Ka Leo o ka Lahui, Volume II, Number 531, 29 August 1892 — Page 4
| This text was transcribed by: | Lynne Minamishin |
| This work is dedicated to: | Minamishin 'Ohana |
KA LEO O KA LAHUI.
"E Mau ke Ea o ka Aina i ka Pono."
KA LEO.
John E. Bush.
Luna Hooponopono a me Puuku.
HONOLULU. AUGUST 29, 1892.
Poha ka lae o ke Kolohe
Hanu ka Makai Kiu Helu 16 i ka Hohono o ka Uahi o ka Opiuma.
O Sheldon ka Pueo Po'i Moa.
HOOHENOIA NO KA LEO O KA LAHUI.
I kela wa e ahai la ko'u hoa no ke Keena, ua hooi eku oia . i kona mama a oi aku mamua o ka mea hiki ia'u ke ike aku.
Komo hou aku la au iloko o kahi a'u i hoonanea mua ai i na hora mamua iho, e noke nui ana i ke kamailio me na helehelena ulumahiehie o ka hauoli.
Aole i lilo ko'u komo ana aku iloko ia wa i mea no lakou e puiwa ai a ulu ae ka manao hoohuoi iloko o lakou no'u.
Aka, ua nele ko lakou mau lunaikehala ia mau noonoo, oiai, eia lakou ke kamau wahi oolopu samasu nei, a i ka nana aku i na hiona, ua hele a ula luna, ula lalo kani mai ke oil.
Aia ka hauoli nui iloko o kuu puuwai kahi i lolii ai, a o ka'u hana pono wale no ia manawa, o ko'u hoonanea ia lakou a poina ko lakou manao no kekahi wahi okoa e ae.
Ua lalau aku la au i kekahi pa raiki e kau ana iluna o ke pakauau a kamau iho la, oiai ua hele ma la ko'u opu a hakahaka, a me kekahi wahi oolo@u wahi waina, ua kamau iho la au no ka hoomahanahana ana aku ia loko.
No ke ano maluhiluhi, ua hoopau ae la au i ka'u ai ana, a hoi aku la au iluna o kekahi noho koki e hooluolu ai no ka manawa.
Ua hoonaneaia ko lakou manawa me ka pepa kulina, oiai, ke ike aku la'au, ke haule la na a-lapaa o Kaueleau iluna o ke pakaukau, a ke ike aku la au, o kuu kokoolua i hele pu mai ai, me he mea la, he m@ho maopopo oia no keia ano hana ma ka'u hoomaopopo aku i kana kakele ana.
Oiai hoi e lawe ana ka akau a me ka hema iaia, a o keia ka mea nana i hoopioo k@ke i ka manao o ua poe nei.
Aole i pau
NUHOU O NA AINA E.
Piha pono na nupepa o Enelani i keia mau la i na mea e pili ana ia Pohakuhauoli, a e hooiloilo ana kekahi mau nupepa aole e mau kona noho ana i ka Aha Kuhina.
Aia no na hana haihai kanawai ke holapu la ma Ki@i, a ua lawa ole ke aupuni me ka ikaika e hiki ai ke hoopio aku.
Ke anai la ka mai puupuu hebera ma Beritania Kolume@ia, a he lehulehu wale na ola i lilo i mau moepuu na ka make.
Ua kamailio ae kekahi lono ma Ladana. e pili ana no na pualikoa rusia ma na palena o Pamira, e lilo ana ia i hana e puoho ino ai o Beritania Nui, a ua manaoia, e alako pu ia ana o Kina me Enelani e hakoko me ka Bea.
No ka mai Korela, he oia mau no ka ikaika ma Europa, a he nui na leo paiauma i lohe ia ma o a maanei, o na wahi a ka mai e pahoia la.
Ma kekahi po hoolelel ahikao nui ma ke kulanakauhale ma Napela, Italia, he umi poe i make loa. a he kanakolu i hoehaia, mamuli o ka a ia ana e ke ahi o na ahikao e lele ana he mau tausani i ka wa hookahi.
Eia o Salavana me Cobeta ke kakali nei me na manao ulumahiehie no ka laua hakaka e malamaia ana ma ka la 7 o keia mahina ae, ma Nu Oliana, Amerika.
O ka manawa holo peki mawaena o na lio kaulana loa o Amerika, ua eo mai nei ia "Flying JIm," o Mr. M. Griffith, ma kekahi heihei malamaia-manawa, 2:08 1/2.
O ka manawa holo loa o ke ao nei i ikeia maluna o ke kaa hehi wawae, ua @olo ia e G. S. Taylor-manawa, 2:14 1-5.
Ma ka Poa@a nei i ku mai ai ka mokuahi Monowai mai na Panalaau mai o ka Hema, no kona ala huli hoi i ka Hikina. A ma ona la i loaa mai ai ia makou ka lono aia no o Samoa iloko o ke okaikai o ka haunaele, no na mea e pili ana i ka noho moi. No ka mea, aia ka poe Geremania ke pipili la mahope o Mataafa, a o ka poe Amerika a me ka poe Pelekane, aia laua mahope o Malietoa, e uwao ana no eia mau hana hoonioni a keia poe @@@ @@ hoohaunaele. He manaolana ko makou, aole loa e hiki i ka mea lima nui a hookiekie k@ lanakila maluna o ka mea hoopono. No ka mea ua kokua mai ka Ma@@ Lani iaia me ke aloha.
Ma ka wana@o Poalima nei, ua hookomo mai la ka mokuahi Alameda no ke Awa o Kou nei, me na nuhou makamaka mai na awa mai o ka Hikina, ua hala loa aku no oia no na Panala@u o ka Hema.
Na Luna Ohi Auhau o ka 1892.
Ua aponoia ka poe keonimana malalo iho nei i mau Hope-Luna Auhau no keia makahiki, 1892:
OAHU.
Honolulu …………………………………………………….T. A. Lloyd
Ewa me Waianae …………………………………………… S. Hookano
Waialua …………………………………………………………………..
Koolaupoko No. 1…………………………………………… Asa Kaulia
Koolaupoko No. 2 …………………………………………… E. P. Aikue
Koolauloa ……………………………………………………. L. J. Aylett
MAUI.
Lahaina ………………………………………………………. David Taylor
Wailuku ………………………………………………………. Wm. T. Robinson
Makawao ……………………………………………………… David Morton
Hana …………………………………………………………… J. P. Sylva
Molokai me Lanai ……………………………………………………………
HAWAII
Hilo me Hilo Akau …………………………………………….. N. C. Willfond
Hamakua ……………………………………………………….. Chas. Williams
Kohala Hema ……………………………………………………Wilmot Vredenburd
Kohala Akau ……………………………………………………. Eben P. Low
Kau ……………………………………………………………… O. T. Shipman
Puna …………………………………………………………….. J. E. Elderts
KAUAI.
Waimea me Niihau ……………………………………………… Th. Brandt
Koloa ……………………………………………………………. A. K. Mika
Lihue …………………………………………………………….. J. B. Hanaike
Kawaihau …………………………………………………………S. Kaiu
Hanalei ……………………………………………………………W. E. Deverill
Kauka Yong Kam Pung.
APANA.
Helu 53, Alanui Maunakea.
Ke Kauka Loea o ka Aina Pua!
Ua hiki ke hoola ia kela a me keia ane ma'i, mai ko na kane, wahine a @@ na keiki liilii. O na ma'i ha-no ua hiki loa ia ke hoola ia me ka maalahi. A o na ma'i e pili ana i ka maka pau pu ia i ke ola. Ke hoike ia aku nei, eia ke ola ia nei, me ka oluolu pu o kahi auhau. Ku poe pilikia hanau keiki a hele nui paha o ke koko a paa a lohi paha ka hanau ana, pa paha o ka waiu, e hele nui mai i o@@ ne
E KIPA mai e ka poe i hooluuluu ia me na haawina pilihua a ka ma'@ a @a'u oukou e hooluolu aku.
KAUKA YONG KAM PUNG.
Honolulu Sept. @, 1891. d3 272
HOOLAHA HOU! E ALA, E ALA.
B. F. Ehlers & Co. PAINAPA.
HELU 99 Alanul Papu.
E hoolohe hou mai e na MAKAMAKA mai no @ lokoino, e hele mau mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.
AIA MA KONA HALEKUAI NA
Papale o na kamalii mai ka 25c a pii aku.
Kuka " " " $3 " "
Kalakoa ano hou, he 8 i-a no 1 dala
Na kihei pili laula, " " " " "
Papale Wahine …………………………………………….
Kinamu Nani 8 Ia ………………………………………… $1.00
Kalakoa Nani 18 Ia ………………………………………. " 1.00
E kuai aku ana MAKOU i ko makou mau waiwai a pau no ke Ku mukuai i haule iho i ko lakou mau Kumukuai mua.
Na Palule $2.50 he $1.50 wale no, a o na Palule $1.50, he $1.00 wale no. Ke ike mai la oukou i ka emi loa ana.
Kupaianaha maoli keia emi naaupo ana e hele koke mai, o nele auane oukou.
B. F. EHLERS & CO
Kuai Hoopau!
Kuai Hoopau!
Elike me ka mea maa mau I na Makahiki a pau!
MA KAHI O
N. S. SACHS,
104 Alanui Papu, Honolulu.
E Hoomaka Ana ma ka Poakahi, Aug. 29, NO NA PULE POLOLEI HE ELUA NO@
O na Waiwai a pau e haawi ia aku ana
MA KE KUMUKUAI I HAULE IHO I KE KUMULILO.
He Kuai Kuio! Aole he Apiki!!
He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka halekuai, aole e like me kekahi mau halekuai e ae, ka hooemi i kekahi no ka hoowalewale ana, a koe no kekahi, he oiaio ka makou, a o ka oiaio wale no.
He Emi me ka Makepono na Mea a pau.
A eia malalo iho nei kekahi o ka makou mau kumu kuai iloko o keia kuai no na pule elua wale no aole oi aku:
20 I-a Huluhulu Uliuli no $1.00 Paleili komo o na kane, 5 no $1.00
12 " " keokeo hinuhinu " Na Palule i aiana ole ia, he 50c
20 " Kalakoa paa no " Na Lakeke kalakoa o na kamalii
Na Lole Keokeo maikai, kahakaha 5 no $1.00
me kikokiko aulii 8 i-a no " Na lole keokeo i hana lauia o na
Na Ginamu nani 10 i-a " Wahine, hoemiia no $4.75 @ ka lole.
10 i-a Huluhulu Canetona " Kahiki o na Wahine, hoemiia 40c
5 " Satina maikai loa " Aikala @@@ " 3 no ka 25c
Na Alapia Eleele, maikai loa Na hainaka hooluu like ole o hai,
laula, o ke ano maikai, hoemiia he he @0c no 1 kakini.
hookahi i-a no ke 40c Papale hele la o na keiki 25c
Na Kawele auau n@@ni he 25c
O na kumukuai maluna ae e hooko aku ana makou no keia manawa wale no o ka makou kuai hoopau, oia hoi no
Elua Pule Wale no.
N. S. SACHS
104 Alanui Papu, Honolulu.