Ka Leo o ka Lahui, Volume II, Number 440, 26 April 1892 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO

 

John E. Bush

Luna Hooponopono a me Puuku.

 

POALUA, APERILA 26, 1892

 

NAHOAKOAKOA ANA I NA MEA OIAIO O KEIA MANA WA.

MOKUNA II.

KAHIHIO MA DANIELA, 7.

            Malaila, ma kekahi kono i noonoo akahele ia e na luna kiekie loa o ka poe Kakolika a pau o ka honua, i ka la 21 o Iulai, 1870, ua hooholoia e ka 538 ae 2 kue, e kuahaua ia i ke ao holookoa aole e hewa ka pope,.  Na olelo kiekie a Dan. 7:25, i olelo ai no keia mana, kahi hao uuku nona ka maka a me ka waha, "A e olelo oia i na mea nui kue i ka mea Kiekie," - He elua mahina mai ia mau la mai, Sepat. 20, 1870, ua haawi pio aku la ke kulanakauhale o Roma i na koa o ka Moi Victor Emanuel a o ka haalele ana ia o ka hunehune hope loa o ko ka pope mana ma na mea o keia ao.  Nolaila, ka mea aku no mahope o keia i hookoke mau, oia kona hoopau ia ana e ka lapalapa o ke ahi.

            O ka elima o na aupuni o keia hihio, ke aupuni a na haipule o noho ai no ka wa pau ole, oia no kela malalo iho o ka lani holokoa, e hui puia ana no na wahi a pau o keia mau aupuni i hoike ia e na holoholona.  Nolaila o keia ua like pu no me na aupuni o Dan. 2 ka mea nana i hoopiha ka honua holookoa.  No keia kumu he mea makehewa ka olelo, o ke aupuni o Daniela 2, kahi i kukuluia i ka hiki mua ana mai o Karisto, oiai aole oia i kukula ia a mahope aku o ka pau ana o ka manawa i hoonohonohoia no ka pepala a me kona lukuia ana, - ka mea wale no o hookoia ana i ka manawa wale no o ka hiki hou ana mai o Karisto iloko o kona mana a me kon anani.  2 Tese 2:8.

 

MOKUNA III.

KA HIHIO A DANIELA 8.

            Ua aneane no e pau iloko o keia Mokuna na wehewehe ana no na hoailona o ka mokuna.  O ka hipa kane me na mea elua nona ka hao kiekie i pii hope ae, oia na hoailona o na 'lii, a aupuni paha, o Media a me Peresia, o na hao elua o hoike ana i na mahele elua o na kanaka o keia aupuni.  O ka Peresia kai pii hope mai, a e like me ke kiekie o ka hao i pii hope ae ma ke kii, pela no ke kiekie ao o kona kulana iloko o ke aupuni.  Ua hoomaka mua na kuee mawaena o ka poe Babelona a me ka poe Mekia, a no ia he kumu o Cyareres, Moi o ka poo Media, i kauoha aku ai ia Cyrus ke keiki a kona kaikuahine i marela me Cambyses, moi o Peresia pualikoa Peresia he 30,000 ka nui, a ua hoonohoia aku e Cyaxeres maluna o na pualikoa a elua o ka poe Media a me Peresia.  Ma ka lilo pio ana o Babulona, M. K. 538, ua lawe ia o Cyaxeres, (oia ka Moi Dariu ma Dan. 5:31) i koho oi ana, me ka hooponopono mana civila.  Ma kona make ana, he elua makahiki mahope iho M. K. 536, ua hoolilo oia ia Cyrus i hope nona, a ia makahiki no, i ka make ana o Cambyses, makuakane o Cyrus, na lilo hou mai la iaia ka noho'na mmoi Peresia.  Ia manawa i lilo ai keia mau aupuni i hookahi; a mamuli o keia mau hana i hookumu ia ai ka emepire o Medo-Peresia, a o ka papa-alii oi oia no ma ka lalani Peresia.  Ua hoopio aku oia ma kana mau kaua ana ma ke ano nui, i ka akau, i ke komohana a me ka hema, e like me ka hihio a Daniela, pauku 4, a hiki wale i na la o ka Moi Ahasuira, Estera; ua noho mana keia aupuni emepire maluna o hookahi haneri a me iwakaluakumamahiku mau mokuaina, mai Inia a Itiopia.

            O ke kao-kane huluhulu ua hoakaka ia no ia ma ka pauku 21, oia ka Moi o Helene (Grecia).  O ka hao nui mawaena o koua mau make, oia no kona moi mua.   

E hoike ana keia o ka olelo moi i olelo mua ia ma ke ano mua he aupuni no kona ano ma kekahi ano o ka olelo ana, a he mea ano ke olelo ae he moi oia no kekahi moi.

            O keia moi mua oia no o Alekanedero, ka Nui, no ka mea, mahope o kona hoopio ana i ka moi Peresia hope loa, ia Dariu Codomanus, ma ke kana ana ma Arabela, Okatoba 1, M. K. 331, i ike ia iho ia manawa oia ka haku o ka honua.

            Ua haki ae keia hao a eha mau hao i ulu ae ma kona wahi, he hoailona e maheleia aku ana no kona aupuni i eha mahele, ma ia hope aku.

            Ewalu makahiki mahope o ke kaua ana ma Arabela, ua kuulala ae la ke 'lii Alekanedero iaia iho i ka inu kua-holoholona ana a hiki aku i ke kiekie o ka ona ana i make ai oia i ka la 12 o Novemaba, M. K. 323, he 33 wale no ka nui o kona mau makahiki.  Ua olelo ae o Prideaux, kekahi kanaka haku moolelo, i ke koho pololei ana aku i ke ano o keia alii, ua kapa 'oia ke okipuu kelakela o ke au o kona noho ana."

            Ma ka inoa Aridana, i kapaia ia wa o Pilipo, hoahanau hanaukama o Alekandedero, a hohopa no hoi, a me na keiki a Aledkanedero, o Alekanadero E@@@ a me He@@@@, ua malama ia ke kuikahi o ka Emepire, malolo o ka noho kahumalama ana o Perdiona, no kau wahi manawa.  Aia nae aole i loihi iho ua hookaawaloia keia poe a pau, a iloko o umikumamalima makahiki mahope mai o ko Alekanedero make ana, ua mahele ia iho la kona emepire i eha mahele, mawaena o kona mau Generala nui, - Cassandar, o Maoedano a me Greece (Helene); ia Lysimachus o Thrace a me na aina o Asia e waiho la ma Hellespoint a me ka Bosphorus, ia Ptolemy, o Aigupita, Libia, Alabia, Palestine, a me Coelo Syria, a ia Sebucus o Syria a me na aina a pau o ka Hikina.  O keia mau aupuni ua kapaia, ma ka pokole, o Madeconia, Thrace, Syria a me Egypt.  Ua noomaka mai lakou aneane i ka makahiki M. K. 308.

            O kahi hao uuku he hailona ia no kekahi aupuni e mahope aku o ulu ae au i na la hope o ka noho'na moi ana o na hao eha, he alii me na helehelena hihiu, he mea ike i na ololo pohihihi, me ka luku kamahao, a e kue ana no hoi oia i ke ahi o na 'lii, a e akaoka liilii aku no hoi oia me ka lima ole.

            Aole keia hao, e like me ka hoolalau a kekahi poe o Antiochus Epiphanes, no ka mea aole oia he mea oi aku o ka nui a ikaika ke hoohalike me e aupuni o Medo-peresia a me Helena i hala aku mamua ona.  Aole no hoi oia i hoonui aku i kona kuleana, aole no hoi o kekahi o na hao kaokao, aka he hookahi wale iho no oia (ka ewalu) o na iiwakalua kumamaono moi o ka hao Syria o na hao eha o ke kao.  Aole oia i ku a kue aku i ke alii o na 'lii, (Karisto), aka ua make mua aku oia he 164 makahiki mamua o ko Karisto make ana.

            Aole keia hao he hoailona no kekahi mea e aka no kona wale no, e like me ka mookani o ka hihio ma Daniela 2 a me 7.

            Ua puka mai no o Roma mailoko ae o kekahi o na hao o ke kao kane huluhulu, iaia i hoopio ai ia Macedonia makahiki M. K. 168, a a i ka makahiki M. K. 161, ua hui pu ae me ka lahui o ke Akua ma kekahi kuikahi me ka poe Iseraela, e nana ia 1 Mac. 8; Iosephus Moo-Kahiko, b. XII, C. X., pauku 6; Predeaux, Buke II, aoao 166; a ma ia hui ana me ka lahui o ke Akua ua pili i ka olelo o ka wanana, a hoomaopopoia aku hoi o ke Kaula e puka ae ana mai ka hao e hoailona ia Macedonia.  Ua pahola aku i kana mau hoopio ana i ka hikina, ka hema, a i ka aina oluolu (Palesetine), a hoolilo ae la he mau panalaau keia mau aina iho, Syria.  M. K. 65; Palesetine, M. K. 63; Egypt (Aigupita) M. K. 30.  Ua ku a kua aku i ke alii o na alii i ke kakie ana ia Mesia maluna o ke kea.  Mamuli o Roma i laweia aku ka mohai o na la a i hoonohonoho ia'i hoi ka mea ino e hoonoonoo ai; oia hoi kela, he hoololi ko ka hoomana o ka emepira, ua hoopauia (ka mohai o na la) ka hana pagana, a o ka pope (ka mea ino hoi nana e hoonoonoo aku) kai hoonhola ao, Daniela 12:11.  He puali kai haawila iaia; ka poe lahui pouli nana i ma'i papa mai ka emepire, a hoohuli ia i ka hoomoana (pope) papala.

Aole i pau.

 

HOOLAHA. HOU

E ALA, E ALA.

B. F. Ehlers & Co.- PAINAPA.

HELU 99 Alani Papu.

MA KA HALEKUAI O PAINAPA I KEIA MANAWA. UA HOEMI HOU IHO MAKOU I NA KUMUKUAI O NA LOLE WAHINE, KANE, ME KO KAMALII.  MA KE KUMUKUAI MAKEPONO LOA.  NO KA MEA, HE WA PILIKIA KEUA NOLAILA KE KUMU O KA HOEMI NAAUPO ANA:--

Na Palule $2.50 he $1.50 wale no a o na Palule $1.50 he $1.00 wale no.  Ke ike mai la oukou i ka emi loa ana.

Kupaianaha maoli keia emi naaupo ana e hele koke mai, o pele auanei oukou.

tf         B. F. EHLERS & CO

 

Na Lako Lole Hou oke Kau

Makalii

Ku Ka Paila!  Hana ka Haawe!!

E Ohi Oe a luhi ko kino

E Weheia Ana ke Kuai Ahulau Nui o na Lole ma

KA HALEKUAI WAIPAHE O

N. S. SACHS,

            He oluolu me ka Holopono ke Kumukuai, oiai o ko makou Makia la; Nolaila o hele mai a pau i ikemaka i ka makou mau waiwai hou o kela a me keia ano, he ole ka lohe pepeiao.  E alawa iho i kekahi o ka makou mau kumukuai e hooko aku nei.

            NA LOLE KINAMU e kohu ai ka hooheheloana ma na alanui o ke kulanakauhale nei.  Na Lole Papamu o na la maka kanaka nui a me na Lole Kakaa Loloa o na ano a pau, e kaha ai ka maka o na opio o ka aoao oolea, $1.00 wala ao.  He 6 l-A

            NA LOLE MAKALENA Keokeo o na ano kikokiko a pau a ka manao o hono ae ai he makepono loa ke kumukuai, oia hoi, $1.00  He 5- I-A no

            NA LOLE HAPA SILIKA i kakau aulii o na ano a pa @ a i hiki hoi ke holoi ia me ka pilikia ole, o ke ano hou loa mai nei o keia au hou e nee aku nei, $1. wale no.  He 6 1-A no

            Na Lole Huluaipa lo-a palea o na ame a pau, pukui ana o ke kaluna @@@, a ke hoi kuwili no ka lima haha kanaka o Ma@@@@@, @@ @ i-a no $1.00 wale no.

            Na Lole Eleele Hinuhinu Paa Puni (Sateen) me ka nowelo panio mikioi ia o ke ano maikai loa.  he 1 i-a no 25 keneta.

            Na Lole Halenalena ano Hapa Kanikau, o ke ano hou mai nei i laha mua ole, a nine ole hoi ke holoiia he l i-a no 25 keneta.

            A he nui wale aku na Waiwai Hope loa a me na Paikini Hou loa i loaa mai nei ia makou, a makou hoi e kuai aku ai ma ke kumukuai haahaa lua a makepono, Ina oe e makemake i papale nou, e hele mai i o makou nei, he piha papale makou e noho aku nei, mai ko na Leda maka onaona a ko na kamalii i paa mua i ka hoonaniia i oi ae i ko kekahi mau halekuai e ae o loko nei o keia Aupuni, a nau e wae elike me kou makemake.

            Na Papale Kapu Luina i kinohinohi muaia, aohe he luhi i koe, he kau wale ae no ke poo hele ana, he $1.25 a pii aku.

            Na Papale o na Paikini a pau i hoonaniia elike me ke kahoha, na Papale i Humu lima maoliia a me na le Papale Hawaii o na ano a pau, he hapalua dala wale no ka auhau,

            E na haloha, e kipu, e ike kumaka i ka nani o Aipo, he ole ka lohe pepeiao.

N. S. SACHS

373-dti.                                                           104 Alanui Papu, Honolulu.