Ka Leo o ka Lahui, Volume II, Number 530, 26 August 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

John E. Bush.

Luna Hooponopono a me Puuku.

 

HONOLULU, AUGUST 26, 1892.

 

Poha ka lae o ke Kolohe.

 

Hanu ka Makai Kiu Helu 16 i ka Hohono o ka Uahi o ka Opiuma.

 

O Sheldon ka Pueo Po'i Moa.

 

HOOHENOIA NO KA LEO O KA LA@UI.

 

            No ko'u manao iho, i wahi e ike ole ia mai ai na manao e hakukoi ana iloko o'u i kela wa.

            Nolaila, lalau aku la au i kekahi bola ti e ku-ku ana ka mahu, a no ko'u ano maa ole i ka inu ana o ke ti me ke kopaa ole, aohe iho la o'u wahi lihi hoihoi iho la ika hoomau ana aku e inu.

            Aka, he mea maikai ole no'u ka hoopau wale iho no me ke kumu ole, oiai hoi kela poe e hoomau ana no i ka inu.

            I ka pau ana o ka lakou inu ana. ua lawe ae la lakou i ke kulana hooluana ma na hoonanea kamailio ana, no ka laki no ke emi o ke kumukuai o keia opiuma.

            O keia ka wa a'u i ku ae ai iluna a puka aku la iwaho, no ka hoike ana aku i kuu hoa no na mea e pili ana i ka'u hana oia po, a me kuu hoike pu aku, eia ka opiu@a iloko o keia hale lio kahi i lolii ai.

            Nolaila, e lawe koke aku oe i keia hoike me ka awiwi nui, mamua o ka laulaha ana aku o na lono, ua ahuwale ka punana o ua poe haihai kanawai nei. A e hana koke ia ka hana manua o ka napoo ana o ka la i ka ilikai.

            I kela wa a maua e kamailio nei o ka hora 7 ia a oi o ke kakahiaka, a oiai hoi, o ka'u kuhikuhi, ua alakai ia a ahuwale me he aniani kilohi la ka moakaka, e hiki ole ai i ka mea maka kaakaa ke hoohewahewa nona iho.

            Mawehe ae la ka maua pili, a hala aku la oia no ke Keena Oihana Makai Kiu, a pelu hou aku la au ihope. Aole i pau.

 

Na mea hou o Anahola.

MR. LUNAHOOPONOPONO.

            Aloha oe. He Lunakanawai hoomanamau.

            Ma ka Poalima la 12 o keia mahina, ua hapai ae la ko makou Lunakanawai apana i kekahi papa aina no ka Alama a Mohai, aku i kona mau aumakaa ma ke ano hoonohonoho akua.

            No kona olioli i ka loaa hou ana mai o kona hookohu Lanakanawai no Elua makahiki hou, nolaila ua hapai oia i keia me ke kalua ana i puaa a me kekahi mau mea o ae. me ka olelo iho, e hana wale no lakou ia'u aole au e hemo mai keia noho ana Lunakanawai, onou iho la oia i ka ihu o ke poo puaa ilalo me ke kahea ana i kona mau puali anela, ka hana keia a kekahi kanaka i noho ma ka Oihana Aupuni, Lunakanawai.

ANAHOLA.

 

NUHOU KULOKO.

            I ka hora 10 o keia kakahiaka e luli aku ai ke Kahili Alii o na Kona no kona mau Awa maa mau.

            Ua komo aku la ka uwea olelo a ka hui Telepone Mulala, iluna o ka Mokukaua hou i ku mai nei, oia ka Bosetona.

 

            Ua manao wale ia, e komo pu mai ana na keiki o ka mokukaua Bosetona ma ka heihei waapa e malama ia ana ma ka la hanau o ka Moiwahine Liliuokalani i keia Poalima ae.

 

            Aole he hopuhopu nui ia o ka poe ehe fa i keia mau la. Heaha la ke kumu e hoomalolo mai nei, ua puehu loa paha na wahi okeni a ka poe puni ehe fa. He wa nele loa no keia o ka Aina.

 

            Ua hoouna ia aku o Kaukali, e makaikai i na paia o ka hale kakela o Kapena Tripp, no eono Mahina. O ke keiki keia i hopu ia iho nei no ka Aihue i na kukui a ka Papa Alanui, e kau ai, ma kahi e ike ia ana he poino no kamahele. I keia kamahelel ua @awe loa ia aku eia na kukui no kona hale ma Kamoiliili.

 

            Ma ka wanaao Poalua ma Kepahoni ae nei, oiai o Naiwi i ala ae ai mai kona hiamoe, ua lohe aku la oia i ka nakeke ana mai o ka puka o kona pa. a ua hele aku la oia e nana me ka manao la o ke Pukiki lawe waiu. Iaia e kie i a e halo ana, ua ike aku la oia i kekahi haoi maloko o kona pa. a ua olelo aku la i ka haole e hele koke iwaho ia manawa i kani mai ai ka pu a ka haole, a holo aku la ua kolohe nei. Laki nae, aole i ku o Naiwi. Ua paa ua kipi nei i ka hopu ia, a ua hoopai ie ne eono mahina. Ua olelo ae ka haole i hele aku oia i kahi o Naiwi, e kii i kana punua pee poli.

            Ma ka leta, ua hai ia mai ia makou i ka nui o ka la ma Kau Hawaii, ua like no a like me a nei nei kai no hoi e hoomahuahua iho ana i kela kau aku nei.

 

Na Luna Ohi Auhau o ka 1892.

 

            Ua aponoia ka poe keonimana malalo iho nei i mau Hope Luna Auhau no keia makahiki, 1892;

OAHU.

            Hoolulu           T. A. Lloyd

            Ewa me Waianae        S. Hookano

            Waialua          

            Koolaupoko No. 1      Asa Kaulia

            Koolaupoko No. 2      E. P. Aikue

            Koolauloa        L. J. Aylett

MAUI:

            Lahaina           David Taylor

            Wailuku           Wm. T. Robinson

            Makawao        David Morton

            Hana                J. P. Sylva

            Molokai me Lanai

HAWAII:

            Hilo me Hilo Akau      N. C. Willfond

            Hamakua                     Chas. Williams

            Kohala Hema              Wilmot Vredenburd

            Kohala Akau               Eben P. Low

            Kona Akau                  J. Kaelemakule

            Kona Hema                 Thos. H. Wright

            Kau                             O. T. Shipman

            Puna                            J. E. Elderts

KAUAI:

            Waimea me Niihau      Th. Brandt

            Koloa                          A. K. Mika

            Lihue                           J. B. Hanaike

            Kawaihau                    S. Kaiu

            Hanalei                        W. E. Deverill

           

Kauka Yong Kam Pung. (APANA. Helu 53, Alanui Maunakea. Ke Kauka Loea o ka Aina Pua! Ua hiki ke hoola ia kela a me keia ano ma'i, mai ko na kane, wahine a @ na keiki liihi. O na ma'i ha-no ua hiki loa ia ke hoola ia me ka maalahi. A o na ma'i e pihi ana i ka maka pau pu ia i ke ola. Ke hoike ia aku nei, eia ke ola ia nei, me ka oluolu pu o kahi auhau. Ka poe pilikia hanau keiki a hele nui paha o ke koko a paa a lohi paha ka hanau ana, papaha o ka waiu, e hele nui mai i o'a ne

            E KIPA mai e ka poe i hoolui luu ia me na haawina pilihua a ka ma'i a na'u oukou e hooluolu aku. KAUKA YOUNG KAM PUNG. Honolulu Sept. 2, 1891. d3 272-

 

HOOLAHA HOU! EALA, EALA.

 

B. F. Ehlers & Co. HELU 99 Alanui Papu. E hoolahe hou mai e na MAKAMAKA, mai no a lokoino, e hele m@ mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.

AIA MA KONA HALEKUAINA.

            Papale o na kamalii mai ka 25c a pii aku.

            Kuka "             "           "     $3      "    "

            Kalakoa ano hou he 8 ia no 1 dala.

            Na kihei pili la ula, "   "           "           "

            Papale Wahine

            Kinamu Nani 8 Ia                   $1.00

            Kalakoa Nani 18 Ia                 "1.00

            E kuai aku ana MAKOU i ko makou mau waiwai a pau no ke Ku mukuai i haule iho i ko lakou mau Kumukuai mua. Na Palule $2.50 he $1.50 wale no, a o na Palule $1.50, he $1.00 wale no. Ko ike mai la oukou i ka emi loa ana. Kupaianaha maoli keia emi naaupo ana hele koke mai, o nele auane oukou. B. F. EHLERS & CO

 

Kuai Hoopau! Kuai Hoopau! Elike me ka mea maa mau. I na Makahiki a pau! MA KAHI O N. S. SACHS, 104 Alanui Papu, Honolulu. E Hoomaka Ana ma ka Poakahi, Aug. 29, NO NA PULE POLOLEI HE ELUA NO'

O na Waiwai a pau e haawi ia aku ana MA KE KUMUKUAI I HAULE IHO I KE KUMULILO. He Kuai Kuio! Aole he Apiki!!

            He hookahi no a makou kuai huepau o ka makahiki, a ma ia wa wale no makou e hooemi ai i ka makou mau mea kuai iloko o ka nalekuai, aole e like me kekahi mau hale kuai e ae, ka hooemi i kekahi no ka hoewalewale ana, a koe no kekahi, he oiaio ka makou, a o ka oiaio wale no.

            He Emi me ka Makepono na Mea a pau. A eia ma'alo iho nei kekahi o ka makou mau kumu kuai iloko o keia kuai no na pule elua wale no aole oi aku:

20 I-a Huluhulu Uliuli no $1.00

12 "      " Keokeo maikai      "

20 " Kaloa paa no                "

Na Lole Keokeo maikai, kahakaha

me kikokiko aulii =8 i-a no     "

Na Ginamu nani 10 i-a            "

13 i-a huluhulu Canetona        "

5 "        Satina maikai loa         "

Na Kakimia Eleele, papalua ka laula, o ke ano maikai, Loemiia he hookahi i-a no ke

 

Paleili komo o na kane, 5 no $1.00 Na Palole i aiana ole ia, he 50c Na Lakeke kalakoa o na opio he 5 no $1.00 Na lole i humu lau ia o na Lede, hoemiia no $4.75 o ka lole. Kaliki o na Wahine, hoemiia 40c Aikala lilina " 3 no ka 2 o Na hainaka Poooluu like ole o hai, he 60c no 1 kakini. Papale hele la o na keiki 25c. Na Kawele auau nunui he 25c.

           

            O na kumukuai maluna ae e hooko aku ana makou no keia manawa wale no o ka makou kuai hoopau, oia hoi no Elua Pule Wale no.-:N. S. SACHS:- 104 Alanui Pape, Honolulu.