Ka Leo o ka Lahui, Volume II, Number 481, 20 June 1892 — Page 1
This text was transcribed by: | Carol Hill |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Buke II.
HE MOOLELO
-:NO KE KEIKIALII:-
AWAREDA!
a me
KA UI LEILA
o Noremadi.
(Kokauia no Ka Leo.)
MOKUNA X.
Ka aihue ia ana o Leila, a me ka i hoopakeleia ana o Diana.
E kuu kaikamahine, ka mea hookahi a’u e nana aku ai ma ke ano, o ka hauoli o ko’u mau la hope ma keia ola ana, wahi a Kamila i kamailio mai ai me ka ea ana ae o kona poo iluna, a o kona mau lima hoi elua e puili ana mamua o kona alo oiai ka waimaka o halo’ilo’i ana ma kona mau maka, iaia i hoomau mai ai penei:
E haalele kaua ia Noremadi nei no ka manwa pau ole e kuu keiki, no ka mea aole he pono iki o ko’u noonoo a kaua e noho nei.
E haalele kaua ia Noremadi nei! kahi a’u i noho ai a kuoa, a kamaaina i kena mau poai anuhea? i hoomaopopo hou mai ai o Leila me ke ano puiwa hikilele no keia koi a kona makuahine.
Ae, ua manao au pela e kuu aloha, kuu lei makamae hoi.
Aole e kala i hooholo ai ko’u uhane i keia mea, oia hoi e haalele kaua ia Noremadi nei.
Ina oe ae ana i ka’u e kuu aloha, o Enelani kahi kupono no kaua, no ka mea o Etelawolifa o Saketoua, ka Ela hoi o Susseka o Enelani, he makuakane ia nou, oiai o ko’u he makuakane ia nou, oiai o ko’u hoahanau ia, @ ua makaukau mau hoi oia e apo mai ia kaua me ka pumehana o ka piha paumako i na manawa a pau, ma ka haawi ana mai ia i na mea a pau no kaua e hooluoiu ia ai.
Ua oi aku ia i ko’u manao ana mamua o ko kaua noho ana i Noremadi nei, aole anei pela e kuu lei?
Aole anei i lawa ka kaua kiai ana i ka iwi o kou makuakane iloko o keia mau makahiki loihi e pane mai e Leila?
No keia mau ninau a ka makuahine, aole o Leila i pane aku, aka kulou iho la kona poo ilalo me ke ku’i ana o kona umauma no kana mea i aloha ai.
Aole au i ike e kuu hiwahiwa i ke kumu i lilo ai ke kaawale ana mai kau ipo aku i mea paakiki loa a hiki ole ia oe ke hooko aku.
Aka, aia kekahi mea nui e ae a kaumaha pu no hoi mawaho ae oia mea au e ike nei.
Aole anei ou manao e Laila, o ka hoao ana hana i na mea e kau mai ai ka poino a me ka popilikia maluna o ka oiwi kino nenehiwa o kau mea i aloha ai, ua oi aku ia mamua o na poino e ae a pau.
O, e ku@me, wahi a ua Leila nei i kamailio mai ai, me na helehelena kaumaha, ua hai mai oe i ka mea oiaio loa, no ka mea oia no ke mea oia no ka mea e pana nei iloko o’u.
Aka, ua haawi mai o Awareda i manaolana na’e poina ole ai.
Oiai, ua ike no oe, aole a’u ipo e ae oia wale no, a ua aloha hoi au iaia me ko’u naau a pau, i ke aloha i haawi mua ole ia e kekahi wahine no kekahi kanaka.
Ina au e make ana , e hoomanao oe, ua make au nona, no kuu mea aloha i kinohi ua manao au he mea maikai i ke aloha a ka ipo.
Aka i keia manawa, ua like au i ko’u kuhihewa.
Ina kaua e haalele ana ia. Noremadi nei, alaila, ua haalele au i ka hauoli a pau o ko’u mau la ma keia ola ana – nolaila, e hoomanawa nui no kaua.
No ka mea, o ka haalele ana i kuu Awareda elike me keia-e hookuu ana hoi i kekahi piko o ka hipuu o ke aloha a maua mai kuu puuwai aku-ua oi loa aku ia mamua o na mea a pau i hiki ia’u ke hana.
Aole au e hoole aku ana i ka hoole ana me oe e kuu makuahine aloha me na wahi a pau au i makemake ai.
Aole i pau.
HONOLULU IUNE 10, 1892
HE MOOLEIO HOONANEA
-NO-
Ebena-Lo
Ke Keiki’lii o Arabia
A ME
ROVINA.
Ka Ui a Dareba
He Nanea Kamahao no na M@ hanau he Kanalima.
A ina no hoi ua ala ae nei no ko kane mahope o kou hele ana ae nei, wahi hou a ua kanaka kalepa la i hoomau mai ai; alaila, aole oia e loaa ana ia kakou ma keia wahi koe wale no ina he aloha wahine kona aole e nalo nana no e huli ae a loaa kakou.
He mau olelo maikai, keia a ke kamaaina, aka hoi ina oia e hoi ana e like me ke kai i waihoia mai imua ona, peha hoi ka eha a loko, ua make anei oia?
A ina hoi ua make oia, aia hoi ihea kona mau iwi, i hiki ai i ua nohea nei ke hoakoakoa mai ia mau mea a pau, no ka mea ua makemake ua Rovina nei a lei ia mau mea a pau no na makahiki he nui; a ina hoi ua ola hou oia e like me ka ke kamaaina, ihea oia i heo ai, me Robine anei?
No ka mea, ma ke alo o ua Rovina nei, aole kana mea i aloha ai, aole ma ke kua, aole i ka poli, a aolo no hoi i ka piko waiolu o Kemamo.
Mahope iho o ka naau lualua ana o ua Rovina nei no hoa heopue one, a me ke kilohi hope loa ana i kahi a laua i aumeumo ho@ loa ai ma ia po i ka ulua, ae aku la oia i ke koi a kona hale kipa.
Nolaila, hoi aku la lakou a hiki i kahi o ua kanaka nei, a ua malama ua kanaka la ia Rovina me he kaikamahine la nana mai kona puhaka aku o na mea a pau a ua nohea nei e uilani ae ai, ua lawe aohe he mahenua i koe.
Ma ka po mua o ke lakou hoaumoe pu ana a mahope iho hoi o ka pau ana o ko lakou aina kakahiaka, a ano hookamaaina loa iho la hoi ua Rovina nei, hoike aka la eia i na mea a pau e pili ana no kona moolalo, me ka iniki ana ae ma ka hope loa no kana Ebana.
A i ka pau ana o kaua kamailio ano, olelo mai la kona kamaaina aole no i pau kou ano kamaaina e ke aliiwahine, mamuli o ka nui o na poino i kau aku maluna ou, a me na hoomanao poina ole ana hoi no kau kane aloha.
Aka nae o kou hana ia ka ka ipo o ke kanikau no kau mea i eha ai ka ili.
Mamuli o na mea a pau a’u i lehe mai nei mai a oe mai, ua maopopo ia u, o kau kane, o kekahi no ia o na hoike a ka moi Merano o ke kulanakauhale o Harona nolaila i noho a nui ke aloha no ke kane, e hai ia’u, a na’u oe e lawe a hiki i kahi o ua moi @o ke mea ke ole @u e kuhih@i ua kane la au ilaila.
Mai hopohopo oe i ka hoike mai i kou manawa ia’u, a aole no hoi i ka moi Morana, no ka mea aole o’u manao e hookae mai ana oia ia oe me ka hoowahawaha, aka e a pomai ana oia ia oe ke hiki aka no ka hookina pumehana ana ma kona home.
No keia mau olelo a ke kamaaina a konohiki nui hoi oia wahi, ua hoolana ia ae la ka manao kauaiaha a pilihua o ke kaikamahine alii o Dareha, a me ke kali ole ua ae koke aku la oia no ka hele ana e huli ia Ebona ma ke kulanakauhale o Harona, imua hoi o ke alo o kona makuakane ka moi Morana ma kekahi la ae.
Ma ia pu iho, akahi no a ano maha mai kona noonoo, a ua loaa hoi iaia he mau hora loihi elua i moe ai me ka maikai a ma ka papaaina oia kakahiaka, o ke aloha ipo ka mea nana i hoopiha aku kahi kakahiaka i koe o kana hokoo waiho mea ai.
I ka puu ana o ko lakou aina kakahiaka a e opiopi ana no hoi ka la ia manawa, liuliu ike la laua i ka lana huakai hele no Harona, ma ke alahele hookahi no a na keiki alii he kanaka kumamaiwa i hoi ai no ko kulanakauhale.
Ma ia la a po, a me ka wanaao o kekahi la no, hiki aku la laua i Harona me ka palekana.
Aole i pau.
Malu 481
KA HOOLAHA A EGAN & GUNN
Na Papale Ie Raiki o na Kanaka Opio
Na Papale Ie Kaleponi Kieele o na Kawalii
Na Kamaa o na Kanaka opio
“ “ “ Kawalii
Ko na Kane mea Lole a me @ Pao Lole o na opio mai ka @ pii aku.
No Hookahi wale no la a makou kuai hoop@ aku ai i hele @
wai maluna no me ke keiki ola ka Poaono, June 4, 1892.
EGAN & GUNN
Alanui Papu 100 Halepohaku o Burua. @dty.
J.T. WALAKAHAUKI
Helu 10.
ALANUI PAPU.
Kuai Hoemi Nui ma na Mahehe a pau!
E kuai Halepono ia aku ana elike me he Amerika a me he Baropa kuai ana keia mau wai-
wai malalo ike nei.
Ka Kalakea, na Kinamu,
Na Uwewa@, na @
Na Palule Keokeo o na Kane.
Na kalako Lei-ai o @
Na Lole Lole i Hookemoia mai nui,
Na Makalewa & Lako Lolo Keokeo,
Na Liki@ Eleele Farani a me ko ka
@.
Na Li@ o kela a me kou ana,
Na M@,
Na Ra@
Na Lopi @ hu@ loa,
O @ Kumukuai ma na Hale @ @
Na Muumuu Wah@
Na Ka@i a me na Mamal@
Ola no
Ma Kela Kuai nui o na Koena!
K ulolo la ana ma kahi o
J.T. Walakahauki
ALANUI PAPU.
mar 10 1 wkd.