Ka Leo o ka Lahui, Volume II, Number 500, 15 July 1892 — Page 4
| This text was transcribed by: | Noelani Arista |
| This work is dedicated to: | No ku'u kane 'O Chad Hashimoto me ke aloha nui. |
KA LEO O KA LAHUI.
"E Mau ke Ea o ka Aina i ka Pono."
KA LEO.
---
John E. Bush.
Luna Hooponopono a me Puuku.
---
HONOLULU, JULY 15, 1892.
---
I NA HOA HELUHELU.
---
Mamuli o ka anoi nui a me ka makemake paulehia o ko makou mau makamaka heluhelu e lawe nei i Ka Leo o Ka Lahui. e hoopuka mau ia ko lakou mau inoa hookaa mahina iloko o ka nupepa, ka noa o ka luna, a me ka la i hookomoia ai iloko o ka nupepa. No ka pomaikai o na makamaka, a i kumu hoi e hoopilikia mau ole ia ai ko makou mau makamaka e na luna hana apiki, ke lawe nei makou i ke koikoi o keia hana maluna o ko makou hokua, a oiai hoi, o ko makou kahua ia, o ka hooko i ka leo o ka lehulehu, o ko ke Akua leo ia, a pela makou e hooko nei. a e lilo no hoi keia hoolaha i bila hookaa no ka wa e okiia ai kekahi luna hana apiki, e loaa ana ia lakou ka pepa ma ke Keena i na wa a pau i makemakeia. Nolaila, e awihi ae e ka poe hookaa mua o keia mahina.
---
HE HOOPUNIPUNI NUI.
---
MR. LUNAHOOPONOPONO.
E oluolu oe e hookomo iho ma kahi kaawale o kou mau kolamu. i kela mamala olelo e kau ae la maluna.
Ua ike iho au ma kou helu 6 o ka la 24 o Iune, i hoolahaia e S. H. Kauahiokalani huna inoa no kuu hoomanaonao, a he nui ka poe huli mahope o keia hana. He hoopunipuni; e like me kona hoopunipuni pela oia i huna ai i kona inoa ponoi.
Hohe ka mea hewa imua o ka mea pono, heaha no la kou mea i hoike ole ae ai. owau no o Samuel Hook i hoopunipuni ai ia J. Gaspar a hoopaiia e ka Lunakanawai i keia mau la, a no ke dala ole lilo ka uwati gula ia J. Gaspar.
Owau anei ka mea hana eepa a hoopunipuni? I keia la au e kakau nei, ua kamailio ai kekahi Pake Halekuai i kona pake mai pepehiia a me kana wahine manuahi no ke kokua ana mahope o ka Pake oiai he aie ko keia S. Hook i Kohala i keia mau la: A he lio no P. Manunu ua kuai me S. Hook nei kokoke umi kii ana i ke dala aole no paha i loaa a hiki i keia la au e kakau nei.
Ma keia mau la iho nei, ma ke oluolu o ka Lunakanawai S. M. Kekoa, ua hookuuia ka hihia hooweliweli ona. A ua kamaaina oukou e ko Honolulu poe iaia nei. Mai ko'u hanau ana a hiki i keia la a'u e kakau nei, ua piha ia'u ke kanahiku makahiki o Iehova no ko'u Akua, Kamaaina au ma Honolulu, kokoke i ke kanakolu makahiki, aohe a'u mau hana hoomanamana.
A hoi mai nei i ka aina nei, ua olelo aku i kanaka e kokua mai ia'u e kukulu i wahi hale opala a ua hookoia.
A ma ka Poakolu. la 22 o Iune, ua paina ka luhi o ke ako ana, me ekolu puaa i kokua ia mai.
Owau no me ka oiaio.
MRS. KANELE.
Napoopoo, Iulai 11. 1892.
---
NUHOU KULOKO.
---
Ma ke awakea o keia la e noho ai ke kiure haole.
---
Ua huli hoi mai no ke kulanakauhaule nei maluna o ka mokuahi Kaleponi Auseteralia o Mr. a me Mrs. Claus Spreckles, ka Ona Miliona o Kulaokamaomao.
---
Ma ka auina la onehinei i malamaia ai ka huakai hoolewa hope loa maluna o ke kino lepo o A. J. Kakalaika. Ua komo pu aku ma ia huakai o ke kaumaha na hoaloha he nui o ka mea i make. i ukali ia e na keiki o ka Oihana Kinai Ahi no kona home lua ma Maemae. Aloha no.i
---
Ua makemakeia na Lala kahiko a me na Lala hou o ka Hui Hookuonoono o Kapuukolo, a me ka poe hou e makemake ana e komo i ka hui, e hele ae i ka halawai mau ma ke ahiahi Poaono, Iulai 16, hora 7:30 P.M. Ua makemake nui ia na lala a pau no ke koho hou ana i kekahi mau Luna Hoohana o ka Hui i hoohakahakaia. e waiho wale nei aole i kohoia. A no ka mahele ana hoi kekahi i ke dala a ka hui kahiko i hoahu ai.
---
Na Luna Ohi Auhau o ka 1892.
---
Ua aponoia ka poe keonimana malalo iho nei i mau Hope Luna Auhau no keia makahiki, 1892.
OAHU.
HONLULU…..T.A. LLOYD
Ewa me Waianae…..S. Hookano
Waialua…..
Koolaupoko No. 1…..Asa Kaulia
Koolaupoko No. 2…..E. P. Aikue
Koolauloa…..L. J. Aylett
MAUI.
Lahaina,,,,,David Taylor
Wailuku…..Wm. T. Robinson
Makawao…..David Morton
Hana…..J. P. Sylva
Molokai me Lanai…..
Hawaii.
Hilo me Hilo Akau…..N. C. Willfond
Hamakua…..Chas. Williams
Kohala Hema…..Wilmot Vrdenburd
Kohala Akau…..J. Kaelemakule
Kona Hema…..Thos. H. Wright
Kau…..O. T. Shipman
Puna…..J. E. Elderts
KAUAI.
Waimea me Niihau…..Th. Brandt
Koloa…..A.K. Mika
Lihue…..J. B Hanaike
Kawaihau…..S. Kaiu
Hanalei…..W. E. Deverill
KE KULANA O KO KAKOU MAU HUI KINIPOPO E KU NEI.
O keia malalo iho nei ke kulana o ko kakou mau Hui Kinipopo i keia manawa, ka nui o ka lakou paani ana. ka lakou mau paani i lanakila a me ka lakou mau paani i haule, mai ka hoomaka ana mai o keia Kau Kinipopo a hiki i keia la:
Hui Lanakila Haule Paani
Honolulu 2 4 6
Kamehameha 6 2 8
Hawaii 3 4 6
Crescent 4 4 8
---
HE HOOLAHA I KE AKEA.
---
E ike auanei na ano lahui a pau. e noho ana ma ke Aupuni Hawaii. mai na kane. wahine, a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau. ma'i iloko o ka opu. hu'i ke kino, aki iloko o ka iwi, eha o ke poo, ma'i wahine a pela aku. Mai hoololohe aku e na hoa, hele mai hookahi, hele mai elua. hele mai no a pau loa; he oluolu ka auhau. ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai. me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR. LEONG KENG TONG.
Helu 40, Huina o na alanui Kamika me Hotele. Honolulu. Oahu. Aug. 31 1v
---
OLELO HOOLAHA NO NA PUAA.
---
Ke loaa ka puaa, e hele wale ana ma kuu mau aina oia o Halawa a me Aiea e pepehi ia ana e hooko ia keia ke hala na la he umi mai keia hoolaha.
KIMO PELEKANE.
(J. I. DOWSETT.)
Honolulu, Iune 28, 1892.
june30 1m.
---
Kauka Yong Kam Pung.
APANA.
---
Helu 53. Alanui Maunakea.
Ke Kauka Loea o ka Aina Pua!
---
Ua hiki ke hoola ia kela a me keia ano ma'i, mai ko na kane. wahine a me na keiki liilii. O na ma'i ha-no ua hiki loa ia ke hoola ia me ka maalahi. A o na ma'i e pili ana i ka maka pau pu ia i ke ola. Ke hoike ia aku nei. Eia ke ola ia nei, me ka oluolu pu o kahi auhau. Ka poe pilikia hanau keiki a hele nui i o'u nei.
E kipa mai e ka poe i hooluuluu ia me na haawina pilihua a ka ma'i a na'u oukou e hooluolu aku.
KAUKA YONG KAM PUNG.
Honolulu Sept. 2, 1891. d31272---
---
HOOLAHA HOU!
E ALA, E ALA.
B. F. Ehlers & Col -- PAINAP
HELU 99 - Alanui Papu.
E Hoolohe hou mai e na MAKAMAKA. mai no a lokoino., e hele mau mai no oukou e ike ia PAINAPA, no ka mea, he kanaka oia i noho a kamaaina i keia kulanakauhale.
AIA MA KONA HALEKUAI NA
Papale Wahine…..
Kinamu Nani 8 Ia…..$1.00
Kalakoa Nani 18 Ia….." 1.00
E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.
Na Palule $2.50 he $1.50 wale no, a o na Palule $1.50. he $1.00 wale no. Ke ike mai la oukou i ka emi loa ana.
Kapaianaha maoli keia emi naaupo ana e hele koke mai, o nele auane oukou.
B. F. EHLERS 7 CO
---
Huro! No ka La Heihei. Huro.
NA PAPALE O NA LEDE I HOONANIIA
" " " " KAMALII "
" AAHU NANI O NA LEDE.
He Kuai Hoemi Kuikawa no ka la 11 o Iune, ke malamaia ana ma kahi o
N. S. SACHS,
104 Alanui Papu, Honolulu.
E hoemi ana makou i ke kumukuai o ka Makou mau PAPALE no ka la 11 o IUNE.
E kokoke mai nei, ma ke kuai ana aku ma ke KUMUKUAI HAAHAA loa i ike mua ole ia mamua. eia ia makou
Na PAPALE ANO HOU LOA MAI NEI, a pela no hoi me NA ANO HOONANI HOU O NA PAPALE
o ke ano maemae a oi loa o ka maikai, a ua loaa pu mai nei no hoi ia makou.
NA PAPALE LUINA o ke ano hou loa mai nei, nolaila. e kipa mai ma ko MAKOU Halekuai nei i ike maka, a e huipu aku a@ no hoi makou i ke
KUAI HOOPAU O KA PAPALE O NA KAMALII.
Na Papale Hele Kula o na opio, he 25c wale no, oiai nae o kona waiwai io he 50 me 75 keneta.
Ina oe e makemake i lole maikai no ka la 11 o Iune, eia ia makou kahi i waiho ai, a ke kakali aku nei no kou kii mai.
Na Lole Hapa Kanikau i hiki ke holoi ia, o ke ano Akala. Halenalena, Bolu a me Keokeo, o ke ano maikai loa a pilikia ole hoi ke holoi ia, he 25 keneta wale no o ka i-a.
Na Keokeo Lihilihi Paa pu maikai loa. a me na ano waihooluu a pau a ka manao e haakoi ae ai, e kuai ia aku ana no ke kumukuai haahaa loa.
Na Lole Keokeo a me na Lole Panio o na ano a pau i hiki ke holoiia me ka mae ole, he nui loa ia makou.
E na hoaloha, e kipa. e ike kumaka i ka nani o Aipo, he ole ka lohe pepeiao.
E Hoomanao ana ke Kuai Hoemi ma kahi o
---: N. S. SACHS:---
104 Alanui Papu, Honolulu.