Ka Leo o ka Lahui, Volume II, Number 434, 18 ʻApelila 1892 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II                                    HONOLULU APERILA 18, 1892              Helu@

 

HE MOOLELO

:NO KE KEIKIALII:

 

AWAREDA!

a me

KA UI LEILA o Noremadi

(Kakania no Ka Leo)

MOKUNA V

Ke kii ia ana o Elevira Ame ka make ana o ka Moi Koratina

           

I hakalia no a pau keia mau olelo a ua Kaberana nei imua o ke kauka, ala ae la ka moi poino mai kona hiamoe mai, a nana ae la kona @ maka ma o a maa nei me ke ano kaumaha a ku i ke aloha.

            Haloiloi mai la kona mau waimaka, a ua kokoke maoli ua moinei e uwe ia manawa i ka nana aku; aka nae ike e mai la oia ia Kaberana e ku aku ana ma kona aoao; nolaila ua hoonalonalo wale iho la no oia i kona kaumaha, iaia i ninau mai ai

            Ua hiki mai nei ka oe?  Aole paha oe e kala mai nei?

            Ae, aohe mai nei au e kala.  Hoea ae nei no ke kii, o ko maua hele mai nei no ia.

            Oiai ke kahuna e kamaiiio ana i na olelo maluna ae, hoao ae la ua moi nei e ala me ka hooikaika ana a noho iluna, aka nae, iaia i hana ai pela, ike aku la ke kahuna i kona ano haalulu a hiki ole maoli, me he mea la na pauaho mai ka ikaika i kona mau lala; nolaila kokua pu mai la oia ma ka paa ana mahope o na Koratina nei a hiki i kona nohe pono ana iluna.

            I ka ike ana o ua moi nei ua ko kana mea i makemake ai, huli hou mai la i ke kahuna elike me keia malalo iho:

            Aole paha oe i manao mua ia oe i hele mai nei, e loaa mai ana au ia oe elike me keia au i ike iho nei ka waiho ino, ae hoohuli kanaka ka hiki?

            Aole o’u noonoo no ia mea e kuu keiki, aka, ua ike mua no au i ka pilikia e kau mai ana maluna ou.

            No ka mea, ua hoike mai o Odina ia’a i ke ahiahi nei, e hoomakaukau au i na mea e pili ana i ka’u huakai lani.

            Auwe!             pela io anei kana olelo ia oe?

            O ka’u i hahai aku la ia oe, oia no kana i hoike mai ai ia’u kana kauwa.

            No keia mau olelo a ua Kaberana nei, ua hooki koke iho la ka moi i kana nihau ana, elike me ka nui o kona make eleele malalo o ka manaoio i na hana a ua kahuna hoopunipuni nei.

            Ina au e make, e komo ana no anei au iloko o ko Odina home lani?

            Ae, ua hahai mai oia ia mau mea a pau ia’u kana kauwa, pahi a ke kahuna.

            Ina pela, e hoonani mau ia na lani!

            Me keia mau olelo pokole, hoholo mai la na eheu o ka noho malie, oiai ua moi poino nei e noho mumule ana me ka pane ole, me kona mau lima elua e lomilomi ana i kona poo, a liuliu mahope iho, kamailio hou mai la oia

            Oia no ko’u mea i hoouna aku nei i ke kanaka e kii ia oe e kuu Kaberana maikai e hele mai, no ka mea, ua ike no au aole au e ola loihi aku ana , nolaila makemake au ia oe e hele mai, oiai he hana ano nui ku;u e hoomoamoa nei iloko o’u.

            Oia anei ka mea e pili ana i ko ke Akua makemake o pili ana i ka lalani alii o Koratina ke kaulana?

            Ae, ua hai mai oe.

            Aole he pilikia no ia mea e kuu keiki, a ke ole ou e kuhihewa, aole e huna o Odina i kona makemake mai ia oe aku, e like me ka nui o kona aloha nou.

            Aole anei he pono e lohe ole ia mai kia kaua mau mea e kamailio ai e kekahi mau pepeiao o ae mawaho ae o kaua?  wahi a ka moi i ninou mai ai, me ka nana ana mai i ke kauka a me na kauwa lawelawe.

            Aole he pilikia oia mea, wahi a ke kahuna.  Manao au ua oi aku ka pono o ka lohe o kekahi poe i ka kaua mea e kamailio ai, i lilo lakou i mau hoike no ka oiaio o ka kaua mau olelo; no ka mea aole he makemake o Odina i na hana ma kahi malu, ina o hana ana kekahi mea a mau mea paha pela, e hoike no oia ma ke akea.  O ka halulu ikaika o ka hokili, oia kona leo; a o ka olapa o ke ahi uwila, oia ka weli o kona mau maka; nolaila aole he pilikia keia poe ke noho iloko nei.

 

KA MOOLELO NOONANEA

O KA EUEU

MASANERO

 

Ke Kameha’i Italia

A I OLE

O ka Lawai’a Kaulana loa Napela

MOKONA XIII

            Ka Halepule o Sana Chiara     Cosila ka opukeemoa  Isabela ma ke alo o ke Kanaka Lawaia me na kikoni olelo walohia nui ana.

            Pilikia maoli kuu poo mamuli o keia mau mea.  Wahi a ke Kanaka Lawaia e puili ana i kona poo me ka i hou aoa ae, e Isabele, e hoolohe mahope i ka’u!

            No keia mau huaolelo a ke Kanaka Lawaia, waiho hou mai la ua Isabela nei i ka nahe koni malie ai, e hookuihe ai i na mamao o ke taalawaia, i oi ae ka pahee i ko ka aila a me ka meli e kulu aweawe ana:  O oe, o oe wale no ka’u e aloha neimalalo iho o ka la, a o ka’u e uwalo aku nei ia oe, mai kipaku aku oe ia’u mai Napela aku nei, a mai hoouna hoi oe ia’u i ke kae o ka lua kuppau o ke manaolana poho wale ana a nalo aku auanei au mai a oe ae o mamao ana ma na aekai i ke ole ia e hoomaha ana i na huna kai o ke Kai Waenahonua, a o ka maha ana nae ua nalo loa ae no ia ma ke ala laula o ka noonoo, a o kuu ike ana aku i na mala pua o na aina mamao, na waipuna a me ka honi ana i na oa kupaoa o na pua a moni aku paha i ka wai onoono o na pua, hai aku au ia no, aole loa i kiki ia’u ke holoi ae i keia mau kiko me he leopadi la.

            Nolaila e kuu Masanero aloha, oa no anei oe e hai-na mai oe ia’u e Auamo hookahi i keia auamo malua na o ko’u hokua palupalu nei a e kuowa hale  i ke ala me ka waimaka a moe aku i ka opu o ka honua me ka maewaewa i ke koena o ko’u mau la e ola mau la e ola mauleule nei?  A pehea iho la oe?

            Hoomaha iho la ua Isabela nei i kana kaukau ana i ke Kanaka L@waia, a na ka ka waimaka no nae e hele, e iho maka wau ana hoi ma na papalina nohea o ua Masanero la me he omaka wai @a no ke kakahiaka maluna o na pua e he kula.

            Panoi aku la @ ke Kanaka Lawaia mahope o ka pau ana o ka ka.  Ui o Sepania, me ka hoonalonalo ana iho:

            Pela no hoi paha, aka hoi, o ko’@ moa hoi paha e makemake nei e hoouna: kou makuakane ilalila, i hooiaio ia.  @i ka makou kuahaua ana i kakauinoa ai, a pau kela mau hana, alaila e huli hoi mai no oia no kona Kakala Nuovo me ke keakea ole ia aku: aka ina oia e hana hou mai ana i ka pono ole, alaila e anai loa aku no auanei makou me ka hoopakele ole i na kupu ino a pau e muo ae ana ma ka aina.

            Aohe no he alawa ae a ua Isabela iluna, ua kuupau loa iho la no oia i na omaka wai naoa a ke kohau i hele wale a luuluu i ka waimaka o ke kaumaha.

 

MOKUNA XIV

Cosila o Hoohahani ae la        Papapau Elua i ka Upenakuu a ka Lawakua      Haunaele Ewa I ka Moae      Isabela a me Iane ua Lilo

            Ia Masanero ma e hoonipopo ana i Waialoha, ua komo koke mai ia ko Cosila mau kanaka maloko o kekahi o na hale hotele e ku kokoke mai ana a me Cosiia pu no, a imua o ka mea malama hotele, ua ninau aku la oia me ka i ana:

            Owai kou inoa?

            O ko’u inoa i kapa ia ai, o @ Capucino; me ke leha pono ana mai i kona mau make me ka hakilo pono ana mnai i ke ano o ke a kanaka.

            Wela, makemake au e haawi koke mai oe i pahu mea ai, puaa hamo,a i kaki waina o ke ano o Vesuviu           Lohe oe?

            Ae, ua lohe aku nei no hoi paha wau, ua makemake oe i pahu moa ai, i puaa hamo, i kaki waina o ke ano waina o Vesuviu.

            I kela wa koke no.  Wahi a Cosila me ka hookikina ana aku.

            Nui loa ke kumukuai o keia mau mea a pau @ i nei mai nei.

            Heaha ka pilikia o ia?  Na masanero ke poo o ka lauikanaka e uku aku ia mau dala.

            He! Aole loa e hiki peia Me ka luliiuli pu ana iho o kona poo.

            Nana pono iho la ua Cosila la i kana pu, a kau pololei aku la imua o ka mea malama hotele, a pane ae la me ke kueo:

            O Masanero, ke poo o ka lahui, nana o uku, aole anei ou lohe?  Pehea la @ i @ mai ai o kuo ia’u, me ke ike mai no oia ia’u kou ola i na wa a pau.

 

OHE HAWAII

            E loaa no ma ka @ @ kilima o HART & Co. na @ @ pono i ka kana ia papala @ peahi.  E kipa mai e ike @ @ olai he oluolu na kuka @ a he oluolu no hoi ka ahuna.

                                                Honolulu, Feb. 15, 1892

                                                          888d-@

 

Kauka Yong Kam

Pung

(APANA)

Helu @, Alanui Maunakea

Ke Kauka Loea o ka Aina Pua!

            Ua hiki ke hoola ia kela a me keia ane ma’i, mai ko na kane, wahine a oia na keiki liilii.  O na ma’i ha       ao na hiki loa ia ke hoola ia me ka maakahi.  A o na ma’i o pili ana i ka maka pau pu ia i ke ola.  Ke ho@ ia aku nei, eia ke ola ia nei, me ka oluolu pu o kahi auhau.  Ka noe pilikia hanau keiki a hele nui paha oke koko a paa a lohi paha ka hanau ana, p@ paha o ka waiu, e hele nui mai i o a ne.

            E KIPA mai e ka poe i hooluuluu ia me na haawina pili@a a ka ma’i a na’u oukou e hooluolu aku.

                                                            KAUKA YONG KAM PUNG

Honolulu Sept. 2, 1891                                                     279 d3m

 

E Kuai Hoopau Ana!

 

Na Kaa Huila Lua

a me

Ili Kaa Malalo o ke Ku mu Lilo

Ma kahi o

S. G. Schuman

Alanui Hotele kokoke i ka @ o

Alanui Papa                                                                                                     239-lwd