Ka Leo o ka Lahui, Volume II, Number 437, 21 ʻApelila 1892 — Page 3
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
KA LEO O KA LAHUI.
"E Mau ke Ea o ka Aina i ka Pono."
Ke mau nei no ka hookolo ana o ka Oihana Makai i ka mea nana i pepehi ka Pake iloko o ke kai. O ka makou e kalokalo ae nei. Moe-a imua, he moena na ka Laauloa.
Ma keia huakai aumoana mai nei a ka mokuahi Auseteralia mai Kapalakiko mai, ua malamaia he aha mele e kekahi poe maluna o ka moku, no ke kokua ana i ka Home o na Luina. O na loaa o ua aha mele la i malamaia ai, aole i emi iho malalo o ke $40, a he manaolana ko makou, eia keia puu dala i keia manawa ma ka lima o ka Puuku o ka Home Luina.
He huakai makaikai ka ka Ona Miliona me Hon. Wililaiki o Kauai ma ka Poaha o ka pule i hala, i ukaliia e na kaoo o ka ohana mahope, no ka hele ana e ike i ka pua hala onaona o Naueikekai a me ka puu kaulana o Makana, me ka halo pu ana iho i na wai anapanapa a na kupuna, me ke kilohi ana aku i ka pahu kani a Lohiaupo, a ma ka Poaono nei i huli hoi aku ai kana huakai no ka Ua Kenikeni o Lihue.
Ua loaa hou mai nei i ka halekuai Waipahe o Painapa ma ke alanui Papu, he paila nui o na lako lole hou ma keia mokuahi mai nei, a i alanui hikiwawe e loaa ai kahi kaawale o ka halekuai no ia mau waiwai hou o ka hapuku ana mai nei a ku ka puu; e kuai hoopakika mai ana lakou i keia mau la, o ka Painapa pahee mai hoi i huipuia me ka aila pahee a kena mau keiki make loa kela i ka emi a kokoke no e haawi wale.
E hoao hou aka ana makou e hoolaha i na inoa o ka poe e hookaa mua mai ana i ke ola o ka makou pepa ma ka lima o ka lakou mau luna, e like me ko makou rula maa mau, i hiki ai i kela a me keia mea hookaa mua i ka aoao i pololei a me ke kekee, o makou paha a i ole o ko makou mau luna paha, a aole no nae e nalo ke ike ole iho kekahi i kona inoa, alaila na lilo kana makana i ka iole, aole ia makou ia.
He kanakolu - kumamakahi ka nui o na ma'i hookaawale ohana, mai na kane a na wahine, i lawe ia aku no ke Panalaau Ma'i Lepera ma Molokai e ka mokuahi Lehua i ke ahiahi Poalua nei, mai ka uwapo aku o ka pa Hoomalu Limahana a luna o ka oneki o Lehua. Ua hiki pu a ma ka uwapo ka ohana a me na hoaloha o ka poe ma'i, no ka haawi ana i ko lakou aloha hou loa, a iloko o na kulu waimaka o ka ehaeha a me na kowiliwili hainaka ana mawaena o ko ka aina noi poe a mo ko ka moku, aiai ka moku e aiau ana ao kona ala moana.
O kekahi paahao mahuka mamua aku nei, ua haawi pio hou ae aia iaia iho ma ka Poalua nei iloko o ua umii ana o Kapena Tripp o Kawa. Wahi a kekahi lono e pili ana no keia Pake, ua ike maoli oia i ka nui o kona pilikia mahope iho a kona mahuka ana, oiai ua hoohala wale ia e ia kekahi mau ia ana i noho ai e Ewa me ke komo ai ole; nolaila hoomanao ae la oia i ka noho ana o na paahao ma Kawa me ka lako pono i na mea ai, nolaila ua lawe mai oia iaia iho a haawi pio hou aku iloko o na lima a Kapena Tripp.
Ua makemakeia ka poe noi hana no ka hoomaemae hou ana i ka rina poepoe o Kapiolani Paka e hele aku ia A. J. Cartwright i ke awakea o ka ia apopo. E uleu ae e ka poe makapehu hana o keia wa wi o ka aina, aohe he hewa o ka hookokoke makapo aku, malia o haule pu aku i ka lua, kani ka aka a ia kini, ke a mai la ke ahi.
HE HOIKE AKUI KA OIAIO.
Honolulu , Aperila 1, 1892.
Ke hoike nei keia, owau o ka mea nona ka inoa malalo iho, i kumu e hooia ia ai na hana kamahao a Mr. Marcus W. Lowell, a i mea hi e maopopo ai i ka lehulehu, ua lawelawe lapaau oia i ka'u wahine mare i ka makahiki 1886, mahope o ka loaa ana iaia o kekahi ma'i i oleloia he ma'i hookaawale ohana, ua lapaau eia a na oia a oi aku mamua o na mea i ike ia mawaena o na Kauka i lapaau iaia. He umi makahiki kona loohia ana i keia ma'i, a iloko o hookahi mahina, ua hoopakele o Mr. Lowell, mamuli o kona aloha i kuu wahine iloko o ia manawa.
No ka oiaio o keia, ke kau nei au i ko'u inoa.
JOHN KAHIKINA KELEKONA.
OLELO HOOLAHA!
Ke papa ia aku nei ua mea a pau aole e lawe i na Pua Amaama, na Amaama nunui a liilii, a me na i'a e ao mai na Kai o Moanalua, e paa nei ma ko'u inoa malalo o ka Palapala Sila Nui. Helu 7858, a me ke Kai o Kaliawa, e pili ana maloko o na palena i hoakakaia iloko o ka Palapala Hooiaio Palena, oia ia wahi.
S. M. DAMON.
Aperila 21, 1892. apr 21 - 1w.d.
ILIO NALOWALE!
Ua nalowale ma ka po o ka la 16 iho nei he wahi ilio Nufaunelana huluhulu kalakoa eleele me ke keokeo uuku, no ehiku pule wale no. E loaa no ka aku makana kupono i ha mea nana e hoihoi ma i na wahi ilio mahuka la ma kahi o.
E. D. TENNEY.
Kihi o alanui Lunalilo me Penesacola. Aperila 19 1w dly.
HE WATI HAULE!
Ua loaa kekahi WATI DALA ma na huina o na alanui Beritania a me Eeue, ma ke a awakea o ka Poaono la 2 o keia mahina. Ke kauoha pu ia aku nei ka mea nana keia wati e pono oia e kii koke mai, o hala auanei na la he 15, lilo loa ia'u kela wati. E uku pu mai oia i na @ o ka hoolaha ana, a e hoike @ mai lia i ka helu o ka wati a e loaa no aa iaia ma kahi o ke Kauka Palaui mawaena o ke alanui Miller a me Puowaina i na wa a pau o ka la. Owau no me ka oiaio loa.
J. W. H. K. HOLUALOA OPIO.
Mana, Honolulu, Oahu. Aper. 4, '92. Aper. 15 1w
HOOLAHA PA AUPUNI.
E ike auanei na kanaka a pau, eia ma ka Pa Aupuni o Makiki nei, kekahi hoki hele hewa. Hoki w ulaula 4 wawae eleele, he mau kiko keokeomaluna o ke kua, hao kuni, @ kuni aoao hema o ka a-i, ua ako ia ka hulu o ka huelo. O ka mea a mau mea nona keia hoki e pono e kii koke mai o hala na la he 18 e kuai kudala aku no au ke hiki aku i ka la 23 o Aperila, hora 12 o ke awakea Poaono.
D. KAOAO,
Luna Pa Aupuni.
apr. 1, t-d.
HOOLAHA PA AUPUNI.
E ike auanei na kanaka a pau, eia ma ka Pa Aupuni o Makiki nei, kekahi mau lio hele hewa. Lio a, eleele, elua wawae keokeo hope hem. Kikokiko keokeo ma ke kua, kiko keokeo ma ka lae. Hao kuni PK me kekahi hoailona ano e malalo pono ae o kela PK, uha hope akau.
Lio k. eleele, kiko keokeo ma ka lae, hookahi wawae keokeo hope ak, keokeo uuku ma ka wawae hope hem, hao kuni VII wawae hope ak. Lio w. ulaula, hookahi wawae keoko hope hem, he keko uuku ma ka wawae mua ak. hao kuni VH wawae hope hem. O ka mea a mau mea nona keia mau liho, e pono e kii koke mai, o hala na la ne 16, e kuai kudala aku no au ke hiki aku i ka la 23 o Aperila, 1892, hora 12 awakea Poaono.
D. KAOAO,
Luna Pa Aupuni.
Aperila 7, 1892. tf-d.
MAU AINA PA HALE.
He mau aina Pahale keia ma ke Alanui Makiki, a o ka poe e makemake ana i ka aina i wahi noho no lakou, e ninau mai ia.
R. W. WILIKOKI,
mar15 2wksd.
OLELO HOOLAHA.
Ke papa loa aku nei au i na ano kanaka a pau e noho ana ma keia Paeaina, aole e hoaie mai i kuu wahine mare ia ANE PAHIA ma ko'u inoa, a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai, oiai ua haalele kumu ole mai oia ia'u. Owau no me ka oiaio.
G. H. PAHIA.
Honolulu, Maraki 2, 1892. mar. 2tf.
HE HOOLAHA I KE AKEA.
E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, ma'i wahine a pela aku. Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; na makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii. Owau iho no.
DR. LEONG KENG TONG.
Helu 40, Huina o na alanui Kamika me Hotele. Honolulu, Oahu. Aug. 31. 1v.
HOOLAHA HOU!
E ALA, E ALA.
B. F. Ehlers & Co - PAINAPA.
HELU 99 Alanui Papu.
MA KA HALEKUAI O PAINAPA I KEIA MANAWA. UA HOEMI HOU IHO MAKOU
I NA KUMUKUAI O NA LOLE WAHINE, KANE, ME KO KAMALII, MA KE
KUMUKUAI MAKEPONO LOA, NO KA MEA, HE WA PILIKIA KEIA,
NOLAILA KE KUMU O KA HOEMI NAAPO ANA: -
Na Palule $2.50 he $1.50 wale no, a o na Palule $1.50, he $1.00 wale no. Ke ike mai la oukou i ka emi loa ana.
Kupaianaha maoli keia emi naaupo ana e hele koke mai, o nele auanei oukou.
B. F. EHLERS & CO
Na PaikiNi Hou Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI-
Chas. Fishels,
KIHI O ALANUI PAPU A ME HOTELE.
Ko makou halekuai hoopau nui, ma o MR CHAS. J. FISHELS la, he mau waiwai hou loa ko makou, i loaa mai nei niai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii-
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua ia, ke anapa nei ka wailiula i Mana.
E hele mai i hookahi, a hele mai no a pau loa, mai ke nui a ka liilii.
Chas. J. Fishels.
350-tfd. Halekuai alakai o na kumukuai haahaa loa.
Na Lako Lole Hou o ke Kau
Makalii.
Ku Ka Paila! Hana ka Haawe!!
E Ohi Oe a luhi ko kino
E Weheia Ana ke Kuai Ahulau Nui o na Lole ma
KA HALEKUAI WAIPAHE O
N. S. SACHS,
He oluolu me ka Holopono ke Kumukuai, oiai o ko makou Makia ia; Nolaila o hele mai a pau i ikemaka i ka makou mau waiwai hou o kela a me keia ano, he ole ka lohe pepeiao. E alawa iho i kekahi o ka makou mau kumukuai e hoike aku nei.
NA LOLE KINAMU e kohu ai ka hoohehelo ana ma na alanui o ke kulanakauhale nei. Na Lole Papamu o na la maka kanaka nui a me na Lole Kakau Loloa o na ano a pau, e kaha ai ka maka o na opio o ka aoao oolea,
He 6 I-A $ 1.00 wale no.
NA LOLE MAKALENA Keokeo o na ano kikokiko a pau a ka manao e home ae ai, he makepono loa ke kumukuai, oia hoi,
He 5 I-A no $ 1.00 wale no.
NA LOLE HAPA SILIKA i kakau aulii o na ano a pau a i hiki hoi ke holoi ia me ka pilikia ole, o ke ano hou loa mai nei o keia au hou e nee aku nei,
He 6 I-A no $ 1. wale no.
Na Lole Eleele Hinuhinu Paa Puni (Sateen) me ka nowelo panio mikioi ia o ke ano maikai loa, he 1 i-a no 25 keneta.
Na Lole Huluaipa la a palua o na ano a pau, pukui anu o ke kuluaumoe, a he hoa kuwali no ka limu kaha kanaka o Manuakepa, he 6 i-a no $1.00 wale no.
Na I ole Halenalena ano Hapa Kanikau, o ke ano hou mai nei i laha mua ole, a mae ole hoi ke holoiia he i i-a 25 keneta.
A he nui wale aku na Waiwai Hope loa a me na Paikini Hou loa i loaa mai nei ia makou, a makou hoi e kuai aku ai ma ke kumukuai haahaa loa a makepono. Ina oe e makemake i papale nou, e hele mai i o makou nei, he uha papale makou e noho aku nei , mai ko na Lede maka onaona a ko na kamalii i paa mua i ka hoonaniia i oi ae i ko kekahi mau halekuai e ae o loko nei o keia Aupuni, a nau e wae elike me kou makemake.
Na Panale Kapu Luina i kinohinohi muaia, aohe he luhi i koe, he kau wale ae no i ke poo hele ana, he $1.25 a pii aku.
Na Papale o na Paikini a pau i hoonaiia elike me ke kauoha, na Papale i Humu lima maoli ia a me ua le Papale Hawaii o na ano a pau, he hapalua dala wale no ka auhau.
E na hoaloha, e kipa, e ike kumaka i ka nani o Aipo, he ole ka lohe pepeiao.
- : N. S. SACHS : -
373-dt@ 104 Alanui Papu, Honolulu.
HOOLAHA NO KA MANAWA.
EGANA & GUNN.
ALANUI PAPU, Na Hale Hou o BURUA MA, Helu 100.
MAI A MAHOPE AKU O KA LA EKAHI O APERILA, E HOOKELE
ANA MAKOU I KA MAKOU KUAI ANA MA KE
DALA KUIKE WALE NO.
Ua makemake makou e hookaa ia na bila e aie nei ia makou ma ia wa
E hoomau ia aku no ko makou, kuai hoopau ana a hiki ka la mua o Aperila.
I loaa ai hoi he kowa kupono no na WAIWAI HOU o kela ano keia ano ke nui loa, i kupono hoi no ke Kau e Enohau ai:
Na Mikilima aulii.
Na Ribine hoohuelo.
Na Le-a'i na Silika pahee.
Na Paa Lole Huluhulu pahee o na ano like ole.
Na Kasimea o na ano a pau.
Na Paku nanahe no na moe e hoopulelo ai.
Na pale puka-aniani a me na pale puka komo, e kinikohu ai ke uana aku.
Na Paa lole hoopumehana o na kama a kakou, hai pu hoi me ka panio o na papale.
Na Papale Kapu.
Na Papale hulu.
Na Eko paa lima/
Na Paiki ili palua i kupono no ka holomoku.
Na A'ikala o na ano a pau.
Na Kakini hoopumehana, o na ano ho nui.
A PELA AKU, A PELA AKU.
HELE MAI HOOKAHI, HELE MAI ELUA, HELE MAI NO A PAU LOA, E WAE OE NOU IHO A KU I KE KOIIKOI. ALAILA HIU AE, LAWE NO A LILO.
E hele mai e ike i nakuai hoohaule nui ana a makou e kukala aku nei i ke akea:
EGANA ME GUNN.
ALANUI PAPU, HELU 100. @