Ka Leo o ka Lahui, Volume II, Number 539, 8 Kepakemapa 1892 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.     HONOLULU  SEPATEMABA 8, 1892.     HELU 539

HE MOOLELO KAILI PUUWAI

---NO---

SENIA LUTERA

Ka Ui Puuwai Mabala

---:O:---

ENELANI KAHIKO.

 A I OLE

He Nanea Hooheno

no kekahi Kauna

Wahine Opio me

kana mau Aloha

Ekolu.

(Mai ka peni mai a ka mea kakau o Ava-

reda, a pela aku.)

MOKUNA VII.

ke Kii Nani au i ike ai o kuu aloha.

Ka hiena o kuu aloha iloko o

kahi hoku @uku!

O kou hanu ua oi aku kona onaona mamua o na pua aala a pau o ka honua nei, a o kau mau honi amoe, kela mau honi liilii au, ua like kona ma-u me ko ka makani huihui pa ahe malie o ke kau kupulau, a no kou poli hoi, ua like kona pumehana me ko na aina e pili koke ana i ka poai waena aka nae oia mau mea a pau na'u lakou i keia na'u hoia mau aku.

Nolaila, e hahai mai ia'u e kuu aloha, e ka'u mau hoi ka makahiapo mua loa nana i lawehala iho nei koa mau helehelena?  Ae ua maopopo no ia'u. o ka'u mau hoi ka mua loa, aka makemake au e loha pono i kou ae ana mai.

O, aole he manawa e ae au Senia nei i ike ai i kekahi mau helehelena nani a maemae e hookokoke mai ana iaia e like me ua kakahiaka la nolaila ma ka inoa o na lani, he mea e ke aloha o ua Senia nei i ua kanaka opio la, i ke aloha hoi ana i haawi ole ai i kekahi kanaka mamua.

No ka manawa pokole wale no mahope iho o kona lohe mua loa ana i ke ano o kona leo, aka nae he mea kupa@ana ka hapahapai ia o kona uhane iluna e lelele ai me ka piha i ka hauoli @ua.

Aole mai mua mai, e hiki ma kela la, i hoonuu ai kona mau maka i ka helehelena oiaio o kana mea i aloha ai, a no ka manawa mua loa hoi iloko o kona ola opio ana, i ike ai oia i ka ikaika puni ole oia mea he aloha.

Oiai kona poo e pili maikai ana iluna o ka umauma o ua kanaka opio la, a me ka leo haahaa, kamailio aku la ua Senia nei i kana ipo, mai kela manawa aku, aole ua kanaka opio la e haalele hou mai iaia no ka manawa pau ole --oia hoi, mawaena o ke ola a me ka make.

Ua paiaka loa iho la ua Senia nei i kela manawa, he kanaka malihini ua kanaka opio la iaia. a ma ka honi laua i kamaaina ai--ua poina pu no hoi oia i kela manawa iaia iho, ma ke ano oia ke Kauna wahine opio Senia Lutera, a o ka haku wahine hoi o ke Kakela Keokeo--a ma ka hoopokole ana ae, ua poina na mea a pau maluna o ka honua nei iaia i kela manawa, koe wale no kona aloha i ua kanaka opio la a oi palua aku mamua o k@na ola ponoi, a aole hoi e hiki iaia ke ola me ka nele i ua kanaka opio la, ka mea hoi nana i ao mai iaia i ke ane o ia mea he aloha, a i hanai mai hoi iaia me na honi he lehulehu a ka ipo.

A i ka manawa a ua kanaka opio nei i hoalu iki iho ai i kona poo ilala, no ka haawanawana ana mai i kekahia mea ana i makemake ai e ninini mai iloko o n apepeiao o Senia, aia hoi puia hou ae la ke ala o ua mau pua nei, mamuli o ka halawai hou ana o ko laua mau lehelehe i kahi hookahi, a no ka manawa pokole mahope iho o ko laua hoomaneoneo ana, hikaka aku la ua mau ipo nei a pakele mai hina ilalo, oiai laua e hauhoa ana ia laua iho a paa me ko laua mau lima me he mau mea la e hakoko ana.

No ka manawa hope loa, aia hoi lohe ia aku la kekahi leo pohapoha, me he mea la ua paiia ke koko o ka puuwai o ua mau ipo hana @aaupo nei e like me ka wai-wela i kola manawa, a he wa kupono loa hoi ia no ka poe ukupau e ui aku ai a ui mai, pehea la ua e pono ai?

Iloko o keia hauoli nui o ua mau ipo nei, aia hoi me ka leo uwe kapalili o ka mea i hoopuiwaia, hemo ae la ka pili a ua mau ipo nei ia Senia i lele aku ai mai na puili pumehana ana a kena aloha.

 

HE MOOLELO

---:NO KE KEIKIALII:---

AWAREDA!

a me

KA UI LEILA

o Noremadi.

(Ka Kahauia no Ka Leo.)

MOKUNA XV.

MOKUNA XVI.

Ka ipo mahope o ka meheu e kaua

mea i aloha ai.

I hoi wale mai nei no au e hoike aku ia olua, aole o'u manao he poino kekahi e kau koke mai ana maluna o kakou i keia manawa, i hoopauia ai hoi ko oukou hopohopo a me ka maka u.  Nolaila, e noho malie olua me ka lana o ka manao, aole hoi e hookaumaba ia elua iho.

A peha, ua lele mai nei pae paha ka poe o ua wahi moku la iuka nei? i ninau hou mai ai o Leila.

E hahai aku au ia oiua i ka'u mau mea i ike nei wahi a Dulipa.

Oiai au e pee ana ma ka aoa o kekahi kumulaau nunui i kokoke loa i kahakai, kahi hoi e hiki ai ia'u ke ike pono aku i na onina a pau a ka poe o luna o ua wahi moku la oiai e hookokoke mai ana i uka nei.

Komo mai ia na wahi moka la a ma kahi he aneane elua haneri ia ka mamao mai ka aina aku nei, ma ia wahi mo-ku iho la ua wahi moku la, a no kekahi mau minute pokole mahope iho, ike aku la i ka iho ana iho o kekahi waapa, a holo mai la iuke nei me eha kanaka iloko.

I ka pee ana mai o na waapa iuka nei, ua lele mai la kona mau kanaka me ka nana hele ana ma o a maanei, a ma na olelo a lakou a'u i lohe maopopo aku, e imi ana lakou no kekahi mea.

Koe nae keia, aole i maopopo ia'u ka lakou mea e huli ana, e huli ana paha lakou i wahi maikai no ka moku e hoopae ai iuka nei ke pili mai, a i ole he mea okoa paha.

Ua ike ua poe la i kahi waapa o kakou, a mahope o ka nana ana i na wahi a pau e pili koke ana i ua wahi waapa la, e halo ana hoi malalo o ka malumalu o na laau punonohu, hoi hou aku la lakou ihope a nana hou iho la i kahi waapa; a no kekahi manawa mahope iho, hoi aku la lakou no ka moku me na hoe pakahi i ka lima.

A pehea, ua holo hou mai nei nae pana lakou iuka nei?  i ninau mai ai o Leila.

Aole kakou e hoike ia kakou iho ia lakou wahi a Diana, me ke ano kaumaha.

Aole i maopopo ia'u, wahi a Dulipa, me ka luli pu ana ae o kona poo ia Leile, a ia Diana hoi, olelo mai la oia penei.

No'u iho, aole o'u manao he poe enemi kela poe o luna o ka moku no olua.  Nolaila, e hanai mai, ana paha he enemi o Ikopa no olua, no ka mea oia kekahi a'u i ike aku nei ma waoha o aa poe la?

O Ikopa? i p@ai hou mai ai o Leila.

Ae.

Oia kekahi o na  kauwa a naita pili paa loa o kuu Awareda.

Ae, wahi a Dulipa, a ua lohe au nona, he kauwa oiaio e makaukau ana e haawi kona oia no kona haku ma na ano a pau, a ua like hoi kona oiaio me ko'u hanau ia ana.

Pehea, ua ike maopopo aku nei nae oe o Ikope io no?

Ua ike pono aku nei au, e like me ka oiaio, o oe no o Leila, a owau hoi o Dulipa.

O, ina pela, e pono oe e hele hou e hui me ia e Dulipa maikai, wahi hou a ka wahine opio.

Ina io o Ikopa kela e like me kau i olelo mai nei, alaila me he mea la na Awareda oia i hoouna mai nei no ka huli ana ia'u.

No ka mea olelo mai nei oe, e imi ana lakou i kekahi mea, aole anei pela e Dulipa?

Ua pololei oe e ka lede, a he manaolana ko'u, e holo hou mai ana no lakou iuka nei.

Aole i pau.

 

NA MAI O KE POO

KA MAKA, NA PEPEIAO,

KA WAHA, KA PUU-AI,

A ME KA UMAUMA,

---KA---

PUUWAI,

AKEMAMA,

OPU,

KE AKEPAA

---A ME---

PUUPAA;

I huipuia me na ma'i o ke keko a me ka ili, ua hiki loa ia

Dr. McLennan,

ke hoola ia mau pilikia a pau me ka hikiwawe ike mua ole ia.

O kana wahi i hoonaauuo ia ai ma ka ike lapaau, maloko no ia o na kula ao Kauka kaulana o Amerika Huipuia, a iloko o na makahiki he 14 i hala hope ae nei, ua ike ia ka holopono o kana mau lawelawe apaau ana ma na mahele mai i hoikeia ae nei maluna ma Kepalakiko, ma ke ola ana o kekahi poe mai i hooiloiloia e kekahi poe Kauka aole e ola.  E nana i kekahi mau hoike e pili ana no kona makaukau, iloko o kona mau la pokole o ka hiki ana mai i Honolulu nei, o kekahi mau mai i hanaia e na Kauka no kekahi mau mahina a no na makahiki kekahi, aole nae he loaa o ka oluolu, elike me---Mr. Geo. Sherwood e noho nei ma Waikiki, i ike ia e na mea a pau nona ka Hale Ana@ o Waikiki, na

DR. McLENNAN,

i hoopakele ae iaia no kekahi mau pule pokole, mailoko ae o kona mai loihi.  O Mr. J. T. Walakahauki, kekahi o na kalepa i kamaaina nui i ko ke kulanakauhale nei, na keia

DR. McLENNAN,

i hoola iaia mai ka Romakika mai, oiai oia ma Kanalakiko he mau makahiki i hala ae nei, ka ma'i hoi @a i hoopilikia nui iaia ma Honolulu nei a holo ai no Europa, aole hae i o@ e ole o

DR. McLENNAN,

ola ai no na mea aku i koe, e hele a huipu me Mr. Walakahauki.  O Mr. Thos. hewwestie e hana nei ma ka Hui Hana Hao Lokahi, e mau u@kahiki loihi ae nei kona loaa ana i ka mai eha o ka opu, ua imi i ke ola aole nae he loaa, aka, he mea makehewa ko makou kamailio ana aku no ia mae, e pono no e ninau iaia, a nana o hoike mai .  Na

DR. McLENNAN,

i hoola ia Thomas P. Spencer o ka Elele, W. Heilbron o ka Halekuai Bipi Metapolitana, Mrs. Mary Robinson, he wahine Hawaii mai Paia, Maui mai, mai kona ma'i Akepau mai, o Geo. townsend @ginia o ke Kaawai Helu Elua, mai kona mai mai me ka ili a me ke koko ino hanaia e kekahi poe kauka e ae a l@ ole ke ola, a na

DR. McLENNAN,

i lapaau a ola.  He lehulehu wale ka poe Hawaii i hoolaia, e pau ole ai @ keia kolamu.

O ka poe mai e makemake ana ia DR. McLENNAN, e hele ae ma kona keena Hana ma kona nahi noho, o ka poe o na a@ a pau me ka ma'i hookaawale ohana, ma ke Alanui Alakea, ma ka aoao ma Waikiki o k aHale Ahahui Opiopio o n ahaole, kahi hoi i noho hope loa ia iho nei e Dr. Luka.

Na Telepona

Bele Helu 197     Matela Helu 692.