oia hoi no

Elua Pule Wale no.

:N. S. SACHS:

                                                                        104 Alanui Papu, Honolulu.