Ka Leo o ka Lahui, Volume II, Number 527, 23 August 1892 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II. HONOLULU AUGATE 23, 1892. Helu 527

 

HE MOOLELEO KAILI PUUWAI

-NO-

SENIA LUTERA

Ka Ui Puuwai Mabala

-:O:-

ENELANI KAHIKO.

A I OLE

He Nanea Hooheno no kekahi Kauna Wahine Opio me kana mau aloha Ekolu.

(Mai ka peni mai a ka mea kakau o Avareda, a pela aku.)

 

MOKUNA VI.

Ua aloha au iaia me kuu ola a pau, aka nae, e kuu Senia, i ka manawa a'u i manao ole ai, whe iho la o uahi.

            O, ina oia i paa wale no i ka ole, ina ua maikai loa!

            A oiai he kakahiaka maikai ia, e like me ka hoike a ka pae opua; nolaila kipaku koke aku la oia i na noonoo e ooloku ana iloko ona ia manawa, no ka haawi ana iaia iho iloko o ka hauoli, no ka nani a me ke kilakila oia kakahiaka.

            O ka nui o ko'u hauoli, aohe palena! wahi ana i hawanawana malie iho ai iaia iho. He kaikamahine e ae no anei kekahi o ka honua nei a puni i loko me na mea a pau a ka manao e hone ae ai e like me a'u? Manao au, aole, aole loa; owau wali no maluna o ke ulakoloko.

            Oiai ua Senia nei e luaiele ia ana e keia mau noonoo, aia hoi lohe aku la oia i ka palanehe mai o kekahi mau keehina wawae mahope ona maluna o ka mauu uliuli lupalupa, a i kona huli ana mai e nana, ike mai la oia o kona luaui makuakane aloha ka mea e hele aku ana i ona la, a he mau helehelena haikea o ka luakupapau ke umalu ana maluna o kona mau helehelena.

            I ka ike ana mai nae o ua Haku nei i kana kaikamahine, mohala ppono ae la kona mau helehelena, me ka hoao pu ana ae e minoaka ia manawa hookahi, iaia i hoomaopopo iho ai, he mea e ka ui ka nani a me ka wainohia o kana milimili oiai oia e ku  ana ma ka aoao o ke kiowai mapuna, me kona helehelena maemae a kilohana e like me kekahi pua nani malalo o na kukuna, Gula o ka la e alohi nei.

            Heaha keia mau helehelena hakamukuma ou e kuu makuakane? wahi a Senia i ninau aku ai, iaia i holo aku ai e hui me ia me na maka e nana ana iluna i na maka o kona makuakane.

            Nana iho la ua Haku nei iaia me ke aloha, aliuliu kamailio mai la oia me ka haloiloi ana o kona mau waimaka, iaia i apo mai ai ma ka ai o kana kaikamahine.

            E noonoo ana au i na kau ino i hala o na la o ko'u ola ana, oia wale no e kuu kaikamahine. No ka mea ua lohe mai nei ou, eia no oia ke ole nei i keia la, a ke hamu pu nei no hoi i na ea oluolu o kela noho ana, oole i haalele mai i ka la i ka mea mehana.

            Nolaila, mamuli o kekahi kumu kupono, he hana maokai nalu ka huai pau ana aku ina mea a pauia oe malia o lilo ia hano ana a'u i mea nou e noonoo ai-ole ai oe e ukali aku mahope o kona mau kapuai.

            Aole he maopopo ia'u o kou manao e papa? i kamailio hou mai ai ke kaikamahine me ka piha kahaha o ka manao. I ole ai au e ukali mahope o ko wai mau kapuai? Ea, owai ia mea au e kamailio nei?

            O ko makuahine lokoino, e kuu lei! wahi a ua Haku nei me ka leo puanuanu o ka huhu.

            Ko'u makuahine! wahi a ua nohea nei i panai hou mai ai. Kupananaha maoli, ua make kuu makuahine, aole anei pela? Aole ua Haku nei i kamailio koke mai, aku ma ka hope loa, me na helehelena uliuli e like me ka pouli panopano o ka waenakonu po, kamailio mai la oia:

            E manao kau pela e kuu lei! Ae, e manaoio kaua aia oia iloko o kona luakupapau, a o kona mau hewa a pau ua kanu pu ia me ia ma ia wahi hookahi!

            E kuu makuakane, ma ke aloha o na Lani, heaha ke ano o keia meakunu pohihihi?

 

HE MOOLELO

-:NO KE KEIKIALII:-

AWAREDA!

a me

KA UI LEILA

o Noremadi

(Kakauia no Ka Leo.)

 

MOKUNA XIV.

Koe o Dulita me Koma.

            Aole au i poina mahope iho o ka make ana o ka makuakane o Leila, oia hoi ke kane a Kamila.

            Owau, ka mea nana i malama a i hanai i keia kaikamahine i kona wa uuku.

            Aka nae, mahope iho, aole au i poina i na haawina a ka ehaeha i kau mai maluna o'u oiai au e noho ana me ka haku wahine.

            Ua kue a ua kipaku mai oia ia'u mai ka puka mai o kona hale, a mai ia manawa mai au i apokaka hele ai a hiki i keia manawa aneane e iwakalua makahiki.

            Nolaila, he maikai ia'u ke hoopai aku no ia mau ino a pau i hanaia mai maluna o'u.

            No ke aha ke kumu o kou kipaku ia ana?

            I ninau hoi mai ai o Dulipa?

            Ua ike no oe i ko'u ano e kuu hoaloha, oia hoi ua like au me ka pahiolo, aia a hoohana mau ia mea alaila mau kona maemae, pela iho la au i hookae ia ai.

            Aka nae, ke hauoli loa nei au no ia hana ia ana o'u pela e Dulipa.

            Ae, hauoli piha elike me Kawelohea, no ka mea, ke ike nei au i ka hopena he oi aku ka nani a me ka maikai.

            A o ke kihapai waina a'u i manao mua ole ai, na kuualopeka aku ana ia e ai a e inu.

            Auwe, e kuu haku wahine opio, ma kahi o kau ipo mua, oia hoi ka moi opio, owau ma ia wahi, he kanaka puuwai manoanoa e haawi ana i kona ola no kana wahine ma na ano a pau.

            Aole anei ou manao e Dulipa maikai, ua oi pa tausani aku ka wahine au i aloha ai mamua o na waiwai a pau o ke ao nei.

            Me keia mau olelo, hookunukunu iho la o ke ano kolohe ua holoholona la.

            Manao au, ua hiki no ia oe ke noho i keia wahi e kauka lapaau ai no kau wahine poino, wahi hou a Koma i hoomau mai ai, a ia'u hoi ka waapa o kaua no ka lawe ana i kuu punana meli (Leila) no kekani wahi mai keia wahi aku, kahihoi e hiki ai ia maua ke huna i ko maua makemake alawa.

            E kuhi ana au o kahi keia i hooholoia no ia manao e like me kau i olelo mai ai ia'u i ka ponei? wahi a Dulipa.

            He oiaio, ua olelo aku au ia oe pela, aku eia ike no oe, aole e hiki ia maua ke noho pu ia nei me olua. Pela au i hooholo hou iho nei i ko'u manao, e ahai hou maua me Leila i ka hohonu, kahi pueo ole o ke kula.

            Ina oia wale iho la no ke kumu o kou makemake ana e haale i keia wahi, no kou hoihoi ole i ka noho huikau pu me au a me Deana, alaila ua oi aku ka pono ia maua ka waapa, a o olua hoi ke noho i keia wahi?

            No ka mea, aia no he wahi maikai nei kekahi aoao o keia ululaau aole i mamao loa mai keia wahi aku, i kupono no olua e hoohala ai a hiki ko'u hoi hou ana mai me ka waapa.

            I kinoei, ua ano maikai keia manao o Dulipa ia Koma, aku nei mahope iho, hoole hou.

            Ma o ka hanu o ke ala iloko o'u, o Dulipa maikai, aole i maopopo ka'u mea e kamailio aku ai i keia manawa, no ka mea he elua kane e makemake nei iaia ka waapa mamua, nolaila i ole ai kaua e hoopau manawa wale ma ke kamailio ana., e kohokoho kua, a o ka mea e eo ai, iaia ka waapa mamua. Peheaia i kou manao?

            Ua maikai hemolele keia i ko Dulipa manao, nolaila hoomakaukau koke mai la o Goma i na makaukau e pili ana ka hailona ana.

            Aole i pau.

 

NA MAI O @E POO

KA MAKA, NA PEPEIAO,

KA WAHA, KA PUU-AI,

A ME KA UMAUMA,

-KA-

PUUWAI,

AKEMAMA,

OI'U,

KE AKEPAA

-A ME-

PUUPAA:

i huipuia me na ma'i o ke koko a nie ka ili, ua hiki loa ia

Dr. McLENNAN,

ke hoola ia mau pilikia a pau me na hikiwawe i ike mua ole ia.

            O kona wahi i hoonaauuo ia ai nia ka ike lapaau, maloko no ia o na kula ao Kauka kaulana o Amerika Huipuia, a iloko o na makahiki he 14 i hala hope ae nei, ua ike ia ka holopono o kana mau lawelawe apaau ana ma na mahele mai i hoikeia ae nei maluna ma Kapalakiko, ma ke ola ana o kekahi poe mai i hooiloiloia e kekahi poe Kauka aole e ola. E nana i kekahi mau hoike e pili ana no kona makaukau, iloko, o kona mau la pokole o ka hiki ana mai i Honolulu nei, o kekahi mau mai i hanale e na Kauka no kekahi mau mahina a no na makahiki kekahi, aole nae he loaa o ka oluolu, elike me-Mr. Geo. Sherwood e noho nei ma Waikiki, i ike ia, e na mea a kau @ @ @ o Waikiki, na

DR. McLENNAN,

i hoopakele ae iaia no kekahi mau pule pokole, mailoko ae o kona mai loihi. O Mr. J.T. Walakahauki, kekahi o na kalepa i kamaaina nui i ko ke kulanakauhale nei, na keia

DR. McLENNAN,

i hoola iaia mai ka Rumakika mai, oiai oia ma Kapalakiko he mau makahiki i hala ae nei, ka ma'i hoi nana i hoopilikia nui iaia ma Honolulu nei a holo ai no Europa, aole nae i ola a e ole o

DR. McLENNAN,

ola ai, no na mea aku i koe, e hele e huipu me Mr. Walakahauki. O Mr. Thos. Rewcastle e hana nei ma ka Hui Hana Hao Lokahi, e mau makahiki loihi ae nei kona loaa ana i ka mai eha o ka opu, ua imi i ke ola aole nae he loaa, aka, he mea makehewa ko makou kamailio ana aku no ia mea, e nono no e ninau iaia, a nana e hoike mai. Na

DR. McLENNAN,

i hoola ia Thomas P. Spencer o ka Elele. W. Heilbron o ka Halekuai Bipi Metapolitana; Mrs. Mary Robinson, he wahine Hawaii mai Paia, Mauia mai, mai kona ma'i Akepau mai, e Geo. Townsend eneginia o ke Kaawai Helu Elua, mai kona mai mai me ka ili a me ke koko ino hanaia e kekahi poe kauka e ae a loaa ole ke ola, a na

DR. McLENNAN,

i lapaau a ola. He lehulehu wale ka poe Hawaii i hoolaia, e pau ole ai me keia kolamu.

            O ka poe mai e makemake ana ia Dr. McLENNAN, e hele ae ma kona Keena Hana ma kona wahi noho, o ka poo o na ano ma'i a pau me ka ma'i hookaawale ohana, ma ke Alanui Alakea, ma ka aoao ma Waikiki o ka Hale Ahahui Opiopio o na haole, kahi hoi i noho hope loa ia iho nei o Dr. Luka.

Na Telepona

Bele Helu 197 Matala Helu 682.

june17 tfd.