Ka Leo o ka Lahui, Volume II, Number 497, 12 July 1892 — Page 4
| This text was transcribed by: | Paka Westin |
| This work is dedicated to: | Awaiaulu |
Ka Leo
John E. Bush.
Luna Hooponopono a me Puuku.
HONOLULU, JULY 12, 1892
I NA HOA HELUHELU
_______
Mamuli o ka anaoi nui a me ka makemake paulehia o ko makou mau makamaka heluhelu e lawe nei i KA LEO O KA LAHUI, e hoopuka mau ia ko lakou mau inoa hookaaa mahina iloko o ka nupepe, ka inoa o ka luna, a me ka la i hookomoia ai iloko o ka nupepa. No ka pomaikai o na makamaka, a i kume hoi e hoopilikia mau ole ia ai ko makou mau makamaka e na luna hana aapiki, ke lawe nei makou i ke koikoi o keia hana maluna o ko makou hokua, a oiai hoi, o ko makou kahua ia, o ka hooko i ka leo o ka lehulehu, o ko ke Akua leo ia, a pela makou e hooko nei a e lilo no hoi keia hoolaha i bila hookaa no ka wa e okiia ai kekahi luna hana apiki, eloaa ana ia lakou ka pepa a ke Keena i na wa a pau i makemakeia. Nolaila, e awihi ae e ka poe hookaa mua o keia mahina.
______
Waiho na Iwi i ka hohonu.
_______
Ma ke kakahiaka o ka Poakollu o ka ule i hala, ua haalele mai la kekahi haole opio i keiia ola ana, oiai oia he paaua no ka mokuahi Waimanalo, mamuli o kona piholo ana ma Kamalo, Molokai.
O ka manawa i loaa ai keia poino, o ka hora 8 no ia o ke kakahiaka nui, oiai ka moku e huli hoi mai ana no keia awa. Oiai ua oio nei e pii ana iluna o na rikini o ka kia mua no ke kii ana i kekahi piko kaula i makemakeia ua hoike ia aku iaia ka pilikia, no ka mea, e puhi ana ka makani me ka ikaika ia manawa, e hookupikipikio ana hoi i ke kai o a ia nei, e hoohalike ana i ka moku me he wahi apana pepa la, aka nae ua hoomae aku la no oia i ka pii ana iluna me ka paakiki a hiki wale i ka loaa ana iaia o ka mea i makemake ia. A oiai oia e makaukau ana no ka hoi an iho ilalo, aia hoi luli ino ae la ka moku ia manaawa, a haule koheoheo aku la oia ma ka aoao.
Ua paaa ae no oia i ke kaula, aka no ka manawa wale no, a pahu aku la oia iloko o ke kai. Ua kiloi koke ia na mea hoolana, e pili ana i ka hoopakele ana i kona ola, ua hoao pu ia iho no hoi e hoopaa ka holo o ka moku. Aka nae i ka hiki ana aku o na kokua aole ua kanaka opio la, a he oki loa aku hoi kona kino make. Ua kku mai ka Waimanalo i keia awa, me ka lono e pili ana no kona make ana.
MELE HULA
_____
Nani kaulana no home
Pua kaulana ke Miulana
Nawai e ole ko'u hoohihi
Rose Hawaii ma ka Hikina
Hikina ka la ua aike ia
Ka hana a ka mea pohihihi
Hamau ko leo rose Hawaii
Pa ka makani anu he Kiu
Kiu anu a'u i lohe iho ai
Makani hoohono o ke awakea
Aole no au i halia mua
Mahui ko alooha hui kaua
Loaaa oe ia'u ma ka hihio
Hui ai kaua ma ka makemake
Makemake no au e ike lihi
Na kihi eha o Miulana
Eha pii ana i ka minute
Kaohi malie i ka puuwai
Nawai e ole kui kahi lono
Hui Manawai me Waiehu
Hanohano Waiehu noho mai iuka
Ka huna a ka wai lia kai
Kai no ua lawa lou pulima
Hoohua ana iho ma kuu chance
Haina ka puana lei mamo
Kakuia e
MISS LIHAUPUAIKEANU,
_______
NUHOU KULOKO.
__________
I na hora a pau o keia la e ku mai ai ke Zelandia, a i ole ia o ka mokuahi Auseteralia.
________
Heaha la ka uku o kela mau haole ua huluhulu ka papa auwae e poalo nei iloko o ka Hale Ahaolelo i na Poaono a pau, e makilo ai i na balota no ke koho apa ia Lehman ma laua o Angus? Manao makou he uku kiekie ko alua no ka mea ua ike makou ia laua i kekahi manawa iluna o na moku, ma ia apana hana hookahi.
________________
Na Luna Ohi Auhau o ka 1892.
_______
Ua aponoia ka poe keonimana malalo iho nei i mau Hope Luna Auhau no keia makahiki, 1892:
OAHU.
Honolulu...............................................................................................................T.A. Lloyd
Ewa me Waianae................................................................................................S. Hookano
Waialua..................................................................................................................................
Koolaupoko No. 1................................................................................................Asa Kaulia
Koolaupoko No. 2..................................................................................................E.P. Aiku
Koolauloa..............................................................................................................L.J. Aylett
MAUI.
Lahaina.............................................................................................................David Taylor
Wailuku....................................................................................................Wm. T. Robinson
Makawao........................................................................................................David Morton
Hana......................................................................................................................J.P. Sylva
Molokai me Lanai.................................................................................................................
HAWAII.
Hilo me Hilo Akau.........................................................................................N.C. Willfond
Hamakua.......................................................................................................Chas. Williams
Kohala Hema........................................................................................Wilmot Vredenburd
Kohala Akau.....................................................................................................Eben P. Low
Kona Akau.....................................................................................................J.Kaelemakule
Kona Hema.................................................................................................Thos. H. Wright
Kau.................................................................................................................O.T. Shipman
Puna....................................................................................................................J.E. Elderts
KAUAI.
Waimea me Niihau..............................................................................................Th. Brandt
Koloa...................................................................................................................A.K. Mika
Lihue................................................................................................................J.B. Hanaike
Kawaihau..................................................................................................................S. Kaiu
Hanalei...........................................................................................................W.E. Deverill
KE KULANA O KO KAKOU MAU HUI KINIPOPO E KU NEI.
______
O k eia malao iho nei ke kulana o ko kakou mau Hui Kinipopo i keia manawa, ka nui o ka lakou paani ana, ka lakou mau paani i lanakila a me ka lakou mau paani i haule, mai ka hoomaka ana mai o keia Kau Kinipopo a uiki i keia la:
Hui Lanakila Haule Paani
Honolulu 2 4 6
Kamehameha 6 2 8
Hawaii 3 4 6
Crescent 4 4 8
HE HOOLAHA I KE AKEA.
______
E ike auanei na ano lahui a pau, e noho ana ma@@ Aupuni Hawaii, mai na kane, wahihe a me na keiki; i loaa i na ma'i o kela a me keia ano, e nane mai i ho'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke apaau i na ano ma'i a pau ma'i iloko e ka opu, hu'i ke kino, aki iloko o ka iwi, eha o ke poo, ma'iwahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oiuolu ka auhau, ke hui me ia ma na kikai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owau iho no,
DR. LEONG KENG TONG.
Helu 40, Huina o na alanui Kamika me Hotele, Honolulu, Oahu. Aug 31. 1y
OLELO HOOLAHA NO NA PUAA
_______
Ke loaa ka puaa, e hele wale ana ma kuu mau aina oia o Halawa a me Aiea e pepehi ia ana i hooko ia keia ke hala na la he umi mai keia hoolaha.
KIMO PELEKANE.
(J.I. DOWSETT.)
Honolulu, Iune 28, 1892.
june 30 1m.
Kauka Yong Kam Pung.
(APANA.)
______
Helu 53, Alanui Maunakea.
Ke Kauka Loea o ka Aina Pua!
______
Ua hiki ke hooia ia kela a me keia ane ma'i, mai ko na kane, wahine a me na keiki liilii. O na ma'i ha-no na hiki loa ia ke hoole ia me ka maalahi. A o na ma'i e pili ana i ka maka au pu ia i ke ola. Ke hoike ia aku nei, eia ke ola ia nei, me ka oluolu pu o kahi auhau. Ka poe pilikia hanau keiki a bele nui paha o ke koko a paa a lohi paha ka hanau ana, papaha o ka waiu, ehele nui mai i o'u no.
E KIPA mai e ka poe i hooluuluu ia me na haawina pilihua a ka ma'i a na'u oukou e hooluolu aku.
KAUKA YONG KAM PUNG.
Honolulu Sept. 2, 1891 d3@372
HOOLAHA HOU I E ALA, E ALA.
B.F. Ehlers & Co--PAINAI
Helu 99 Alanui Papu.
E hoolohe hou mai e na MAKAMAKA, mai no a lokoino, e hele mau mai no oukou e ike
mai no oukou e ike ia PAINAPA, no ka mea, he kanaka oia i poho a kamaaina i keia kulanakauhale.
AIA KONA HALEKUAI NA
Papale Wahine.........................................................................................................................
Kinamu Nani 8 Ia.........................................................................................................$1.00
Kalakoa Nani 18 Ia........................................................................................................1.00
E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kuukuai mua.
Na Palule $2.50 he $1.50 wale no, a o na Palule $1.50, he $1.00 wale no. Ke ike mai la oukou i ka emi loa ana.
Kupaianaha maoli keia emi naaupo ana e hele koke mai, o nele auano oukou.
B.F. EHLERS & CO
Huro! No ka La Heihei. Huro.
______
NA PAPALE O NA LEDE I HOONANAIIA
" " " " KAMALII "
" AAHU NANI O NA LEDE.
He Kuai Hoemi Kuikawa no ka la 11 o Iune, ke makamaka ana ua kahi ia
N.S. SACHS,
_____
104 Alanui Papu, Honolulu.
E hoemi ana makou i ke kumukuai o ka Makou mau PAPALE no ka la
11 O IUNE.
_______
E kokoke mai nei, ma ke kuai ana aku ma ke KUMUKUAI HAAHAA loa i ike mua ole ia mamua, eia ia makou
Na PAPALE ANO HOU LOA MAI NEI, a pela no hoi me
NA ANO HOONANI HOU O NA PAPALE
o ke ano maemae a oi loa o ka maikai, a ua loaa pu mai nei no hoi ia makou.
NA PAPALE LUINA o ke ano hou loa mai nei, nolaila, e kipa mai ma ko MAKOU Halekuai nei i ike maka, a ae huipu aku au no hoi makou i ke
KUAI HOOPAU O KA PAPALE O NA KAMALII.
Na Papale Hele Kula o na opio, he 25c wale no, oiai nae o kona waiwai io he 50 me 75 keneta.
Ina oe, e makemake i lole maikai no ka la 11 o Iune, eia ia makou kahi ia waiho ai, a ke kakali aku nei no kou kii mai.
Na Lole Hapa Kanikau i hiki ke holei ia, o ke ano Akala. Halenalena, Bolu a me Keokeo, o ke ano maikai loa a piikia ole hoi ke holoi ia, he 25 keneta wale no o ka i-a.
Na Keokeo Lihilihi Paa pu maikai loa, a ame na ano waihooluu a pau a ka manao e haakoi ae ai, e kuai ia aku ana no ke kumukuai haahaa loa.
Na Lole Keokeo a me na Lole Panio o na ano a pau i hiki ke holoiia me ka mae ole, he nui loa ia makou.
E na hoaloha e kipa e ike kumaka i ka nani o Aipo, he aie ka lohe pepeiao.
E Hoomanao, aia ke Kuai hoemi ma kahi o
--------------: N.S. SACHS:------------------
104 Alanui Papu, Honolulu