Ka Leo o ka Lahui, Volume II, Number 435, 19 ʻApelila 1892 — Page 3

KA LEO O KA LAHUI.

"E Mau ke Ea o ka Aina i ka Pono."

 

            Ke pahola maikai ae la ka oluolu maluna o ke kino o ka Wiliki Nui o ke Kinau a makou i hoolaha aku ai i ka pule i hala.

 

            Ma Kalia ae nei, ma kekahi o na la o keia mahina, ua hanau mai na Mr. Kahiamoe a me kana Eva he keikikane nui nenunepu.  O ka makou pule e hooloihi ia na la o ka malihini hou.  Owai hou aku?

 

Ua pelukua hou mai no ke kulanakauhale nei o Hon. Keoni Kamaki a me kana mau malihini ma ka Poaono nei, mai ka lakou huakai makaikai awa aku nei ma na Pali Hauliuli.

 

He lawaia ka lealea nana i hoohala ia ae kekahi mau hora o ko ka Moiwahine po Poaono nei ma Waikiki, a ua hai ia mai ua loaa nui no ka ia a ka lawaia a uke 'Lii, aohe i ai'na e ka hauliuli.

 

He ahi nui ka ike ia e kekahi poe ma ka uwapo o na moku holo pili aina i ke kakahiaka Poaono nei; e a ana ilalo o Honouliuli, Ewa.  I ko makou hookolo ana nae i ka oiaio, eia ka he ahi puhi opala.

 

Ua kipa ae ka aihue ma kekahi o kela mau po aku nei maloko o ka hale hoomoamoa manu a Dr. Hai, a he heluna nui o na moa nunui nepunepu i pau i ka aihue ia a komo iloko o Ipuhao ma.

 

O na Poalua a pau ma keia mua aku, oia ka manawa kukini mau o ka mokuahi Claudine no na awa o Maui.  Nolaila, o kona la hole keia i na ale o Pailolo a hoomanao ae la makou i ke Kaulu makani hoohae o Kaula:

 

Ua koi poho ae ka haku waiwai o kekahi kaa i kekahi manuwa o k mokukaua Kapalakiko, i ka huina o $60, mamuli o ka holo naaupo ana o ua manuwa la a loaa ka poino i kona kaa me ke alanui Moi i kekahi la aku nei.

 

Ma na lona i loaa mai ia makou ma ka la Sabati nei, ua haule o Mattoon, a ua puhalahiu o Hona.  He manao nae ko makou e koho hou ia ana, no ka mea, he nui na hemahema i ike ia ma keia koho ana mai nei a laua.

 

I kekahi Pake i hoao ai e lele maihuia aku o kekahi o na kaa hapauni o ke alanui Moi ma ke kakahiaka Sabati nei, ua holoaia aku la oia a anai pu ia ka papa auwae iluna o ka alanui.  Ina paha he moewaa ko ka poi o ka ouehu no ia.

 

Ua hopuia kekahi mau pake no ka hewa pepehi kanaka, oia o Ah Sing a me Moi, O keia na pake i manaoia na laua i hahao kela keiki pake nuku iloko a ke tiniaila mahu ma Waikiki, he mau mahina loihi i hala hoe ae nei.

 

Ua huluiia ae ma ka Halewai i ka Poalima nei, he pake mahuka mai Kawa ae a i ka hiki ana i kahi o Paul Isenberg ma Wailupe, ua paa iho la i ka hopuia e ka pake hana o Paulo mahope o ko laua hakoko pu ana.

 

Ma ka auina la o ka Poahiku nei i loaa aku ai kekahi eke ukana e lana ana i ke kai ma Aina Hou na nei, a i ke kii ia ana aku a wehe ia ae, eia ka he keiki o loko, ua make.  Ma ka hoike a ke kauka, he eha la iwaho.  E hoomanao iho, o Aperila no keia, ka mahina a kamalii ike ole i ka helu po e fulu ai i kamalii heolele @pe.  E-e-p-a Eepa.

O ka ilio paha kena a Mr. E. D. Tenney a makou e hoolaba aku nei.

 

Ma ke kakahiaka Sabati nei, ua pii mai la kekahi wahi bipi ma ke alanui Nuuanu a komo ma kahi kowa haiki mahope pono o ka hale hana waimomona Crystal a me ka halepai o ka nupepa pake, hele loa ae la mahope a puka hou ma ke alanui Nuuanu mamua nei maloko mai o ka halekuai o ka pake mauka o ka hale inu rama o Sam Nowlein.  Ua alualu loloa ia ua wahi bipi nei e kekahi poe, koe aku hoi kona paa ana.  He hana oehaa ka keia wahi bipi, a heaha aku ana la ka hopena.

 

HE HOIKE AKU I KA OIAIO.

 

            HONOLULU, Aperila 4, 1892.

 

            Ke hoike nei keia, owau o ka mea nona ka inoa malalo iho, i kumu e hooia ia ai na hana kamahao a Mr. Marcus W. Lowell, a i mea hoi e maopopo ai i ka lehulehu, na lawelawe lapaau oia i ka'u wahine mare i ka makahiki 1886, mahope o ka loaa ana iaia o kekahi ma'i i oleloia he ma'i hookaawale ohana, ua lapaau oia a ua ola a oi aku mamua o na mea i ike ia mawaena o na Kauka i lapaau iaia.  He umi makahiki kona loohia ana i keia ma'i, a iloko o hookahi mahina, ua hoopakele o Mr. Lowell, mamuli o kona aloha i kuu wahine iloko o ia manawa.

            Na ka oiaio o keia, ke kau nei au i ko'u inoa.

JOHN KAHIKINA KELEKONA.

 

ILIO NALOWALE!

 

            Ua nalowale ma ka po o ka la 26 iho nei he wahi ilio Nu@aunelana huluhulu kalakoa, eleele me ke keokeo nuku, no ehiku pule wale no.  E loaa no ka uku makana kapono i ha mea nana e hoihoi mau i ua wahi ilio mahuka la ma kahi o.

            E. D. TENNEY.

Kihi o alanui Lunaliio lme Penesacola.

Aperila 19-1w dly.

 

HE WATI HAULE!

 

            Ua loaa kekahi WATI DALA ma na huina o na alanui Beritania a me Kana, ma ke awakea o ka Poaono la 2 o keia mehina.  Ke kauoha pu ia aku nei ka mea nana kela wati e pono oia e kii koke mai, o hala keanei na la he 15, lilo loa ia in kela wati.  E uku pu mai oia i na lila o ka ho laha ana, a e hoike au mai eia i ka @elu o ka wati, a e loaa no au iaia ma kahi o ke Kauka Palani mawa na o ke alanui Miller a me Puowai na i ua wa a pau o ka la.  Owau ko me ka oiaioloa.

J. W. H. K. HOLEA @OA OPIO.

[Lines unreadable]

 

HOOLAHA PA AUPUNI.

 

            E ike auanei na kanaka a pau, eia ma ka Pa Aupuni o Makiki nei, kekahi hoki hele hewa.  Hoki w ulaula 4 wawae eleele, he mau kiko keokeomaluna o ke kua, luao kuni, H kuni aoao hema o ka a-i, un ako ia ka hulu o ka hueio.  O ka mea a mau mea nona keia hoki e pono e kii koke mai o hala na la he 18 e kuai kudala aku no au ke hiki aku i ka la 23 o Aperila, hora 12 o ke awakea Poaono.

            D. KAOAO, Luna Pa Aupuni.

            apr. 1, t-d.

 

HOOLAHA PA AUPUNI.

 

            E ike anuanei na kanaka a pau, eia ma ka Pa Aupuni o Makiki nei, kekahi mau lio hele hewa.  Lio k, eleele, ehua wawae keokeo hope hem.  Kikokiko keokeo ma ke kua, kiko keokeo ma ka lae.  Hao kuni PK me kekahi hoailona ano e malalo pono ae o kela PK, uha hope akau.

            Lio k. eleele, kiko keokeo ma ka lae, hookahi wawae keokeo hope ak. keokeo nuku ma ka wawae hope hem, hao kuni VII wawae hope ak.  I io w. ulaula, hookahi wawae keoko hope hem, he keoko uuku ma ka wawao mua ak. hao kuni VH wawae hope hem.  O ka mea a mau mea nona keia mau lio, e pono e kii koke mai, o hala na la ne 16, e kuai kudala aku no au ke hiki aku i ka la 23 o Aperila, 1892, hora 12 awakea Poaono.

            D. KAOAO, Luna Pa Aupuni.

            Aperila 7, 1892.  tf-d.

 

MAU AINA PA HALE.

 

            He mau aina Pahale keia ma ke Alani Makiki, a o ka poe e makemake ana i ka aina i wahi noho no lakou, e ninau mai ia.

            R. W. WILIKOKI,

            mar15  2wksd.

 

OLELO HOOLAHA.

 

            Ke papa loa aku nei au i na ano kanaka a pau e noho ana ma keia Paeaina, aole e hoaie mai i kuu wahine mare ia ANE PAHIA ma ko'u moa, a ke papa pu ia aku nei no hoi, aole e malama iaia a o ka mea hoolohe ole i keia, alaila e hoopii ia ana lakou ma ke anawai, oiai ua haalele kumu ole mai oia ia'u.

            Owau no me ka oiaio.

            G. H. PAHIA.

            Honolulu, Maraki 2, 1892.  mai. 2tf.

 

HE HOOLAHA I KE AKEA.

 

 

            E ike auanei na ano lahui a pau, e noho ana ma ke Aupuni Hawaii, mai na kane, wahine a me na keiki; i loaa i na ma'i o kela a me keia ano, e nane mai i ko'u Keona hana, a na'u e hoopau aku i na ehaeha a ka ma'i maluna o oukou @ na makamaka, he hiki ia u ke Iapaan i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo, mapuhuna mai  i wahine a pela aku.  Mai hoololohe aku e na hoa, hele mai hookahi, hele mai elua, hele mai ne a pau loa; he oluolu ka auhau, ke hui me ia ma na kukai olelo ana; ua maka ikau wau e puhuna mai i na kono ana mai mai ua Mokupuni mai, me ka elea a me ka hikiwawe loa, he makamaka a he hualolo maikai no oukou e na Hawaii.

            Owou iho no,Helu 40,

            DR. LEONU KENG TONG.

Liehu 40, Huina o na alanui kamika me liolele.  Honolulu, Oahu.  Aug. 31.  lv

 

HOOLAHA HOU!

EALA, EALA.

B. F. EHLERS & CO. – painapa.

 

HELU 99 Alani Papa

 

MA KA HALEKUAI O PAINAPA I KEIA MANAWA.  A HOEMI HOU HIO MAKOU I NA KU MU AI O NA LOLE WAHINE.  LOA. NO KA MEA, HE WA PILIKIA KEIA, NOLAILA KE KUMU O KA HOEMI NAAUPO ANA:--

            Na Palule $2.50 he $1.50 wale no, a o ua Palule $1.50, he $1.30 wale ne.  Ke ike mai la akou i ka emi loa ana.

            Kupaimaha maoh keia emi naaupo ana e Lele koke mai, o nele auanei oukou.

            P. F. EHLERS & CO.

 

Na PaikiNi Hou

Na Paikini Hou

 

O NA ANO A PAU, E KINIKOHU AI O KE ANO AHIAHI, E LOAA NO MA KAHI—

 

Chas. Fishels,

KIHO O ALANI PAPU A ME HOTELE.

 

            Ko makou halekuai hoopau mu, ma o Mr. CHAS. J. FISHELS la, he mau wai wi hou loa ko makou, i loaa mai nei mai ka hikina mai, o na ano likeole he nui wale.  Eia ma ko makou halekuai nei na paa lole e linohau ai o ua Keonimana, a luhiehu o ua Laule, na aulii o na Kamalu--      Na KIN AMU                        Na ALAPIA

                        Na KALAKOA Malina          Na KIHEI  Silika

            NANAHE o na ano he nui     A pela wale aku.

E buea pau ia aku ana keia mau waiwai a pau imua on, sole hoi o oe wale o na

Lede kekahi, pa pu aku hoi me na keiki, nau e wae nou iho i na anoai

a kou puuwai, eia ka papa lohi o Apua ia, ke anapa nei ka wai lila i Mana.

            E hole mai i hookahi, e hele mai no a pa loa, mai ike nui a ka liilii.

            Chas. J. Fishels.

350-tfd:           Halekuai alakai o na kumukuai haahaa loa.

 

Na Lako Lole Hou o ke Kau

 

Makalii.

 

Ku Ka Paila!  Hana ka Haawe!!

 

E Ohi Oe a luhi kokino

 

E Weheia Ana ke Kuai Ahulau Nui o n aLole ma

 

KA HALEKAI WAIPAHE O

 

            N. S. SACHS,

 

            He oluolu me ka Holopono ke Kumukuai, oiai o ko makou Makia ia; Nolaila e hele mai a pau i ikemaka i ka makou mau waiwai hou o kela a me keia ano, he ole ka lohe pepeiao.  E alawa iho i kekahi o ka makou mau kumukuai e hoike aku nei.

NA LOLE KINAMU e kohu ai ka hoohehelo ana ma na alanui o ke kalanakauhale nei.  Na Lole Papamu o na la maka kanaka nui a me na Lole Kakau Loloa o na ano a pau, e kaha ai ka maka o na opio o ka aoao oolea,

He 6 I-A          $1.00 wale no.

NA LOLE MAKALENA Keokeo o na ano kikokiko a pau a ka manao e hone ae ai, ho makepono loa ke kumukuai, oia hoi,

He 5 I-A no     $1.00 wale no.

NA LOLE HAPA SILIKA i kakau aulii o na ano a pau, a i hiki hoi ke holoi ia me ka pihkia ole, o ke ano hou loa mai nei o keia au hou e nee aku nei,

He 6 I-A no     $1. wale no.

 

Na Lole Eleele Hinubinu Paa Puni (Sateen) me ka nowelo panio mikioi ia o ke ano maikai loa, he 1 i-a no 25 keneta.

Na Lole Hulunipa la-a palua o na ano a pau, pakui anu o ke kuluaumoe, a he hoa kuwili no ka limu kaha kanaka o Manuakepa, he 6 i-a no $1.00 wale no.

Na Lole Halenalena ano Hapa Kanikau, o ke ano hou mai nei i laha mua ole, a mae ole hoi ke holoiia he I i-a no 25 kaneta.

A he nui wale aku na Waiwai Hope loa a me na Paikini Hon loa i loaa mai nei ia makou, a makou hoi e kuai aku ai ma ke kumukuai haahaa loa a makepono.  Ina oe e makemake i papale nou, e hele mai i o makou nei, he piha papale makou e noho aku nei, mai ko ua Lede maka onaona a ko na kamalii i paa mua i ka hoonaniia i oi ae i ko kekahi mau halekuai e ae o loko nei o keia Aupuni, a nau e wae elike me kou makemake.

            Na Papale Kapu Luina i kinohinohi muaia, aohe he luhi i kae, he kau wale ae no i ke poo hele ana, he $1.25 a pii aku.

            No Papale o na Paikini a pau i hoonaniia elike me ke kauoha, na Papale i Humu lima maoliia a me na le Papale Hawaii o na ano a pau, he hapalua dala waie no ka auhau.

            E na hoaleha, e kipa, e ike kumaka i ka nani o Aipo, he ole ka lohe pepeiao.

:N. S. SACHS:

373dtf.                        194 Alanui Papu, Honolulu.

 

HOOLAHA NO KA MANAWA.

 

EGANA & GUNN.

 

ALANUI PAPUI Na Hale Ho o BURUA MA, Helu 100.

 

MAI A MAHOPE AKU O KA LA EKAHI O APERILA.  E HOOKE-

LE ANA MAKOU I KA MAKOU KUAI ANA MA KE DALA KIKE WALE NO.

Ua makemake makou e hookaa ia na bila e pie nei ia makou ma ia wa

 

E hoomau ia aku no ko makou, kuai hoopau ana a hiki ka la mua o Aperila.

 

I loaa ai hoi he kowa kupono no na WAIWAI HOU o kela ano keia

ano he nui loa, i kapono hoi no ke

Kau e linohau ai:

 

Na Mikilima aulii.

Na Ribine haohoeio.

Na Lei-a'i, na Silika pahee.

Na Paa Lole Huluhulu pabee o na ano like ole.

Na Kasimea o na ano a pau,

Na Paku nanahe no na moe e hooopulelo ai.

Na pale puka-aniani a me na pale puka komo, e kinikohu ai ke nana aku

Na Paa lole hoopumehana o na kama a kakou, hui p hoi me ka panio o na papale.

Na Papale Kapu.

Na Papale hulu,

Na Eke paa lima,

Na Paiki ili palua i kupono no ka holomoku,

No A'ikula o na ano a pau,

Na Kakini hoopumehana, o na ano ho ni,

A PELA AKU,           A PELA AKU.

 

HELE MAI HOOKAHI, HELE MAI ELUA, HELE MAI NO A

PAU LOA.  E WAE OE NOU IHO, A KU I KE KOIIKOI.

ALAILA HIU AE, LAWE NO A LILO.

 

E hele mai e ike i nakuai hoohaule nui ana a ma@ou e kakala.  Iku nei i ko akea:

 

EGANA ME GUNN.

ALANUI PAPU, HELLU 100.         @@-@@@